Category Archives: Македонија

Истражување, Македонија

ВИНИЧКО КАЛЕ – Светско христијанско богатство со непроценлива вредност (Фото)

Gallery

Корените на христијанството се наоѓаат во Виница изразени преку ТЕРАКОТНИТЕ ИКОНИ пронајдени од Виничкото кале.

Виничките теракотни икони се вбројуваат во редот на најавтентични археолошки откритија и претставуваат драгоцен дел од целокупното Христијанско наследство.

Интересот за неговото истражување се појавува во 1978 година, кога археологот Ц. Крстевски донесол во Музејот на Македонија пет фрагменти од теракотни релјефи со иконографски претстави, дотогаш непознати, особено интересни за проучувањето на старохристијанскиот период. Така, од 1985 година се започнува со археолошки ископувања кои непрекинато ќе продолжат до денес.

На почетокот како заштитни, а подоцна систематски, со овие ископувања е констатирана релативната стратиграфија на локалитетот. Според археолошките наоди, особено керамичките, животот во населбата се одвивал во долг континуитет, од неолитското време сè до полниот среден век, со таа разлика што се најмногубројни архитектонските остатоци од доцноантичкото време (4-5 век).

Откриени се остатоци од ѕидови на неколку објекти од профан карактер, со организирани тремови, „клупи“ за седење, магацински простории, ѕидани од камен и варов малтер, кои на одделни места се зачувани во висина дури до 4 м. Во едни се најдени писцина, префурниум, водоводни инсталации и друго. Објектите биле подигнати покрај одбранбениот бедем, од кој е откриен еден дел заедно со една полукружна кула. Бедемот е ѕидан од кршен камен и варов малтер, а неговата ширина изнесува 3 м.

Значајно е да се спомене дека во шутот меѓу ѕидовите е најден голем број на цели и фрагментирани реплики од теракотни икони, со непроценливи археолошки, уметнички и теолошки вредносни димензии. Приближно на средината на локалитетот се наоѓаат моше лошо зачувани остатоци од ѕидови на мала средновековна црква, многу порано прекопана од „диви копачи“ – трагачи по злато.

Околу црквичката е откриен голем број примероци од архитектонска пластика, и тоа колони, бази, капители, делови од канцел, транзени, подни плочи и сл., а од подвижниот материјал фрагменти од керамички садови, предмети од бронза, железо и коска, потоа накит, монети и друго. Откриен е и истражен богат женски гроб од 12 век во кој се најдени 9 стаклени и 4 бронзени позлатени белезици, 11 бронзени прстени (неколку позлатени) и еден предмет од коска (игленица).

Овие теракотни рељефи содржат иконографски претстави со христијанска тематика, како и латински натписи со литургиска содржина. Датирани се во V – VI век и веројатно служеле како апликација на ѕидовите на гробните објекти во доцноантичкиот период во виничкиот градежен комлекс. Теракотните икони од Виничкото Кале кои биле откриени од археологот Цоне Крстевски претставуваат единствени од ваков тип со непроценливо богатство од археолошка, уметничка и теолошка вредност.

Теракотните Икони:

Теракотна икона, Архангел Михаил
Теракотна икона, Даниел меѓу лавови
Теракотна икона, Јошуа и Калеб
Теракотна икона, Константиновиот крст
Терактона икона со Св.Кристофер и Св. Ѓорѓи. (Фото: Музеј „Теракота“)
Четириесет и први псалм Давидов
Три коњаника и еден стрелец
Лозова пенушка-седумдесет и девети псалм Давидов
Лав од племето Јудино

Македонија

ВИДЕО: Како специјалците апсеа на Градски

Video

Уште нестартуван натпреварот меѓу Шкупи и Левски на арената „Тодор Проески“ во Скопје, веднаш инциденти околу најголемиот македонски стадион.

Навивачите на Левски уште со самото влегување на стадионот почнаа со навредливи слогани и извици со провокации кон дел од навивачите на македонската екипа кои пристигнуваа на стадионот, поради што мораше да интервенира и полицијата.

„Уби, уби Шиптара… Ова е Бугарија… Цигани…“ – се дел од навредливите слогани упатени кон играчите на Шкупи кои во моментов се загреваат во очекување на натпреварот.

Сето тоа предзвика и реакција на македонската полиција која мораше да скроти дел од навивачите на Левски кои ја напуштија својата предвидена зона на Источната трибина, па следеа и апсења за дел од најагресивните навивачи на бугарската екипа.

