Денеска по брегот на Дојранското Езеро, на потегот меѓу Стар и Нов Дојран има непријатна слика за гледање, откако се појавија бела пена, мртви риби и ракови насекаде по брегот.

Како што објави МКД.МК веќе неколку часа трае обидот да се добие некаква официјална информација од надлежните институции – Државниот инспекторат за животна средина и Министерството за земјоделие, но засега нема никаква информација.

Им било беше посочено дека надлежен бил и Хидробиолошкиот завод од Охрид или Сточарскиот институт кои треба да го утврдат поморот

По наредба на јавен обвинител во тек е акција за приведување на повеќе лица, а во насока на проширување на истрагата за пожарот во Кочани, потврдуваат од Министерството за внатрешни работи и од Јавното обвинителство.

Оттаму додаваат дека надлежните институциите ќе ја информираат јавноста координирано штом бидат завршени дејствијата кои се во тек.

Медиумите објавија дека со новата акција опфатени се актуелен министер, директор и поранешни функционери и министри меѓу кои се поранешните министри за економија Беким Незири, Дритон Кучи и Ваљон Сарачини како и  актуелниот министер без ресор и поранешен директор на ДЗС, Шабан Салиу и актуелниот директор на ДЗС, Џеват Селами.

Во истрагата се вклучени и поранешниот директор на ДЗС, Аднан Џаферовски и поранешниот директор на пазарен инспекторат, Виктор Дерменџиев.

Досега, за трагедијата во т.н. кабаре во Кочани, локалното Основно јавно обвинителство отвори истрага против вкупно 27 физички и три правни лица.

Во пожарот во дискотеката „Пулс“ во Кочани што се случи изутрината на 16 март, животот го загубија 61 лице, а близу 200 беа повредени.

Се проширува истрагата за Кочани. Според најновите информации на порталот Курир опфатени се актуелен министер, директор и поранешни функционери и министри.

ОЈО ја проширува истрагата за Кочани, велат нивните извори. По наредба на надлежен обвинител БЈБ на МВР ги обезбедува за истрагата актуелниот министер без ресор и поренешен директор на ДЗС Шабан Салиу и актуелниот директор на ДЗС Џеват Селами.

Опфатени во истрагата се и поранешните министри за економија уште од минатата влада на ВМРО-ДПМНЕ и ДУИ Беким Незири, Дритон Кучи и Ваљон Сарачини, поранешниот директор на ДЗС Аднан Џаферовски, поранешниот директор на пазарен инспекторат Виктор Дерменџиев… Опфатени се и повеќе поранешни функционери.