Category Archives: Балкан

Балкан

Брутална тепачка меѓу средношколци од две белградски гимназии (Видео)

Video

На социјалните мрежи е објавено видео од тепачка во Звездарска Шума. Се гледа како машките се удираат со тупаници, клоци, а девојчињата викаат по нив да не користат факели. Видеото за краток период видеото стана вирално, а се испостави дека станува збор за матуранти во Шестата и Седмата белградска гимназија.

Директорот на Шестата белградска гимназија, Радисав Милиќ и директорот на Седмата белградска гимназија Мирослав Маркиќевиќ кажаа што се случувало дента.

– Тој ден се беше убаво во училишниот двор, децата се однесуваа соодветно, се поздравија со учителите. После тоа сами се собраа во Звездарска шума, не знам која е причината за тепачката – рече Радисав Милиќ, директор на Шестата белградска гимназија.

За матурантите на Седмата белградска гимназија, директорот Мирослав Маркиќевиќ изјави дека нивните ученици биле љубезни додека биле во училишниот двор. Тој тврди дека не знае како се случил инцидентот во Звездарска Шума.

Бран насилства ја „тресат“ Србија, за што имаше и протести. Претходно, се случија два масакри, еден во училиште во Белград, а друг во Младеновац.

Балкан

Драматична снимка од апсењето на 37 криминалци од Западен Балкан! (Видео)

Video

Европол денеска соопшти дека се уапсени 37 членови на многу насилна криминална група од Западен Балкан, која главно се занимавала со шверц на дрога и огнено оружје низ Европа.

Според информациите, 15 од 37-те осомничени се уапсени во вчерашните рации, кои беа спроведени истовремено низ Хрватска, Словенија, Босна и Херцеговина, Холандија, Италија, Белгија и Германија.

Се додава дека акциите биле координирани од командното место во Загреб, со поддршка на офицерите на Европол распоредени на терен.

Групата била предводена од државјанин на Босна и Херцеговина, кој во моментов издржува четиригодишна затворска казна во Италија.

Тој продолжил да организира криминални дејствија од затворската ќелија, од каде што, како што се верува, редовно издавал наредби и упатства до своите подредени.

Во рациите, меѓу другото, запленети се 148.000 евра во готовина, 18 парчиња огнено оружје од кои два митралези и 2.512 парчиња муниција

Балкан

Српски јутубер пронајден мртов – следбениците потресени од неговата последна објава (Фото)

Gallery

Српскиот јутјубер Мирко Рашиќ (33), попознат како „Неовластен сервисер“, денеска беше пронајден мртов од неговиот колега, во белградската населба Сурчин. Истрагата е во тек и сè уште не е потврдено дали се работи за самоубиство.

Но, она што ги потресе следбениците на Мирко, е дека неколку часа пред трагичниот момент, тој на својот Инстаграм профил објавил фотографија од цртаниот филм „All Dogs Go to Heaven“, цитирајќи ја истоимената песна на раперот Струка.

Во продолжение е текстот на рап песната „Сви пси иду у рају“:

“Sedim u sobi sa tvojom krvlju na rukama.

Trudim se da ne čujem ta sablasna šaputanja.

Sedim u senci, a dim klizi mi iz usana.

Đavo me vuče za rukav do ivice ludila.”

Čujem da si viđen usidren u svetom pristaništu.

Kren’o si ka raju al’ završio u čistilištu.

Kažu da nisi dovoljno dobar za carstvo nebesko da tamo nema mesta da bi s tobom bilo pretesno.

S druge strane kažu da ne pripadaš hadu kao, nisi tol’ko grešio da ne pripadaš tom stadu.

A tamo ti je mesto jer si slao loše poruke iz kojih klinci nisu mogli da izvuku pouke.

Prič’o si o parama o kurvama, o platini da ne dužim, navodno si pričao o Satani.

Ne mogu da verujem da došao je kraj a bilo kako bilo svi psi idu u raj.

Инаку, Мирко Рашиќ заедно со својот татко, започнал да се занимава како автомеханичар. Тој имаше свој автомобилски сервис, а споделувајќи го своето знаење и процес на работа, привлече големо внимание на социјалните медиуми. Неговиот канал на Јутјуб посветен за автомеханиката е прв од овој вид и има повеќе од 140 илјади претплатници.

