Светот на модата се простува од Луси Марковиќ, хрватско-австралиска манекенка која починала на 27-годишна возраст по долга и тешка борба со болест.

Луси ја изгубила битката после серија процедури за лечење артериовенската малформација (АВМ) во мозокот, состојба која предизвикува ненормално формирани крвни садови кои можат да пукнат и оштетат мозочното ткиво.

Нејзината партнерка Каро напишала на Инстаграм: „Бевме со неа кога замина, нека почива во мир.“

По веста за нејзината смрт, агенцијата Elite Model Management оддаде почит, нарекувајќи ја „блескава ѕвезда“ со „извонреден хумор“. „Насмевката и смеата на Луси можеа да осветлат соба. Моделингот беше едно од нејзините соништа и чест ни беше да бидеме дел од нејзиното патување“, се наведува во соопштението.

Донатела Версаче се првата која се простила од Луси на Инстаграм, напишувајќи: „Ужасно ми е жал поради Луси Марковиќ. Почивај во мир, убава девојка.“

Одделот за внатрешна контрола, криминалистички истраги и професионални стандарди при Министерството за внатрешни работи до надлежното Основно јавно обвинителство Куманово, поднесе кривична пријава против М.П. поради постоење основи на сомнение за сторено кривично дело „несовесно работење во службата“ по член 353-в став 4 од Кривичниот законик. Пријавената М.П. – референт за управни работи во Одделение за управни работи Куманово, на 20.12.2024 извршила продолжување на регистрација на приколка „тирсан“ и  на патничко возило „шеворлет калос“ и покрај тоа што не биле исполнети законски пропишаните предуслови за продолжување на регистрацијата, односно двете возила немале поминато технички преглед. Исто така, на 27.12.2024 пријавената извршила продолжување на важноста  на регистрацијата на патничко возило „опел корса“ и покрај тоа што подносителот на барањето не приложил важечка лична карта, односно приложил истечена лична карта, што е и еден од условите за регистрација на возило. Продолжувањето на регистрацијата, М.П. го извршила во периодот кога користела боледување. Одделот за внатрешна контрола, криминалистички истраги и професионални стандарди против М.П. поднесе предлог за поведување на постапка за кршење на работниот ред и дисциплина и изрече задолжителна мерка за отстранување на работно место-суспензија до завршување на дисциплинската постапката. 

На 10.04.2025 во Скопје од слобода биле лишени З.Н.(55), Р.Т.(55) и С.М.(37), тројцата од Скопје, кои биле барани по централни потерници врз основа на судски наредби за издржување затворски казни.
Полициски службеници од Секторот за меѓународна полициска соработка – Отсек потраги го лишиле од слобода З.Н. затоа што бил баран за издржување казна затвор од две години за сторено кривично дело по член 236 став 1 од Кривичниот законик. Полициски службеници од Полициската станица Кисела Вода го лишиле од слобода Р.Т. затоа што бил баран за издржување казна затвор од 10 месеци за сторено кривично дело по член 300 став 1 во врска со член 297 од Кривичниот законик. Додека, полициски службеници од Одделенијата за криминалистички работи Ѓорче Петров и Кисела Вода го лишиле од слобода С.М.за издржување затворска казна за сторено кривично дело по член 202 став 1 од Кривичниот законик.
Лицата биле спроведени во Казнено – поправните установи Затвор Идризово и Затвор Скопје за издржување на казните.