Tag Archives: Кина

Свет, Технологија

Каде отиде светот ? – По Германија и Кина го пушта во употреба ПРВИОТ ПАТНИЧКИ ВОЗ НА ВОДОРОД

Gallery

Најголемата светска компанија за производство на возови, кинески CRRC, лансираше нов патнички воз со нулта емисија на гасови, кој работи на водородни ќелии со суперкондензаторски меѓурезервоар.

Возот со четири вагони може да вози со брзина до 160 км/ч, што го прави најбрзиот воз на водороден погон во светот.Возот е развиен во соработка на државните компании CRRC и Chengdu Rail Transit и воедно е првиот водороден патнички воз во светот и има досег од 600 км. Притоа, не испушта никаков отпаден гас, туку вода.

Исто така, има опција за автономно возење, доаѓа со 5G комуникација и функционалност на автоматско враќање во гаража. Симболично е тоа што земјата која контролира најголем дел од синџирот за снабдување со литиумски батерии тивко се префрла на водород. Со оглед на недостигот на ресурси на литиум, можен е скок на цената, а Кина се труди што побрзо да го воведе водородот како алтернатива за литиум-јонските батерии.

Во Германија во 2018 година во промет беше пуштен првиот воз во светот кој за гориво користи водород. Ова е поскапа, но еколошки далеку поприфатлива технологија отколку дизел-возовите кои го загадуваат воздухот.

Синиот воз го направи француската компанија Alstom, а прв пат возеше по 100 км долга траса меѓу градовите Куксхавен, Бремехавен, Бремерверде и Букстехуде во северна Германија. 

Alstom ги произведува француските возови  TGV и од компанијата велат дека планираат да испорачаат уште 14 возови до 2021 година во Долна Саксонија, но и во други делови од Германија каде што ќе има интерес.  Возовите на водород се опремени со ќелии кои со комбинација на водород и кислород произведуваат струја со водена пареа како единствен нуспроизвод. Вишокот енергија го складираат во литиум-јонски батерии.

Забава

Симон Трпчески добил јајце откако во Кина ја свирел „На Струга дуќан да имам

Video

Со голем ќеиф и гордост зборува македонскиот виртуоз Симон Трпчески за неговиот проект „Македонисимо“, кој вели во превод значи „Ептен македонски“. По бесплатните концерти пред македонската публика, проектот кој не наиде на разбирање и поддршка од институциите, ама затоа пак го воодушевува светот, Трпчески со дел од музичката екипа со која настапува, отсвири дел од овие песни во студиото на „Еден на Еден“.

На божиќниот специјал, кој ќе биде прикажан во недела, 18.30 на „Канал 5“, Трпчески зборува и за своите многубројни настапи низ светот. На еден од нив, во Кина, веднаш по изведбата на „На Струга дуќан да имам“, го изненадил Македонец.

Гледам излегува човек од публика, доаѓа и ми носи јајце. Велигденско јајце на сред Кина, си велам бреееј јаки сме, раскажува Трпчески за концертот за православниот Велигден.

https://fb.watch/hXxHwr7Lrb/

Свет, Технологија

Архитектонското чудо – Кинескиот национален театар е новото светско чудо

Архитектурата го прикажува цивилизацискиот развој на државите, па според тоа, Кина со своите архитектонски дела се наоѓа на самиот светски врв.

Големиот број градителски дела низ цела Кина,  од минатото, сè уште ги восхитуваат илјадниците туристи, а современите градби им го запираат здивот.

Едно од современите чуда на кинеската архитектура претставува Националниот театар или Бисерот на вода, како што го нарекуваат во Кина.

Импозантен по своите форма, позиција и габарит, театарот се протега на површина од 219.000 квадратни метри. Ова величествено здание е сместено на вештачкото езеро на пекиншкиот плоштад „Тјенанмен“, има форма на полуелипса, која создава илузија дека театарот плови по водата.