МВР соопшти – момчето кое е прободено со нож има 29 години, позната неговата здравствена состојба

МВР во врска со фудбалскиот натпревар помеѓу екипите на ФК Шкупи од Скопје и ФК Левски од Софија, информира дека приведени се 19 навивачи од Република Бугарија, поради нарушување на јавниот ред и мир пред и за време на натпреварот.

-Од нив, осум лица се приведени за насилство на спортски натпревар, две лица за физички напад на полициски службеници кои вршеле службени дејства, а девет поради агресивно однесување кон нив. По документирање на случајот против нив ќе бидат поднесени соодветни поднесоци, посочуваат од МВР.

Околу полноќ полициски службеници од СВР Скопје лишиле од слобода и двајца навивачи на навивачката група на ФК Шкупи, кои го нарушиле јавниот ред и мир со физичка пресметка. И тие се приведени и ќе се соочат со законски предвидените поднесоци.

Македонија

МВР соопшти – момчето кое е прободено со нож има 29 години, позната неговата здравствена состојба

Video

29-годишен навивач на Левски бил избоден со нож во нападот кој се случи во Чаир вчера попладнето пред дуелот на бугарскиот тим со Шкупи потврди МВР.

На 27.07.2023 во 18.38 часот во СВР Скопје е пријавено дека на ул.„Цветан Димов“ физички биле нападнати Д.А. (29), Д.Ј.(28), Ф.Д.(31) и М.С.(30), сите од Република Бугарија, при што бил употребен и остар предмет, со кој бил повреден Д.А..

Тој бил пренесен во ГОБ „Св.Наум Охридски“, каде му биле констатирани тешки телесни повреди, но според пријавеното од болницата, лицето е во стабилна состојба.

Се преземаат мерки за расчистување на случајот, се вели во известувањето од Министерството за внатрешни работи.

ВИДЕО: ПРОБОДЕН СО НОЖ навивач на Левски – се бори за живот?!
Македонија

Илинденската коњаница од Лисиче ДОБИ БЛАГОСЛОВ и тргна за Крушево (ВИДЕО)

Video

Во организација на здружението „Илинденски коњички марш 1978“, 45-ти пат по ред, илинденската коњаница тргнува за Крушево на традиционалниот марш до Крушево со кој се одбележува 120-годишнината од Илинденското востание.

Во моментов Коњаницата се наоѓа во Црквата Свети Петар и Павле каде добива благослов.

Видео:

https://fb.watch/m2tl5GxYra/?mibextid=NnVzG8

Македонија

Нови спонзори и амбициозни цели за повраток на врвот во ракометниот свет

Повеќекратниот македонски ракометен првак Вардар веќе почна да ја добива поддршката од бизнис заедницата во Македонија, и со задоволство потврдуваме дека компанијата Бествеј Солушнс ќе биде дел од спонзорскиот тим на „црвено-црните“ во иднина.

Со тоа почнува најавениот процес на финансиска стабилизација на тимот и создавање на спонзорски тим кој во иднина треба да му помогне на Вардар да се врати на врвот, во Македонија и во Европа.

Извршниот директор на Вардар, Борко Ристовски и сопственикот на Бествеј Солушнс, Ненад Стојкоски ја офицализираа соработката, и ги најавија новите ветришта кои треба да дуваат во Вардар во иднина.

„Ни претставува огромна чест и задоволство да бидеме дел од спонзорскиот тим на двократниот европски шампион РК Вардар. Ја поздравувам идејата на клубот да ги вклучи легендите на македонскиот ракомет Борко Ристовски и Стојанче Стоилов во раководната структура на клубот. Верувам дека со оваа наша поддршка, ќе придонесеме РК Вардар да се врати каде што му е местото, а тоа е на врвот, изјави Ненад Стојкоски, сопственикот на компанијата.

Бествеј Солушнс е партнер од доверба на водечка светска платформа за iGaming. Како нивен надворешен соработник, нуди беспрекорен микс на експертиза, иновации и силна поддршка. Заедно ги редефинираат границите на успехот на динамичната iGaming индустрија. Нивниот тим на високо обучени професионалци има богато знаење и искуство во корисничка поддршка, техничка поддршка и комплексноста на оваа индустрија, што им овозможува да постигнуваат извондредни резултати за клиентите и успешно да се справат со сите предизвици кои ги носи индустријата.

Извршниот директор во клубот, Борко Ристовски најави уште нови спонзори кои треба да му помогнат на тимот во остварување на зацртаните цели.

