Category Archives: Балкан

Балкан

Македонците од „Илинден“ – Тирана истераа правдина – ЈА ИЗБРИШАА СЕВЕРНА

Централната изборна комисија по реакцијата на македонското друштво „Илинден“-Тирана го коригира плакатот и сега стои македонското национално малцинство, објавија Македонците во Албанија на Фејсбук.

„По реакцијaта на Македонското друштво „Илинден”-Тирана, Централната изборна комисија го коригира постерот на македонски јазик именувајќи како македонско национално малцинство, како што официјално се признава во Република Албанија. Македонското друштво „Илинден”-Тирана упатува благодарност за брзо решавање од Централната изборна комисија“, се вели во објавата на македонското друштво „Илинден“.

Како што објавивме претходно, ЦИК за локалните избори, што ќе се одржат на 14 мај 2023 година, првпат во историјата на изборните процеси во Албанија одобри посебна програма за информирање и подигање на свеста на гласачите-припадници на националните малцинство во Република Албанија, вклучително и македонското.

Но, на објавениот плакат на Централната изборна комисија (ЦИК) македонското малцинство беше наведено како „национално малцинство на Северна Македонија“ што предизвика и официјална реакција на Македонците која доби позитивен одговор од Централната изборна комисија.

Балкан

Знаме на Голема Албанија со Македонија се вее во Давос

Знаме на Голема Албанија со делови од Македонија се вее пред хотел во Давос за време на одржувањето на економскиот самит во Давос.

Хотелот се наоѓа отспротива каде што е сместен претседателот на Србија Александар Вучиќ.Покрај знамето на Голема Албанија истакнато е и косовското знаме.

На самитот во Давос учествува и Стево Пендаровски кој во своето обраќање истакна дека Косово и Република Српска се најчуствителните точки во регионот.

Балкан

(Видео) Бугаризација? Бугарската Фондација дава 100 евра за фаќање на крстот во Пустец

Video

Со пари Фондацијата Македонија ги побугарчува Македонците. Фондацијата на шовинистот Виктор Стојанов на својот Фејсбук објави дека ќе дава 100 евра за оној кој ќе го фати крстот во Преспа.

-Фондацијата Македонија и Здружението на млади Бугари во Преспа ќе доделат награда од 100 евра за оној што ќе го фати крстот на празникот Водици во Пустец – на 19 јануари, четврток.

Претходно Фондацијата се пофали дека ќе доделува триесет евра месечно за секое дете што ќе го изучува бугарскиот литературен јазик.

https://facebook.com/story.php?story_fbid=859354138617588&id=100080360561260&mibextid=Nif5oz

„Фондацијата Македонија ќе му понуди на секое дете од Македонија и Србија месечна стипендија од 30 евра доколку студира литературен бугарски јазик“ , напишаа од фондацијата на социјалните мрежи.

Засега нема информации кога, каде и како би почнале курсевите, но во извештајот на Фондацијата стои дека тие веќе формирале училиште и спроведуваат настава.

-„Фондација Македонија формираше училиште на бугарски литературен јазик со име: Бугарско онлајн училиште „Св. Наум Преславски“ со 95 ученици од Македонија на првиот час.“ – Пишува во извештајот на „Фондација Македонија“.

Освен во Македонија „Фондација Македонија“ тврди дека има образовни активности и во Голо Брдо во Албанија и во Гора на Косово.

Балкан

Два нови земјотреса во Албанија!

Во Албанија регистрирани се два нови земјотреса, чиј епицентар бил во Бурељ, а биле почувствувани во повеќе градови во Албанија.

Според прелиминарните податоци, првиот земјотрес со јачина од 3,2 степени според Рихтеровата скала е регистриран во 10.05 часот на длабочина од два километра, пренесува „Коха“. Епицентарот бил на 11 километри од Бурељ.

Три минути подоцна, земјотрес со јачина од 2,6 степена е регистриран во Бурељ, на истата длабочина, а епицентарот бил на истото место.

