Tag Archives: Куманово

Македонија

(Фото) ТЕНЗИЧНО ВО КУМАНОВО: Толпа од Оризари насилно влегла во просториите на ЕВН!

Револтирана група на жители на селото Оризари, бидејќи од вчера немаат струја, утрово насилно влегла во просториите на ЕВН во Куманово, велат извори од Електродистрибуција за Плусинфо.

Според информациите кои пристигнаа до нас во моментов жителите на Оризари бараат од Електродистрибуција веднаш да биде отстранет проблемот и тие да добијат електрична енергија, без разлика што дефектот поради кој ова село остана без струја е несовесното однесување на слупчанци, поради кое повеќе села од овој регион вчера беа напојување. Екипите на Електродистрибуција се спречени од жителите на Слупчане да влезат во селото и да го отстранат дефектот.

Од ЕВН нѐ информираа дека по вчерашниот упад на жителите на Слупчане во трафостаниците на ЕВН, селото но и Оризари се сѐ уште без напојување.

Оттаму додаваат дека екипите на Електродистрибуција работеа цела ноќ на санација на дефекти. Нормализирано е снабдувањето со електрична енергија на селата: Ваксинце, Алешевце, Руница, Извор и Белановце.

По вчерашната целосна блокада за да ги спречат повторно да работат екипите на Електродистрибуција, жителите на Слупчане ги уништија трафостаниците за снабдување со електрична енергија и направија дефект од највисок степен, поради што жителите од селото и пошироко останаа без струја.

– Се додека не се создадат нормални услови за работа и се загарантира сигурноста на вработените на Електродистрибуција, нема да работиме на санација на дефекти или извршуваме редовни работни активности во овие села – категорични се од ЕВН.

Инаку, вчера објавивме дека жителите на Слупчане имаат 13 барања кои компанијата ги достави до медиумите, во кои, тие бараат да им се простат досегашни долгови кои, како што наведуваат од компанијата изнесуваат по неколку илјади евра, да добијат бесплатни нови приклучоци, без разлика колку ќе потрошат во иднина да не им се фактурира повеќе од 3.000 денари, верските објекти да бидат ослободени од плаќање и слични други барања, кои додаваат од ЕВН, се спротивни на законските регулативи.

Жителите на Слупчане бараат да плаќаат најмногу 3.000 денари без разлика колку потрошиле: ЕВН и МВР пак не можат да влезат во селото
Македонија

Кумановка минува низ голгота: Купила СТАН кој НЕ ПОСТОИ, па остана без дом и без пари!

Во оваа зграда требаше да започне нова етапа во животот на Маја Данчевска, но…

Вака започнува сторијата на КЛАН која ви ја пренесуваме во продолжение:

„Како е можно да завршиме на улица со две мали деца, со кои навистина не знам каде ќе одам“ – изјави Маја Данчевска.

Инвеститорката Снежана Петрушевиќ заедно со сопругот Ѓоко Петрушевиќ наместо да градат според дозволата со која се дозволува изградба на приватна куќа, изградиле зграда со 12 стана. Од кои 7 продале, а меѓу тие 7 лица кои купиле стан е и Маја.

„Се договоривме, ние плативме 60% од вкупната цена за станот. Потпишавме купопродажен договор и во меѓувреме чекавме да се преселиме. Кога беше завршена зградата се вселивме и чекавме да заврши техничката процедура, како што велеше тааа, за да ни го предаде имотниот лист. Кога видов дека нема имотен лист, решив да отидам во катастар каде што ми рекоа дека на ова место нема зграда, таа е наменета за куќа и нема да можам да извадам имотен лист“ – изјави Маја Данчевска.

Откако Маја сфатила што се случува, сопственикот на зградата почнал да се заканува.

Заканите Маја ги пријавила во полиција, и иако и се вршел притисок не престанала да се бори за имотот кој го платила и не може да го користи.

Конечно, во 2017-та година Основниот суд Куманово одлучи да и го конфискува имотот на Снежана Петрушевиќ и да ја прогласи за виновна за бесправно градење.

Освен што и се конфискува имотот, ќе биде осудена и на две години условен затвор, но никаде не беше обвинета за измама и Маја остана и без пари и без имот.

Иако има правосилна пресуда за конфискација на имотот, сега веќе поранешниот сопственик бара Маја да го напушти објектот, а тоа изненадувачки е прифатено од судот. Тоа е така затоа што овој имот се уште не е впишан во катастар како одземен од државата, а од друга страна судот не го признава договорот потпишан на нотар помеѓу Маја Данчевска како купувач и Снежана Петрушевиќ како продавач, бидејќи објектот што е продаден легално не постои.