„Благодарност до Бествеј Солушнс што ќе биде наш партнер во иднина и го препозна она што во клубот го правиме за враќање на Вардар на патот на успехот. Промените што почнаа во Вардар, и играчки и организациски, сега ги прошируваме и на другите полиња. Сигурен сум дека нашиот спонзорски тим што веќе почнавме да го создаваме ќе ни овозможи не само нормално функционирање, туку и исполнување на плановите во иднина. А тие се враќање на трофеите, враќање во европскиот ракометен крем и создавање на нови играчи. Секој почеток е тежок, но ќе ни биде многу полесно со поддршката што ја имаме од Бествеј Солушнс, и од другите спонзори што ќе додат во семејството на Вардар, изјави Борко Ристовски, извршниот директор на „црвено-црните“.

Екипата во моментов се подготвува во Маврово, по што ќе следуваат неколку контролни средби, изаминување за Струга на меѓународниот турнир „Струга 2023“. Потоа следува двомечот со Рајн Некар во квалификациите за Лига Европа.

Македонија

Кој нема кеш, тешко нему: Не функционираат картичките од сите банки во цела Македонија!

Утринава корисниците на кредитни картички од сите банки во државава се соочија со голем проблем. Плаќањата, но и вадењето пари од картичките е оневозможено. Од НЛБ пратија информација дека нивната мрежа е падната, но информациите од терен говорат дека картичките од ниту една банка не функционираат.

Тоа значи дека ниту од другите поголеми банки, како Комерцијална и Стопанска, картичките не можат да се користат. Вадење пари е единствено можно од шалтерите на банките, а за се друго мора да имате кеш.

Информациите упатуваат на тоа дека се работи за сериозен дефект, поради изгубена врска со главниот провајдер. Се очекува проблемот да биде надминат, но засега не се знае кога би било тоа.

Македонија

Од Зубовце до Крушево: Коњаниците од „Здружението Бигорски Манастир Патот на Црешовото Топче“ по 14-ти пат тргнаа на Илинденски марш

Коњаниците од „Здружението Бигорски Манастир Патот на Црешовото Топче“ по 14-ти пат го започнаа традиционалниот илинденски марш на пат за Крушево.

Денес од с. Зубовце коњаниците од „Здружението Бигорски Манастир Патот на Црешовото Топче“ по 14-ти пат го започнаа традиционалниот илинденски марш на пат за Крушево.

Во с. Зубовце коњаниците се поклонија на гробот на Ненад Серафимоски, кој загина во вооружена престрелка кај кумановско Диво Насеље, бранејки ја Македонија.

Од с. Зубовце Коњаниците го посетија с. Тумчевиште каде се приклучија на Селската слава и патронот на црквата „Свети Архангел Гаврил“, а потоа заминаа за Гостивар.

Во Гостивар коњаниците ги посетија градските гробишта и се поклонија на гробот на Горан Илијески кој загина бранејки ја Македонија во Диво насеље-Куманово. Во Диво насеље животот го загубија 8 припадници на македонската полиција.

Коњаниците помина низ градските улици низ Гостивар, ја посетија Црквата „Св. Богородица“ каде добија благослов од свештеници на гостиварското намесништо, а после тоа трнаа на пат за Бигорски Манастир.
Утре над 45 коњаници од Гостиварско, Струмица и Битола од Бигорски Манастир, ќе го започнат годинешниов марш за Крушево.

Агенда на движење на коњаниците за Четврток 27 јули:

10.00ч. Во манастирската црква „Св. Јован Крстител“ во Бигорски Манастир, ќе се одржи Литургија и Благослов од монашкото братство за успешен пат кон револуционерното Крушево.
10.30ч. Заклетва
11.00ч. Коњаницата од Бигорски Манастир тргнувана на пат за с. Јанче.
12,00ч. Од с. Јанче, коњаницата тргнува кон с.Галичник.
13.30ч. Пристигнување во с.Галичник.
15.30ч. Од селска ливада во Галичник тргнува за бачило Салтаница.
20.00ч. Пристигнување во бачило Салтаница.

Коњаниците и оваа година ќе поминат пет дена-двеста километри, низ планините на западна Македонија, на пат за Крушево.

ФОТО/Фејсбук/Мане Јаковлески

Македонија

,,Ова е држава, а не драгстор во кој ќе влезе некој, ќе плати и ќе добие државјанство”

 Ова е држава, не е драгстор во кој ќе влезе некој, ќе плати и ќе добие државјанство, рече денеска министерот за внатрешни работи Оливер Спасовски.Loading…

Одговорајќи на пратеничко прашање, Спасовски порача дека за државјанство не е доволно само да се поднесе барање, туку треба да се исполнат и сите услови, како и да се поминат сите предвидени постапки.

