Како што беше најавено, денеска во Мајнц, Германија нашиот сограѓанин Александар Новоселски кој неколку години живее во Германија се здоби со ѓаконски чин кој му го додели Владиката Пимен – пишува Делчево 365 мк.
Видео:
https://fb.watch/i69umWqPAd/
Tag Archives: Германија
Во Германија се гради ПРВИОТ ПАТ за безжично полнење на електрични возила (Видео)
Германија започна со реализација на проектот на првиот јавен пат опремен со технологија за безжично полнење на електрични возила, вклучувајќи комерцијални и патнички автомобили. Првата цел е да се полни електричниот автобус кој сообраќа на релација до градот Балинген.
За снабдувач е избрана големата компанија Electreon, која развива решенија за безжично полнење на електрични возила. Индуктивната технологија на Electreon веќе освои награди и е еден од најеколошките, најскалабилните и најпривлечните методи за полнење.
Оваа технологија ги полни батериите на возилата динамично и статички, односно кога се движат и кога стојат во место. Ова, исто така, ја намалува потребата за капацитет на батеријата, ги елиминира грижите за опсегот, ги намалува вкупните трошоци на сопственост и електричните возила се полнат брзо и безбедно. Electreon работи со комунални претпријатија и оператори на возниот парк за да им овозможи на јавните, комерцијалните и самоуправувачките флоти да се претворат во електрични по ниска цена и без пречки.
Во соработка со водечкиот германски снабдувач на инфраструктура за полнење електрични возила наречена EnBW, Electreon ќе инсталира Electric Road System (ERS) на должина од еден километар од патот. Имајќи ги предвид автобуските постојки, ќе се одлучи и каде ќе бидат поставени двете статички станици за полнење.
Технологијата ќе биде воведена во две фази, првата вклучува патека долга 400 метри со две статични станици за полнење, а втората фаза ќе додаде уште 600 метри должина на „електричен пат“.
Овој план доаѓа по успешното тестирање на технологијата на Electreon во Карлсруе, кое беше спроведено во партнерство со EnBW. Електрификуваниот пат е изграден во објектот за тестирање на EnBW, кој напојува јавен автобус во близина за време на шпицот. Како дел од договорот, Electreon ќе добие до 3,2 милиони евра за овој проект во Балинген за поставување инфраструктура за статичко и динамично безжично полнење.
Јапонците ја „урнаа“ Шпанија, за Германците Ауфидерзеин!
Јапонија е првопласирана во групата Е на Светското првенство во Катар и ќе се судри со Хрватска во осминафиналето по фантастичната 2:1 победа над Шпанија, која пак се „провлекува“ какао второпласирана за дуел со Мароко, откако Германците едвај ја совладаа Костарика (4:2), но тоа не беше доволно за да се осудени на ново испаѓање во групната фаза, второ едноподруго на Мундијалите.
На стартот на мечевите од групата Е изгледаше дека ситуацијата е јасна – Германија и Шпанија стигнаа до рано водство, ситуација во која двата европски гиганти беа сигурни во осминафиналето. Алваро Мората постигна гол трет натпревар едноподруго на Мундијалот за водство на „фуријата“, додека Серж Гнабри стрелаше за водство на тимот на Ханси Флик.
Меѓутоа во второто полувреме, јапонските „самураи“ приредија фантастичен камбек – Рицу Доан прво постигна прекрасен гол во 48. минута, за Аоки Танака по една контроверзна ситуација во 51. минута го комплетираше пресвртот.
Овој резултат ја водеше Шпанија како второпласирана во нокаут фазата, но тогаш Костарика исто така направи пресврт, поведувајќи со 2:1 против Германија, резултат кој ќе значеше испаѓање и на Шпанија, пред замената Каи Хаверц да осигура барем „маншафт“ да се простат со чесна победа, а Никлас Филкруг во последните минути да ги постави конечните 4:2.
ГРУПА Е
Германија – Костарика 4:2
Шпанија – Јапонија 1:2
Цуцуловски го праша Германецот: Дали би го менувал Уставот на Германија, бидејќи и таму има барем 3.000 Бугари?
