Tag Archives: фирми

Македонија

ДЕРЕЊЕЕЕ! БАНКИТЕ ГИ ЗГОЛЕМИЈА ПРОВИЗИИТЕ 40% И ПОВЕЌЕ, А СИТЕ СИ ЌУТИМЕ. ДО КОГА?

БАНКИТЕ ГИ ЗГОЛЕМИЈА ПРОВИЗИИТЕ 40% И ПОВЕЌЕ, А СИТЕ СИ ЌУТИМЕ. ДО КОГА? – пишува Венко Глигоров претприемач.

Пишував за тоа дека се зголемува бројот на фирми што не работат со платежни картички. Една од причините е и зголемените провизии на банките. Банките од година во година си ги зголемуваат провизиите и како никого да не го интересира сево ова. Профитите на банките се несразмерно поголеми во однос на профитабилноста на македонската економија, а нивната структура се менува во корист на провизиите.

Наместо да ја кредитираат македонската економија, банките некако се предодредија на „дерење“ на стопанствениците и граѓаните преку неиздржливо големи провизии за платниот промет. Ова посебно е изразено и отжнувачко за малиот бизнис.Ќе илустрирам во девизното работење бидејќи Македонија треба да го бара излезот во извозот. Потребни ни се голем број на извози на помали колични на производи затоа што немаме многу извозни гиганти што може да ја сменат големата разлика меѓу увозот и извозот.

За плаќање во странство.Провизијата беше 600 и 800 денари – вкупно 1400 денари. Сега е 950 и 800 – вкупно 1750 денари. За првата провизија покачувањето е 41,7%, а за другиот износ покачувањето е 12,5%. Зашто е потребно покачување? Зошто е потребна воошто толкава провизија? Се запрашал некој?

За прилив од странство.Провизијата беше 5 евра во валута и 500 денари за банката. Сега е 8 евра, а нема покачување кај 500 денари. Од 5 на 8, покачувањето е фрапантни 60%. Да се прашаме зошто 500 денари зема банката? Што тоа она особено прави при прилив од странство? Замислете, за секој прилив. Ако секојдневно продавам производи по 100 евра во странство, банката зема скоро 16 евра – значи производите на стопанствениците треба да се поскапи за 16 евра.

Примерите беа за илустрација кај една банка. Секоја банка има своја политика за провизии но кога ќе се земе, купчето пари што го земаат на годишно ниво од една фирма, горе долу е иста независно од банка, а сега зголемена со беобразно зголемени провизии, кои ионака не беа ниски.Власта, која е и да е, треба да ги ограничи приливите од провизии на банките и тие да бидат во некаков сооднос со пуштените пари во економијата. Банките треба да имаат стимул (или „стап“) за да не се улежуваат и дембелаат со провизии туку да засукаат ракави и да бидат поткрепа на бизнисот.

ПС Кога се правеше реформа на платниот промет во 2000та година, истиот се префли од ЗПП во банките. Идејата беше банките да имаат конкуренција меѓу себе и да понудат разни услуги во платниот промет. Наводно, тогашниот платен промет преку ЗПП не им беше добар на политичарите. 20 и кусур години после оваа реформа, банките имаат многу послаб платен промет од тогаш, а провизиите се многу поголеми.

Македонија

ВНУЦИТЕ НА АЛИ АХМЕТИ: Дрин бизнисмен, Бесиан дипломат во македонската амбасада во Брисел, по препорака од Крешник Бектеши

Едниот внук од брат на лидерот на ДУИ, Али Ахмети бизнисмен кој го купи бизнис центарот Соравија во Скопје, а другиот внук стана дипломат во македонската амбасада во Брисел, објави ТВ Телма.

Вториот внук на Ахмети, Бесиан Ахмети добил позиција во амбасадата во Брисел како прв секретар на амбасадата за да привлекува странски инвестиции од Бенелукс, додека неговиот брат Дрин е инвеститор и купувач на Соравија. За помалку од два месеца, како што објави ТВ Телма, успеси бележат внуците на Ахмети.

Според документите на Министерството за економија, Бесиан Ахмети бил избран на интерен оглас на 24-ти март оваа година, а од мај веќе бил во Брисел. На првата дипломатска задача, тројната посета на Пендаровски, Бектеши и Деспотовски, според информациите на Телма, имал неколку грешки и пропусти при активностите, но се обидувал да ја префрли и одговорноста и обврските на други.

