Tag Archives: електричнаенергија

Технологија

Што луѓе се? – Јапонците ќе произведуваат електрична енергија од снег (ВИДЕО)

Video

Истражувачите од јапонскиот град Аомори почнаа да ги проучуваат методите за производство на електрична енергија од снег за да обезбедат одржлива енергија и да го решат проблемот со недостигот на електрична енергија.

Аомори е прекрасен јапонски град кој се наоѓа на 715 километри северно од Токио. Покрај боровите шуми, градот е познат како едно од местата со најмногу снег. Секоја година паѓаат меѓу 7,5 и 8 метри снег. Минатата година падна толку многу снег што локалните градски власти мораа да потрошат 46 милиони долари за расчистување на зградите и улиците. Јапонците се ослободуваат од снегот купувајќи го и фрлајќи го во морето.

Овој процес може да изгледа едноставен, но троши значително време, ресурси и пари. Тим составен од истражувачи од ИТ стартапот Форте и Универзитетот за електрокомуникации во Токио предложија интересно решение за проблемот со снегот. Тие предлагаат снегот да се искористи за производство на чиста и прифатлива електрична енергија. Тестирањето на оваа идеја веќе започна во базенот на една напуштена училишна зграда, пишува Japan Times. Истражувачите веруваат дека нивниот пристап може да им помогне на голем број европски земји кои моментно се соочуваат со енергетска криза поради војната во Украина. Повеќето од овие држави немаат проблем со недостаток на снег, па би можеле да го искористат за производство на чиста енергија.

За време на истражувањето, јапонските научници ќе користат големо количество снег и „надворешен“ воздух за напојување на турбина која произведува електрична енергија. Надворешниот воздух има повисока температура од воздухот што го опкружува снегот бидејќи се загрева од сонцето.

Научниците ќе користат топлински цевки за да донесат ладен воздух (од снегот) и топол воздух (од отворено) до течноста за ладење во турбината. Разликата во температурата на ладниот и топлиот воздух ќе доведе до зголемување на струјата на конвекција во течноста за ладење на турбината, а оваа струја на крајот ќе предизвика турбината да се ротира и да генерира електрична енергија.

Ова не е прв пат научниците да се обидат да генерираат електрична енергија користејќи снег, бидејќи во 2019 година тим истражувачи во Калифорнија развија уред што може да генерира струја  од снег што паѓа. Сепак, овој метод може да напојува само мали уреди. Имаше и други слични студии, но ниту една од нив не нуди остварливо решение како она што го спроведуваат јапонските научници.

Сепак, постојат и одредени предизвици. За да може процесот да биде скалабилен, потребни се големи капацитети за складирање. Покрај тоа, неопходно е да се обезбеди континуирано снабдување со топол воздух во снежните региони. Научниците ќе спроведат истражување во Аомори до март за да ја тестираат изводливоста на нивниот метод. Во меѓувреме, ќе бараат начини да соберат топол воздух од топлите извори во обид да ги надминат ограничувањата.

Доколку јапонските научници бидат успешни, нивниот метод ќе стане нова револуција во обновливите извори на енергија и ќе биде особено важен за студените региони во светот.

Македонија

АРАЧИНОВО 30 часа без струја – „Не може да го поправиме дефектот оти сме тепани!“

Околу 80 отсто од домаќинствата во Арачиново денес немаат струја. Од ЕВН Хоме за ТВ21 потврдуваат дека во понеделник наутро во општината дошло до голем дефект како последица на големото преоптоварување на трафостаниците поради континуираното незаконско користење на струјата од страна на жителите.

„Во Арачиново нашите екипи често се соочуваат со вербални и физички напади од страна на жителите, што го оневозможува извршувањето на работата во целина. За да се работи мора да се создадат услови за нормално функционирање и работа, како за дефекти, така и за реконструкција и модернизација на мрежата. Се додека нема нормални услови за работа и има пречка во извршувањето на работата, нема да има можност за реставрирање“, велат од ЕВН.

Во меѓувреме Владата на вчерашната седница одобри 1,1 милиони евра со кои ќе се санира каналoт за отпадни води во општина Арачиново, објави првиот вицепремиер Артан Груби.

Владата усвоила одлука за спроведување постапка за јавна набавка за регулирање на одводниот канал во оваа општина.

„Исклучително важна инвестиција во вредност од околу 66 милиони денари во служба на квалитетниот живот на жителите на Арачиново“, објави министерот за политички систем.