Се обидовме да добиеме изјава и од инвеститорот Снежана Петрушевиќ. Таа не беше дома. Нејзината мајка рече дека не знае ништо за случајот.

Маја е во овие правни лавиринти од 2014 година, а крајот може да биде болен за неа и нејзиното семејство.

Kumanovarja bleu banesën që nuk “ekziston”! (Video)

Македонија

Максим успешно воведе БЕСПЛАТЕН ЈАВЕН ПРЕВОЗ ВО КУМАНОВО

Градоначалникот на општина Куманово Максим Димитриевски денеска се возеше со повеќе автобуски линии на неколку релации во општината во рамки на бесплатниот градски превоз за сите граѓани во Куманово.

„Имав можност да разговарам со ученици, работници, пензионери, студенти кои редовно ја користат оваа јавна услуга. Навистина ми е драго што мерката за бесплатен јавен превоз е позитивно прифатена од сите граѓани и претставува вистинско олеснување на семејниот буџет за многу семејства, кои отворено го искажуваа своето задоволство, со многу позитивни коментари и предлози. Разговарав и со возачите и ги слушнав нивните идеи и сугестии за подобрување на квалитетот на услугата кон граѓаните“, рече Димитриевски.

Тој потенцираше дека линиите што ги користел немаат задоцнувања, а ја забележал и инспекциската контрола од Општината како активно ја следи редовноста на линиите.

Подобрување на условите за граѓаните останува главен приоритет на општина Куманово во сите сегменти!

Бесплатниот јавен превоз започна оваа година, во месец јануари.

Македонија

Димитриевски: Куманово НЕМА ДА ГИ ТРГА НАТПИСИТЕ на спомен плочите на кои пишува БУГАРСКИ ФАШИСТИЧКИ ОКУПАТОР

Во мојот град нема да се тргаат натписите на спомен плочите на кои пишува бугарски фашистички окупатор, затоа што тој бил окупатор, а не бил администратор, изјави кумановскиот градоначалник Максим Димитриевски за бугарската национална телевизија БНТ1.

– Значи, нас не окупира. Ако се сеќавате во периодот на окупација, доаѓаат бугарските војски во Македонија, тоа е свежа историја, ги чекаат на одредени места и градови со леб, сол и погача. Ја делат Македонија до Групчин и тоа ја потврдува желбата за чиста окупација и припојување на територија, реле градоначалникот на Куманово, Димитриевски.

Тој ова го изјави во вчерашното гостување во емисијата „Говори сега“ на бугарската национална телевизија БНТ1.

Македонија

Ако ПАНТЕРОТ од Србија дојде во Македонија, Максим и Куманово се подготвени да се соочат со него

Откако вчера во Србија се објавија нови снимки од пантерот кој за кратко време пристигнал од Апатин, на унгарско-српската граница, до Фекетиќ оддалечен осумдесетина километри, загрижени граѓани на страниците на српските портали прашуваат која ќе биде неговата следна дестинација. Многумина се уверени дека животното ги следи своите инстинкти и самото ќе си го најде патот до потоплите краишта.

Србија, Македонија, па Грција? Во природата му е да се движи кон југ – коментираат граѓани на социјалните мрежи.

Ненад Тешиќ од еколошкото здружение „Движење за сите нас“ за српските медиуми изјави дека е очигледно како животното се движи на југ, односно од Војводина кон Централна Србија и апелираше луѓето да ја сфатат сериозноста на ситуацијата.

Ситуацијата сериозно е сфатена во општината Врбас. Откако опасниот црн пантер, по кого во Србија се трага веќе 17 дена, повторно е забележан во Срборбан кај Врбас, Општинскиот штаб на Врбас за вонредни ситуации одржа специјална седница.

По вестите дека пантерот за само неколку дена поминал 80 километри и се движи кон потоплите краишта, при што следната дестинација можеби е Македонија, вечерва седница одржа и Кризниот штаб на општина Куманово. Како што објави Плусинфо на седницата присуствуваа сите надлежни служби, вклучувајќи и претставници на Здружението на ловџиите.

