МЕТЕОАЛАРМ ПРЕДУПРЕДУВАЊЕ: Следува силен северен ветер (над 60 км/час)!

Во нашата Република Македонија ни следува претежно стабилно, суво и сончево време со мала локална облачност. Сепак ќе биде значително посвежо со голем пад на температурите на воздухот, особено наутро и во ноќните часови кога температурите на повеќе места ќе се спуштаат до близу, па дури и под 10 степени. Сепак, како што претходно најавив, врнежи кај нас до крајот на оваа недела нема да има, што значи дека сушниот период и понатаму ќе продолжи.

До крајот на денов (четврток 10 јули) ќе дува засилен, повремено силен ветер од северен правец (повремено и локално со брзина од над 60 км/час). Најсилен ветерот ќе биде во Повардарието.

И во Скопскиот регион повремено ќе дува силен ветер од северен правец (повремено и локално со брзина од над 60 км/час).

Што се однесува до максималните дневни температури на воздухот, тие најниски ќе бидат денес (четврток 10 јули) кога ќе се искачуваат во интервалот од 23 до 30 степени, а во Скопје и околината температурата ќе се искачи до околу 28 степени.