Воздушни снимки откриваат егзекуција на украински војници од страна на руските сили во Пјатихатки.

Воздушни снимки откриваат тешки сцени од селото Пјатихатки во јужна Украина, каде четворица украински војници, со кренати раце, излегуваат од уништена куќа и легнуваат на земја во знак на предавање. Над нив стојат вооружени руски војници.

Два дрона – еден украински и еден руски – ја регистрирале ситуацијата. Според анализа на „Асошиетед прес“ и Британскиот центар за информативни истраги (ЦИР), руската снимка прекинува во моментот кога заробените сè уште се живи, додека украинскиот дрон го документира нивното погубување од непосредна близина.

„Ова е едно од најјасните незаконски убиства што сме ги анализирале“, изјави Роло Колинс од ЦИР. „Не се работи за борбена ситуација, туку за ладнокрвна егзекуција.“

Според европски извори, инцидентот се случил на 13 март. На снимката се гледа како руските војници прво ги проверуваат заробените, по што пристигнуваат уште двајца, комуницираат преку радио и започнува систематско погубување – секој украински војник е убиен еден по еден.

Украинската 128. бригада, која ја снимила сцената, одби да коментира поради отворена истрага. Украинската служба за безбедност го потврди случајот и го води како можно воено злосторство.

Според официјалните украински податоци, од почетокот на руската инвазија досега се документирани најмалку 245 случаи на егзекуции на украински заробеници – што, според обвинителите, укажува на систематска и организирана пракса од страна на руските сили.

Погледнете го видеото во продолжение:

-4 servicemen of the 128th Mountain Brigade. TWK. Piatykhatky, March 13. pic.twitter.com/hF4ghOO8f2

— Niebla de Guerra (@NieblaGuerra) April 10, 2025

Соочени со можноста од руска агресија, земјите од НАТО го засилуваат теренското планирање со изготвување на воени карти со правците на можните руски напади, јавија денеска западните медиуми.

Најангажрана во ова е фанцуската армија, која во соработка со романската картографска агенција, изработува тридимензионални мапи за потенцијалните боишта, особено околу Карпатите.

Картите вклучуваат„високи точки“, воено релевантни објекти како водени или црковни кули што можат да служат како ориентација за артилеријата. Исто така се означуваат патеки за техника и структури што не се прикажани на цивилни мапи. Се дознава дека дел од теренот се снима и со дронови и специјализирани возила со лидари,

Истовремено, источните членки на НАТО активно ја зајакнуваат одбраната, бидејќи нивните разузнавачи и воени сили предвидуваат дека Русија би можела да биде подготвена да нападне членки на алијансата за неколку години. Според нив, веројатноста за тоа може да се зголеми доколку се постигне мировен договор во Украина, што би ѝ овозможило на Русија да се пренаоружа и подобро да ја подготви својата армија. Полска, Литванија, Летонија, Естонија и Финска – се подготвуваат да ја напуштат Конвенцијата од Отава за да ги заминираат своите граници кон Русија и Белорусија.

ЕУ веќе одвои 170 милиони евра за заштита на источните граници и 800 милијарди евра за пренаоружување на армиите во регионот.

Германија и Велика Британија ветуваат засилена воена поддршка за Украина: Порака до Москва дека борбата продолжува. Следува воена помош во вредност од 21 милијарда евра?

Германија и Велика Британија испратија силна порака до Русија дека Украина ќе продолжи да се брани благодарение на поддршката од западните сојузници.

Двете земји првпат копретседаваа со состанокот на т.н. Рамштајн група, составена од околу 50 држави кои обезбедуваат воена помош за Украина.

Германија најави дека ќе ѝ испорача на Украина одбранбен систем IRIS-T со околу 300 ракети, додека Велика Британија, заедно со Норвешка, ќе финансира радарски системи, противтенковски мини и стотици илјади дронови.

Состанокот се одржа во седиштето на НАТО во Брисел, а САД, кои досега го водеа форматот, привремено го препуштија претседавањето на Британија и Германија. Европските сојузници соопштија дека ќе обезбедат дополнителна воена помош во вредност од 21 милијарда евра.

Германскиот министер за одбрана, Борис Писториус, истакна дека агресијата на Русија не покажува знаци на повлекување. „Мораме да прифатиме дека мирот во Украина засега е недостижен. Но, ќе се погрижиме Украина и натаму да има корист од нашата заедничка помош“, рече тој.

Британскиот министер за одбрана, Џон Хили, ја оцени 2025 година како клучна во украинската борба против руската инвазија. „Сега е пресуден момент. Испраќаме порака до Украина: стоиме со вас во оваа борба и ќе останеме со вас и кога ќе дојде мирот“, порача Хили.

Американскиот министер за одбрана, Пит Хегсет, присуствуваше на состанокот преку видеоврска, додека украинскиот претседател Володимир Зеленски исто така се обрати виртуелно.

Инаку, американската администрација на претседателот Доналд Трамп го смени пристапот кон Рамштајн групата, фокусирајќи се на дипломатски притисок за постигнување прекин на огнот и укинување на изолацијата на Москва. Во моментот, во Русија се наоѓа и специјалниот пратеник на Трамп, Стив Виткоф, кој можно е да се сретне со рускиот претседател Владимир Путин.

Одбранбениот систем IRIS-T, кој Германија ќе го достави, е еден од клучните елементи во украинската противвоздушна одбрана. Системот е способен да пресретне дронови, авиони, хеликоптери и крстосувачки ракети на далечина до 40 километри и висина до 20 километри. Со својата прецизност, веќе одигра значајна улога во заштитата на урбаните средини и инфраструктурата во Украина.