Јужнокорејската компанија „Алмак“ и американската компанија „Дура аутомотив системс“ денеска во ТИРЗ 2 во Скопје го означија почетокот на заедничката инвестиција во Македонија.

Станува збор за инвестиција од околу 30 милиони евра кои ќе бидат вложени во изградба на современ објект во кој ќе се произведуваат лесни профили за автомобилската индустрија. Планирано е фабриката да се изгради на површина од 80 илјади квадратни метри и да почне со работа од следната година. Се очекува да се отворат над 70 работни места, а бруто платата за висококвалификуваните кадри ќе биде околу 2.000 евра.

Просечната бруто плата за најслабо квалификуваните кадри кои ќе работат во фабриката, како што посочи Заев, ќе биде 889 евра или просечна нето плата од 580 евра.

Според новите инвеститори, клучни причини поради кои се одлучиле да инвестираат во земјава се стабилниот деловен амбиент, работната сила, инфраструктурата и поддршката што Владата им ја дава на странските инвеститори.

– По истражувањата во многу земји, одлучивме првиот капацитет да го изградиме во Скопје. Изградбата ќе се направи за 12 месеци со модерен дизајн на 80 илјади квадратни метри, рече Џунпајо Парк, претседател и извршен директор на новата заедничка компанија.

Јужнокорејската компанија, како што изјави нејзиниот основач и директор Сојун Парк, ја користи зелената електрична енергија во процесот на производство и 100 проценти ги рециклира остатоците при процесот на производство.

– Ова ново партнерство не симболизира само бизнис, туку спој на две култури, учење на еден од друг и можност да се создаде подобар свет. Ќе работиме на градење успешна приказна на која ќе се гордееме сите, порача Парк.

Од почетокот на годината, вкупниот обем на инвестиции кои почнуваат или се во финална фаза на подготвка е над 120 милиони евра со кои се очекува да се отворат повеќе од 2000 работни места и да се генерира дополнителен извоз над две милијарди евра.

– Успеавме да донесеме далечна инвестиција, не со скапа кампања, туку со добар збор, рече директорот на ТИРЗ Јован Деспотовски.
Сител Тв

Навистина сум вчудоневиден со која леснотија се предлага ваков тип на политика од страна на владата имајќи предвид дека богатите скандинавски земји предлагаат едноцифрен број на луѓе.

Дел од побогатите балкански земји Словенија, Хрватска, фел од балтичките земји исто така прифаќаат едноцифрен број на луѓе кои се Авганистанци кои работеле за владите на тие држави во Авганистан, вели Мицкоски во своето гостување во Тема на денот на ТВ Сител во однос на прифаќањето на лица од Авганистан.

– Баш би сакал да видам една поголема солидарност и да ги видам на дело тие европски вредности од срана на побогатите држави во Европа бидејќи една мала сиромашна држава како што е Мк која е континуирано уценувана за да почне да преговара со ЕУ прима по 4,5,7,10 пати повеќе бегалци тоа е неприфатливо за мене. Додека не видиме пример од побогатите држави во Европа и светот дека навистина се солидаризираат со маката на тие луѓе, дека навистина одвојуваат за тие луѓе да ги прифатат тогаш може да дискутираме во рамките на нашите можности колку ние можеме да прифатиме и да бидеме добри домаќини, изјави Мицкоски.

Тој додава дека прифаќањето на Авганистанците од страна на Македонија како мала и сиромашна држава претставува глупост.

– За мене тоа е неприфатливо, за мене тоа е погрешен потег, затоа што тоа што го прави Владата за мене претставува уште еден вид глупост која нема граница. Ако многу побогати земји од Македонија и многу поспремни влади од Македонија одлучиле да прифатат едноцифрен број луѓе јас не знам со која леснотија влада која за своите граѓани не може квалитетно да се грижи да се грижи за други, истакна опозицискиот лидер Мицкоски.

Вистинска драма се одвива на профилот на Фејсбук на инфлуенсерката Миа Костова, дебатираат со Марија Пијанманов Плевнеш.

Вистинска драма се одвива на профилот на Фејсбук на инфлуенсерката Миа Костова, дебатираат со Марија Пијанманов Плевнеш.

Владата на синоќешната седница донесе најнови мерки, протоколи и препораки за заштита на здравјето на населението од Ковид-19, врз основа на препораките од Комисијата за заразни болести.

Една од мерките се однесува и за влегувањето во моловите на затворено каде од денес не е дозволено без потврда за примена вакцинација.

Да покажеме човечност и да им пружиме рака на авганистанските бегалците кои деновиве се очекува да пристигнат во нашата земја, порача денес премиерот Зоран Заев.

Тој рече дека Авганистан била една од првите земји кои покажале солидарност по скопскиот земјотрес во 1963 година, а Македонија како земја која учествувала во мировните мисии во Авганистан уште од 2002 година, сега кога на авганистанците им е најтешко, треба да им понуди гостопримство.

„Станува збор за миротворци, за луѓе кои што работеле во меѓународни агенции, за новинари, интелектуалци, жени, деца…“, рече Заев, кој додаде дека нашата земја никој не ја натерал, туку самата се понудила да згрижи дел од овие луѓе.

Тој рече дека бројката која што до сега е договорена за прифаќање на околу 450 лица може да се промени за нови 50-70 или 90 лица доколку се покаже таква потреба.

Веќе се знае каде ќе бидат сместени бегалците од Авганистан, објасни Заев, додавајќи дека нашата земја ќе го обезбеди превозот од аеродромот до хотелите, како и бесплатна вакцинација за оние кои што се уште не се вакцинирани (повеќето од нив биле вакцинирани со оглед дека работеле за странски мисии и компании во Авганистан), потоа на бесплатен здравстен преглед на сите на кои тоа им е неопходно, како и бесплатно ПЦР тестирање.