Интересно е што за ова место во амбасадата во Брисел, потребата била утврдена лани во јули од сограѓанинот на Ахмети, министерот за економија Крешник Бектеши. Само неколку месеци претходно Бесиан Ахмети, во средината на мај бил вработен во министерството како помлад соработник за една година подоцна успешно да стане дипломат и прв секретар на амбасадата во Брисел.

Одлуката ја потврдила и владата и министерот за надворешни работи, Бујар Османи што значи дека мора да знае дека го испратил внукот на својот партиски лидер во Брисел, за разлика од неинформираноста за вториот внук на Ахмети и неговото заедничко, со партнер од Албанија, купување на над 30 милиони евра вредниот деловен центар Соравија. Внукот-инвеститор Дрин Ахмети вчера во изјава за веб медиумот Макфакс тврдеше дека неговото купување на Соравија нема никаква семејна врска со чичкото Али кој веќе дваесет години е во власта и е пратеник.

Извор: ТВ Телма

Истражување

360 Степени: 300 илјади евра по преговарач, 20 илјади евра месечно за надзорен инженер – за Коридор 8 и 10 (Видео)

Video

Цените на услугите на надзорот, патем, се пред се за ангжман на домашни експерти. Иако на чело на конзорциумот за надзор на „Бехтел и Енка“ стои „ИРД Инеженеринг” од Италија, чиј претставник и ги потпишуваше договорите со Јавното претпријатие за државни патишта пред камерите, најголем дел од работата, а со тоа и парите, ќе одат преку македонските фирми „Електра солушнс“ и „Евро консалтинг, пишува во своја сторија 360 степени мк.

Во прилог видеото:

Јавното обвинителство да реагира, да отвори истрага и да побара запирање на работата на Конзорциумот ИРД – ЕПТИСА – Електра Солушн – Евро Консалтинг. Во продолжение ќе наведеме дел од фактите кои укажуваат на коруптивна шема на Груби и Ковачевски со надзорот на изградбата на Коридорите 8 и 10д, бара Бојан Стојановски од ВМРО-ДПМНЕ.

Тој на прес конференцијата порача:

1. Прво, власта распишува тендер за надзор на изградбата на Коридорите 8 и 10д, тендерот го добива Конзорциум воден од ИГХ, во чиј состав е Институтот за патишта – Велес, на Сотир Ампов, договорот се раскинува, затоа што Конзорциумот не може да обезбеди банкарска гаранција, поради фактот што сите пари, кои се руски, им се замрзнати.

2. Власта објавува нов тендер.

3. Во ек на постапката за доставување на понуди фирмата Електра Солушн на Андон Ампов, син на Сотир Ампов вади лиценца за надзор, префрлајќи вработени од фирмата на татко му, кај која во првиот тендер е востановена руска врска.

4. Рокот за доставување на понуди се продолжува за 8 дена. Се сѐ вклопува совршено Електра Солушн да може да поднесе документи.

5. Покрај продолжување на рокот за поднесување на понуди, се менува и условот фирмите кои ќе поднесат понуди да имаат позитивни финансиски биланси, и се овозможува и фирми загубари како ЕПТИСА, да поднесат, која влегува во Конзорциум со Електра Солушн, Евро Консалтинг и ИРД. Овој Конзорциум го добива тендерот.

6. Шеста причина, смената на условите во постапката индицираат дека истите се направени за ИРД – ЕПТИСА – Евро Консалтинг – Електра Солушн.

7. ЕПТИСА е сопственост на кинеска фирма. Капиталот е во целост кинески. Менаџментот на ЕПТИСА е кинески.

8. ЕПТИСА, а преку неа Кинезите ќе имаат увид во работата на Бехтел и нивната технологија.

9. ЕПТИСА, е фирмата во чиј Конзорциум заедно со Савеж во Ерменија, бил ангажиран Бранимир Димитријевиќ, сопственик на Евро Консалтинг, третата фирма во Конзорциумот. Бранимир Димитријевиќ во Ерменија е гонет за криминал од 1,8 милиони долари. Против него е подигнато обвинение, а тој избега од Ерменија со помош на дипломати во време кога со Владата управува СДС.

