Во општина Чаир, на улицата „Цветан Димов“, каде што сообраќајот е густ и движењето на пешаците е интензивно, беше поставена нова сообраќајна опрема — еластични столбови за управување со сообраќајот. Оваа мерка има за цел да го подобри редот во сообраќајот, да спречи неправилно паркирање и да ја зголеми безбедноста на сите учесници.
Градоначалникот на општина Чаир, Висар Ганиу, потенцира дека поставката на овие столбови е дел од пошироката стратегија за унапредување на урбаната инфраструктура и создавање побезбедно и поуредено сообраќајно опкружување, прилагодено на потребите на граѓаните и принципите на одржлив развој.
„Со овие активности продолжуваме да работиме на зголемување на безбедноста и дисциплината во сообраќајот, како и на создавање почист и функционален урбан простор за сите“, изјави Ганиу.
Граѓаните од општината очекуваат овие мерки да придонесат за побезбеден и поорганизиран сообраќај, особено на улици со поголема фреквенција како „Цветан Димов“.
