Tag Archives: Дуи

Македонија

МИНИСТЕР ОД ДУИ ОДБИЕН ЗА ВИЗА ВО САД: Амбасадата не го открива неговото име

Генералниот секретар на Алтернатива Зеќирија Ибрахими тврди дека американската амбасада во Скопје му одбила виза на еден од министрите на ДУИ, пишува порталот на албански јазик Лидери.мк.

Тој јавно го прозва вицепремиерот Артан Груби да каже за кој министер станува збор.

– Кога сме кај јавните прашања, јавноста сè уште не доби одговор на кој од министрите на ДУИ му е одбиена американска виза и зошто? Дали можеби Артан Груби сака да одговори – праша по втор пат Ибрахими преку Фејсбук.

Во врска со оваа информација, порталот Лидери.мк побара одговор од американската амбасада во Скопје, од каде одговориле дека поради приватност на апликацијата, конзуларниот сектор во амбасадата не споделува никакви информации со барањата за визи на граѓаните, било да се работи за функционери или за обични граѓани.

Медиуми шпекулираат дека на неименуваниот министер не му е дадена виза за САД поради блискоста и соработката со градоначалникот на Струга Рамиз Мерко, кој од неодамна е ставен на црната листа на САД.

Македонија

Сите министри на ДУИ поднесоа оставки до Ковачевски, бараат да се изгласаат уставните измени

Сите министри од ДУИ денеска испратиле писмо до премиерот Димитар Ковачевски со кое го известуваат дека потпишале оставки од функциите кои ги извршуваат, дознава ТВ21.Loading…

Според информации на телевизијата, во писмото испратено до премиерот пишува уште дека оставките стануваат ефективи веднаш откако ќе се изгласаат уставните измени, односно ако опозициската ВМРО-ДПМНЕ даде поддршка и гласа уставни измени.

„Ние, министрите и владините функционери од редовите на Демократската унија за интеграција, поднесуваме оставки од функциите што во моментов ги извршуваме!

Оставки, г. Премиере, автоматски се ефективни во моментот кога опозицијата ќе ги изгласа уставните измени“, се вели во дел од писмото кое го испратиле министри на ДУИ до премиерот Димитар Ковачевски.

Македонија

„Ќе чуеме ли еден политичар од ДУИ, Беса, Алтернатива, АА, некој интелектуалец Албанец да излезе со јасна и остра осуда на племенското однесување на Слупчанци?!“

Инцидентите што неколку дена се случуваат во Слупчане, наидоа на лавина реакции во јавноста. Меѓу таквите што реагираа е и адвокатот Јанаки Митровски.

„ Ќе чуеме ли еден политичар од ДУИ, Беса, Алтернатива, АА, некој интелектуалец Албанец да излезе со јасна и остра осуда на племенското однесување на Слупчанци?!

Валда не се луди Албанците во Карпош, Нерези, Сарај што плаќаат струја?

Каде го има ова уште барања си пуштаат максимум 3.000, па дај и за мене нека важи, зарем не !

Да не ги пресметува ЕВН загубите на нас будалите што плаќаме не би ми чуело ама јас да плаќам за некои силеџии, што е многу многу е!!!

Се нашло па се зашто уста полна права ама неми кога збориме за обврски!!!!“, напиша тој на Фејсбук.

Македонија

Ако Груби лаже за Аудито, за што друго лаже ???

Gallery

Во саботата беше запалено возилото на вицепремиерот Артан Груби. Запаленото „ауди“, според него, не е негово, туку на пријател. Но, доколку Груби не ја кажува вистината и прикрива имот, еве што вели Кривичниот законик, поточно, членот 359а, став 2.

Пратеникот на ВМРО-ДПМНЕ Драган Ковачки открива уште една нелогичност во случајот со запаленото возило „ауди’ кое – бе било во сопственост на првиот вице премиер но кое тој го користел:

„Ако запаленото возило на Артан Груби не било во негова сопственост, туку се водело на име на фирма Еуроком или на комшијата, а Груби само го користел, тогаш кој е тој што дозволил на возило кое не е во сопственост на МВР или на друг државен орган, да се стават флешери и звучна сигнализација?

Министре Спасовски, Вие ли одобривте да се стават флешери на приватно возило на фирма, кое според медиумите, но и според Крешник Бектеши и Бујар Османи е во сопственост на вицепремиерот? Зошто не ја кажете вистината?

По кој закон, уредба или правилник е тоа направено? Уште колку такви возила со предимство на минување на име на приватни фирми или на комшии имаме во државата“, праша Ковачки.