Балкан

Мајката на девојчето убиено од Коста со емотивно писмо до неговите родители, открива нови детали

ина Боровиќ Кобиљски, мајката на Е.К., девојчето убиено во масакрот на 3-ти мај во ОУ „Владислав Рибникар“, со потресни зборови им се обрати на родителите на момчето кое ја уби нивната ќерка и уште осум соученици, како и чуварот на училиштето.

Во писмото насловено „До родителите на едно нелекувано момче“, таа изнесува низа досега непознати детали за животите на децата од одделението VII2 пред масакрот.about:blank

„Порака до родителите на нелекуваното момче: Ако некогаш дојдете да не’ барате и сакате да ни кажете ‘Простeте ни, не знаевме подобро и многу ни е жал’.

Знаете, ние повеќе не веруваме во световна правда… Но, се трудиме да продолжиме да веруваме во хуманоста и вистината…

Верувам дека добро ви е познато дека нашиот клас VII2 беше исклучителен клас, не затоа што беше составен од одлични ученици, туку затоа што беа добри деца и добри пријатели еден на друг. Насмеани одеа на училиште и се враќаа задоволни.

Се сеќавате дека нашите деца отидоа заедно во јазичен камп во Франција… па добивме видеа од нив како пеат покрај каминот, си играат на тематски ноќи и одат на екскурзии… знаете дека сите играа карти и се смееја заедно во собите доцна во ноќта.

Како да не знаете, кога со благодарност му се јавивте на класниот раководител и му се заблагодаривте што вашиот син беше толку добро примен од неговите пријатели во новиот клас во кој избравте да го префрлите.

Дали знаевте дека на тоа дете му треба помош?

Им беше убаво, но истовремено им беше чудно зошто едно дете 7 дена спие свиткано во фотелја наместо во кревет, иако на располагање има цела двокреветна соба?!

Дали знаете дека на тоа дете му била потребна помош од вас како родители и стручните лица?

Трагедијата што ни се случи е толку страшна, болна и незамислива што секојдневно се мачиме да дишеме.

Мислите кои ќе не прогонуваат до крајот на животот се: Зошто не му помогнавте?! Зошто го трениравте на стрелиште и со него развивате и негувате такви страшни вештини за стрелање и убивање, додека ние ги носевме нашите деца на часови по уметност и спорт?!

Ако не сте биле свесни за вашата улога во невидената трагедија од 3 мај 2023 година, тогаш треба да се разбудите и да сфатите дека за жал овде имаме работа со трагедија од светски размери. Јасно ни е дека јавното мислење бара некаква смисла – причина со цел на некој начин да се објасни овој вид на криминал и да разбере како се случило?

Да разјасниме, врсничкото насилство е суштинска тема на денешното време, на кое мора да и се посвети најголемо внимание и грижа за да се запре.

Но, тоа не се случи во оваа трагедија и не треба повторно да се залажувате и да се криете зад невистините.

Жал ми е, тоа се случи на најпогубниот можен начин, но од вашето дете до нашите деца.

Дали сте свесни дека преживеаните и ранетите добиваат закани по живот од целиот свет затоа што „некој ќе го заврши започнатото“, во болното убедување на правдата за „злоупотребеното“ момче.

Добро знаете дека децата од VII2 наивно го прифатија, му пружија рака за пријателство и тоа беше се’ што можеа нивните златни срца… се’ останато беше до вас кои сте одговорни за него и стручните служби кои мораа да одржуваат објективност тогаш кога ќе се појави родителска слабост.

Знаете, 21 век е за жал бесрамен век…во овој век не треба да се срами да се бара сета стручна помош која е достапна денес.

Кога повторно ќе ве прашаат, размислете дали ќе повторите: „Јас не сум виновен“ или барем кажете: згрешивме, не знаевме подобро…

Можеби тогаш не знаевте, но сега болната вистина е зад сите нас и треба да можете подобро… дури и да речете: „Извини, многу ни е жал, твоите деца не се виновни за било што!”

Ова не е само лична трагедија, туку колективна трагедија на едно општество затоа што умреа исклучителни деца кои беа на вистинскиот пат да станат големи луѓе и кои со своите несудени семејства требаше да бидат залог за ова општество.

