Зоолошката градина во Скопје денеска ја загуби единствената јагуарка – Инес, која почина на 22-годишна возраст, информираа од ЗОО Скопје. Инес беше еден од најпрепознатливите жители на градината и долго време миленичка на посетителите.
“За жал Инес во длабока старост не ја издржа битката со најлошата болест 😢
Денеска не напушти, борејќи се со метастазиран канцер и тумори на повеќе органи 😔
Изминатиот период заедно со Факултетот за ветеринарна медицина направиме се што може за подобрување на благосостојбата на јагуарката и олеснување на здравствените проблеми преку стручни прегледи, анализи и компјутерска томографија до лекување на оваа страшна болест која одзема милиони жртви годишно, како кај луѓето, така и кај животните.
Јагуарката Инес имаше 22 години, а просечниот животен век на овие величествени мачки во природата е од 12-15 години, додека во зоолошките градини најстарите животни доживуваат до 23 години.
Искрено ќе фалиш на целиот тим на ЗОО Скопје и зоонегувателите кои со години се грижеа за тебе. Беше една од највозрасните жители на зоолошката и чувана со многу љубов 🤍🪽”, стои во објавата на фејсбук профилот на ЗОО Скопје.