Ентериерот на театарот е смислен така за публиката да биде релаксирана и за да ужива и додека се движи низ него. Особено внимание ѝ е посветено на удобноста на посетителите, така што седиштата се опремени со вентилатори, кои одржуваат пријатна температура во пространите сали, како и со спречувачи на звук, кои овозможуваат при напуштањето на театарот да не се создава бучава што ќе им пречи на другите.  Екстериерот е составен од метал на кој се вградени титаниумска мрежа и стакло преку кое, во текот на денот, се одбиваат сончевите зраци и кое служи како небесно огледало, а во текот на ноќта, објектот изгледа како споменик над езерото, осветлен со специјални светла.

Во внатрешниот и во надворешниот дел на театарот преовладуваат златната и црвената боја. Особено впечатливи се ѕидовите, кои се изградени од специјално стакло и кои стануваат проѕирни создавајќи оптичка илузија меѓу внатрешноста и околината надвор, со што се создава ефект на „губење“ во времето и просторот.

Покривот е во форма на стаклена купола и посетителите што ќе купат карта за повисоките ложи, имаат посебно доживување, како да се дел од ѕвездено небо.

Во Националниот театар има опера, голема сцена и концертни сали, што заедно претставува еден културен комплекс што се разликува од традиционалните театарски сцени. Во склоп на театарот има и книжарници, продавници за сувенири, изложбени салони, кафетерии и ресторани, со што целиот простор остава впечаток на еден уметнички кварт под стаклено ѕвоно.

Програмата што се изведува на главната сцена, најчесто ѝ е посветена на кинеската народна песна, поезија и на кинеските претстави и поради тоа, на тој простор, акцентот е ставен на црвената боја во просторот. Магијата на кинеската драмска уметност, која е раскошна и живописна, на оваа сцена често е збогатена со холограми во заднината на сцената,  но покрај тоа, се играат и театарски претстави од современите автори, како и од  светските драмски класици.

Кинескиот Национален театар е еден од најрепрезентативните примери на  врвните достигнувања на современата кинеска архитектура. Посетителите имаат можност да ги гледаат најдобрите светски и кинески достигнувања во театарот, музиката, балетот, но покрај тоа, театарот е посетуван и од голем број туристи, кои сакаат да го видат најголемиот светски театар и модерно архитектонско чудо. Иако најчесто Кина се поврзува со подемот во технологијата и во економијата, сепак, архитектонските достигнувања на оваа земја докажуваат дека и во минатото и денес Кина има традиција на создавање врвни архитектонски дела.

Свет

Кина го отвори најдолгиот тунел под езеро, кај нас автопат СЕДУМ години се прави (Фото и Видео)

По четири години изградба, Кина го отвори својот најдолг подводен тунел досега, кој е дел од автопатот.

Станува збор за тунел Таиху, долг 10,79 километри, кој се протега под езерото Таиху во источната кинеска провинција Џиангсу.

Владини претставници соопштија дека изградбата на тунелот чинела 1,56 милијарди долари, а работата започнала на 9 јануари 2018 година.

Во изградбата на двонасочниот тунел се употребени 2 милиони кубни метри бетон, а должината на неговите шест ленти е 17,45 метри.

На таванот на тунелот има LED осветлување во бои дизајнирани да го спречат заморот на возачот.

Тоа е дел од автопатот Чангжу-Вукси долг 43,9 километри, кој исто така беше пуштен за сообраќај во четвртокот, пишува Klix.ba.

Овој автопат е алтернатива за патниците кои патуваат помеѓу Шангај и Нанџинг.

Новиот автопат има задача да го намали сообраќајниот притисок врз градовите покрај езерото Таиху, како и да го промовира урбаниот развој во делтата на реката Јангце.

За потсетување во Македонија автопатот Кичево – Охрид се гради веќе седум години, без абер за негово завршување.

Забава

Кинез среде Пекинг пее песни од Тоше Проески ❤ (Видео)

Video

На социјалната мрежа Инстаграм се појави видео на кое се гледа како уличен музичар од Кина пее хит од македонската музичка ѕвезда Тоше Проески.

„Još uvijek sanjam da smo zajedno“ е песната на Проески која беше испеана од овој музичар.

Погледнете:

Станува збор за извесен уличен пејач кој на Инстаграм е потпишан како Wang Xiao Chong кој среде Пекинг ја пее и легендарната песна која ја пееше Проески на Беовизија, „Чија си“.