По седницата, градоначалникот Максим Димитриевски даде куса изјава за медиумите:

Во рамките на проектот „Отворен Балкан“, ние сме постојаната комуникација со нашите колеги од Врбас. Од Ветеринарниот факултет во Скопје добивме известување дека црниот пантер навистина во принцип се движи кон потоплите краишта. Очекуваме Србија, како и за време на пандемијата и во енергетската криза, да ни пружи помош, на тој начин што братските српски општини ќе се фатат во костец со опасниот пантер пред тој да стаса на нашата северна граница. Но, дури и да стаса, нема простор за паника. Иако централната власт на чело со СДСМ веќе подолго време покажува неспособност да се справи со вакви кризни ситуации, ве уверувам дека Куманово и јас сме спремни да се соочиме со големиот предизвик – рече тој.

Хуманост

МИКИ ОД КУМАНОВО – НЕМАМ ПРОБАНО ТОСТ ОДАМНА, САМО ЗЕМАМ НА ВЕРЕСИЈА ОД ПРОДАВНИЦА

Video

Новко Младеновски живее живот во темнина. Го губи видот пред 17 години, иако и пред тоа живеел со доста проблеми, но од тој момент уште повеќе има компликации.

Во Старо Нагоричане создава семејество, но поради оддалеченоста од градот, a со надеж дека ќе има барем малку полесен живот, пред неколку години се сели во Горно Коњаре.

Тука живее под кирија, па од социјалната помош и мобилноста мора покрај другото да мисли и како ќе ги подмири тие обврски. Сите пет деца му се со мен тална попреченост и слабовидни.

Најголемата Ангелина и покрај тоа се грижи за нив. Сопругата му е тешко бо лна и не моќна, a помалите две деца мораат да се навикнат на ваквата сиромаштија

Исто така тие се молат во најблиската продавница за кифла за да го поминат денот на училиште и да стават нешто во нивните гладни стомаци.

Дрва за зимата Новко се уште нема обезбедено, но искрено се надева дека ќе добие помош од хуманиот народ и ќе обезбеди сигурен кров за семејството.

– Оваа куќа не е наша, немаме свој дом, тука сме под кирија. Сопственикот ми вели или купете ја куќата или излегувајте, вели Новко пред камерите на ,,Срце на Дланка”

– Родителите ги изгубив, тие ми беа каква таква поддршка, се преселив овде пред четири години, бидејќи селото ми беше многу далеку и децата не можеа да одат на училиште.

До пред две години земал додаток за децата, но комисијата одлучува да му ги прекине тие примања, па така дрвата и храната се луксуз за него и семејството.

И тој мал приход што го земале од март годинава им е скратен бидејќи тие пари одат за лекување на сопругата која се справува со лошата бо лест.

– Благодарение на продавниците што ми даваат на вересија опстојувам, но тоа не е така едноствано, имам долг за вода и за струја, не останува ни денар.

– Сопругата веќе не е способна за работа, не може ниту да се грижи самата за себе, па така најголемата ќерка и јас се грижиме за сите, додава Новко.

Ова семејство се бања во корито, а и кровот над главата не им е сигурен и може во секој момент да ги набркаат и да останат на улица.

– Тост немам пробано долго време, кога ќе земе тато некој денар би сакал да ми купи и бојци и тетратки, тоа ми е неопходно за училиштето, земам на вересија од продавница вели малиот Мики.

Доколку сакате да му помогнете на ова семејство да живее достоинствено тоа може да го направите на телефонскиот број 071-385-312 или на трансакциската сметка 320500029769766

Македонија

Медицинска сестра прободена во врат во Кумановската болница

Полициски службеници од СВР Куманово го лишиле од слобода Ф.Ј. (38) од Куманово, затоа што со остар предмет нападнал и повредил медицинска сестра на Инфективното одделение во Општата болница Куманово, вчера после полноќ, соопшти МВР.

Насилникот бил задржан во полициска станица и по целосно документирање на случајот против него ќе следува соодветна пријава.

Според информациите од кумановската болница, медицинската сестра била нападната додека ги извршувала своите работни задачи во амбуланта, кога од зад грб ѝ пришол напаѓачот и ѝ ставил чаршаф на главата, по што почнал да ја дави и да ја удира. Таа паднала на подот, по што тој ѝ ја затнал устата со рака за да не може да вика. Ги зел ножичките за сечење газа од бирото и ја прободел во левото рамо и по вратот, по што жената се онесвестила.

Мешницата ја слушнале нејзините колешки и дошле да видат што се случува, при што ја нашле на подот со чаршафот на глава во бесознание. Откако ја освестиле веднаш повикале полиција и го алармирале обезбедувањето. Насилникот во меѓувреме побегнал.

Не е познато како тој влегол во зградата, бидејќи влезните врати на одделнијата се заклучуваат на полноќ, а пациентите кои доѓаат подоцна се најавуват на ѕвоно ако имаат потреба од лекарска помош. Се претпоставува дека можеби се криел во собите или во тоалетите, или влегол преку некој прозорец. Што точно се случувало ќе утврдат безбедносните камери во болницата.