Фирмата на Димитријевиќ во Македонија ќе врши надзор, за криминал на иста работа во Ерменија тој се гони со меѓународна потерница. Криминалот го направил како одговорен на проектот на Конзорциумот Савеж – ЕПТИСА.

Ермениска шема Димитријевиќ – ЕПТИСА, од која едниот е гонет за криминал, а фирмата е поврзана со кинески капитал, и руската врска на Ампови кои се присутни и во двата договори еднаш преку Институтот за патишта во Велес, еднаш преку Електра Солушн го земаат тендерот од 22 милиони евра.

Ако ова не се доволни индиции за отворање на истрага, тогаш Абази нека почека, но потоа ќе мора да одговори и зошто молчел и дали и кого штител.

Македонија

Над 300.000 денари казна за четири фирми кои продавале леб по поскапа цена

Државниот пазарен инспекторат казни три фирми од Скопје и една Куманово поради продажба на леб по цена поскапа од 33 денари.

Александра Котели од ДПИ вечерва соопшти дека контроли  биле извршени на десетици локации во секој град од државата, пришто биле воочени непочитувања на одлуката за замрзнувањето на цената на лебот.

„Направени се записници и изречени се парични казни од над 300.000 денари. Казните се многу високи, согласно законот за трговија, па и законот за заштита на потрошувачите, се движат од 500 до 10 000 евра по правен субјект или од 50 до 500 евра за одговорното лице“, изјави Котели.

Рече дека лебот е производ кој е неопходен во секојдневниот живот на граѓаните, па затоа апелираат на почитување на одлуката за цените.

Државниот пазарен инспекторат претходно денес образложи дека примарна цел на одлуката е сузбивање на профитерството во време на криза, и залагање за солидарност. Законите ќе важат исто за сите, без селективност, а секој што нема да ги почитува, ќе биде санкциониран, нагласија од пазарната инспекција.

Македонија

Виe би дa гo иcцицaтe ceкoj aтoм од човekoт – paбoтниk, caмо за вaшиoт прoфит дa не тpпи

Вие би да го исцицате секој атом од човекот-работник, само за вашиот профит да не трпи, им порача пратеникот и лидер на Левица Димитар Апасиев на капиталистите, коментирајќи го новиот закон за работни односи со кој денот недела ќе биде неработен за некои од работниците.

Правото на еден НЕРАБОТЕН ДЕН во неделата е старо најмалку 3.700 години (од Мојсеј па наваму). Арно ама, на нашиот „бизнис сектор“ му сметало шо му се чепка у профитот, па ќе го спорел на Уставен суд!?
Ах бе, капиталисти! Вие би да го исцицате секој атом од човекот-работник, само за вашиот профит да не трпи. Вашата алчност не познава граници.
Btw, не само еден, туку законот бара два неработни дена, ама тоа здравје – ко ќе дојде Левица на власт. 
p.s. И не заборавајте: If you FUCK the working class, it will only multiply!, порача тој.

Анализа

Од почетокот на Ковид-кризата без работа 50.000 лица, 5.000 фирми пропаднале за 6 месеци❗

50.000 лица од почеток на ковид-кризата останале без работа.

Според податоците на Агенцијата за вработување бројот на невработени лица во Македонија е околу 150.000.

Бројот на згаснати фирми во првите шест месеци од годинава и лани е во рамки на просекот. Лани вкупно биле избришани 6.214 компании, а регистрирани биле 7.077 фирми.

Во 2017 од списокот на Централниот регистар биле избришани 10.628, во 2018 година 6.864, а во 2019 – 7.234 фирми.

Инфо +

460 луѓе останаа НА УЛИЦА, без работа од две фирми во Штип, стечај за „Баргала“

Некогашниот гигант за обувки Баргала оди во стечај. Поради неисплатени 4 плати и блокирана сметка 45 дена, работниците, преку Синдикатот побарале отворање постапка. Должникот има забрана да располага со имотот без одобрение од стечајниот управник. Фабриката, која работеше лон производство за познати странски брендови, од 1,200 вработени, последниве години бројот се сведе на 300. Пред неполн месец на 100 им подели откази, а од денеска без егзистенција останаа уште 200.