За инцидентот со опожареното возило во скопската населба Чаир на својот фејсбук-профил Артан Груби најпрво им се извини на соседите и потврди дека приватно го користел аудито на соседот:

„Им се извинувам на сите мои соседи во мојата населба за големото вознемирување синоќа пред нашата зграда само поради мојата професија. Исто така, им се извинувам на мојот пријател и неговото семејство за предизвиканата штета само поради мојата професија. Во политиката сум за да служам и да оставам трага со работа и дела, а не да ми се тероризира семејството, соседите и пријателите”, напиша Груби.

Македонија

Тројца пратеници на ДУИ од утре одат во опозиција, Меџити формира нова партија

Владејачкото мнозинство на Ковачевски и Ахмети губи тројца пратеници и од 64-ца народни избраници ќе се сведе на минимални 61.
Поранешниот потпретседател на ДУИ и актуелен пратеник Изет Меџити, за Сител потврдува дека до собранискиот спикер Џафери заедно со пратениците: Реџепи и Коџаџику, ќе испрати писмо со кое ќе го извести дека повеќе не се дел од пратеничката група на Интегративците и дека тие тројца ќе дејствуваат опозициски.

Меџити од денеска попладне од скопски Чаир почнува и состаноци со своите приврзаници од т.е. огнена група за формирање на нова политичка партија – движење, кое како што вели треба да ја обедини албанската опозиција.

Сепак, Меџити не успеа во своите редови да ги придобие и останатите челници од огнената група со која веќе половина година бара реформи во ДУИ – градоначалникот на Сарај Блерим Беџети, како и поранешните функционери на ДУИ – Невзат Бејта и Муса Џафери. Тие како што вели Меџити се решиле да делуваат фракционерски во партијата на Ахмети и да се обидат одвнатре да ги поправат работите во ДУИ. За него, таков простор во ДУИ повеќе нема.

И покрај тоа што повеќе нема да е дел од власта, не се исклучува групата на Меџити во Собранието да ги поддржи најавените владини уставни измени, во знак на поддршка на европската интеграција и добар имиџ кај меѓуанродните претставници.

Владата на Ковачевски се соочи со криза во мнозинството пред Нова година, кога го изгуби Павле Трајанов, но најави и влез на Алијанса во Влада, што пак, беше причина од власта да отспаи Алтернатива на Гаши. По влезот на Таравари, мнозинствотот се стабилизира на 64 пратеника.

Македонија

ВНУЦИТЕ НА АЛИ АХМЕТИ: Дрин бизнисмен, Бесиан дипломат во македонската амбасада во Брисел, по препорака од Крешник Бектеши

Едниот внук од брат на лидерот на ДУИ, Али Ахмети бизнисмен кој го купи бизнис центарот Соравија во Скопје, а другиот внук стана дипломат во македонската амбасада во Брисел, објави ТВ Телма.

Вториот внук на Ахмети, Бесиан Ахмети добил позиција во амбасадата во Брисел како прв секретар на амбасадата за да привлекува странски инвестиции од Бенелукс, додека неговиот брат Дрин е инвеститор и купувач на Соравија. За помалку од два месеца, како што објави ТВ Телма, успеси бележат внуците на Ахмети.

Според документите на Министерството за економија, Бесиан Ахмети бил избран на интерен оглас на 24-ти март оваа година, а од мај веќе бил во Брисел. На првата дипломатска задача, тројната посета на Пендаровски, Бектеши и Деспотовски, според информациите на Телма, имал неколку грешки и пропусти при активностите, но се обидувал да ја префрли и одговорноста и обврските на други.

Интересно е што за ова место во амбасадата во Брисел, потребата била утврдена лани во јули од сограѓанинот на Ахмети, министерот за економија Крешник Бектеши. Само неколку месеци претходно Бесиан Ахмети, во средината на мај бил вработен во министерството како помлад соработник за една година подоцна успешно да стане дипломат и прв секретар на амбасадата во Брисел.

Одлуката ја потврдила и владата и министерот за надворешни работи, Бујар Османи што значи дека мора да знае дека го испратил внукот на својот партиски лидер во Брисел, за разлика од неинформираноста за вториот внук на Ахмети и неговото заедничко, со партнер од Албанија, купување на над 30 милиони евра вредниот деловен центар Соравија. Внукот-инвеститор Дрин Ахмети вчера во изјава за веб медиумот Макфакс тврдеше дека неговото купување на Соравија нема никаква семејна врска со чичкото Али кој веќе дваесет години е во власта и е пратеник.

Извор: ТВ Телма

Македонија

Кој министер треба да биде на црната листа за матни бизниси со Рамиз Мерко?

