Tag Archives: деца

Балкан

УЖАС НА ТИК ТОК: Децата бираат меѓу убиецот и жртвите на масакрот во ОУ „Рибникар“:

По масакрот во ОУ „Владислав Рибникар“, на социјалните мрежи се појавиле низа застрашувачки видеа на кои се воздига момчето убиец, но последниве денови тој тренд станува сè повеќе морничав, па во коментарите биле замолени да престанат со тоа.

Имено, сега на „ТикТок“ постои актуелен филтер со кој децата од регионот, но и од странство можат да бираат помеѓу момчето убиец и неговите жртви. Тие кратки видеа на „ТикТок“ изгледаат вака: – На едната страна се 10 жртви од „Рибникар“, а на другата – момчето убиец. Тогаш авторите на видеото, движејќи ја главата лево или десно, избираат кој за нив го претставува „кралот“.

Застрашувачки е што филтерот го „преплавил ТикТок“. Го користат најмногу луѓето од регионот, но меѓу нив и странци кои, без разлика дали знаат за што се работи и ли не, смеејќи се го воздигнуваат и избираат момчето убиец.

„Ти треба помош“

Во коментарите на тoa видео, свесните луѓе апелирале да престане овој морничав тренд. „Ти треба помош!“, „Тоа е нечија сестра, нечиј брат, нечиј пријател …“, „Кој ќе повика полиција?!“, се дел од критиките во коментарите, но одговор од авторот на видеото немало.

Како што може да се забележи на едно од видеата, веројатно објавени од малолетно девојче, таа имала фотографии од жртвите и детето убиец над главата. Девојчето ги затворило очите, се насмевнала и ја свртелa главата кон сликата со детето убиец, додека од другата страна наизменично се менувале фотографиите на жртвите.

(Фото) Ова е ученикот кој пукаше на своите соученици во Белград: Еве како го изнесуваат по крвавиот инцидент
Балкан

Брутална тепачка меѓу средношколци од две белградски гимназии (Видео)

Video

На социјалните мрежи е објавено видео од тепачка во Звездарска Шума. Се гледа како машките се удираат со тупаници, клоци, а девојчињата викаат по нив да не користат факели. Видеото за краток период видеото стана вирално, а се испостави дека станува збор за матуранти во Шестата и Седмата белградска гимназија.

Директорот на Шестата белградска гимназија, Радисав Милиќ и директорот на Седмата белградска гимназија Мирослав Маркиќевиќ кажаа што се случувало дента.

– Тој ден се беше убаво во училишниот двор, децата се однесуваа соодветно, се поздравија со учителите. После тоа сами се собраа во Звездарска шума, не знам која е причината за тепачката – рече Радисав Милиќ, директор на Шестата белградска гимназија.

За матурантите на Седмата белградска гимназија, директорот Мирослав Маркиќевиќ изјави дека нивните ученици биле љубезни додека биле во училишниот двор. Тој тврди дека не знае како се случил инцидентот во Звездарска Шума.

Бран насилства ја „тресат“ Србија, за што имаше и протести. Претходно, се случија два масакри, еден во училиште во Белград, а друг во Младеновац.

Свет

(ВИДЕО) Четири деца и бебе пронајдени живи во џунгла 15 дена откако авионот со кој патувале се урнал

Спасувачите, прудружени од кучиња трагачи, претходно пронашле фрлено овошје кое децата го јаделе за да преживеат, како и импровизирани засолништа направени од вегетација од џунглата

Четири деца, меѓу кои и 11-месечно бебе, беа пронајдени живи повеќе од две недели откако авионот со кој патувале се урнал во густа џунгла во колумбиската провинција Какета.

Децата, по двонеделна потрага, биле спасени од припадници на војската, пожарникари и претставници на цивилната авијација.

Спасувачите, прудружени од кучиња трагачи, претходно пронашле фрлено овошје кое децата го јаделе за да преживеат, како и импровизирани засолништа направени од вегетација од џунглата.

Видео:

Несреќата се случила на почетокот на мај, кога авионот „цесна 206“, во кој се превезувале седум лица меѓу Аракуара, во провинцијата Амазонас, и Сан Хозе дел Гуавијаре, град во провинцијата Гуавијаре, се урна во џунглата.