Сè уште се молиме за спасение на вашите души, но без признание, нема покајание“, се наведува во пораката на мајката објавена на Фејсбук.

Балкан

Со два куршума во грбот бил ранет македонскиот државјанин во Врачар (Видео)

Video

Во вчерашната престрелка во Врачар ранет е 21 годишен македонски државјанин.

Како што соопшти српската поилиција најпрвин бил ранет А.П. (26), а потоа со два куршуми во грбот бил ранет македонскиот државјанин Д.Л. (21).

Како што информираат српските медиуми повикувајќи се на информации од српското МВР, другарот на ранетиот Македонец го пренел на безбедно и повикал полиција и брза помош. 

Балкан

Младо момче од Македонија застрелано в грб во престрелка во Белград

Две млади момчиња се ранети во престрелката во понеделникот вечерта на укицата Максим Горки“ во централната белградска населба Врачар.

Дваесет и деветгодишниот А.П. вечерва во 19,40  часот на аголот од улиците „Цар Николај Втори“ и „Максим Горки“ бил застрелан во пределот на десната надколеница. Ранетиот во досието има 12 кривични пријави за дрога, оружје, разбојништва. Во сила е налог за издржување затворска казна.

Во престрелката е повреден и македонскиот државјанин 21-годишниот Д.Л.. Тој беше застрелан во грбот. Засега не се знае дали бил во друштво на А.П или, пак, случајно бил ранет.

Се трага по напаѓачот. Според описот е на возраст од околу 20-21 година, висок 170 сантиметри и носи сив дуксер и фармерки. По пукањето побегнал кон Чубурски парк, пренесува Пинк.рс.

Во моментот на пукањето паркот бил полн со деца и кога се слушнале истрелите сите се исплашиле, а потоа некој сугерирал дека најверојатно се петарди и играта продолжила.

Балкан

Никола Којо до родителите на децата од „Рибникар“: Ве молам не ги праќајте вашите деца на училиште

Групата родители на ученици од ОУ „Владислав Рибникар“ ја поддржа иницијативата за прекин на наставата во постојната училишна зграда и завршување на учебната година на 3 мај, кога во ова училиште се случи масовно пукање во кое десет деца и едно училиште чуварот е убиен. Во оваа прилика се огласи и познатиот српски актер, Никола Којо кој ги замоли родителите да не ги праќаат децата на училиште.

„Понизно ги молам родителите на децата од `Рибникар` да не ги праќаат децата на училиште“, започна Којо.

Тој посочува дека ќе се собираат пари за училиштето, ќе се гради ново, но дека „на тие мали глави не смее да им се врати сликата“.

Којо апелира до родителите да им дадат шанса на своите деца да оздрават, да пораснат и да закрепнат, како и немо да тагуваат за убиените пријатели, другари, чувари и самите себе, „поради судбината што им пресудила да се најдат таму“.

„Само далеку од тоа проклето место ќе станат здрави луѓе, кои некако ќе се справат со таа трагедија. Училиштето ќе заврши, верувајте ми. Не дозволувајте неразмислените луѓе да ве претворат во Спартанци! Нежните, емотивни, емпатични луѓе ќе го спасат ова болно општество и оваа незрела цивилизација. А тоа се твоите деца. Насила созреа и порасна. За жал… ве молам“, им порача Којо на родителите чии деца одат во ова училиште.

Балкан

Полициска шефица од Србија на телевизија во свечена униформа, со наопаку зашиено знаме и еполети го изеде реметот (Фото)

Gallery

Шефицата на полициската управа во српскиот град Смедерево, Весела Миловановиќ, деновиве привлече големо внимание со гостувањето на телевизија и стана „ѕвезда“ на социјалните мрежи, но тоа не е затоа што кажала нешто паметно.

Вниманието Миловановиќ го привлече со деталите од нејзината свечена униформа, на која и српското знаме и еполетите беа зашиени завртени наопаку.

Фотографиите од нејзиното гостување на локалната Телевизија Смедерево брзо се проширија на социјалните мрежи, а реагираше дури и полицискиот синдикат „Слога“ од Ужице, кој ја обвини за „нарушување на угледот на полицијата и кршење на службените должности“.