Дали е срамно професор од неговиот универзитет да го води Министерството за образование и наука? Колку ќе беше демократски спорниот професор Јетон Шаќири да си поднесе оставка заради неговиот претходен работодавач кој сега оцрнет од горе до доле! Јатон замини си веднаш, затоа што пред да станеш министер, беше дел од тимот на универзитетот на личноста НОНГРАТА!

Оваа порака ја објавува поранешниот просветен инспектор Ѓорѓи Илиевски кој неколку години го истражува криминалот со издавање на дипломи од високообразовни институции меѓу кои и од Универзитетот на Рамиз Мерко кој сега е дел од црната листа на САД за корупција.

Илиевски во колумна за Нетпрес потсетува дека министерот за образование Јетон Шаќири бил доцент кај Мерко без призната диплома за што била информирана и амбасадата на САД.

Храбриот екс инспектор е подготвен да помогне во истрагата за Мерко.

,,Со одлуката на САД се покажа дека корупцијата има име и презиме – РАМИЗ МЕРКО! Но и неговите пипци, неговите кадри кои се дел од оваа група. Јас сум подготвен да помогнам на правдата во секој момент. Но, тешко со ова обвинителство кое има доверба од околу 3%. Исто така, не и со МВР затоа што кога им пријавував криминал за овие лица тие мене ме убедуваа дека ако тоа го сторат ќе им падне коалицијата. Е сега, нема да им падне коалицијата, туку ќе им падне владата. И ќе лежат долги години затвор!

Посебна одговорност треба да има за МВР и ЈО кои не го истражувале овој криминал со години и го ставале под тепих. Ееее, се чекаше од Америка да стигне глас! Но, дали тој глас го слушнале Али Ахмети, Артан Груби, Талат Џафери!!! Можеби ќе не изненадат со тоа што и тие може да се најдат на оваа листа до крајот на оваа година. И тоа заслужено, како и Мерко. Тие се иста тајфа, иста партија, исти цели и ист крај треба да имаат. За доброто на нашата држава!”, пишува Илиевски во колумната.

Македонија

Колку сѐ министри и директори има со диплома од универзитетот на Мерко?

Gallery

Дали сега и дипломите од универзитетот на Рамиз Мерко се ставени на црната листа на САД? Колку сѐ министри и директори има со диплома од универзитетот на Мерко? – се само дел од прашањата на граѓаните кои имаат реакции по вчерашната објава на амбaсадата на САД во Македонија.

Македонија

Абе, ти ме донесе тука за да ме „работиш“ или да ме паркираш?!

Христос воскресе, навистина воскресе! Да ни е честит и вековит Велигден!

Искрено, пријатно се изненадив од нашиот премиер намесник Димитар Ковачевски. Од спроведувањето на контролата на замрзнатите цени на прехранбените производи разбрав дека бил домаќин, зашто ѓоа купуваше и полнеше торбичка пред камери.

И си плаќаше од свој џеб. Ама дека знае и јајца да вапца, навистина не знаев. А, да кажеше на време, ќе го замолев да им помогне на оние граѓани за кои и јајцата и бојата претставуваат луксуз.

Не дека ги има малку. Со еден мастраф. Зашто, болук времињата одамна поминаа и илјадници, илјадници граѓани денот го минуваат со 150 денари. А, со нив не можат да купат ни едно пакување јајца и боја, зашто тоа би значело дека еден цел ден ќе требало да останат без залак в уста.

Нејсе. Од велигденската честитка ми стана јасно дека премиерот намесник не се откажува од платената пропаганда. Отидоа јабана уште 260 евра, односно уште една минимална пензија или уште една за малку помала минимална плата. Некој може да забележи дека јабана ни отиде државата, а јас, пак, „ситничарам“ за една минимална пензија или минимална плата. И ќе биде во право.

Зашто, што е една велигденска видео-порака, со силна порака во која има шмек и приватниот бизнис на сопругата на премиерот намесник. Богами, Бирото за развој на образованието треба добро да размисли таа да стане и составен дел од образовната програма на првоодделенците.

Со нивните мозочиња сунѓерчиња веднаш ќе сфатат што значи зелената боја. Зелената боја е зелена иднина, а зелена иднина е зелена енергија, зелена енергија е поевтина електрична енергија. А, поевтина електрична енергија значи пониски сметки за мама и тато и затоа тие не треба многу да се вознемируваат, што сопругата на нашиот премиер намесник добила државно земјиште, таму некаде во „пизденци“, по цена за метар квадратен колку што чини килограм компир со замрзната цена.

