![Снимен моментот кога дрон се заби во владина зграда во рускиот Белгород [ВИДЕО]](https://bulevar.mk/wp-content/uploads/2025/05/screenshot-2025-05-09-160905.png)
Украински дрон нападна административна зграда во Белгород, повредени двајца службеници
Заменик-гувернерот на Белгородската област, Александер Александрович Лоренц, и припадник на Росгвардија се повредени во утрински напад со украински дрон врз зградата на регионалната влада во рускиот град Белгород.
Иако првичните информации укажуваа дека во нападот нема жртви, подоцна беше потврдено дека две лица се здобиле со повреди. Според руските медиуми, припадникот на Росгвардија добил рана од шрапнел во пределот на бутот и е хоспитализиран. Неговата состојба засега не е критична, а му се укажува соодветна медицинска помош.
Заменик-гувернерот Лоренц се наоѓал во близина на зградата во моментот на експлозијата. Тој бил прегледан од лекарски тим во Регионалната клиничка болница, каде му е дијагностициран потрес на мозокот.
На социјалните мрежи се појави и видео од нападот, кое го привлече вниманието на јавноста. Нападот претставува ново зголемување на тензиите во пограничната руска област, која во последните месеци сè почесто е цел на украински удари.
Погледнете го видеото:
BREAKING:
A Ukrainian suicide drone just struck a government building in the Belgorod region, injuring the deputy governor of Belgorod and a soldier pic.twitter.com/8RxhnPHfuf
— Visegrád 24 (@visegrad24) May 9, 2025