Македонија

ЈУЛСКИ СМЕТКИ: Трошите како да живеете во Арачиново, а плаќате ЕКСТРЕМНО СКАПА СТРУЈА

Во текот на јули домаќинствата за нецелосен јули платиле околу 430.000 евра за струја за надминување на „границата на толеранција на потрошувачката“.

Вкупно 2.150 домаќинства, според испорачаните сметки на ЕВН Хоме за наплата за месец јули, ги надминале трите блока во потрошувачката на електрична енергија од новововедениот тарифник кој стартуваше со примена на почетокот од минатиот месец и навлегле во четвртиот, кој се смета за екстремно скап и се наплаќа по потрошени 1.050 киловатчасови за секој нареден.

Тоа се околу 0,3 проценти од вкупниот број на корисници, според базата на податоци на универзалниот снабдувач, но реално од таму очекуваат бројките да се поголеми затоа што календарски не e опфатен целиот месец.

Бројките за месец август се очекува да бидат поголеми, бидејќи како што велат од ЕВН, јулските фактури за домаќинства се фактури кои не го опфаќаат цел месец јули поради ротирачкото отчитување на броилата , односно тие се комбинација од енергија потрошена дел во јуни и дел во јули.

Извор: Фактор

Македонија

Без струја Арачиново, настанал ДЕФЕКТ ПОРАДИ ПРЕОПТОВАРЕНОСТ ОД НЕЗАКОНСКО КОРИСТЕЊЕ

Незаконското трошење на струјата во Арачиново доведе до дефект поради кој денеска околу 80% од жителите останале без струја.  

Според ЕВН Хоме во понеделник наутро во општината дошло до голем дефект како последица на големото преоптоварување на трафостаниците поради континуираното незаконско користење на струјата од страна на жителите. 

„Во Арачиново нашите екипи често се соочуваат со вербални и физички напади од страна на жителите, што го оневозможува извршувањето на работата во целина. За да се работи мора да се создадат услови за нормално функционирање и работа, како за дефекти, така и за реконструкција и модернизација на мрежата. Се додека нема нормални услови за работа и има пречка во извршувањето на работата, нема да има можност за реставрирање“, велат од ЕВН за ТВ21

Скопје

Плаќајте си вие сметки: Годишно во Скопје се КРАДЕ СТРУЈА во вpeднocт од 50 МИЛИОНИ ЕВРА!

Само за една година, според некои пресметки на луѓето вработени во ЕВН кои секојдневно се на терен, околу 50 милиони евра е вредноста на украдената струја само од Скопскиот регион. Вработен во ЕВН, кој разбирливо сакаше да остане анонимен, вели дека само во Општина Арачиново за една година се краде или не се плаќа струја во вредност од 6 милиони евра. Власта, и локалната и централната, ги има овие податоци, но молчи, пишува порталот МКД.мк.

И досега беа објавувани стотина новинарски приказни како контролорите на ЕВН едноставно немаат пристап до струјомерите од поедини домаќинства кои со години не платиле сметка за струја. Пишувавме и тоа дека често доаѓа и до физички пресметки. ЕВН како компанија со години се обидува да го унапреди системот за ефикасна наплата на сметките за струја, од 2014 година досега инвестираше десетици милиони евра во зајакнување на електричната дистрибутивна мрежа само кон Арачиново…

Според неофицијалните податоци на вработен во ЕВН, во февруари годинава загубите на електрична енергија само во Арачиново изнесуваат околу 80%. Трафостаницата број 6 со број 381145 поради кражба на струја бележи загуба од над 56%. Трафостаницата број 1 со број 380396 поради кражба на струја бележи загуба од над 65%. Трафостаниците 10, 3, 8 и 9 со соодветните броила бележат загуби од 70% поради кражба на струја, трафостаниците со броеви 5, 4, 2, 13 и 11 со соодветните броила бележат загуба од над 80% поради кражба на струја, трафостаницата број 12 со број 381392 е со рекордна загуба од 96% поради кражба на струја. Сите се на територијата на Општина Арачиново. Ова се делови од официјалните извештаи на ЕВН за оваа општина.

Целиот текст прочитајте го ТУКА

Македонија

Калеска Ванчева – Граѓани намалете со струјата

Важно е сите, од јавните установи и институции, преку приватните компании, па се до домаќинствата да ја намалат потрошувачката на електрична енергија“. Оваа порака ја испрати пратеничката од редовите на СДСМ,  Снежана Калеска -Ванчева на денешната прес-конференија.