Свет

(Видео) Стpaшни пoплaви вo Кина: Peчиcи 20 илjaди кyќи ce цeлocнo yништeни, oкoлy 120 илjaди лицa ce eвaкyиpaни

Video

Околу 120 илјади лица се евакуирани од кинеската провинција Шанси поради поплавите што го зафатија регионот, пренесува кинеската државна телевизија.

Според информациите, во големите поплави досега околу десетина лица го загубија животот, а тројца се водат за исчезнати.

Повеќе од 1,7 милиони луѓе се погодени од невремето, а речиси 20 000 куќи се целосно уништени.

Причинетата штета од поплавите се проценува на пет милијарди јуани (околу 775 милиони долари).

Инфо +, Свет

Страшни и нeзапаметени поплави во Кина! Попуштија неколку брани, 12 лица се починати (Видео)

Централните делови на Кина се погодени од поплави по обилните врнежи, за кои метеоролозите посочуваат дека се најсилни во последните илјада години. Во Луојанг, град со седум милиони жители, се заканува бранење на брана, поради што беше ангажирана армијата.

Кинеската агенција Синхуа објави дека досега се евакуирани 100.000 луѓе од градот.

Поплавите го оштетија и храмот Шаолин, познат по воените вештини на будистичките монаси.

Бројни поаѓања на возови низ Хенан се откажани, некои автопати се затворени, а летовите се прекинати или одложени.

Од саботата навечер до вторникот попладне паднаа 617,1 милиметар дожд на метар квадратен, што е скоро на нивото на годишниот просек од 640,8 милиметри.

Во Женгжу, град со над 12 милиони жители сместен на бреговите на реката Јанг це, 12 луѓе смртно настрадаа во поплава на подземната железница додека 500 луѓе се спасени, објавија локалните власти.

Браната се заканува дека ќе биде попушти, армијата е ангажирана.

Кинеската војска во вторникот предупреди на непосредната опасност од пукање на браната Jихетан во Луојанг.

Армијата соопшти дека на браната се појавила пукнатина од 20 метри, која дозволува продирање на вода од Жолтата река.

„Браната може да попушти во секој момент“, предупреди војската.

Ангажирани се околу 20.000 припадници на армијата и полицијата да се обидат да спречат нови поплави.

Забава

КИНЕЗИТЕ се мрднати: Вака се гради десеткатница за само 28 часа! (ВИДЕО)

Кина за еден ден, односно за само 28 часа изградила10 катница, а видеото од изградбата со брзина на светлината го заобиколи светот.

Имено, деловите од секој спрат биле подготвени во фабрика, и префрлени со камион до крајната дестинација, каде што истите беа монтирани.

Кинеската компанија „Broad Group“ е позната по своите рекордни градби и од минатото, односно по изградбат на болници, хотели и канцелариски објекти.

-Сите составени делови беа префрлени со камион и беа монтирани на лице место со кранови, во период од само 28 часа и 45 минути. Апартманите веднаш биле снабдени со електрична енергија и вода за пиење, истакнал портпаролот на компанијата.

COVID 19

Кина ја одобри Синофарм за деца постари од три години!

акцината на кинеската компанија Синофарм против коронавирусот, направена во институтот за биолошки производи во Пекинг, добила одобрување за употреба за деца на возраст од 3 до 17 години во Кина.Можеби ќе ве интересира

Информацијата на прес-конференција ја соопштил Шао Јиминг, истражувач во кинескиот Центар за контрола и превенција на болести.

Кина досега искористила вкупно 845,3 милиони вакцини.

COVID 19, Инфо +

Пристигнаа 200.000 вакцини „Синофарм“

Скопје, 30 април 2021 (МИА) – Двесте илјади вакцини „Синофарм“ пристигнаа изутрината во Скопје кои најдоцна до понеделник ќе бидат дистрибуирани во салата „Борис Трајковски“ и во уште шест градови низ државата по што се очекува со нив од вторник да стартува масовната вакцинација и да се вакцинираат помеѓу 10 000 и 15 000 лица.