-Не е доволно само да поднесете барање и од утре да очекувате дека ќе добиете државјанство ако одредени услови не се исполнети. Мора сите да разбереме – ова е процес и ова е држава, не е драгстор во кој ќе влез некој, ќе плати и ќе добие државјанство. Мора да поминат постапките и само преку поминати постапки може да се добие држајанство. Тоа се условите кои треба да бидат исполнети, истакна Спасовски во одговор на пратеничката Илире Даути која се пожали дека се пробиени роковите за давање државјанство на некои лица.

Според министерот, факт е дека одреден број баратели на државјанство покренуваат постапка по еден член, а исполнуваат услови по некаков друг член.

-Пратеничке, за секоја постапка што се води, имате добиено одговор во моментот и ние не можеме да кажеме – утре ќе добиеме ако не е завршена целата постапка и ако не се обезбедени сите документи. Факт е дека голем дел од луѓето кои поднесоа барања, а ги исполнуаат условите за добивање државјанство, тоа го добиле. Факт е дека одреден број баратели на државјанство покренуваат постапка по еден член, а исполнуваат услови по некаков друг член, тоа е работа на самите странки и ќе треба во тој дел, таму каде што имаат основа, да ги поднесуваат барањата, објасни Спасовски.

Македонија

(Фото) ТЕНЗИЧНО ВО КУМАНОВО: Толпа од Оризари насилно влегла во просториите на ЕВН!

Револтирана група на жители на селото Оризари, бидејќи од вчера немаат струја, утрово насилно влегла во просториите на ЕВН во Куманово, велат извори од Електродистрибуција за Плусинфо.

Според информациите кои пристигнаа до нас во моментов жителите на Оризари бараат од Електродистрибуција веднаш да биде отстранет проблемот и тие да добијат електрична енергија, без разлика што дефектот поради кој ова село остана без струја е несовесното однесување на слупчанци, поради кое повеќе села од овој регион вчера беа напојување. Екипите на Електродистрибуција се спречени од жителите на Слупчане да влезат во селото и да го отстранат дефектот.

Од ЕВН нѐ информираа дека по вчерашниот упад на жителите на Слупчане во трафостаниците на ЕВН, селото но и Оризари се сѐ уште без напојување.

Оттаму додаваат дека екипите на Електродистрибуција работеа цела ноќ на санација на дефекти. Нормализирано е снабдувањето со електрична енергија на селата: Ваксинце, Алешевце, Руница, Извор и Белановце.

По вчерашната целосна блокада за да ги спречат повторно да работат екипите на Електродистрибуција, жителите на Слупчане ги уништија трафостаниците за снабдување со електрична енергија и направија дефект од највисок степен, поради што жителите од селото и пошироко останаа без струја.

– Се додека не се создадат нормални услови за работа и се загарантира сигурноста на вработените на Електродистрибуција, нема да работиме на санација на дефекти или извршуваме редовни работни активности во овие села – категорични се од ЕВН.

Инаку, вчера објавивме дека жителите на Слупчане имаат 13 барања кои компанијата ги достави до медиумите, во кои, тие бараат да им се простат досегашни долгови кои, како што наведуваат од компанијата изнесуваат по неколку илјади евра, да добијат бесплатни нови приклучоци, без разлика колку ќе потрошат во иднина да не им се фактурира повеќе од 3.000 денари, верските објекти да бидат ослободени од плаќање и слични други барања, кои додаваат од ЕВН, се спротивни на законските регулативи.

Жителите на Слупчане бараат да плаќаат најмногу 3.000 денари без разлика колку потрошиле: ЕВН и МВР пак не можат да влезат во селото
Македонија

Замисли влагаш во Тинекс и им викаш „Јас сум од Слупчане, сметкава максимум 3.000 ќе ја куцаш, разбра?“

Gallery

Жителите на Слупчане ги условуваат екипите на ЕВН, за да им дозволат да влезат во селото. Наместо слободен пристап до трафостаницата, вработените во компанијата, тврдат дека се соочуваат со вербални и физички напади. 

Жителите им поставиле низа услови, а реакциите на социјалните мрежи се бројни.

Жителите на Слупчане со неколку клучни барања – да им бидат отпишани долговите од милиони евра, да плаќаат максимално 3000 денари по домаќинство, без разлика колку струја ќе потрошат и верските објекти да не плаќаат воопшто.

– Дали вака би направиле Македнците и што тогаш би се случило? Се гледа кој е граѓанин од прв, а кој од втор ред! – гласи еден од многуте коментари во оваа насока.

Сатирата на твитерџиите и овој пат „директно во целта“! Ова се најдосетливите реакции на твитерџиите: 

– Да ги пуштиме да преговараат со Бугарија и ЕУ.

– Предлог…и џепарац да им се дава секој месец и Слупчане држава у држава, одма у устав да се ставе…Нема лабаво како до сега.