„Со цел што полесно да се помине најтешката зима на енергетски план, Министерството за економија подготви план и препораки „Заштеда на струја за безбедна зима. Овој план е со цел потрошувачката на електрична енергија да се намали за 15 отсто споредено со истиот месец од претходната година, првенствено за да се намалете ги трошоците за струја, а потоа и електричната енергија да биде достапна секому и секогаш.Електрична енергија оваа зима ќе има доволно, но од секој од нас зависи како и за што таа ќе се користи.И понатаму потребите за електрична енергија на ЕВН Хоум за граѓаните и малите потрошувачи ќе се задоволуваат исклучиво од наше сопствено домашно производство, без увоз на струја.АД ЕСМ во првите седум месеци од 2022 година произведе за 15 проценти повеќе електрична енергија во однос на истиот период лани.Зголеменото производство се должи на зголемувањето на производството од термоелектраните РЕК Битола и РЕК Осломеј од 40 отсто, додека целиот план за производство за 2022 година е направен со 20 отсто“, изјави пратеничката од редовите на СДСМ.

Македонија

ОД ПЕТОК: Струјата поскапува 7,4 проценти за домаќинствата

За 98,8 проценти од домаќинствата цената на електричната енергија ќе се зголеми за 7,4 процент.

-Без блок тарифите цената на електричната енергија ќе се зголемеше за сите домаќинства за 17,74%, наместо за сегашните 7,4% за 98,8% од домаќинствата. Со оваа реформа на тарифниот систем се штитат најранливите категории, изјави Марко Бислимоски претседател на Регулаторна комисија за енергетика.

Новите цени за универзалниот снабдувач ЕВН ХОМЕ ДОО Скопје, кои ќе бидат на сила од 1 јули 2022 година се димензионирани скалесто по блокови, така што оние кои трошат помалку електрична енергија ќе плаќаат пониска цена, за разлика од оние кои имаат поголема потрошувачка ќе плаќаат поскапа електрична енергија, посочи Бислимоски.

Во зависност од блоковите, во зима 59,9% од домаќинствата ќе имаат зголемени сметки за 6,6 %, додека 35,5% ќе имаат зголемени сметки од 6,6% до 8,8%, 3,4% од потрошувачите ќе добијат зголемени сметки од 8,8% до 11,2% и само 1,2% од потрошувачите ќе добиваат сметки зголемени од 11,4% до 99,5%. Во летниот период во зависност од блоковите, 77,2% од домаќинствата ќе имаат зголемени сметки за 6,7 %, додека 21,8% ќе имаат зголемени сметки од 6,7% до 8,8%. Само 0,7% од потрошувачите ќе добијат зголемени сметки од 8,8% до 11,3% и 0,2% од потрошувачите ќе добиваат сметки зголемени од 11,4% до 100%.

Енергетски компании побараа значајни зголемувања на тарифите за нивните услуги, но од РКЕ велат дека не ги прифатиле сите нивни барања и одобриле многу помали проценти.

Трошоците за набавка на електрична енергија на ЕВН ХОМЕ на годишно ниво се зголемени за 57,4 милиони евра, во однос на планираното од декември 2021 година, заради враќањето на голем број  компании и јавни институции од либерализираниот на регулираниот пазар на електрична енергија, заради што ЕВН ХОМЕ мораше да направи дополнителен увоз на електрична енергија во износ од 33,2 милиони евра. Со укинување на кризната состојба, ЕВН ХОМЕ има и дополнителен трошок за обновливи извори за енергија во износ од 9,5 милиони евра. Дополнително новата цена на eлектрична енергија што ЕСМ му ја испорачува на ЕВН ХОМЕ е зголемена за 17%, од 41евра за MWh на 48 евра за MWh.

Македонија

Регулаторна комисија утре одлучува колку ќе поскапе струјата, бизнисите на протест

Регулаторната комисија за енергетика утре ќе донесе одлука колку ќе поскапи струјата. На подготвителна седница регулаторот треба да одлучи кои трошоци и во колкав процент од барањата за раст на цената ќе им ги признае на енергетските компании. Официјално која ќе биде цената на електричната енергија во следните шесет месеци ќе се знае во четврток.