Министерот за здравство Венко Филипче изрази благодарност до кинескиот амбасадор Џанг Ѕуо со кого го проследија  доставувањето на вакцините во поликлиниката „Јане Сандански“, најавувајќи дека месецов се очекуваат и други големи количини, уште 600.000  од Кина и 26.000 дози од „Фајзер“. Со тоа, верува дека до почетокот на летото ќе имаме висок процент на вакцинирано население што ќе придонесе за целосно менување на епидемиолошката состојба.

– Рано утрово пристигнаа долгоочекуваните вакцини од производителот Синофарм од НР Кина и дозволете да изразам голема благодарност за личниот ангажман на амбасадоро Ѕуо, понатаму за луѓето од неговиот тим со којшто комуницираме практично секојдневно целиот овој изминат период и благодарение и на нивното инсистирање оваа пратка сега е во нашата земја. Станува збор за количина од 200 000 вакцини коишто еве веќе веднаш службите ќе ги одработат соодветно во делот на проверка на ладниот ланец, ќе се сместат тука во ладната соба која што беше поставена благодарение на Фондацијата Дајрик делиф.Од тука во текот на следните денови, најдоцна  во понеделник ќе бидат дистрибуирани во сите вакцинални пунктови во овие пунктови за масовна вакцинација ширум државата, во Скопје во салата „Борис Трајковски“, а во другите шест градови исто така во спортските сали. Тоа ќе биде во Куманово, Штип, Кавадарци, Тетово, Охрид и Битола и според распоредот на веќе пријавени граѓани. Така ќе биде распределена и бројката на вакцини и процесот на вакцинација со кинеските вакцини ќе започне веќе во вторник, изјави Филипче. 

Кина сака да ја зајакне соработката со Северна Македонија во борбата против пандемијата  и заеднички да поттикне економско зазадравување за доброто на нашите држави и народи, изјави Ѕуо.

Како што појасни министерот Филипче, во претстојното вакцинирање акцент ќе се стави на граѓаните коишто се веќе пријавени, тие кои веќе чекаат и според возраста и според приоритетот на пријавување, односно оние кои први се пријавиле и веќе чекаат да бидат повикано ако досега не биле повикани ќе бидат повикани според возраста и тоа, како што рече, ќе се одвива насекаде во државата.

Овој месец, информираше министерот, очекуваме да стигнат околу 500 000 дози на вакцината „Синовак“, понатаму 100 000 дополнителни дози коишто доаѓаат како донација благодарение на Министерството за одбрана за време на разговорите на министерката Шекеринска со кинескиот министер за одбрана беше најавена донација од дополнителни 100 000 вакцини „Синофарм“, дополнување на овие 200 000. Значи уште 600 000 вакцини од Кина за 300 000 граѓани, 26 000 дози од вакцината Фајзер преку нашиот директен договор, се уште немаме точен термин за тоа кога и колкава количина ќе стигнат од руските вакцини, рече Филипче.

Станува се понеизвесно е пристигнувањето на вакцините на „АстраЗенека“ имајќи ги предвид случувањата со вирусот во Индија која има донесено забрана за извоз на вакцини, а дел од вакцините на Астра Зенека преку КОВАКС-системот треба да пристигнат и од тамошниот Институт. 

-Оние први коишто пристигнаа во нашата земја беа од Јужна Кореја, не знаеме дали се планирани повторно количини од таму или од Индија, тоа може малку да ги искомплицира и одложи работите, меѓутоа остануваме во комуникација и ја пратиме ситуацијата, рече Филипче.

Во шесте сали низ државата и во салата „Борис Трајковски“ има капацитет во фрижидерите да се сместат и вакцините на Фајзер и во здравствените домови. 

-Во тие големи пунктови ќе има практично од сите  вакцини, следнава недела кинески и вакцини на Фајзер. Нема потреба да се става акцент на тоа да се бира вакцина. Сите се со еднаков квалитет, нема никаква контраиндикација. Каква вакцина има во пунктот во тие часови кога е предвидено да се вакцинираат граѓаните може комотно да ја примат без да бидат загрижени и да размислуваат дали има предност да се вакцинираат повеќе со една или со друга вакцина, рече Филипче