Европската куќа на фудбалот (УЕФА) донесе одлука и го суспендира Марко Арнаутовиќ за следниот натпревар на Австрија, поради пцовки на натпреварот против Македонија кон други играчи.
По постигнат гол, Арнаутовиќ славеше бурно и кажа недолични зборови кон Езџан Алиоски. УЕФА ја разгледа снимката по пријава на ФФМ, па му изрече суспензија на напаѓачот од еден натпревар.
Така, Арнаутовиќ ќе го пропушти дуелот против Холандија на ЕП 2020, а ќе може да игра во последното коло од групната фаза. Арнаутовиќ мина добро, иако казната можеше да биде уште построга.
Скопјанката Моника Стефановска е „македонското девојче“ кое стана вистински хит помеѓу навивачите, вљубениците во фудбалот и поддржувачите на македонската репрезентација. Нејзината фотографија деновиве е актуелна на социјалните мрежи во Македонија, но таа се најде и на Фан Бимот на #Euro2020 во Рим.
Таа во разговор за Скопје Инфо открива дека е дипломиран економист и магистер по спортски менаџмент, професионално се занимава со карате. Слободното време најчесто го поминува со пријателите и семејството.
Вели дека нејзини фаворити на Европското првенство се македонските репрезентативци за кои навива и ги бодри од срце, а освен за нашите играчи, таа навива и за Хрватска.
Неверојатно е како фудбалот ги зближува луѓето, а уште поневеројатна е сцената која вирално се шири на социјалните мрежи, сцена од Букурешт градот каде се делеше Македонија.
Се работи за видео снимено од македонските навивачи и англиски навивачи во еден од градовите каде се игра Европското фудбалско првенство.
Англиските навивачи скандираат на цел глас „Александар бил Македонец“.
Ова следува по голeмaта пoбeдa за Македонија откако УЕФА ги oдби жaлбите на Грција за македонскиот дрес и кратенката МКД.
УЕФА одговори на протесното писмо испратено од Грција и жалбата за акронимот „МКД” кој се користи за Македонија на ЕВРО 2020, апелирајќи дека нема прекршување на Договорот од Преспа.
На неколку часа пред почетокот на Европското првенство, грчкиот министер за спорт Лефтерис Авгенакис испрати писмо со жалба до претседателот на УЕФА, Александер Чеферин за логото на ФФМ кое се наѓа на македонските дресови, на Грците им смета тоа што ФФМ е кратена од Фудбалска федерација на Македонија.
Беше оспорен и акронимот „МКД“ кој се користи за Северна Македонија на ЕВРО 2020, Грција бара да се користи акроним што одговара на новото име, како што е ‘NM’ (North Macedonia) или алтернативно ‘RNM’ (Republic of North Macedonia)”.
Европската куќа на фудбалот сега и одговори на Грција, во писмото испратено од заменик генералниот секретар, Кевин Ламур се вели дека УЕФА го следи примерот на другите спортски институции како Меѓународниот олимписки комитет (ИОК) и го користи кодот (МКД) од Меѓународната организација на стандардизација (ИСО) и ова е во согласност со член 1, параграф 3, точка е од Договорот од Преспа.
УЕФА исто така потенцира дека во службената комуникација го користи терминот „Фудбалска федерација на Северна Македонија“ и дека оваа терминологија е соодветно адаптирана на ЕВРО 2020.
Европската куќа на фудбалот исто така додава дека нема да дозволи европскиот фудбал да стане платформа на која ќе се пренесуваат политички пораки и ќе продолжи да ја штити праксата на неутралност.
Енис Барди ја победи трката со коронавирусот и од самиот почеток е дел од македонската репрезентација на ЕВРО 2020, a по неполна седмица во Букурешт асот на Леванте доби специјален подарок – брендирани патики од брендот „Најк“.
Енис на својот инстаграм-профил се пофали со подарокот, со неговите иницијали и македонско знаме на патики, со порака: На и надвор од теренот, ние навиваме за тебе…
Јуни 2001 година: 17-годишниот Горан Пандев дебитираше на меѓународно ниво
Јуни 2021 година: 37-годишниот Горан Пандев постигна гол на своето деби во ЕУРО, додека Македонија го имаше својот прв настап на некој голем европски турнир – пишува Само фудбал, статус на денот:
УЕФА вели дека нема прекршување на Договорот од Преспа, по протесното писмо испратено од Грција и жалбата за акронимот „МКД” кој се користи за Македонија на ЕВРО 2020,
На неколку часа пред почетокот на Европското првенство, грчкиот министер за спорт Лефтерис Авгенакис испрати писмо со жалба до претседателот на УЕФА, за логото на ФФМ кое се наѓа на македонските дресови.
Од грчкиот МНР, Дендиас беше оспорен и акронимот „МКД“.
Европската куќа на фудбалот сега и одговори на Грција, во писмото исраптено од заменик генералниот секретар, Кевин Ламур се вели дека УЕФА го следи примерот на другите спортски институции како Меѓународниот олимписки комитет (ИОК) и го користи кодот (МКД) од Меѓународната организација на стандардизација (ИСО) и ова е во согласност со член 1, параграф 3, точка е од Договорот од Преспа.
УЕФА исто така потенцира дека во службената комуникација го користи терминот „Фудбалска федерација на Северна Македонија“ и дека оваа терминологија е соодветно адаптирана на ЕВРО 2020.
