Според најава од енергетските оператори, на 23 април 2025 година (среда) ќе има планирани прекини во снабдувањето со електрична енергија во неколку тетовски села:

Слатинo – од 09:00 до 15:00 часот, во два наврати: прво во делот кај пекарaта Слатино, а потоа во целото село, освен објектите кои се наоѓаат покрај патот за село Теарце. Лешок – од 09:00 до 15:00 часот, ќе биде без струја целото село, освен објектите кои се наоѓаат покрај патот за село Јажинце (од долната страна). Јанчиште – од 10:15 до 11:15 часот. Подбреге – од 10:15 до 11:15 часот.

Граѓаните се повикуваат да ги планираат своите активности во согласност со овие прекини.

Почитувани, во текот на изминатите две недели бевме сведоци на неколку немили настани предизвикани од напад од бездомно куче, кои не потресоа сите нас и целата битолска јавност и покрај сите заложби на прифатилиштето да дејствува согласно законските прописи.
На денешниот состанок ги разгледавме сите законски можности и начини со кои кучињата безбедно ќе се отстранат од улица и ќе се сместат во прифатилиштето, но за жал, согласно законот во ваквото делување сме премногу ограничени.
Согласно законските регулативи, доколку кучето излегло од процесот на стерилизација и кастрација и социзализација, а не предизвикало штетен настан прифатилиштето нема законска можност да го залови повторно истото куче.
Во соработка со инспектор од Агенцијата за храна и ветеринарство и ветеринарните клиники, денес беа донесени следните насоки за постапување:

1. Повторно заловување на кучината од критичните локации од пријавите со цел заштита на граѓаните;
2. Заловување и времено чување на кучињата во прифатилиштето од центарот на градот (Широк Сокак, Градски парк, Саат кула, Офицерски дом) заради зголемениот број на туристи кои ќе бидат присутни во периодот што следи;
3. На иницијатива на градоначалникот воспоставување на зголемена координација со СВР Битола, за зголемени контроли на критичните точки каде постои сомнеж дека се испуштаат кучиња од околните населени места или општини.

Во периодот од отворањето на прифатилиштето, процесот на стерилизација и кастрација го имаат поминато повеке од 200 кучиња што преставува повеке од 25% од вкупниот број. Но, согласно законските прописи, доколку заловеното куче не се вдоми, а не предизвикало штетен настан, обврзани сме истото да го вратиме на локацијата од каде е заловено.

Општина Битола, оваа година по 17 пат го организира Битолското културно лето „БИТ ФЕСТ“.

Предмет на јавниот повик е кофинансирање на манифестации и проекти од областа на културата:

• музичка и музичко – сценска уметност
• театар
• ликовна уметност
• видео, фото, филмска уметност
• литература
• фолклор
• нови уметности
• мултидисциплинарни проекти

Вкупниот износ на средства кои се предвидени со овој повик е 2.500.000,00 денари.
Активностите треба да бидат реализирани заклучно со 31.08.2025 год.

Право на учество на јавниот повик имаат сите заинтересирани субјекти, физички лица, правни лица, здруженија на граѓани, владини организации и јавни установи од областа на културата (со седиште во Општина Битола).
Ако апликантот е со седиште во друга општина, проектот/активноста треба да биде одржана на територија на општина Битола.
Со цел, поддршка и промоција на културните настани и дисперзија на случувањата на различни локации во Општината, приоритет ќе имаат манифестациите и предлог настаните кои ќе се одржат на алтернативен простор, соодветно на комплетноста на апликационата форма.
Организаторите на културните настани и манифестации кои се дел од програмата за култура, усвоена од Советот на општина Битола, немаат право да аплицираат на овој повик, а нивните манифестации ќе бидат дел од Програмата на „БИТ ФЕСТ 2025“.

Потребни документи за пријавување за правни лица:

• Барање (Апликација)
• Копија од Решение за регистрација
• Копија од Тековна состојба од Централен регистар не постара од 3 месеци
• Изјава од овластено лице на апликантот, дека по реализацијата на активноста до Општина Битола ќе се достават наративен извештај со фотографии и финансиски извештај – докази за направените трошоци (копии од фактури, фискални сметки со сметкопотврди, налози за плаќање од банка) во текот на активноста (Проектот) заверена на нотар (во оригинал)

Потребни документи за физички лица:
-Барање (Апликација)
-Изјава дека по реализацијата на активноста до Општина Битола ќе се достават наративен извештај со фотографии и финансиски извештај – докази за направените трошоци (копии од фактури, фискални сметки со сметкопотврди, налози за плаќање од банка) во текот на активноста (Проектот) заверена на нотар (во оригинал).

Повеќе информации за повикот достапни се на следниот линк https://www.bitola.gov.mk/bitfest-2025/.