Tag Archives: анализа

Истражување

Кој ја ЧИСТИ ВЛАДАТА за 4 МИЛИОНИ ЕВРА?

Фирми за чистење и тековно одржување прават милионски суми преку македонската влада, односно преку тендери кои ги добиваат од државните институции и претпријатија. Девет од десет најголеми компании кои се занимаваат со овој бизнис, милионите ги прават генерално преку договорите кои ги склучуваат со државните институции.

Иако звучи чудно или неверојатно за овој бизнис, сепак реалноста е дека има многу пари, огромни милионски суми, особено ако добиваш државни тендери и нејасно за јавноста е како се одредуваат сумите и зошто точни тие компании добиваат милиони.

Според анализата на БизнисМрежа.мк и Пари десетте најголеми компании кои се со шифра „останати дејности на чистење на згради и објекти“, лани направиле вкупен приход од 16,3 милиони евра (2,2 милиони евра повеќе отколку во 2019 година)  и тоа им донело добивка од 780.000 евра (220.000 евра повеќе отколку во 2019 година). Заеднички именител на сите нив (освен на „Хаус мајстор домување“) им е учество на тендерите за јавни набавки на државни институции и претпријатија.

Како добиваат толку пари говори на пример тендерот за одржување хигиена за една година во државните органи и подрачните едници на министерствата за кој се плаќа 4 милиони евра, МВР и Агенцијата за национална безбедност имаат склучено двегодишни договори за 3,4 милиони евра, Пошта, исто така двегодишен договор за 770.000 евра…

Како што може да се види од табелата, рекордер во ова друштво е „Серта“ која ги чисти сите органи на државната управа и подрачните единици на министерства. Според последниот договор со Службата за општи и заеднички работи на Владата, склучен на 21 октомври 2021 годин, (објавен на Бирото за јавни набавки) „Серта“ ќе добие 256.132.930 денари, или над 4 милиони евра (вредност на Договорот со ДДВ).

За овие пари, во текот на една година, „Серта“ треба да биде на располагање 24 часа, да чисти внатрешни површини, пристапни асфалти, фасади, снегови од кровови… Годинава „Серта“ склучила и два договори со Дирекцијата за технолошки индустриски развојни зони (ТИРЗ), едниот во вредност од 4,5 милиони денари, а другиот за 5,8 милиони денари, како и со ЈП „Водовод и канализација“ за 2,6 милиони денари. Дирекцијата за ТИРЗ и Водовод ги има и и во 2020 и во 2019 година. А, според известувањата за склучени договори, „Серта“ чисти и во Агенцијата за електронски комуникации, на Универзитетот „Кирил и Методиј“, Националната арена „Филип Втори“.

Службата за општи и заеднички работи на Владата има склучено договор за одржување на хигиена и со „БАПАЛ Благој“, исто така на 21.10.2021 година. Со оваа фирма договорот е 208.781.734 денари, или околу 3,4 милиони евра. И ова е едногодишен договор и се однесува на одржување на објектите на државната управа и на подрачните единици на министерствата, но овој пат за одржување на водовод, електрика, градежно занаетчиски работи, столарски работи. Годинава, оваа компанија склучила и двегодишен договор со Државна видеолотарија за одржување на хигиена на деловните простории со месечен надомест до 49.292 денари. Договори за тековно одржување и одржување на хигиена има и со Агенција за храна и ветеринарство, Агенција за аудио и аудиовизулни медиуми, Факултет за ветринарство, Државен завод за статистика…

И „Хауз мајстор плус“ годинава има склучено договор со Дирекцијата за технолошко индустриски развојни зони, но за  „услуги за сервис и одржување на електрични апарати и тековно одржување на ТИРЗ“. Овој договор е 1,4 милиони денари, или околу 23.000 евра. На Е-набавки има уште само еден договор со оваа фирма, а тој е со Факултетот за дизајн и технологии на мебел и ентериер при УКИМ,склучен на 371.809 денари.

„Техно-чист“ последен договор ( на 23.09.20121 година) има склучено со Пошта за одржување на хигиена во деловните простории во текот на 2 години. Овој договор, тежи 44,5 милиони денари, или околу 720.000 евра со ДДВ! Договори има и со Државна комисија за жалби по јавни набавки, ЈП Колекторски систем….

