Со новата енергија што ја носи вторникот, многу хороскопски знаци ќе почувствуваат потреба од промени, внатрешна рефлексија или обнова на личните односи. Еве што ви подготвуваат ѕвездите:

Овен

Денес вашите емоции ќе бидат премногу очигледни – сè што мислите, ќе се чита на вашето лице. Без разлика дали се работи за гнев или љубов, немојте да се обидувате да се криете – искреноста ќе биде најсилниот ваш сојузник.

Бик

Вашата продуктивност е на врвот, но внимавајте – не мора секоја капка енергија да се потроши веднаш. Вистинскиот успех доаѓа со мудро темпирање и оптимизација на обврските.

Близнаци

Денешниот ден ве става во улога на координатор. Ќе мора да ги организирате другите, но и себе. Само преку правилна распределба на задачите ќе постигнете позитивни резултати.

Рак

Желбата за промена ве води напред. Не се плашете да направите нов чекор, дури и ако тоа значи излегување од зоната на комфор. Денес имате моќ да влијаете врз секој аспект од вашиот живот.

Лав

Ќе чувствувате силна потреба да бидете од корист. Вашата великодушност е инспирација за околината – денес добрината се враќа со камата.

Девица

Внимавајте на зборовите. Иако сте директни по природа, денешниот ден носи зголемена чувствителност кај другите. Бидете дипломатски настроени и емпатични.

Вага

Денес може да ве изненади поддршка од неочекувани луѓе, додека блиските пријатели ќе ве остават во дилема. Не им замерувајте – некогаш универзумот само сака да нè научи лекција.

Скорпија

Ја чувствувате возбудата на нешто ново, но сè уште не е време за дејствување. Планирајте, анализирајте, подгответе се – вашата авантура наскоро ќе започне.

Стрелец

Разбирањето на другите ќе биде предизвик. Немојте да се вовлекувате во конфликти – дистанцирањето и одредено ниво на толеранција ќе ви го зачуваат мирот.

Јарец

Вашето влијание врз другите е силно. Привлекувате внимание каде и да се појавите – прашањето е дали сте подготвени да го носите тој товар. Денес внимавајте на кого му го подарувате своето време.

Водолија

Денеска расправиите нема да имаат добар исход. Наместо да трошите енергија на објаснувања, задржете ја силата за поважни предизвици што доаѓаат.

Риби

Очекувајте ден исполнет со внатрешни борби. Ќе се соочите со спротивставени емоции, како во вас, така и кај луѓето околу вас. Останете прибрани и доверете се на интуицијата – таа нема да ве изневери.

Тефлонските садови ослободуваат милиони микропластични честички при готвење и миење.

Секојдневно се користат во кујна, но новото истражување открива дека нелепливите садови, особено оние обложени со тефлон, можат да испуштат милиони микропластични честички – дури и без видливо оштетување.

Австралиски научници од Универзитетот во Њукасл, предводени од д-р Ченг Фанг, утврдиле дека само една пукнатина на тефлонски сад може да ослободи околу 9.100 пластични честички. На микроскопско ниво, бројот е уште повпечатлив – дури 2,3 милиони микропластика и нанопластика може да се ослободат при користење оштетен сад.

Во студијата се тестирани шест различни видови нови и веќе користени тенџериња и тави, симулирајќи услови на готвење и миење, без додавање храна или масла. Во тестовите биле користени метални лажици, клешти за скара и дрвени лажици – вообичаени алатки во секое домаќинство. Истражувачите откриле дека честички се ослободуваат и од садови кои не покажуваат очигледни знаци на оштетување.

Тефлонот, синтетичка пластика составена од јаглерод и флуор, е познат по својата отпорност и ниско триење. Сепак, тој е дел од групата PFAS (пер- и полифлуороалкил супстанции), кои се нарекуваат и „вечни хемикалии“ поради тоа што речиси не се разградуваат – и во животната средина, и во човечкото тело. PFAS може да предизвикаат сериозни здравствени последици.

Овие хемикалии се присутни во илјадници производи од секојдневието – од облека и садови, до земјиште, воздух и вода. Луѓето најчесто доаѓаат во контакт со нив преку консумација на контаминирана храна и вода, користење производи што содржат PFAS или преку вдишување на загаден воздух.

Како лесно да се ослободите од крлеж со помош на масло од нане?

Со доаѓањето на потоплите денови, сè повеќе луѓе го поминуваат времето во природа – на излети, прошетки или планинарења. Но, со убавото време доаѓа и една непријатна појава: појавата на крлежи.

Овие мали паразити може да бидат преносители на опасни заболувања, како што се лајмската болест (предизвикана од бактеријата Borrelia burgdorferi) и вирусот на крлежен енцефалитис. Затоа е од клучна важност крлежот да се забележи и отстрани што е можно побрзо, без нагло влечење или оштетување.

Познато е дека крлежите цврсто се прицврстуваат за кожата, што честопати ги тера луѓето да посегнат по пинцети или да бараат медицинска помош. Но, според д-р Џенин Боуринг, постои едноставен и природен начин да ги отстраните – а сè што ви е потребно, веројатно веќе го имате дома.

Масло од нане – природен непријател на крлежот

Докторката советува дека со помош на обично памучно стапче за чистење уши и неколку капки масло од нане, може лесно и безболно да се отстранат крлежите.

Доволно е нежно да се нанесе малку масло околу местото каде што се наоѓа крлежот. Овој мирис им е неподнослив, па често реагираат така што сами се одлепуваат од кожата по неколку секунди.

Откако крлежот ќе се одвои, важно е внимателно да се отстрани и да се фрли, по можност во затворен сад или кесичка. Местото на убодот се дезинфицира и се следи во следните денови. Доколку се појави црвенило, треска или други симптоми, неопходно е веднаш да се побара лекарски совет.

Оваа едноставна метода е практично решение, особено кога сте на излет или немате веднаш пристап до здравствена установа. Секако, најдобар пристап е превенцијата – носете светла облека, проверувајте ја кожата по престој во природа и користете репеленти.