Еурофарм Пелистер – Бисинов ФЛ 46-16 (кадети)

Денес во спортската сала во Битола кадетите на Еурофарм Пелистер ја победија екипата на Бисинов ФЛ, Велес во рамките на 18. коло, последното коло од групната фаза. 

-Убедлива победа во 18 -тото, последно коло од фазата по групи на кадетскиот шампионат на Македонија, за максимален учинок на нашите кадети. Со што останаа единствена екипа со 100% учинок во кадетскиот шампионат рече тренерот на кадетите Фарук Мемиќ. 

На натпреварот сите играчи добија шанса за настап, при што се впишаа во листата на стрелци во состав: Фехми Мелин, Мацанковски Јован (голмани), Лазаревски Стефан 4, Велјановски Павел 3, Спировски Тео 7, Трсунов Архангел 6, Неданоски Петар 1, Мијалчев Горазд 2, Атанасовски Горазд 2, Ѓоргиевски Стефан 3, Георгиев Андреј 6, Дамчевски Андреј 5, Марковски Владимир 3, Симоновски Јован 2 и Бошковски Антонио 2.
Службен претставник: Стефановски Бојан.

Извор: bitolanews

На повидок е нов скандал во македонскиот фудбал. До Комитетот за безбедност и интегритет доставена е пријава за обид за поткуп од клуб и фудбалер на прволигашки клуб до судија на натпреварот, дознава Gol.mk. Се работи за меч од 28. коло на Првата фудбалска лига (ПМФЛ), игран во саботата.

Комитетот за безбедност и интегритет веднаш наводно отворил постапка и започнал истрага за случајот. Се очекуваат изјави на актерите на натпреварот и расветлување на случајот.

Комитетот за безбедност и интегритет веќе со години внимателно ги следи сите девијации на фудбалската игра. Во однос на ова прашање, нашата федерација презема конкретни чекори, односно учествува и организира едукативни предавања во координација со УЕФА и ФИФА за рано препознавање и спречување на местењето на фудбалски натпревари. Целта е единствена, а тоа е да се заштити интегритетот на самата фудбалска игра. 

Во саботата во Првата лига се играа сите шест натпревари од тековното коло: Беса – Шкендија, Шкупи – Силекс, Работнички – Пелистер, Воска Спорт- Вардар, Струга Трим Лум – Гостивар и Тиквеш – Брера.

Извор: gol.mk