Градоначалникот на Битола, Тони Коњановски, гостуваше на емисијата „Заспиј ако можеш“ со Драган Милосавлевиќ на ТВ Алфа, зборуваше за актуелното раководење со градот на конзулите, можностите и предизвиците кои ги адресира општината.
„Често користам прилика да им се извинам на граѓаните за потешкотии за ваквиот инфраструктурен бум кој трае уште од почетокот на мојот мандат. Некој ме прашуваат дали сте во кампања или кога почнува – за мене кампањата е почната од првиот ден и не е завршена до крајот на мојот мандат. Секој ден сме на градилиште и секој ден се’ нешто се гради.“ вели Коњановски, зборувајќи за инфраструктурниот бум во Битола

​Во периодот од 2021 до 2025 година, под водство на градоначалникот Тони Коњановски, Општина Битола постигна значителен напредок во реализацијата на инфраструктурни проекти, со зголемена реализација на капитални расходи од 38–64% на над 70% .

„Општина Битола е на врвот во делот на транспарентноста според анализи на граѓанскиот сектор кој ги проверувал и анализирал овие податоци. На многу наврати сме биле на врвот на таа листа во делот на транспарентноста и буџетското работење. Нема дилеми дека ништо не е скриено, ништо ниту може, ниту треба да се скрие и во навистина во делот на транспарентноста сме во врвот на општините“ одговори градоначалникот Коњановски на шпекулациите поврзани со нетранспарентното и неодговорното финансиско работење на дел од јавните претпријатија на Битола.

Во изминатата година, Општина Битола беше прогласена за најтранспарентна општина во рамките на Република Македонија.

„Битола како ниеден град во Македонија, има три професионални тимови кои се натпреваруваат во ПФЛ.

Фудбалскиот клуб Пелистер, Еурофарм Пелистер во ракометот, со кој имаме одлична спортска агенда со Еурофарм, а во делот на кошарката истотака се натпреваруваме во првата лига. Во ЛШ скоро имавме ракометни натпревар, а го очекуваме Вардар наредното коло.“ вели Коњановски, кој се гордее со успесите на градските клубови и ја потенцира поддршката и на општината кон нив. Тој дополни дека од неодамна Битола има и прволигаш во женската одбојка.

„Не знам друг град во Македонија кој има четири прволигаши“ заокружи таткото на Битола на емисијата „Заспиј ако можеш“ кај Драган Милосавлевиќ.