Албанија синоќа беше погодена од земјотрес со јачина од 4,7 степени според Рихтеровата скала.

Балкан

Стефан кој беше застрелан на Божиќ излезе од болница: Семејството и пријателите го пречекаа со солзи и прегратки

Момчето Стефан Стојановиќ (11) кое беше рането на Божик недалеку од Штрпце, денес е пуштено на домашно лекување од болницата во Грачаница. Со скандирања и прегратки го дочекаа пријателите од училиштето и од соседството.

Бабата на Стефан, Босиљка Стојановиќ им се заблагодари на сите за помошта и низ солзи рече дека е благодарна на Бога што нејзиниот внук е жив, пишува Косово онлајн.

-Благодарни сме на Бога што детето остана живо и на сите добри луѓе кои не посетија и ни помогнаа и поддржаа, изјавила Босиљка.

Теодора Љубисављевиќ, сестрата на Стефан, изјавила дека тој им ја вратил насмевката кога дошол дома.

„Моето семејство, јас, како и сите најблиски до мене бевме многу исплашени и во шок поради сè што се случи. Можеби не дадовме ниту соодветни изјави, бидејќи ниту една слика или збор не може да ги објасни нашите чувства, колку бевме тажни и потресени. Со денови имаме измешани чувства од среќа до тага, но ние сме благодарни што Стефан е жив и здрав и што се врати дома. Ни ја врати насмевката на лицата, иако сè уште сме во шок поради целата ситуација, бидејќи не го прославивме највеселиот празник како што треба“, изјави Теодора.

На Божик беше ранет во рака и Милош Стојановиќ, кој пред неколку дена беше пуштен на домашно лекување. Како што рече Милош, тој денес бил на лекарски преглед во Грачаница.

„Фала богу повредата е добра, раката е во ред. И Стефан денес е пуштен од болница. Се надевам дека што поскоро ќе закрепнеме и ќе се вратиме во нормалниот живот“, изјави Милош.

Балкан

Татко монструм: Бугарин го полил 4-годишниот син со бензин и го запалил

4-годишно дете било примено во Ургентниот центар во Благоевград, полиено со бензин и запалено од сопствениот татко, дознава бТВ.

Детето има 80% изгореници по телото и итно е пренесено во придружба на мајка му во „Пирогов“.

Според зборовите на мајката, таа не живеела со таткото на детето. Таа во полиција рекла дека тој е виновен.

Инцидентот се случил нешто пред 17 часот

Балкан

Поради присуство на канцерогена супстанца овој чипс се повлекува од пазарот!

Серија на „Аро чипс“ со вкус на пиперка во пакување од 300 грама, со рок на користење до 30 април 2023 година, се повлекува од хрватскиот пазар поради зголемено количество на штетната и канцерогена супстанца акриламид, известија хрватските власти.

Производител на чипсовите е Kanaan d.o.o. од Доњи Михољац, а на пазарот е пуштен од познатиот дистрибутивен синџир за храна „МЕТРО“, пишуваат хрватските медиуми. Чипсовите се LOT број 5745 и EAN код: 3856024703703.

Производот не е во согласност со Регулативата (ЕЗ) бр. 178/2002 за воспоставување на општите принципи и услови на законот за храна, основање на Европската агенција за безбедност на храна и воспоставување процедури во областите на безбедноста на храната и Регулатива на Комисијата (ЕУ) 2017/2158 за воспоставување мерки за ублажување на ефектите и нивоата на референца вредности за намалување на присуството на акриламид во добиточната храна.

Балкан

Мајка си го оставила бебето пред зграда и побегнала

21-годишна жена е уапсена во Србија поради сомнение дека ја оставила својата едногодишна ќерка во количка пред зграда во Крагуевац и побегнала.

Припадниците на Министерството за внатрешни работи во Крагуевац ја уапсија Г. П. (2001) од Крагуевац, поради постоење основи на сомнение дека сторила кривично дело повреда на семејни обврски.