За хигиената и тековното одржување на работните и други простории на Министерството за внатрешни работи (МВР) и на Агенцијата за национална безбедност (АНБ) на 10 јули годинава,  склучени се договори за наредните 2 години во висина од 3,4 милиони евра со три компании: „Инфинити  клининг“ за околу 2,2 милиони евра, „Ланд сервис“ за околу 1 милион евра и  „Сити логистика 2011“ за околу 170.000 евра. Но, пребарувањата за компанијата „Бигор клининг“ на системот за електроски набавки покажа дека МВР има склучено договор за хигиена и со оваа компанија, на 24.09.2021, во висина од 94.000 евра.

Покрај договорот со МВР, „Ланд сервис“ склучил договор и со ЈП за државни патишта, за одржување на хигиена во нивните објекти, исто така за две години, за околу 160.000 евра, а „Бигор клининг“ се договрил за 10.000 евра да го чисти Медицинскиот факултет, а хигиената во Институтот за радолологија ќе ја одржува една година за 14.000 евра.

„Стед комерц“ склучил договори со МАНУ, со Службата за општи и заеднички работи на Владата, со Министерството за здравство, со Царинската управа… Поголем дел од договорите на оваа компанија се водат како „набавки со мала вредност“ и станува збор за одржвање на теписони, перење завеси и слично.

„Перпетуумобиле“, на официјалната страница на Бирото за јавни набавки се јавува со склучена само една јавна набавка, и тоа со Министерството за финансии во 2019 година во вредност од 51.000 евра.

Извор: Пари

COVID 19, Истражување

Пари: Граѓаните искреширале 131 МИЛИОНИ ЕВРА во аптеките низ Македонија, за 1 година

Според податоците на порталот Пари во соработка со бизнис платформата БизнисМрежа.мк она што е за одбележување е што во листата на ТОП 10 аптеки кои оствариле најголем приход минатата година, сите без исклучок оствариле поголем приход од 2019 година.  И кај добивката ситуацијата е слична, сите тие ја завршиле годината со зголемен профит освен последната кај што има мал пад.

Вкупно 10-те најголеми аптеки во земјава минатата година на сметка генерирале вкупен приход од 131 милион евра и добивка од 2,1 милион евра.

Целосната анализа на следниов линк:

https://pari.com.mk/zegin-farm-od-prodazba-na-lekovi-svrte/

COVID 19, Истражување, Македонија

Проф. Трајковски: За една недела би можело и до 2000 нови случаи, пикот веќе околу 1 септември

Министерството за здравство информира, согласно податоците од Институтот за јавно здравје: Во последните 24 часа се направени 5.780 тестирање, а регистрирани се 588 нови случаи на КОВИД-19.

Математичките пресметки на професорот Дејан Трајковски покажале дека во моментов едно инфицирано лице заразува тројца.

Предупредува дека со ваков раст на бројките за седум дена може да очекуваме и по 2000 заразени дневно. Наместо средината на септември, сега проценките на Трајковски се дека врвот на заразени ќе биде за максимум две недели.

„Со вакво високо забрзување за само една недела ние би можеле, доколку не се намали ова забрзување, да стигнеме до 1500-2000 нови случаи дневно.Колку е повисок ефективниот репродукциски број, толку побргу бројките се искачуваат и толку побргу ќе биде достигнат врвот. Тоа е лоша вест затоа што може да направи при тисок врз болниците. При ваква висока преносливост веројатно пикот ќе го видиме со поголеми бројки уште порано, можеби околу 1 септември“, вели Трајковски за Канал 5 ТВ.

Каква ќе биде епидемиолошката крива во голема мера ќе зависи и од темпото на имунизирање. Граѓаните и денеска навалија по вакцина а четирите новоотворени пунктови колку-толку успеаја да ги намалат гужвите. Пред поликлиниката Букурешт, и младо и старо, чекаа во ред за да се боцнат.

COVID 19, Анализа

Проф. Трајковски: Ситуацијата ќе се вложува, веќе почина цел еден град како Берово или Кратово

Професорот Дејан Трајковски од Универзитетот „Св Климент Охридски“ од Битола со своја анализа за состојбата на новозаразени и бројот на починати напиша на Фејсбук:

19.03.2021. Да тропнеш и да останеш жив дека денеска имало помалку новодијагностицирани и дека бројот на нови случаи ќе се намалувал, може да значи или дека не знаеш што зборуваш или дека си непоправливо расипан и ич не ти е гајле што народот се повеќе ќе се разболува и ќе умира поради твоја негрижа. Да, се повеќе ќе умира, затоа што од денешниве 999 нови случаи ќе умрат помеѓу 28 и 35 лица по 10-14 дена. Жален факт, но тоа е статистичка неминовност поради долгорочната и прилично стабилна стапка на леталитет од 3,15% +/-0,8%.