Европската куќа на фудбалот исто така додава дека нема да дозволи европскиот фудбал да стане платформа на која ќе се пренесуваат политички пораки и ќе продолжи да ја штити праксата на неутралност.
„Здраво на сите, огромно благодарам за вашите убави и неверојатни пораки од целиот свет. Навитина многу ми значи, мене и на семејството.
Јас сум добар, со оглед на условите. Сè уште треба да минам одредени прегледи во болницата, но се чувствувам добро. Сега ќе навивам за мојата селекција, за Данска во наредните натпревари. Момци, играјте за целата нација“, напиша фудбалерот на Данска Ериксен на Инстаграм.
Откако баш претера при прослава на голот со кој ги постави конечните 1-3 за Австрија, Марко Арнаутовиќ објасни зошто се однесувал така иритантно.
Одличниот шпиц кој играше за Интер и Вест Хем а сега настапува во Кина за Шангај Порт, од клупата за резерви го почна мечот, па во вториот дел влезе во игра и во финишот во 89’ минута постигна гол за решавачки 1-3.
Во ист момент почна да му дофрла и да го навредува нашиот бек Езџан Алиоски додека капитенот Алаба му ја затнуваше устата, но сега вели дека жали за бељата. Капитенот Алаба го брани дека најверојатно бил нервозен зошто не го почнал мечот со стартните 11.
„Јас не сум расист и никогаш нема да бидам. Во тој момент тоа беше борба на зборови поради пресилни емоции. Имам пријатели од цел свет. Жал ми е поради инцидентот и се извинувам. Ајде да заборавиме на тоа зошто не е дел од фудбалот“, додал Арнаутовиќ во денешното обраќање до новинарите.
Седумката на Австрија после мечот му пријде на Алиоски, си пружија рака и ја смирија тензијата.
Корпулентниот Арнаутовиќ на 11 мај се повредил на меч за кинескиот клуб Шангај Порт а во полн интензитет почнал да тренира дури на 4 јуни поради што селекторот Франко Фода го држеше на клупата.
Говорот на македонските коментатори пред почетокот на мечот повторно ја наежија цела Македонија.
Добар ден МАЈКО МАКЕДОНИЈО. Добредојде во Европа, фудбалската Европа. Европа без вето, Европа на сите. Европа со еден и единствен, веќе потврден и незаборавен датум. Дедовци и баби, татковци и мајки, браќа и сестри, синови и ќерки – Македонија игра на Европско првенство.
Ова е натпревар за спортска антологиј, за сите генерации минати, сегашни и идни. Натпревар кој ги обединува сите кои некогаш шутнале фудбалска бубамара, но како прозорец кон светот, парадоксално, во една од најтешките години на човештвото, претставува продолжение на величенствената година за македонскиот фудбал. За сите фрустрации, за минати и неостварени амбиции и соништа.
Драги мои Македонци, ние никогаш не сме биле и нема да бидеме робови, но тие што мислеа дека се наши господари денеска знаат дека сме рамноправни со нив и длабоко во себе се плашат дека не само што сме рамноправни туку и дека ако не тие, нивниот пород кога-тогаш ќе сфати дека некогаш од нас го добиле највредното. Поуката дека човекот се раѓа за да се љуби.
Мајко Македонијо, денеска сакај се себеси, денеска почитувај се себеси, верувај во себе и сеќавај се на тоа што ги учеше! Без оглед на се и после се, ги љубиме сите. Но, ќе размислиме дали да им простиме. Тие можат да бидат сигурни дека нема да заборавиме. Никогаш и за ништо!
По неговиот погодок за тимот на Австрија против Македонија, фудбалерот Марко Арнаутовиќ е тема за анализа и на австриските медиуми кои поставуваат дилема дали играчот со хрватски потекло го навредувал македонскиот репрезентативец Езгјан Џани Алиоски
“Во финалето на прелиминарната рунда од групата Ц во 89-та минута Арнаутовиќ продира во казнениот простор, се сврти околу голманот Столе Димитриевски и ја турка топката во водство за 3-1. Напаѓачот од кинескиот клуб Шангај Порт потоа почнува да слави полн со емоции низ националниот стадион во Букурешт и очигледно го кара својот противник Езгјан Алиоски, кој претходно брутално го нападна Ксавер Шлагер и повеќепати го провоцираше тимот на ÖFB”, пишуваат дел од австриските медиуми за инцидентот кој на социјалните мрежи беше оценет како можен говор на омраза кон македонскиот репрезентативец.
Капитенот Давид Алаба потоа ја покрива устата на неговиот соиграч.
Што точно кажал Арнаутовиќ, кој влезе во игра во 59-та минута никој не објавува точно но поради интервенцијата на Алаба кој буквално ја затвара устата на соиграчот јасно е дека австрискиот фудбалер кажал нешто што не смеел да го каже на фудбалскиот терен.
Реакции имаше и на социјалните мрежи:
Арнаутовиќ е трендинг топик у Австрија и сите го плукаат, ниту еден позитивен коментар нема. Типот бил у Србија 4 пати у живот, игра за земја која не е негова и уште се наоѓа прозван да пцуе други националности.Дечко нити Австрија те сака нити Србија, буквало man with no nation.
— Наташа од Македон (@2tWHALie8rakfcF) June 14, 2021
