Грција започнува сериозна борба против интернет-пиратеријата – казни и за обични корисници

Грчката даночна управа (AADE) го засилува надзорот над онлајн пиратеријата и за првпат таргетира и обични интернет корисници. Според новиот закон 5179/2025, граѓаните што гледаат или преземаат пиратски филмови, серии, музика или спортски содржини – преку торенти или нелегални стриминг платформи – ризикуваат високи парични казни до 10.000 евра.

AADE доби нови овластувања не само да ги санкционира организаторите, туку и крајните корисници. Казните се разликуваат според начинот на користење:

Приватно гледање/преземање: 750 евра по прекршок, 1.500 евра за повторно.

Јавно прикажување (кафулиња, хотели): 1.500 евра, па 3.000 за повторување.

Профит од пиратерија: до 5.000 евра, па 10.000 за повторување.

Автоматска идентификација преку IP адреса

AADE во соработка со други служби, преку IP адресите може да ги идентификува прекршителите и да ги поврзе со нивниот даночен број (AFM), што овозможува директно издавање казни без дополнителни процедури.

„Dynamic blocking“ – брзо блокирање на сајтови

Новиот систем овозможува блокада на пиратски веб-страници во рок од 30 минути. Ако страницата се премести, се активира автоматски процес за повторна блокада. Ова важи за сите интернет провајдери во земјата.

Нови единици за дигитален надзор

Формирани се специјализирани тимови што секојдневно ги следат социјалните мрежи и платформите за содржина. Целта е навремено препознавање и санкционирање на сите форми на онлајн пиратерија.

Ова е дел од национална кампања за заштита на авторски права, а пораката е јасна: дури и едно гледање на пиратски филм дома може скапо да ве чини.

Дејан В.(32), кој денеска беше ранет во луксузен локал во Нов Белград е застрелан пред очите на жена му и малолетното дете, велат станарите од околните згради кои новинарите на „Блиц“ ги затекнаа на местото на престрелката.

Според очевидци, во моментот на пукањето во Нов Белград, во локалот освен Дејан В., сопругата и детето имало и 7 лица од обезбедувањето.

Според нив, пријателите по пукањето го ставиле повредениот во автомобил и го однеле во болница.

– Неодамна го презеде тој локал. Го знаеме како нов сопственик. Слушнавме дека носи и наногица – велат станарите.

– Тој е таму цело време откако го зеде локалот. Неговото обезбедување е постојано со него и гледаат кој седи внатре – тврди станарот.

Инаку, повредениот Дејан веќе и е познат на полицијата поради претепувањето на Дарко Лилиќ, синот на поранешниот претседател на Југославија – Зоран Лилиќ.

Фото: Курир.рс

Силно невреме проследено со пороен дожд и грмежи го зафати поголемиот дел од Србија, а во некои делови од државата падна и град.
Во делови на Срем околу еден час паѓал град со големина на лешник.

Невремето ја зафати и западна Србија, а пороен дожд ги поплави улиците на Пријепоље. Во Краљево нешто по 17 часот имаше пороен дожд, силен ветер и град.

Град паѓаше во околината на Топола и во јужен Банат.

Дел српски медиуми јавија дека камион делумно пропаднал во асфалтот на автопатот близу Смедерево во текот на невремето. Од поројниот дожд е уништен дел од коловозот.

Во Белград имаше поројни врнежи и грмежи, па сообраќајот во некои делови од градот се одвиваше многу отежнато.

Претходно денеска РХМЗ издаде предупредување за врнежи од дожд и грмежи што се очекуваат на територијата на Србија во наредните четири дена.

Во централна Србија се уште врне силен дожд.