Директорката на Кумановската болница Снежана Захариева го потврди случајот и вели дека дежурната медицинска сестра е сместена на хирургија, нема знаци на внатрешни повреди, е стабилна, но вознемирена поради нападот.

Директорката претпоставува дека мотивот за нападот е финансиски, бидејќи сестрата била нападната додека ја средувала касата од дневната наплата на партиципација. На Одделението не недостасувале медикаменти, а напаѓачот не ги зел парите бидејќи наишле колегите.

Унијата на ЗМСТАС, предводена од здружението на медицински сестри, техничари, акушерки и стоматолошки сестри „За нас“ јавно го осуди вчерашниот напад врз медицинската сестра од општата болница во Куманово.

Ова е уште еден случај во низата на немили настани кои се случуваат години наназад, и за кои Унијата постојано апелира дека покрај сите проблеми со кои сестринството се соочува во својата професија, условите за безбедност мора да бидат на највисоко ниво.

„Не можеме да кажеме дека вакви несакани случувања нема да се повторат и во иднина. Затоа го потенцираме моментот дека треба да се пронајдат решенија, а не само јавно истакнување на проблемот. Унијата смета дека е потребно да се води евиденција и да постои тек на постапка за ваквиот тип на немили настани. Да се задолжи Институтот за јавно здравје да понуди решение, кој патем имаше трудови за синдромот на согорување, стресот и безбедноста на работното место. Да се овозможат рехабилитации, продолжени годишни одмори и платени специјалистички прегледи. Реакциите по основ на овие случувања не се доволни. Безбедноста на медицинските сестри на работното место е од круцијално значење за целиот здравствен систем“,  истакнуваат од Унијата на ЗМСТАС.

Македонија

Матурантката Ања Спасовска од Куманово освои бронзен медал на олимпијада по хемија

Матурантката Ања Спасовска од кумановската гимназија „Гоце Делчев“ освои трето место на меѓународната олимпијада по хемија „IchO“. 

Бронзениот медал, Спасовска го освои заедно со врсници од две скопски гимназии во конкуренција од 330 ученици од 83 држави од светот.

Олимпијадата се одржа онлајн, а годинава домаќин беше Кина. Ања се натпреваруваше и лани на Олимпијадата која поради ковид-состојбата се одржа онлајн. Тогаш домаќин беше Јапонија.

Успехот не доаѓа преку ноќ, вели Ања, која се вљубила во хемијата во основно образование, по што се надоградувала во изминативе години. Таа редовно учествувала на општински, регионални и државни натпревари по хемија што ги организира Институтот за хемија на Природно-математичкиот факултет при Универзитетот „Св. Кирил и Методиј“. Дневно, пред натпреварите, одвојува по шест часа за учење.

– Кога ќе стигнеме до државен натпревар, првите десет од секоја категорија, прво, второ и трето имаат право на селекција која се одвива во јануари. По таа селекција се одбираат првите десет, следат подготовки што ги организираат професорите од Факултетот, нè подготвуваат, следи уште една селекција и се одбира тимот, претставник на Олимпијадата. Имаме тест од пет часа со осум до девет проблеми од различни области од хемија и секој го решава сам, раскажува Ања.

На Олимпијадата, учесниците решаваат проблеми од органска, неорганска, аналитичка и физичка хемија и комбинирани проблеми. Поголем дел од тестот има прашања по органска хемија.

– Интересно е што се става фокус на овој дел од хемијата. Мора да признаам дека ми е омилен дел од хемијата, вели матурантката.

Хемијата не и бил прв омилен предмет, туку музиката. Но, во осмо одделение во основното училиште „Крсте Мисирков“ кога се запознала со хемијата, таа ѝ станала предизвик. Веднаш почнала со натпревари. Токму подготовките за натпреварите биле пресудни да го засака предметот.

– Подготовките за натпреварите беа можност продлабочено да се изучува предметот. На училиште се изучува, но, не толку детално. Жал ми е што морам да кажам дека на повеќето ученици, хемијата не им е омилен предмет. Затоа треба суштински да се ангажираме со поддршка на професорите, вели Ања.

Младата кумановка вели дека иако во училиштата има кабинети, нема доволно практична настава.

– Единствените експерименти што ги правев беа на натпреварите по хемија во поранешната „Народна техника“, но само во прва година. Потоа почна пандемијата и учевме онлајн, вели Ања.