Ама таа цена ја утврдила бившата влада предводена од ВМРО-ДПМНЕ, од чии редови бил и актуелниот градоначалник на општината на чија територија се наоѓала парцелата. Па што?! Премиерот намесник е повеќе од една година на власт и токму во таа година инфлацијата достигна астрономски височини, ама не дека не му текнало дека цената на државното земјиште е бесмилена, туку така му одговарало.

Од сопруга, балдска и кум нема поблиски. Уште поврзани со бизнис, за мерак. Се сеќавате како пееше „Калауз бенд“ во „Грабежот на Третиот рајх“? „Само ја свирам жицата ге, „изем“ ти живот без тебе, без тебе куме е како на робија, со жолта лента не сум човек јас …“.

Да, со жолта лента никој не е човек, а на робија оди тој што ќе заслужи.

И во оваа Страсна недела не можевме без страстна политика. Со договорот за изградба на делниците од коридорите 8 и 10д владејачката гарнитура на СДСМ и на ДУИ ни покажа две работи. Прво, како со пари на граѓаните, даночни обврзници, едноставно се прави обид да се купи власта и второ, како со еден договор бескрупулозно се краде сопствниот народ!

А, парите, што ќе треба да се дадат за делниците и само почетно се проценуваат на 1,3 милијарди евра, ќе треба да ги враќаат генерации и генерации македонски граѓани. И што попрво ќе треба да прават, да живеат или да ги враќаат долговите на Таче?!

Ако до сега бев длабоко убеден дека премиерот намесник Димитар Ковачевски е седнат во скутот на лидерот на ДУИ, Али Ахмети, откако изби скандалот со Бехтел и Енка сум на два ума. Дали покрај во скутот на Ахмети, нашиот Таче не седи и во скутот на првиот вицепремиер и главен координатор за контрола на изградбата на коридорите 8 и 10д, Артан Груби?!

Обајцата веќе отворено си поигруваат со него. А, во добар дел нивните релации потсетуваат на еден стар виц. Тоа е вицот во кој се говореше за тоа како „запалени“ сопружници одлучиле да водат љубов во сопствниот автомобил. Арно ама автомобилот си е автомобил, тесно во него. И сопругот ја замолува сопругата да се помести де малку понапред, де малку поназад, де малку лево, де малку десно…Се додека на сопругата не и дошло преку глава и не му свикала на сопругот-Абе, ти ме донесе тука за да ме „работиш“ или за да ме паркираш?!

Однапред му се извинувам на понежниот женски пол, зашто потсетувањето на вицот нема ни случајно за цел да си поигрувам со неговите чувства. Напротив. Сакам само да ја илустрирам политичката слика и немоќта, што ја остава пред јавноста премиерот намесник.

Зашто, не може истиот тој премиер намесник еден ден да има еден, а друг ден сосема друг став, идентичен со ставот на првиот вицепремиер. А, да не говориме за другите претставници и од Владата и од партијата СДСМ околу обелоденувањето на целата содржина на договорот за изградбата на делниците од коридорите 8 и 10д. Едноставно, апсолутно неприфатливо е интерсот на странските компании да се стави пред јавниот интерес во државата.

Оттука, крајно јалови, па дури и смешни изгледаат речиси секојдневните партиски соопштенија на СДСМ поврзани со уставните измени, во кои на лидерот на ВМРО-ДПМНЕ, Христијан Мицкоски, и на самата најголема опозициска партија им се даваат улоги на заложници на Димитар Апасиев и на Левица како анти-не знам какви ти не политички субјекти. Едноставно, пропагандистичкото „заложништво“ на Мицкоски и на ВМРО-ДПМНЕ се неспоредливи со политичкото „паркирање“ на Таче и на СДСМ во скутовите на Ахмети, на Груби и на ДУИ!

Со кој образ излегува премиерот намесник Димитар Ковачевски и во Страсната недела да се прави голем мангуп и меѓу другото да каже:

-Претседателот на ВМРО-ДПМНЕ не е пратеник, така да е нерелевантен за тоа прашање (вметнувањето на македонските Бугари во Уставот н.з.), а и многу често ги менува своите ставови.

Види мајката, што би рекол неговиот претходник. А, зошто мисли дека тој или уште десетици имиња, кои влегоа во т.н. работна група за промена на Уставот, се релевантни за таквите активности? Или, пак, смета дека само пратениците се одговорни за тоа?

Израз на немоќ Таче, немоќ! И ништо ниту помалку, ниту повеќе од тоа! Најмалку е некаков мангуплук смислен во твоите партиски пропагандистички лаборатории.

Напротив. Вината за тоа во каква состојба ги доведе Македонците и целосната поделност меѓу нив лежи само кај твојот ментор Зоран Заев и кај тебе лично. Зашто, обајцата презедовте обврски, што ниту еден разумен политичар не би ги презел.