Во несреќата загинале тројца возрасни, меѓу кои и пилотот, а нивните тела биле пронајдени во авионот. Четири деца на возраст од 13, 9 и 4 години, како и едно 11-месечно бебе, кои припаѓаат на домородното население Уитото, ја преживеале авионската несреќа.

„По макотрпна потрага на нашата војска, ги најдовме живи четирите деца кои исчезнаа по авионската несреќа во Гуавијаре“,

објави колумбискиот претседател Густаво Петро во објава на Твитер.

Џунглата е многу густа и опасна во таа екстремно оддалечена област, а потрагата беше отежната поради присуството на диви животни, дрвја високи и до 40 метри и обилниот дожд, додаде тој.

Причините за несреќата сè уште не се утврдени. Според Цивилната заштита, пилотот пријавил проблеми со моторот пред да исчезне од радарот.

Македонија

Дете избоде дете кај џамијата во Батинци!

На 13.05.2023 полициски службеници од ЕВР Аеродром и Драчево привеле малолетник од с.Батинци, постапувајќи по пријава според која на 12.05.2023 во вечерните часови во с.Батинци, скопско, во близина на џамијата, нападнал друг малолетник од истото село и му нанел повреда со остар предмет.

Повредениот е пренесен во ГОБ „Св.Наум Охридски“ за укажување на лекарска помош, велат од МВР.

Како што информираат од МВР, со пријавениот малолетник во присуство на родител е извршен службен разговор во полициска станица и во координација со Јавен обвинител против него ќе биде поднесена соодветна кривична пријава.

Македонија

Овие млади македонски математичари го надминаа и тимскиот рекорд по освоени поени на Балканската математичка олимпијада

Младите македонски математичари кои деновиве постигнаа голем успех освојувајќи рекордни шест медали на Балканската математичка олимпијада, поставија и нов тимски рекорд кога се работи за вкупно освоените поени.

– За прв пат се освоени шест медали меѓу кои еден златен, еден сребрен и четири бронзени медали. Бројот на освоени тимски поени кој само во 2022 г. беше 118 е уште еднаш надминат, и оваа година изнесува 157 поени, што ја пласира Македонија на 5-тото место во официјалната конкуренција. Македонија е една од трите држави со златен медал, соопшти Сојузот на математичарите на Македонија.

Златниот медал е освоен од Никола Спировски, сребрениот е од Дамјан Давков, а бронзените од Јан Стојановски, Алексиј Тасиќ, Никола Цветаноски и Алек Танаскоски.

Се додава и тоа дека што една од задачите кои сите учесници на Олимпијадата ја решаваа беше македонски предлог (задача 1), во авторство на лидерот на македонскиот тим Никола Велов.

Македонија

Заев: Моите деца учат во Солун, таму сите се љубезни

Придобивките од Преспанскиот договор, односите со Грција денес, како и ставот на опозицијата за името Северна Македонија, беа темите на кои се осврна експремиерот Зоран Заев во интервју за грчкиот весник „Катимерини“.

Експремиерот вели дека сега, анкетите ја покажуваат Грција како еден од петте најдобри пријатели на Северна Македонија, додека пред Преспа, таа беше еден од нашите три најголеми политички непријатели.

„Денес, многу се радувам кога гледам семејства како меѓусебно комуницираат, се посетуваат, доаѓаат на пазарење, за медицинска нега, на пример на стоматолог. Ние доаѓаме на кафе, на храна, на шопинг, особено во Солун. Како политичар многу често сум во Грција, бидејќи моите деца учат во Солун и запознавам многу луѓе. Сите се толку љубезни, а има и такви кои велат „Господине Заев, јас сум против Преспанскиот, но вие сте добар човек. Затоа, ајде да работиме заедно“, рече Заев.

Експремиерот се заблагодари на грчката влада како за помошта што и ја понуди на неговата земја за време на пандемијата, така и за поддршката за НАТО и европската перспектива.

Вели дека е очигледна разликата во односите, а луѓето ги виделе придобивките од договорот.

„Нашите земји и порано имаа некаква економска соработка. Но, сега, после Преспа, се’ е отворено. Во Северна Македонија беа направени многу инвестиции од Грција, особено во енергетиката, додека во периодот на коронавирусот, Грција ни помогна со тоа што ни обезбеди вакцини. Сега градиме заеднички енергетски пазар и се обидуваме да бидеме отпорни и подобро подготвени за идните енергетски кризи. Ние сме мал регион и ако работиме заедно, навистина ќе бидеме посилни“, рече Заев.