„Претходната недела во свечена униформа на „Телевизија Смедерево“ гостуваше началничката на Смедерево, Весела Миловановиќ. Темите на емисијата беа сериските убиства во Србија и разоружувањето на српските граѓани. Она што им падна во очи на гледачите на емисијата е елементарното непознавање на Правилникот за униформи, ознаки и опрема на полициските службеници, што го покажа началничката“, се вели во соопштението.

„Шефицата морала да го знае редоследот на боите на српското знаме и како да ги стави еполетите на рамениците. Во овој случај, гледачите можеа да видат дека редовите се превртени, а знамето на Србија е превртено наопаку, па изгледаше како знамето на Руската Федерација. Со ваквото однесување началникот на полициската управа Смедерево направил полесна повреда на службената должност пропишана со член 206 став 1 точка 5 од Законот за полиција’, се вели во соопштението на полицискиот синдикат

Балкан

Нема преживеани во авионската несреќа во Хрватска

холандскиот авион што се урна вчера кај Мала Капела загинаа сите патници, најверојатно тројца, колку што имало според планот на летот, потврди денеска очевидец на местото на несреќата на авионот „Цирус 20“ што го спроведе полицијата од Карловац и главниот авијациски истражител.

Како што соопшти денеска ДОРХ, а пренесува Индекс.хр, „во тек е истрага и утврдување на сите околности за падот на авионот „Цирус 20“ во пошумениот дел на Мала Капела во областа на градот Огулин“.

Главниот авијациски инспектор Данко Петрин изјави за Хина од местото на несреќата дека сите патници во холандскиот авион загинале и дека авионот е тешко оштетен – освен механички оштетувања бил уништен и од пожар.

Тој додаде дека истрага на лице место спроведува жупаниското државно обвинителство, по што ќе следи прибирање податоци.

„Треба да ги добиеме податоците од контролата на летање, комуникацијата што ја имале со пилотот, радарот и други податоци и потоа ќе добиеме целосна слика и, се надеваме, одговор на прашањето што и зошто се случило“, рече Петрин.

Тој ги отфрли како шпекулации тврдењата дека причината за авионската несреќа е лошото време бидејќи тие „се водат само од факти и дека лошите временски услови не значат автоматски дека тие се причина за авионската несреќа“.

Петрин потврди и дека се работи за холандски авион во кој според планот на летот имало тројца патници од Холандија, а дали е тоа така и кои се патниците ќе утврди обдукцијата која треба да даде одговори и за идентитетот на жртвите, точното време на несреќата и причината за смртта.

Балкан

Хорор кај Лесковац: Дете обесило 4 кучиња заради морничава причина

Момче (14) од селото Власе кај Лесковац е пријавено во полиција бидејќи обесил улично куче, потврди за „Блиц“ Горан Момчиловиќ, долгогодишен протекционист на животните од Лебане.

Веднаш биле алармирани здруженијата за заштита на животни „Добробит“ од Лебане и „Пит“ од Ниш, кои случајот го пријавиле во полиција.

Како што дознава медиумот, момчето на полицискиот распит признало дека изминатата година убил куче, како и уште четири животни.

– Запрашан зошто го направил тоа, тој рече затоа што кучето имало шуга. Всушност, на несреќното животно му паднало малку влакно од кожата бидејќи имало демодекс. Страшно е што момчето признало дека убило уште четири кучиња во изминатата година. За претходниот случај изговор му беше дека ги брка кокошките, па морал да го направи тоа – тврди Момчиловиќ.

Неофицијално „Блиц“ дознава дека предметот е препратен на натамошно постапување во Вишото јавно обвинителство Лесковац.

На социјалните мрежи се појави видео од обесено куче во дворот, а здружението „ПИТ“ од Ниш ја коментираше страшната објава.

– Не е важно дали детето е Ром, Србин или од друга националност, важно е да ја препознаеме таа психопатска особина кај детето, која подоцна води до убиства. Ова момче на 14-годишна возраст годинава обеси пет кучиња. Против малолетникот ќе биде поднесена кривична пријава, доброволно го предал другото куче, кучето ќе биде однесено во ветеринарна амбуланта и е безбедно, а телото на обесеното куче ќе биде предадено на Ветеринарниот институт. Навистина страшна глетка. Родители, чувајте ги вашите деца и не дозволувајте да пораснат во убијци!!! – е еден од коментарите на социјалните мрежи.