Магазин

Исповед на една Србинка што работи во Тетово

Јас сум од Србија, од едно мало место крај границата. Имам 35 години. Пред осум години дојдов во Тетово – не по љубов, не по соништа, туку по леб. Никогаш не помислував дека ќе заработувам со своето тело. Но животот не прашува. Те фрла каде што најмногу боли, а ти сам одлучуваш дали ќе преживееш или ќе потонеш.

Доаѓав прво повремено, преку една познаница што веќе работеше тука. Ми рече: „Нема срам кога немаш што да јадеш“. Тоа беше реченицата што ме скрши и ме натера да преминам линија што порано ми изгледаше недопирлива. Имав мал син дома, болна мајка и сметки кои не се чекаа.

Во Тетово изнајмив соба на периферијата. Работата ја правев тивко, без врева. Клиенти имаше – млади, стари, оженети, разведени. Некои со тешки приказни, некои само со желба. Мене никој не ме прашуваше како сум. Јас бев тука да молчам и да исполнам. А потоа да се вратам во празната соба и да плачам во перница.

Секој петок праќав пари дома. Син ми растеше со баба му, мислејќи дека сум „на работа во странство“. Во некоја фабрика, во некоја кујна. Никогаш нема да му кажам што навистина правев. Не сакам да ме памети така.

Многумина ќе кажат: „Можела еден ден да најде друга работа“. Можеби. Но некои од нас немаат толку време. Кога гладот и долгот ти се на вратот, не чекаш шанса – ја земаш првата што ти ја нудат. Па макар и болела.

Не барам сожалување. Барам разбирање. Да не се суди премногу лесно. Не сум лош човек. Само сум жена што направи избор меѓу две зла. И сè уште се надевам – дека еден ден ќе бидам само мајка. Само жена. Без товарот што го носам веќе осум години во град што не ми е дом, но ми стана судбина.

Магазин

Епски чекор за македонската народна музика-Влатко Миладиноски и оркестаорт на Златко Миладиноски со солистички концерт во СЦ „Борис Трајковски“

По една исклучително успешна година, одбележана со распродадени концерти во Македонската опера и балет, маѓепсана публика на Античкиот театар во Охрид и триумфална турнеја низ Австралија, Америка, Канада, Европа, Турција и македонската музичка сцена добива нов момент кој ќе се запише во историјата.

На 28 декември од 20:00 часот, за првпат еден македонски изведувач на народна музика ќе одржи солистички концерт во СЦ „Борис Трајковски“-легендарна арена резервирана за најголемите имиња и најимпозантните спектакли.

Тоj изведувач е Влатко Миладиноски, човекот чиј препознатлив глас со години ја носи македонската емоција низ времето, обединувајќи ја традицијата со современиот звук. Заедно со оркестарот на Златко Миладиноски, тој подготвува 3 часовно музичко патување што ќе ги допре сите генерации.

Концертот ветува продукција на највисоко ниво:

200 m² импресивна централна сцена,

врвна аудио техника,

преку 300 светлосни тела и ефекти

над 200 m² LED екрани што ќе создадат визуелна димензија доследна на најсовремените светски концерти.

Дополнително, голема чест ќе бидат специјалните гости, со што вечерта ќе добие уште поголема уметничка тежина и ексклузивност.

Настанот не е само концерт – туку визија за тоа македонската песна да добие сцена каква што заслужува, сцена која ја возвишува нашата традиција и ја преведува во модерно, спектакуларно музичко доживување.

Концертот е закажан на 28 декември, од 20:00 часот, билетите се во продажба преку продажната мрежа на www.kupikarta.com и продажната мрежа на kupikarta.com

Магазин

Вака изгледал првиот воз во Тетово (ФОТО)

Железничката станица во Тетово е пуштена во употреба на 25 мај 1952 година. На нејзината предна фасада стоеше спомен-плоча која објаснуваше дека станицата е изградена со доброволна работа на 52.000 жители од тетовскиот крај и со помош на припадниците на тогашна ЈНА. За изградбата биле дадени 996.832 работни часови, во вредност од тогашни 139.570.480 динари. Со реконструкцијата, спомен-плочата ја снема од фасадата и не се знае каде е.

Магазин

Голем пресврт во хороскопот – два знака добиваат силен финансиски подем

Астролозите најавуваат дека два хороскопски знака влегуваат во исклучително поволен период, во кој се очекува значителен финансиски прилив. Според нив, универзумот им испраќа можности што можат да донесат вистински бум на приходите во следните неколку недели.

Лав: период на профит и нови можности

За родените во знакот Лав се отвораат шанси што носат високи финансиски добивки – од профитабилни проекти и успешни инвестиции, до потенцијални ненадејни приходи, како што е наследство. Иако позитивната енергија носи силен импулс, астролозите предупредуваат дека импулсивното трошење може да биде ризично. Дел од приходите, велат, треба да се насочат кон долгорочни и стабилни инвестиции.

Стрелец: неочекуван прилив од повеќе извори

Стрелците во овој период може да очекуваат пари што ќе пристигнат од различни насоки: дополнителни работни ангажмани, патувања, соработки, лични проекти или дури и поволни случајности. Нивната природна отвореност и авантуристички дух, според астролозите, привлекуваат финансиска среќа. Сепак, советот е дел од добивката да се вложи во посигурни опции.

За двата знака следува период на олеснување и исполнување на желби. Финансиските приливи, покрај материјална добивка, се гледаат и како можност за остварување на одамна посакувани планови. Астролозите додаваат дека е важно среќата да се пречека со мудри одлуки, бидејќи стабилниот пристап е клучен за долготраен успех.