Рускиот претседател Владимир Путин ги откри петте клучни услови за крај на војната во Украина, а Западот е соочен со тежок избор: или прифаќање на неговите барања или продолжување на еден од најкрвавите конфликти во Европа од Втората светска војна.
Според руски извори блиски до Кремљ, Путин бара:
Писмено гарантирање дека нема понатамошно ширење на НАТО кон Исток – што подразбира целосно исклучување на Украина, Грузија и Молдавија од потенцијално членство; Укинување на дел од западните санкции кон Русија; Решавање на статусот на замрзнатата руска имотна сопственост на Запад; Гаранции за правата на рускојазичното население во Украина; Прогласување на Украина за неутрална држава.
Кремљ веќе подготвува нацрт за мировен меморандум, но во Киев и на Запад доминира длабока недоверба кон намерите на Москва, особено додека руската војска бележи напредок на бојното поле.
Според извори, Путин предупредил дека „доколку неговите услови не се прифатат, идниот мир ќе биде уште поболен“. Тој смета дека војната сè уште може да се искористи како средство за наметнување на рускиот диктат.
Портпаролот на НАТО одби да коментира, но Алијансата досега доследно ја бранеше политиката на „отворени врати“. Од страна на Украина, засега нема официјален одговор на овие предлози, но Киев останува цврст во ставот дека Русија нема право на вето врз нивниот пат кон НАТО.
Со ваквиот ултиматум, Кремљ отвора нова фаза во дипломатскиот притисок, но дали Западот ќе попушти или ќе се зацврсти – останува неизвесно.