– Не видовме друг излез и моравме да си ги побараме нашите неисплатени 4 плати. Да не заборавиме дека пред неполн месец, газда незаконски реши да отпушти 150 лица, изјави Дарко Димовски, ССМ.

Нови 160 откази се спремаат и за фабриката за облека МОДА од Свети Николе. На 45 вравотени им завршиле договорите за работа, а останатите 110 ќе заминат како технолошки вишок, уверува првиот човек на конфекцијата Димитров. Поголиот дел од нив сами се пријавиле, затоа што ќе им бидат исплатени 2 плати и отпремнина, а со останатите се водат преговори. Според Димитров, се одлучиле на ваков чекор затоа што немаат нови нарачки, а залихите им се полни со роба од изминатите сезони. Синдикалниот лидер вели дека бурно ќе следи дали ќе се почитуваат работничките права.

– Согласно годините стаж, за прогласување технолошки вишок, треба да се исплатат и одреден број на плати. Синдикатот ќе се заложи со сите сили и будно ќе ја следи сутуацијата, бидејќи знаеме, тие критериуми за прогласување технолошки вишок баш така лесно не се исполнуваат, додава Димовски, претседател на Синдикати на Македонија.

Нови откази се подготвуваат и во останатите конфекции. Според најавите, од 30 до 50% од работниците, претежно од текстилиот сектор, ќе бидат отпуштени на есен.

Прилог на СИТЕЛ:

Инфо +

УЈП не блокирала ниту една сметка на газдите за НЕИСПЛАТЕНА ПЛАТА!

УЈП не блокирала ниту една сметка на газдите за неисплатена плата

Управата за јавни приходи во текот на 2020 на газдите не им блокирала ниту една сметка за неисплатени плати кон работниците. Ова го покажува билансот за неподмирените дваачки од бруто-исплатите за здравствено, пензиско и социјално осигурување, како и персоналниот данок.

Долгот кон УЈП по овој основ бил зголемен во апсолутен износ за 845.249.117 денари или за 11,11 отсто повеќе во однос на една година претходно. Во 2020 година УЈП сепак редуцирано спроведуваше мерки за присилна наплата на неплатените даночни долгови. 

Ова се должи најмногу на Уредбата со законска сила за примена на Законот за даночна постапка за време на вонредна состојба со која не се издаваше опомена за плаќање на данок и според тоа не можеше да се отпочне постапка на присилна наплата за време на траењето на вонредната состојба, како и по престанокот на траењето на вонредната состојба до 30 јуни 2020 година.

Уставниот суд лани на 24 јуни ја поништи Уредбата, но сепак остана влијанието од  новото деловно опкружување и сите промени во однесувањето на даночните обврзници предизвикани од целокупната здравствена криза и новонастанатите услови во економијата, како и намалените можности УЈП да излезе на терен и вонредната промена на прописите.

„За секој месец Управата за јавни приходи ги изготвува и доставува блокадите во динамика утврдена со Календарот на активности, така што од доставата на опомените до доставата на блокадите поминува времето што ги вклучува законскиот рок во кој електронската достава се смета за уредна, законскиот рок за плаќање по опомена и времетраењето на интерните активности за проверка на уплатите, изготвување на решенијата и сл., но секако пред доспевање на обврската за плаќање за следниот месец.

Ова е редовна динамика на постапување на Управата за јавни приходи во изминатите години, како и во тековната 2021 година, со која има целосна ажурност во постапувањето и спроведувањето на законските овластувања на Управата за јавни приходи.

Во текот на 2020 година согласно со Уредбата со законска сила за примена на ЗДП за време на вонредна состојба Управата за јавни приходи не издаваше опомени за плаќање на данок/долг по основ на МПИН и не отпочнуваше постапка на присилна наплата за време на траењето на вонредната состојба како и по престанокот на траењето на вонредната состојба до 30 јуни 2020 година.

По престанувањето на вонредната состојба, Управата за јавни приходи ги продолжи своите активности при што ги опфати сите даночни долгови од претходни месеци кои беа доспени и ненаплатени“, се вели во одговорот кој го добивме од  управата.

Пишува Фактор мк.