Техмена најде своја двојничка за да го спаси бракот: „Љубовта понекогаш бара нестандардни решенија“

Кога љубовта се соочува со криза, понекогаш решението се крие во неочекувани потези. Таков е случајот со Техмена Квинтана, која откако дознала дека нејзиниот сопруг Брајант ја изневерува, решава наместо да стави крај – да отвори ново поглавје.

Во обид да го спаси својот тригодишен брак, таа му предложила отворена врска, со јасна намера: да го задржи мажот кој, како што вели, го сака до крајот на животот.

„Порано не беше верен, но ако сакаш некого, треба да направиш сè за да успее. Сакав да му го дадам она што го прави среќен“, изјави Техмена во документарната емисија Love Don’t Judge.

Барање по сопствена слика

Техмена отишла чекор понатаму – почнала да бара двојничка која наликува на неа. Причината? Не само да му удоволи на вкусот на Брајант, туку и да се осигура дека новата личност ќе биде прифатена и од неа.

Нејзината потрага ја довела до австралиската манекенка Кирија Џонсон – речиси нејзина идентична копија. И двете имаат сличен стил, фигура и дури носат иста облека кога излегуваат, поради што луѓето често ги прашуваат дали се сестри или близначки.

Од пријателство до трио

„На почетокот бевме само пријателки, но хемијата брзо нè повлече во нешто повеќе“, открива Кирија. Денес, таа неформално е дел од нивниот брак, а тројцата делат и заеднички кревет.

Техмена признава дека не чувствува љубомора, бидејќи Кирија изгледа речиси идентично како неа, а нивната блискост само го зацврстила односот со Брајант.

„Таа беше алката што недостасуваше. Ни донесе стабилност и блискост која претходно ни недостасуваше“, вели Техмена.

Денес, Техмена и Кирија дури имаат заеднички профил на OnlyFans, каде објавуваат провокативна содржина, притоа одржувајќи го интересот и љубовта во врската жива – но на свој, неконвенционален начин.

Брајант, пак, е воодушевен од динамиката и вели дека откако Кирија се приклучила, повеќе нема потреба од афери – сè што сака, веќе го има дома.

Кошмар со комшијата: Плаќаат кирија за гаража, но не можат да ја користат

Љубезноста кон комшиите често е вреднувана доблест, но понекогаш добрата волја може да се претвори во вистински проблем – како што покажува искуството на една млада жена која на социјалната мрежа Reddit ја сподели својата фрустрација со комшија кој узурпира дел од имотот што не е негов.

Жената живее со својата мајка и сестра во изнајмен стан кој се наоѓа над гаража што, според договорот за наем, им припаѓа. Но, уште при првиот преглед на имотот, не им било дозволено да ја видат внатрешноста на гаражата – бидејќи, како што им било кажано, комшијата таму држел свои работи.

Се надеваа дека ќе добијат пристап откако ќе се вселат, но наместо тоа, се нашле во апсурдна ситуација – мораат да бараат дозвола од соседот за да влезат во гаражата која ја плаќаат.

„Мојата мајка мораше да бара дозвола за да провери бојлерот во зима. Гаражата беше преполна со ѓубре и лични предмети од комшијата и неговото семејство. Не можеш ни да се поместиш внатре“, напиша таа во својата објава.

Освен тоа, комшијата постојано ја користи гаражата, влегува и излегува гласно, а неговите деца трчаат и викаат, што сериозно ѝ го отежнува студирањето од дома. „Ова трае со години. Невозможно е да се концентрирам.“

Ситуацијата дополнително се комплицира со фактот што комшијата паркира два автомобили пред самата гаража, што ја прави невозможна употребата на истиот простор. Жената и нејзината сестра, кои сѐ уште учат да возат, не можат да ги паркираат своите автомобили, ниту пак нивни гости имаат каде да остават возило.

Иако гаражата е наведена како дел од изнајмениот имот, жената сега е во дилема – дали навистина имаат целосен пристап до неа или изнајмувачот има различни договори во позадина. Многу корисници на Reddit ја советуваа да стапи во контакт со управата на имотот и да побара комшијата да ги отстрани своите работи, при што би му се дал и конкретен рок.

„Доста е со прашања и дозволи – тоа е ваш простор, а не негов. Ако не реагира, имајте план Б: изнесете му ги работите и направете го тоа јасно непријатно“, пишува еден од коментаторите.

Друг совет беше мајката да го провери договорот и формално да побара од соседот да ги исели своите работи, со краен рок. „Ако плаќаш за нешто што некој друг го користи – и уште те попречува – тоа е сосема неприфатливо“, резимираше друг корисник, пишува Најжена.рс

Доктори алармираат: Прскањето со масло за готвење пред сончање е рецепт за катастрофа

Иако звучи неверојатно, се уште има луѓе кои веруваат дека маслото за готвење може да биде „природно“ решение за побрзо потемнување на сонце. Експертите за нега на кожа, сепак, предупредуваат: оваа практика е исклучително опасна и може да доведе до сериозни повреди на кожата.

Причина за најновото предупредување беше видео објавено од 22-годишната Courts Ingham на TikTok, каде таа го нарекува сончогледовото масло „трик за совршен тен“. Во видеото, таа се прска со масло по нозете додека се сонча и тврди дека резултатот бил вреден.

Неколку дена подоцна, Ingham сподели фотографија со благи изгореници на кожата, но остана на ставот дека „знаела што прави“. „Ако премногу болеше, ќе го измиев“, изјави таа, несвесна за сериозноста на потенцијалната штета.

„Дерматолозите плачат“ – јавноста згрозена, докторите алармираат

Корисниците на социјалните мрежи остро реагираа. „Поради вакво нешто завршив во болница, внимавај“, напиша една следбеничка. Друг коментар гласеше: „Ова е лудост. Дерматолозите сега плачат.“

Лекарите истакнуваат дека ваквите методи потсетуваат на тренд од 1970-тите, кога луѓето користеле масло за готвење, бебешко масло или кокосово масло како замена за заштитна крема. Иако свеста за опасноста од УВ-зрачење денес е поголема, се чини дека некои трендови повторно се враќаат – на штета на здравјето.

Според д-р Софи Момнен од Cadogan Clinic, оваа постапка е „застрашувачка“. „Маслата за готвење не се за надворешна употреба, особено не на силно сонце.

Тие дејствуваат како лупа – го засилуваат дејството на УВ-зраците и го зголемуваат ризикот од сериозни изгореници, оштетување на кожата и клеточни мутации“, предупредува таа.

Нема „безбедно сончање“, велат дерматолозите

Д-р Рос Пери, медицински директор на Cosmedics Skin Clinics, потсетува дека дури и едно тешко изгорување може драстично да го зголеми ризикот од рак на кожа. „Со прскање масло за готвење на кожа директно изложена на сонце се ризикуваат не само изгореници, туку и потенцијално фатални последици, вклучувајќи и топлотен удар“, истакнува тој.

И двајцата лекари советуваат користење на крема за сончање со заштитен фактор од најмалку SPF 30, избегнување на сонце во периодот меѓу 11 и 17 часот, и игнорирање на опасни TikTok трендови.

„Ставете ја безбедноста на прво место. Користете соодветна заштита, барајте сенка и не си играјте со сопственото здравје за неколку нијанси потемен тен“, заклучува д-р Момнен.