Според полицијатаа жената синоќа пред зграда во Крагуевац ја оставила својата едногодишна ќерка во количка и си заминала.

Осомничената со кривична пријава ќе биде изведена во Основното јавно обвинителство Крагуевац, соопшти полицијата.

На улицата Змај Јовина во Крагуевац синоќа околу 2 часот и 45 минути случаен минувач наишол на количка со едногодишно женско бебе на тротоарот.

Тој повикал полиција, а на местото на настанот излегла екипа на Итна помош, која го згрижила девојчето и ја пренела во Одделот за педијатрија на Универзитетскиот клинички центар во Крагуевац.

Од Центарот „Солидарност“ за РТС велат дека детето е сместено во итно згрижувачко семејство и дека е во добра здравствена состојба.

Како што неофицијално дознава РТС, мајката наводно го оставила малото девојче со таткото пред зградата во која живее.

Балкан

Ова се НАЈБОГАТИТЕ 100 НА БАЛКАНОТ, меѓу нив има СЕДУМ МАКЕДОНЦИ

На листата на српскиот магазин „Недељник“ со 100 најбогати луѓе во регионот се најдоа седуммина македонски бизнисмени, од кои највисоко котира Илија Гечев од ИГМ Трејд. Тој е на 18. место на листата со проценето богатство од 1,054 милијарди евра. Вкупно, богатството на овие седуммина Македонци, српскиот магазин го процени на 3,26 милијарди евра.

На 38. место на листата на „Недељник“ е Живко Мукаетов од Алкалоид (651.330.600 евра), додека на 45. место е Андреа Јосифовски од Макпетрол (565.501.055 евра). Потоа следуваат: Гоце Камчев од КАМ, Страшо Милковски од Гранит, Слободан Кутревски од Пекабеско и Владимир Тодоровиќ од Тинекс.

„Недељник“ ја состави листата на 100-те најбогати луѓе во регионот во соработка со две реномирани консултантски фирми кои работат на њујоршката берза.

„Недељник“ вели дека листата не покажува колку пари имаат бизнисмените на сметките, туку колку вредат нивните компании и колку пари потенцијално би можеле да добијат ако ги продадат денес.

Хрватскиот „крал на осигурувањето“ Дубравко Гргиќ е најбогатиот човек во регионот, според листата на „Недељник“. Гргиќ, кој ја предводи групацијата „Аграм“, има богатство од 2,84 милијарди евра, па следуваат српските бизнисмени Миодраг Костиќ и Мирослав Мишковиќ со по 2,77 милијарди евра.

„Недељник“ заклучува дека листата покажува дека и натаму важи некогашната југословенска поделба на развиени и неразвиени, бидејќи економиите на Црна Гора, БиХ и Македонија се далеку зад оние на Хрватска, Србија и Словенија. Нееднаквоста е најизразена во Црна Гора, каде што имотот на петтемина најбогати вреди 1,7 милијарди евра, што е 35,4% од БДП, додека во Македонија ова изнесува 23,9% од БДП.

Балкан

ЦЕЛ ГРАД ОЖАЛОСТЕН ОД ТРАГЕДИЈАТА: Наставничка загина во тешка сообраќајка кај Јајце

Gallery

Во Подмилачје кај Јајце вчера било пронајдено тело на жена со идентитет Џана Куленовиќ (39) чие возило слетало во реката Врбас. Не е познато како дошло до несреќата, пишува порталот Аваз.

Јајце е ожалостено по трагедијата во која животот го загуби просветната работничка Џана Куленовиќ, пренесува Српскаинфо. Од неа на социјалните мрежи се збогуваат пријатели и познаници.

– За жал, уште еден млад живот заврши во реката Врбас. Нашиот тим за пребарување го пронајде и извлече телото на жртвата. Изразуваме искрено сочувство до семејството – рекоа вчера од планинската спасувачка служба Јајце.