Некому можеби епидемијата му изгледа како зафрканција и се однесува неодговорно, ама луѓето тоа до сега го платија со 7.000 животи, сметајќи со дополнителната необјаснета смртност од извештаите на ДЗС. Од лицето на земјата е збришан цел еден град со големина на Берово или Кратово, ако некому не му е јасна бројката. Но, ајде да не зборуваме на охајбе (како нив) и да фрлиме малку потрезвен и постручен поглед на целата ситуација и да видиме зошто бројките нема да се намалуваат, барем не во наредните 7-10 дена. Нормално, неделните и понеделничките бројки не ги сметаме за намалување поради намалениот број на тестирања преку викендот.1. Ефективниот репродукционен број Rt, главната мерка на забрзувањето на растот на дневните бројки, не само што е над единица, туку се наоѓа во нагорен коридор, прикажан со парот жолти линии на првиот дијаграм.

Дури да се случи веднаш од утре трендот на Rt да ја смени насоката и да биде пробиена долната жолта линија на нагорниот тренд, со нормално темпо на намалување (под услов да нема неколкудневен локдаун 24/7), Rt најрано може да се спушти до единица околу 30 март, односно дури тогаш би запрел растот на дневните бројки. Да нема забуна, до тогаш бројките во просек ќе растат.2. Споредувајќи го денешниот петок со минатиот, денешните 999 нови случаи претставуваат јасно зголемување за околу 15% во однос на 868 случаи од пред 7 дена. За какво намалување тогаш зборуваме?3. Денешниве 999 случаи се над седумдневниот просек од 908,6 случаи, што значи дека не само што денешната вредност не е под просекот, туку е над него за десетина проценти.4. Најпростиот, најстариот и најупотребуваниот индикатор на трендот, брзата и бавната подвижна средина (на втората слика) јасно покажуваат нагорен тренд на бројките, односно јасно забрзување. 7-дневната (брзата) подвижна средина на дневните бројки (црвената линија) е упорно над 14-дневната (бавната) подвижна средина (сината линија), без наговестување за скоро пресекување. Дури и кога ќе се пресечат, поради инерција бројките не можат веднаш да тргнат надолу, како што веднаш не тргнаа ни нагоре на почетокот од февруари.5.

Бројот на активни случаи не само што нема тенденција за израмнување (премин во хоризонтала), туку дополнително забрзува нагоре. На третиот дијаграм ја гледаме линијата на квадратична (параболична) регресија, каде убаво се гледаат скоковите во саботите и забрзувањето.

Да се потсетиме, се додека бројот на активни случаи расте, тоа значи дека моментално имаме повеќе нови случаи на ден отколку пред 18 дена – уште еден индикатор на забрзувањето. Таа линија најпрво треба да стане права, па да се свитка надолу за да потврдиме намалување на бројките. 6.

Пред нас е сабота, ден со големи дневни бројки, односно ден со голем сезонски индекс според моделот на трендовско-сезонска декомпозиција. Очекуваниот интервал за утре е 1.210 +/-130. Ќе биде тоа добра лекција за оние кои мислат дека бројките се намалуваат.За 3 дена ќе заврши мајтап-полицискиот час и ќе можеме да ги сумираме резултатите од него. Но, уште отсега се гледа – од 871 стигнавме до 1.293 случаи, а допрва ќе гледаме уште поголеми бројки.

При вакво влошување на ситуацијата (за што се одговорни) и после сите очајнички барања на населението на најзагрозените општини за заострување на мерките, уште имаат лице да излезат пред јавноста и мирно да соопштат дека немало потреба од порестриктивни мерки, затоа што овие биле доволни и ќе ги собореле бројките. Како што состојбата ќе се влошува и ќе расте бројот на хоспитализирани и починати, ќе слушаме се покреативни и се поглупави изјави и оправдувања. Веќе видена работа од есенскиот бран.