ОВЕН

Мислеше дека си финиширал со една обврска, но денес – изненадување. Ќе мора да се вратиш назад и да го довршиш. Внимавај како се однесуваш со претпоставените – може да им засмета твојата лежерност. Во љубовта – премалку време, премногу обврски.

БИК

Сметаше дека ќе ти оди полесно, но реалноста те спушта на земја. Добрата вест? Со малку труд – ќе го завршиш планираното. Во љубовта – копнееш по промена, нешто ново и возбудливо.

БЛИЗНАЦИ

Имаш позитивна енергија, иако неколку ситуации ќе те испровоцираат. Партнерот те сака покрај себе, но имаш и друг повик од пријател… Тешко е да угодиш на сите – некој ќе се налути.

РАК

Денес добиваш задачи како на трака. Организирај се добро за да не се изгубиш во сè. Во љубовта, љубомората од партнерот ти пречи, ама и натаму избегнуваш сериозен разговор.

ЛАВ

Работата ќе ти одземе повеќе време отколку што очекуваше. Планираните активности ќе мора да почекаат. Една личност добива суптилни сигнали од тебе – и тоа не поминува незабележано.

ДЕВИЦА

Сѐ што си замислил – ќе завршиш. Можна е помош од колега, што ќе ти го олесни денот. Можеби ќе мораш да исполнуваш некое ветување наместо да се видиш со партнерот.

ВАГА

Комуникацијата на работа не оди баш мазно. Разликите не се длабоки, ама доволни за нервоза. Сакаш да видиш некого, но не се разочарувај ако не ви се поклопат плановите.

ШКОРПИЈА

Нервозата ќе те следи во позадина, особено околу обврските. Не влегувај во туѓи расправии – не вреди. Во љубовта – делуваш оддалечено, можеби и сам не знаеш што сакаш денес.

СТРЕЛЕЦ

Планираше многу, но деловните ситуации нема да ти дадат лесен ден. Плус – грижа околу трошоци. Во љубовта, страста е во прв план – и тоа не е лошо воопшто.

ЈАРЕЦ

Чудно си нерасположен, а реално – нема причина. Работите се стабилни. Но, во љубовта – љубомора, контрола и посесивност ти се вртат во глава. Дај си малку простор за размислување.

ВОДОЛИЈА

Некој од работа не држи до зборот – и те фаќа фрустрација. Во меѓувреме, некој колега покажува интерес за тебе. Те интригира, но не си баш сигурен каде води тоа.

РИБИ

Иако си незадоволен од моменталната ситуација на работа, се трудиш да останеш над сето тоа. Во љубовта – сè е на свое место. Партнерот се труди да ти ја подигне енергијата – и успева.

Техмена најде своја двојничка за да го спаси бракот: „Љубовта понекогаш бара нестандардни решенија“

Кога љубовта се соочува со криза, понекогаш решението се крие во неочекувани потези. Таков е случајот со Техмена Квинтана, која откако дознала дека нејзиниот сопруг Брајант ја изневерува, решава наместо да стави крај – да отвори ново поглавје.

Во обид да го спаси својот тригодишен брак, таа му предложила отворена врска, со јасна намера: да го задржи мажот кој, како што вели, го сака до крајот на животот.

„Порано не беше верен, но ако сакаш некого, треба да направиш сè за да успее. Сакав да му го дадам она што го прави среќен“, изјави Техмена во документарната емисија Love Don’t Judge.

Барање по сопствена слика

Техмена отишла чекор понатаму – почнала да бара двојничка која наликува на неа. Причината? Не само да му удоволи на вкусот на Брајант, туку и да се осигура дека новата личност ќе биде прифатена и од неа.

Нејзината потрага ја довела до австралиската манекенка Кирија Џонсон – речиси нејзина идентична копија. И двете имаат сличен стил, фигура и дури носат иста облека кога излегуваат, поради што луѓето често ги прашуваат дали се сестри или близначки.

Од пријателство до трио

„На почетокот бевме само пријателки, но хемијата брзо нè повлече во нешто повеќе“, открива Кирија. Денес, таа неформално е дел од нивниот брак, а тројцата делат и заеднички кревет.

Техмена признава дека не чувствува љубомора, бидејќи Кирија изгледа речиси идентично како неа, а нивната блискост само го зацврстила односот со Брајант.

„Таа беше алката што недостасуваше. Ни донесе стабилност и блискост која претходно ни недостасуваше“, вели Техмена.

Денес, Техмена и Кирија дури имаат заеднички профил на OnlyFans, каде објавуваат провокативна содржина, притоа одржувајќи го интересот и љубовта во врската жива – но на свој, неконвенционален начин.

Брајант, пак, е воодушевен од динамиката и вели дека откако Кирија се приклучила, повеќе нема потреба од афери – сè што сака, веќе го има дома.

Кошмар со комшијата: Плаќаат кирија за гаража, но не можат да ја користат

Љубезноста кон комшиите често е вреднувана доблест, но понекогаш добрата волја може да се претвори во вистински проблем – како што покажува искуството на една млада жена која на социјалната мрежа Reddit ја сподели својата фрустрација со комшија кој узурпира дел од имотот што не е негов.

Жената живее со својата мајка и сестра во изнајмен стан кој се наоѓа над гаража што, според договорот за наем, им припаѓа. Но, уште при првиот преглед на имотот, не им било дозволено да ја видат внатрешноста на гаражата – бидејќи, како што им било кажано, комшијата таму држел свои работи.

Се надеваа дека ќе добијат пристап откако ќе се вселат, но наместо тоа, се нашле во апсурдна ситуација – мораат да бараат дозвола од соседот за да влезат во гаражата која ја плаќаат.

„Мојата мајка мораше да бара дозвола за да провери бојлерот во зима. Гаражата беше преполна со ѓубре и лични предмети од комшијата и неговото семејство. Не можеш ни да се поместиш внатре“, напиша таа во својата објава.

Освен тоа, комшијата постојано ја користи гаражата, влегува и излегува гласно, а неговите деца трчаат и викаат, што сериозно ѝ го отежнува студирањето од дома. „Ова трае со години. Невозможно е да се концентрирам.“

Ситуацијата дополнително се комплицира со фактот што комшијата паркира два автомобили пред самата гаража, што ја прави невозможна употребата на истиот простор. Жената и нејзината сестра, кои сѐ уште учат да возат, не можат да ги паркираат своите автомобили, ниту пак нивни гости имаат каде да остават возило.

Иако гаражата е наведена како дел од изнајмениот имот, жената сега е во дилема – дали навистина имаат целосен пристап до неа или изнајмувачот има различни договори во позадина. Многу корисници на Reddit ја советуваа да стапи во контакт со управата на имотот и да побара комшијата да ги отстрани своите работи, при што би му се дал и конкретен рок.

„Доста е со прашања и дозволи – тоа е ваш простор, а не негов. Ако не реагира, имајте план Б: изнесете му ги работите и направете го тоа јасно непријатно“, пишува еден од коментаторите.

Друг совет беше мајката да го провери договорот и формално да побара од соседот да ги исели своите работи, со краен рок. „Ако плаќаш за нешто што некој друг го користи – и уште те попречува – тоа е сосема неприфатливо“, резимираше друг корисник, пишува Најжена.рс