Македонија

Додека Весна Бејби дебатираше со министерот Шаќири за ножевите во училиштата тој си гледаше во својот телефон (ВИДЕО)

Video

Актерката Весна Петрушевска Бејби секогаш е гласна кога станува збор за неправдите. Таа како учесничка на дебатата за врсничко насилство му одржа лекција на министерот за образование Јетон Шаќири за тоа што треба да превзема како надлежни, пишува Скопје инфо.

Петрушевска кажа дека анкетирала 80 деца од 8 до 14 години во нејзината актерска школа и сите кажале дека имало ножеви во нивните одделенија, па го праша министерот: Како ќе го регулирате тоа?

Видеото стана вирално со оглед дека додека Петрушевска го поставуваше прашањето ресорниот министер на дебатата гледаше во својот мобилен телефон.

Според Петрушевска, Шаќири „кажува бајка“ кога зборува што презема МОН за превенција од оваа појава во училиштата, меѓу кои и најавените протоколи од новата учебна година.

-Има деца кои не сакаат да кажат за врсничкото насилство затоа што, прво, имаат страв од родителот дома да не го осуди, а, второ, кога ќе пријават кај психологот во основното училиште и кај класниот раководител, секогаш жртвата е виновник… Овие деца се други, растат во друго време и во таа насока треба да ги воспитуваме и да се грижиме за нивното ментално здравје кое во Македонија е табу-тема, кажа Петрушевска.

Балкан

Како да се вратиме на училиште кога половина од одделението ни е мртво!

Момчето кое изврши масакр во неговото основно училиште „Владислав Рибникар“ во Врачар, веќе шест дена е на специјално одделение на Клиниката за неврологија и психијатрија за деца и млади, додека неговите другари од училиште се обидуваат да пронајдат сила да се вратат во училишните клупи и повторно да ја проживеат траумата предизвикана од неговиот помрачен ум.

Момчињата од неговото одделение кои беа сведоци на пукањето во кое Коста одзеде осум животи на нивни врсници за српски Курир изјавија дека во никој случај не се подготвени да се вратат во истата просторија, истиот ходник, истата зграда…

– Ни рекоа дека треба да се вратиме во среда и се да биде како што беше. Не знам како ќе успееме, колку повеќе минува времето толку е полошо бидејќи сфаќаме што се случи со сите наши пријатели. За некои не ни знаеме дали ќе останат живи, дали ќе играат фудбал со нас, дали ќе можат да седат, изјави за Курир едно од момчињата што се најде на списокот на смртта што го направи неговиот соученик.

Друго момче вели дека иако знае дека мора, не знае ни во кое одделение треба да се врати.

– Каде да се вратиме? Половина од нашето одделение го нема затоа што ги убил или повредил, а половина родители сакаат да ги испишат од училиштето. Дали треба да бидеме петмина во училницата? Кога се вратив на училиште таа вечер да запалам свеќа за моите другари и чичко Драган, и кога ги видов скалите на училиштето ми се слоши, сега не знам што ќе се случи кога повторно ќе одиме и ќе видиме дека никој од нив нема – вели ова момче.

Според него, девојчињата од неговиот клас биле скршени бидејќи сите биле нераздвојни и се однесувале како едно.

-Нормално сите заедно се дружевме бидејќи имавме некои заеднички интереси, но тие како девојчиња нон стоп беа сите заедно. Никогаш не биле разделени, а сега десет од нив ги нема, една е во тешка состојба, а има уште во болница. Ние некако во моментот се разбегавме, но тие беа убиени – вели момчето и додава:

– Други двајца скокнаа низ прозор, јас низ врата, па во еден локал овде, сите се снаоѓаа како можеа, но тие мислеа дека можат да го спречат и тој ги убил!

Осомниченото момче уби осуммина свои пријатели и обезбедувачот Драган В.(51), а тешко рани уште шест негови врсници и професор по историја Т.С.(54).

Фото: курир.рс

Македонија

Ученичка од Скопје направила список со закани за соучениците – МВР презема мерки!

На 08.05.2023 во СВР Скопје 47- годишна жена пријавила дека во основно училиште на подрачје на Центар ученичка во училиштето направила список со закани за соученици.

Известена е директорката на училиштето, Центарот за социјални работи и јавен обвинител и се преземаат мерки за расчистување на случајот.