Професорот и филозоф Љубомир Цуцуловски јавно го прашува германскиот претседател Франк-Валтер Штајнмајер дали би го менувал Уставот на неговата земја за да ги вклучи и Бугарите во него, како што побара од Македонија среде Скопје да го отвори највисокиот законодавен акт.
„НЕ КАЖА. Франк-Валтер Штајнмајер, претседател на Сојузна Република Германија, порача дека Македонија ќе трабало повторно да го менува Уставот. Меѓутоа, не кажа што треба да се менува во него. Ако мислеше на Бугарите, тогаш редно е да каже дали би го менувал Уставот на Германија, бидејќи и таму има барем 3.000 Бугари“, коментира Цуцуловски на Фејсбук.
Балканец во Германија: Каде е мајката на ова јајце? (Видео)
Една снимка од Балканец во германска продавница стана хит на „Тик-Ток“.
Балканецот не знаел како да каже кокошка на германски, па реши на интересен начин да го праша вработениот.
Тој најде едно јајце и го праша продавачот „каде е мајката на јајцето“, по што продавачот се насмеа и го однесе на вистинското место.
АМПЕВА: ДРВАТА ВО ГЕРМАНИЈА… КРИЗА? Ние да сме имале поголем стандард од Германците :)
Пост на активиската Кристина Ампева, која во нашата јавност е препознатлива по борбата за правата на текстилните работници, со својата објава на Фејсбук предизвика лавина од реакции меѓу граѓаните.
– Дрвата во Германија. Криза а? Ние да сме имале поголем стандард од германците, дека 6000 денара е кубик – напиша Ампева на Фејсбук.
Нејзината објаваа предизвика лавина од реакции меѓу граѓаните кои се револтирани од владините одлуки, и од поскапувањето на сите производи во нашата земја.
Видете го постот и реакциите:
Млекото, лебот и кашкавалот во Германија се поевтини од Македонија
Цените на основните продукти во Германија се поевтини од Македонија, објави „Република“.
Лебот во Германија може да се купи по цена од едно до 1,3 евра, додека кашкавалот се продава за осум евра по килограм.
Брашното чини околу пет евра за пет килограми, додека единствено нешто што е поскапо е зејтинот, кој чини од три до четири евра.
До крајот на ноември цената на лебот, брашното и печивата ќе се зголеми за најмалку 10 проценти во Македонија, најавуваат мелничарите.
Причини за поскапувањето, велат, се скапата струја и растот на берзанските цени на пченицата.
Мелничарите бараат субвенции за електричната енергија или да бидат додадени на регулираниот пазар зашто само така, нагласуваат, би се смирила ситуацијата и соодветно би се намалиле цените во корист на населението.
Како што изјави за МИА претседателот на Групација на мелничко-пекарската индустрија во Стопанската комора, Горан Малишиќ, од огромна корист би биле и ноќните вишоци што ги продава ЕСМ, зашто и онака 75 отсто од производството на пекарската индустрија се изведува во ноќните часови.
– Во сегашната консталација, берзанската цена на пченицата како основна суровина повторно почна да расне. Од жетвата 2022 цената на француската берза е зголемена за околу 10 отсто, а и зголемувањето во Србија е исто така 10 проценти. Тоа значително ќе ја зголеми цената на брашното и на лебот со печивата за минимум 10 проценти во наредниот период од максимум 40 до 50 дена, истакнува Малишиќ.
Според него, огромен проблем во моментов е и цената на струјата.
– Цената на електричната енергија за август 2022 на отворениот пазар изнесуваше 32 денара по киловат час што за компаниите е 500 отсто зголемен трошок во однос на лани. Сите овие зголемувања ќе придонесат за зголемување на цената на лебот или за неминовно затворање на индустриските капацитети. Тоа значи дека, не само за мелничко-пекарската индустрија, туку за целата индустрија – без помош или интервенција на Владата во цената на електричната енергија, неминивно е тотално намалување на производството до можен минимум или затворање на капацитетите, нагласува Маличиќ.
Тој додава и дека залихите на пченица кај приватните субјекти, силоси и мелници се на историски најмал минимум, што од намалената домашна жетва во 2022, што од неможноста на мелниците да набават пченица од увоз поради високата цена. Дополнително, проблем се и оперативните средства за набавка на лебно жито кои не се подржани ниту од комерцијалните банки, ниту од Владата.