Тргнувајќи од фактот, што за период од пет години, без никакви анализи, потпишавте два договора со иста држава-Република Бугарија, за иста цел-почеток на преговорите за членство во ЕУ. И сега чорба Македонче! Епа чорба!

Дали Договорот за добрососедство, пријателство и соработка со Бугарија го понудивте на изборите во 2016, или, пак, т.н. француски предлог на изборите во 2020 година? Не. Дали било која друга земја кандидат за членство во ЕУ имала исти критериуми за почеток на преговорите? Не. Дали билатералниот спор стана европски? Да. Дали направивте целосна анализа и истата сте им ја предочиле на граѓаните, што ќе значи практично внесувањето на македонските Бугари во Уставот? Не. Дали сте преземале обврски, без постигнат внатрешен консензус, што уставно, како извршна власт, не ви припаѓаат? Да. Дали целата европска свита, која престојуваше во Скопје пред уставните измени за промена на државното име, не не убедуваше дека тоа ќе биде последното барање за отстпки од Македонија? Да. Дали вметнувањето на Бугарите во уставот по влезот на Македонија во ЕУ не беше официјален ваш став при посредувањето на Франција? Да. Дали успеавте да се изборите за тоа? Не. Зошто? Затоа што сте неспособни да го одбраните националниот интерес. Ете затоа.

И сега вие ќе се продавате за релевантни, а сите други се нерелевантни. Море ај носете се со вашата релевантност!

Република

Македонија

ДОКУМЕНТ: Ова е ДОГОВОРОТ на ДУИ од 2 милиони евра за косење на трева, кастрење на гранки и сечење на дрвја

Gallery

Александар Николоски, потпретседател на ВМРО-ДПМНЕ во вечерашното гостување во емисијата на „ЗА или ПРОТИВ“ на телевизија Алфа ексклузивно откри дека директорот на ЈП Државни патишта од ДУИ Ејуп Рустеми склучил договор за тендер со фирма од Челопеци од Кичево за косење на трева, кастрење на гранки и сечење на дрвја во патен појас и тоа во вредност од над 2 милиони евра, потенцирајќи дека ова е еклатантен пример за криминал и корупција.

– Сакам вечерва да споделам една работа со вас, а којашто е поврзана со работењето и на владата, но секако и на политичката партија ДУИ. Имено, јавното претпријатие за Државни патишта каде што директор е Ејуп Рустеми од ДУИ склучило со извесна фирма која што да бидам искрен прв пат ја слушам од село Челопеци Кичево, договор кој што основна цел е цитирам: косење на трева, плевел, грмушки, кастрење на гранки и сечење на дрва во патен појас, чистење и собирање на смет во време траење од 2 години, за потребите на ЈП Државни патишта согласно техничка спецификација и договорот е ни помалку, ни повеќе, туку во износ од над 2 милиони евра. Односно 120 милиони денари без ДДВ, и ДДВ во висина од 21 милион и 600 илјади денари. Значи вкупно некаде околу 140 милиони денари или некаде тоа би дошло околу 240 илјади евра договор за косење на трева, плевел, кастрење на гранки, и сечење на дрва во патен појас, во услови кога исто така министер од политичката партија на ДУИ за образование кажува дека не можат да испечат учебници за сите ученици затоа што нема пари, изјави Николоски.

Потпретседателот Николоски нагласи дека треба да се одговори како воопшто се стигнало до овој договор и дали во моментот најприоритетно за Македонија е сечење на гранки и грмушки, како и дали најскапите косачи на трева во Европа живеат токму во Македонија па за две години ќе земат дури 2 милиони  и 400 илјади евра.

– Треба да се даде одговор, прво како се стигнато до овој договор, и второ дали најприоритетно во моментот е сечење на гранки и грмушки и трева на патиштата? И трето најбитно за мене е, како се стигнало до сума од 2 милиони и 400 илјади евра за косење на трева. Дали најскапите косачи на треба во моментот во Европа  живеат токму во Македонија, па за 2 години ќе земат 2 милиони и 400 илјади евра, односно по милион и 200 илјади евра годишно за косење на трева, грмушки. Ова е еклатантен пример за криминал и корупција кој што се случуваат во Македонија. и јас знам дека многу ги боли кога ние удираме по криминалот и корупцијата, дециден е Николоски.

Очекувам одговорат на овие клучни прашања и во однос на постапката и во однос на тоа дали ова е најприоритетно трошење на пари во моментот и во однос на тоа дали најскапите косачи на трева и на гранки на појаси, живеат токму во Македонија, истакна тој.