“За утре е закажана подготвителната седница на која РКЕ пред енергетските компании ќе ги презентира механизимите кои ќе ги активира при носење на новата одлука за цената на електрична енергија“, соопштија од РКЕ.

Од регулаторна очекуваат сите страни да се солидаризираат во ова кризно време и да попуштат во однос на крајната цена за домаќинствата. Но, според информации на Алсат, Дистрибуција бара повисока цена за својата услуга од 100 отсто, МЕПСО бара раст на својот дел од 82 отсто. Универзалниот снабдувач ЕВН Хоум до регулаторна нема испратено конкретно барање. Она што е веќе извесно е што државната ЕСМ ќе добие зголемување на цената за произведената струја која ќе ја продава на универазлниот снабдувач за13 посто. Од Нова година наместо 36 евра мегават час струја ќе чини 41 евро.

Надлежните уверуваат и покрај кризната состојба во енергетиката, рестрикции на струјата нема да има.

„Граѓаните и малите потрошувачи немаат и не треба да имаат рестрикции. Во нашето опкружување има недостаток на електрична енергија и во дел од државите се вршат рестрикции на електрична енергија“, рече Васко Ковачевски директор на ЕСМ.

Од владата веќе потенцираа дека зголемувањето на цената на струјата нема да надмине 10 отсто.

Македонските компании не можат да го издржат поскапувањето на струјата, но и зголемувањето на цената на гасот, а бараат да бидат обесштетени од државата. Во спротивно тие најавуваат масовни протести веднаш после Божиќ. Индустриската струја за фирмите беше зголемена три пати во последните два месеци, а на многу компании ненадејно им беа раскинати договорите за снабдување со струја од нивните снабдувачи.

Фирмите морале да склучат нови договори со кои однапред ќе плаќаат по 500 евра за мегават/час за да ги обезбедат снабдувачите кои купуваат струја на берзата по нови, видно зголемени цени. Истовремено, цената на струјата за домаќинствата веќе е качена и изнесува 108 евра за мегават час плус ДДВ од 5 отсто, што не смее повеќе да се качува, вели за Ѓорѓи Манасков, претседател на Стопанската комора за енергетика. Тој предвидува дека и цената на гасот трикратно ќе се зголеми.

Манасков најави дека доколку барањата за обесштетување и замрзнување на цените не бидат исполнети, фирмите ќе излезат да протестираат на улиците.

Македонија

Македонец од Малта објави сметка за стpyja – Повелете споредете ја со нашите во Македонија (Фото)

Дарко Јовчевски од Ckoпје кој работи и живее на Малта, на својот Фејсбук профил во август годинава, објави сметка за вода и струја која тој ја добил за повеќе од 2 и пол месеци на оваа островска земја.

Веpyвале или не, сумата на сметката изнесува само 26 евра, или нешто над 1.500 денари за потрошувачка на електрична енергија и вода во временски период од 2 и пол месеци.

“Во Малта 26 € сметка за повеќе од два и пол месеци и тоа за вода и стpyjа. За стан во кој живееме двајца.“

По најавите за повторно поскапување на струјата во Македонија каде поскапувањето е очигледно, а ќе биде неколку пати поголемо од почеток на следната година, оваа сметка е вистинско чудо, да посакате да живеете во Малта.

„И пази сега, Малта ckopо целата струја ја увезува од Италија, и скоро целата вода ја преработува од морската и ја прави од солена во слатка. А Македонија во голем процент сама произведува стpyjа и на секој чекор имаш извори со вода. А јас како и цимерот peдовно се тушираме (значи трошиме вода). Бојлерот е постојано вклучен, а веќе од мај и климата. Машината за перење скоро секој ден ја вклyчуваме. Па, вака да се понашам у Македонија ни 100% поврат на ДДВ нема да ме опpaи”, напиша своевремено Дарко.

Македонија

Колку ќе поскапи струјата по Нова година?

Владата со инјекција од 65 милиони евра на контото на ЕСМ ќе го амортизира ударот од енергетската криза, потврдува министерот за финансии Фатмир Бесими.

Овие средства се од годинашниот буџет и со нив ќе се обезбедуваат дополнителни количевства на електрична енергија, вклучително и балансна енергија,

-Веќе е прогласена кризна состојба во снабдувањето со електрична енергија и се преземаат мерки и активноси насочени кон обезбедување дополнителни количини електрична енергија, вклучително и балансна енергија и резерва на активната можност согласно утврдената кризна состојба, вели Бесими за МИА.