Истражување

Им ги ОДЗЕЛЕ ТЕЛЕФОНИТЕ НА ДЕЦАТА на осум часа – ШОКАНТНО е нивното однесување без мобилен

Индекс

Психологот за деца од Санкт Петербург, Екатерина Мурашова и нејзините колеги во 2013 година спровеле интересен експеримент. Таа побарала од 68 тинејџери на возраст од 12 до 18 години да се откажат од сите свои електронски уреди, односно да ги исклучат мобилните телефони, компјутерите, телевизорите, таблетите и конзолите за игри, во траење од осум часа и за тоа време да не комуницираат со никого.

Она што им било дозволено во тие осум часа е – да пишуваат, цртаат, читаат, пеат, шетаат и да се занимаваат со слични активности. Авторката на експериментот сакала да докаже дека современите тинејџери не можат да се преокупираат со такви работи и дека се целосно несвесни за својата состојба.

Според правилата на експериментот на децата им било советувано да го прекинат експериментот доколку почувствуваат прекумерна вознемиреност, непријатност или напнатост и да го забележат времето и причината за прекинот.

Резултатите биле шокантни, а треба да се земе предвид и дека експериментот е спроведен пред десет години, кога технологијата беше далеку помалку распространета отколку денес.

Од 68 испитаници, само тројца го завршиле експериментот – едно девојче и две момчиња. Тинејџерка осум часа ги запишувала своите чувства во дневник. Едно од момчињата правело макета на едрилица, со пауза за ручек и шетање на кучето. Вториот прво ги сортирал и преуредувал своите колекции, а потоа се занимавал со пресадување цвеќиња. Ниту еден од нив немал негативни емоции за време на експериментот и не забележал појава на „чудни“ мисли.

Тројца учесници во експериментот изјавиле дека „имале самоубиствени мисли“, а петмина доживеале напади на паника. Кај 27 тинејџери се забележани симптоми како гадење, потење, вртоглавица, бранови на жештина или болки во стомакот. Речиси секој од нив пријавил чувство на страв и вознемиреност.

Интересот и возбудата за новонастанатата состојба и за соочувањето со себеси стивнаа кај речиси сите учесници на почетокот на вториот или до третиот час. Десет тинејџери кои го прекинале експериментот се чувствувале вознемирени по три или повеќе часа осаменост.

Што правеле тинејџерите за време на експериментот?

Јаделе;

Читале или се обидувале да читаат;

Пишувале домашни задачи или учеле;

Гледале низ прозорецот или се шетале низ станот;

Излегле во продавница или кафуле, без да комуницираат со други, освен со продавачите;

Наоѓале загатки и ределе „Лего“ коцки;

Цртале;

Си играле со куче или мачка;

Се капеле;

Си ја средувале собата или станот;

Се занимавале со физичка вежба;

Ги запишувале своите чувства и мисли;

Свиреле на пијано, гитара или флејта;

Пишувале поезија или проза;

Едно момче патувало низ градот пет часа, менувајќи автобуси и тролејбуси;

Едно момче отишло во забавен парк, но по три часа почнало да повраќа;

Едно момче шетало низ градот;

Едно момче отишло во зоолошката градина;

Една девојка отишла во музејот.

Што правеле по експериментот?

Речиси секој учесник се обидел да заспие во одреден миг, но никој не успеал поради мислите што им се вртеле низ главата. По завршувањето на експериментот, 14 тинејџери веднаш пристапиле до социјалните мрежи, 20 контактирале со своите пријатели, тројца со родителите, а петмина отишле да посетат свои другари. Останатите ги вклучиле телевизорите или почнале да играат видеоигри. Покрај тоа, речиси сите веднаш си пуштиле музика или ставиле слушалки на ушите.

Сите стравови и симптоми исчезнале веднаш по завршувањето на експериментот. Интересно е што 63 тинејџери го препознале експериментот како корисен и интересен за самоспознавање. Шест учесници сами го повториле експериментот и тврдат дека успеале по неколку обиди.

Кога тинејџерите анализирале што им се случило за време на експериментот, 51 лице користеле изрази како „зависност“, „доза“, „повлекување“, „излегува дека не можам да живеам без…“, „Постојано ми треба…“

Сите тие рекоа дека биле страшно изненадени од мислите што им се случиле за време на експериментот, но не можеле да се справат со нив поради влошување на општата состојба. (МИА)