Спасовска е првенец на генерација. Ќе го продолжи образованието со фокус на хемијата во Љубљана, Словенија. Планира да заврши мастер, подоцна за докторат ќе продолжи во Швајцарија.

– Би сакала да бидам професор на факултет, подоцна би сакала да имам истражувачки тим или да работам на факултет со истражувачки тим. Би сакала или органска или физичка хемија, ќе одлучам во текот на студиите, вели матурантката.

Нејзината менторка, класен раководител и професорка по хемија во кумановската гимназија „Гоце Делчев“, Лидија Тасевска Стојковиќ вели дека учениците како Ања се ретки.

– Последниве две години поради состојбата со пандемијата наставата се одвиваше онлајн, а последнава година поради протоколите, наставата не се одвиваше во кабинетот, единствено при крај на учебната година кога ја подготвуваше матурската тема се посветивме на експерименталниот дел, вели професорката.

Таа додава дека има ученици кои ја сакаат хемијата, но со Ања го постигнува најголемиот успех.

– Таа е прво девојче од државата која успеа да освои медал. Многу сум горда на нејзиниот успех. Таа е исклучителен ученик, а пред се прекрасна личност, успешна на секое поле, вели Тасевска Стојковиќ.

Професорите се трудат да им посветат внимание на надарените и талентирани ученици. Покрај редовните часови, професорите организираат дополнителни часови за учениците како Ања.

– Мислам дека се потребни некои измени во поглед на образованието, особено за надарените ученици. Токму преку ваквите меѓународни натпревари ги забележуваме недостатоците на нашиот образован систем за работа со талентирани ученици, иако имаме доста солидно образование, што покажуваат и овие успеси. Сепак, потребно е надоградување во чекор со напредувањето на науката и малку повеќе стручна литература, вели Тасевска Стојковиќ.

Во македонскиот тим учествуваа и Дарко Стојчев, матурант од гимназијата „Јосип Броз Тито“, кој освои бронзен медал и Филип Бојаџиевски од скопската гимназија „Орце Николов“. /МИА

Македонија

Максим Димитриевски: Предлогот е штетен по македонскиот народ и државност

Градоначалникот на општина Куманово, Максим Димитриевски смета дека францускиот предлог е штетен.

Тој преку социјалните мрежи посочува дека од билатерален ќе се трансформира во мултилатерален проблем со кој еден ден ќе се соочат нашите внуци и правнуци.

-Лидерството значи да мислиш и работиш за националните и државниинтереси, не да го уриваш и подгазуваш тоа што предците ти го оставиле.Тоа што не го постигнаа во минатото со оружје во балканските, првата ивтората светска војна, денеска се обидуваат по дипломатски пат да го постигнат со власт која за жал по сите досегашни постапки повеќе не гозастапува нашиот национален и државен интерес. Македонскиот народ и ситеграѓани на Македонија како и многупати до сега низ историјата ќе гонадминат и овој предизвик и сите заедно ќе излеземе посилни ипообединети ЗА НАША МАКЕДОНИЈА. Македонецот опевал и ќе опејувамногупати за јунаштво и подвиг но исто така и за предавство исамопонижување… Вие самите од власта изберете си ја песната, јасмојата многу одамна ја избрав. МАКЕДОНИЈА ЌЕ ПОБЕДИ!” пишува

Димитриевски.

Македонија

Нека дојдат да избришат споменик во Куманово да видат што ќе се случи

Градоначалникот на општина Куманово, Максим Димитриевски во денешното гостување во „Студио 10“ истакна дека не може нашите партнери во странство да ја бранат Македонија и македонскиот идентитет, јазик, самобитност и државност повеќе од нас самите.

„Што правиме ние? Молчиме. Па во странство се говори повеќе за овој проблем, отколку кај нас дома. Ова мора да го решиме. Спомените од втората светска војна уште се живи, имаме учесници во Втората светска војна. Баба ми има 95 години, ден денеска памети што се случувало. Зошто еден бугарски политичар не се одважи и не излезе јавно да се извини за сето она што го имаат направено во рамки на Втората светска војна? Јас не ги окривувам граѓаните на Бугарија, не се фашисти. Но, факт е дека Бугарија била составен дел на фашистичката коалиција и режимот во Бугарија бил фашистички штом дал една таква поддршка. Тоа целиот свет и светската историја го пишува. На крајот, ние да ги бришеме спомениците. Нека дојдат да избришат споменик во Куманово ќе видат што ќе се случи. И да го видам тој којшто ќе биде подготвен да дојде да брише било каков споменик“, потенцираше Димитриевски.