Осумнаесетгодишното чекање на Вардар за финале во фудбалскиот Куп на Македонија заврши со ремито 1:1 со Брера во Струмица, со кое петкратниот освојувач на ова натпреварување ја зачува предноста од 3:0 во Скопје и избори меч за трофејот на 21 мај.

Најуспешниот учесник во Купот за противник ќе ја има Струга, која ремизира 1:1 дома со Шкендија и ја одбрани победата од 2:1 во Тетово.

Христијан Јанкулоски ги доведе во водство струмичани во 34. минута, а конечниот резултат го постави Михаил Талевски во 58. минута.

Финалето најверојатно ќе се одигра на Националната арена „Тодор Проески“ и за „црвено-црните“ тоа ќе биде седмо, а за стружани второ, по поразот на пенали од Македонија Ѓорче Петров пред две години.

Еурофарм Пелистер – Бисинов ФЛ 46-16 (кадети)

Денес во спортската сала во Битола кадетите на Еурофарм Пелистер ја победија екипата на Бисинов ФЛ, Велес во рамките на 18. коло, последното коло од групната фаза. 

-Убедлива победа во 18 -тото, последно коло од фазата по групи на кадетскиот шампионат на Македонија, за максимален учинок на нашите кадети. Со што останаа единствена екипа со 100% учинок во кадетскиот шампионат рече тренерот на кадетите Фарук Мемиќ. 

На натпреварот сите играчи добија шанса за настап, при што се впишаа во листата на стрелци во состав: Фехми Мелин, Мацанковски Јован (голмани), Лазаревски Стефан 4, Велјановски Павел 3, Спировски Тео 7, Трсунов Архангел 6, Неданоски Петар 1, Мијалчев Горазд 2, Атанасовски Горазд 2, Ѓоргиевски Стефан 3, Георгиев Андреј 6, Дамчевски Андреј 5, Марковски Владимир 3, Симоновски Јован 2 и Бошковски Антонио 2.
Службен претставник: Стефановски Бојан.

Извор: bitolanews