– Во оваа ситуација Владата најмногу требаше да помогне. Сепак, за да нема катастрофални последици, минатата недела се одржа состанок на Мелничко-пекарската групација од кој се испратија неколку барања до Владата и ресорните министерства. Најважното барање е како една од општествено најважните индустрии за прехрана на населението или индустрии кои обезбедуваат домашно брашно, леб и печива, да биде субвенционирана во цената на електричната енергија или додадена во регулираниот пазар со цел, во двете опции, цената на струјата да не биде повеќе од шест денари по киловат час. Така би се смирила ситуацијата и соодветно би се намалиле цените во корист на населението, објаснува Малишиќ.
Засега одговор од Владата на барањето на мелничарите нема. Тие иднава недела очекуваат средба на повисоко ниво, меѓу Комората и ресорните министерства, за изнаоѓање соодветни решенија.
Дојде живот и во Германија: Литар масло во Германија се продава и по цена до ПЕТ ЕВРА
Цените на храната во Германија драстично „скокнаа“ од почетокот на руската инвазија врз Украина. Тоа се забележува особено, кај продажбата на масло во германските супермаркети, пишуваат тамошните медиуми.
На некои места цената за еден литар масло достигнува и до пет евра. Филијала на малопродажниот синџир Едека во Тренделбург, северен Хесен, повеќе не сака да продава масло со такви цени, наведува Феникс магазин.
– Не очекувавме ситуацијата да оди во правецот во кој се разви. На полицата за масло, ставивме натпис со објаснување зошто веќе не продаваме. Нема да продаваме сончогледово масло за 4.99 евра по литар. Се оградуваме од вакви цени. Постојат граници, изјави Ања Мулер за германскиот медиум РТЛ.
Хорор во Германија: Пронајдени 4 мртви тела во куќа, имале траги на насилство
Четири лица се пронајдени мртви во куќа во Кемниц во сојузната покраина Саксонија во Германија, јавува агенцијата „Анадолија“.
Според информациите, телата на четири лица се пронајдени мртви во куќа во градот Мителбах, од кои две се жени на возраст помеѓу 32 и 72 години. Првите сознанија на полицијата говорат дека четирите лица починале како последица на насилство.
Германците трупаат брашно и масло, ќе запре ли и гасот -тревога во Германија!?
Германската економија е во состојба на тревога, по одлуката на рускиот претседател Владимир Путин да продава гас само во рубли.
Германските бизнисмени се сериозно загрижени дека земјата може да западне во длабока криза доколку Москва го прекине снабдувањето или ако Западот воведе ембарго за увоз на руски енергенси.
Германскиот министер за економија Роберт Хабек изјави дека Германците ќе бидат посиромашни поради агресијата на Русија врз Украина.
„Не е можно ова да заврши, а германското општество да не ја плати цената за тоа. Тоа е незамисливо. Верувам дека веќе ја плаќаме цената која е мала во споредба со страдањата во Украина“, рече Хенкок порано оваа седмица.
Агенцијата за статистика на Германија објави дека инфлацијата минатиот месец во оваа држава изнесувала 7,3 отсто, што е највисоко во послендите 40 години. Основна прилина за економското влошување е поскапувањето на нафтата и гасот. Овие енергенти се поскапи за 40 отсто во однос на минатата година.
Поскапувањето на енергентите беше проблем и пред војната во Украина. Војната дополнително придонесе за раст на цените. Загриженоста поради овој проблем е посебно изразена во Германија, затоа што е најголемиот европски купувач на руски енергенти.
Германците инсистираат да продолжат да плаќаат за нив во евра и долари. Русите најавија дека непријателските земји ќе мора да плаќаат во рубли, пренесе Си-ен-ен.
Ситуацијата предизвикува повремена паника во Германија поради снабдувањето со брашно и масло.
Владата во Берлин залудно апелира до граѓаните да не складираат непотребни залихи.
Според податоците на Федералното биро за статистика од петокот, во неделата од 7 до 13 март, 123 отсто – 2,25 пати – повеќе масло за јадење отишло во малопродажба отколку во една недела минатиот септември.