УФЦ шампионот Александар Волкановски јавно се огласи откако од неговиот ривал беше наречен Полјак и објасни дека неговото потекло е од Македонија, дека неговиот татко е Македонец, а неговата мајка Гркинка.
Волкановски реагираше откако легендарниот Конор Мек Грегор објави коментар на Твитер дека „Волкановски можеби е Полјак“.
– Мојот татко е Македонец, а Волкановски е македонско презиме. Мојата мајка е Гркинка, моминското презиме ѝ е Калменидис. Значи, татко Македонец, мајка Гркинка“, објави УФЦ за шампионот Александер Велики Волкановски.
Татко му е од село Беранци, Битолско, додека мајка му е од Грција. Поради тоа што е дете од мешан македонско-грчки брак, сам одамна си го даде прекарот Велики, бидејќи е ист случај како и Александар Велики Македонски – од македонски татко (Филип II) и грчка мајка (Олимпија).
Настапува под австралиско знаме, но неретко знае да се фотографира со македонското знаме.
АЛЕКСАНДАР ВОЛКАНОВСКИ ЈА ОДБРАНИ ТИТУЛАТА ВО УФЦ. Волкановски е вистински КРАЛ кога е во прашање перолесната категорија, откако имаше нова доминантна борба против Мексиканецот Родригес. Австралиецот со македонско потекло славеше со НОКАУТ во третата рунда.
Двајца од најпознатите технолошки милијардери во светот – Илон Маск и Марк Закерберг, се договорија да се борат во натпревар што би се одржал во кафез.
Приказната, за која јавува и Би-би-си, започнува откако Маск на социјалната мрежа Твитер, инаку во негова сопственост, напиша дека е „подготвен за тепачка во кафез“ со Закерберг.
Марк Закерберг, пак – шефот на „Мета“ во чија сопственост се Фејсбук и Инстаграм, објави скриншот од твитот на Маск со порака „испрати ми локација“.
Октагонот претставува ограден простор со душек кој се користи за борби во „Ultimate Fighting Championship“ (UFC). Шампионатот е со седиште во Лас Вегас, Невада.
„Приказната зборува сама за себе“, изјавил портпаролот на „Мета“ за Би-би-си.
По најавата на борбата, 52-годишниот Илон Маск напиша дека речиси никогаш не вежба, освен кога ги зема децата и ги „фрла во воздух“. Марк Закерберг, кој има 29 години, тренира мешани боречки вештини, а неодамна победи на турнир во џиу-џицу.
Претходно месецов, „Мета“ ја лансираше социјалната платформа Threats, која е слична на Твитер и собра 100 милиони следбеници во првите 5 дена. Ова секако дополнително го изнервира Маск па сега му порачува на Марк да си ги мерат пенисите.
Марк сериозно го сфати повикот за тепачка и почна со припреми. Тренер му е кој ако не македонецот кој живее во Австралија, Александар Волкановски кој пак неодамна стана светски шампион во УФЦ и кој гордо истакнува дека е од Македонија.
Петмина млади мамчиња од Дубровник се обвинети дека со дрско однесување на јавно место ставиле четворица мажи во понижувачка положба преку насилство, злоупотреба и напад.
Поради основано сомнение дека сториле кривично дело насилничко однесување врз четворица мажи, еден Хрват, двајца државјани на БиХ и еден државјанин на Северна Македонија, истражниот судија на Кантонскиот суд во Дубровник им одреди едномесечен притвор.
Како што соопшти судот во Дубровник, притворот е одреден со оглед на начинот и околностите на извршување на кривичното дело насилничко однесување, бидејќи при физичкиот напад врз сезонските работници покажале крајна агресивност, несовесност и бруталност, како и поради опасност од повторување на кривичното дело.
Притворот е одреден за 22 годишно момче од Водоваѓа, двајца од селото Груде како и двајца со по 18 години од Дубровник.
Полицијата веќе извести дека четворица сезонски работници од синџирот хотели „Валамар Ривиера“ биле брутално претепани по ноќно излегување и вербален конфликт во Пила.
Наводно било околу 5 часот пред ноќниот бар „Еликс“, кога сезонските работници за да избегнат понатамошен конфликт со такси го напуштиле местото и отишле во нивниот сместувачки објект во месноста Бабин кук.
Но, група осомничени ги следела и откако работниците се симнале, физички ги нападнале и на тројцата им нанеле полесни физички повреди.
Валидна истрага во Истражниот центар на Жупанискиот суд во Дубровник утврдила дека петмината насилници ангажирале такси за да го следат другото такси во кое биле сезонските работници.
Врз основа на снимките од надзорните камери, било утврдено дека ги мавале со тупаница во пределот на главата и задниот дел од главата, шрво со раце, а откако паднале на подот ги мавале и со нозе.
Додека физички се изживувале, осомничените ги навредувале на национална основа, со што според судот кај жртвите се создавало чувство на страв, понижување и нарушено достоинство.
Младите насилници се уапсени и предадени на надзорникот на дубровничко-неретванската полициска управа, по што се изведени пред дежурен истражен судија, кој им одредил мерка притвор, пишува Слободна Далмација.
Пратеникот од редовите на Левица, Димитар Апасиев, смета дека директорот на Кардиохирургија бил разрешен по етничка основа, односно дека е Македонец.
Разрешувањето на д-р Сашко Јовев деновиве е главна тема во државава, а неговата преписка со министерот за здравство, Фатмир Меџити, ја коментираат сите.
Членот на Президиумот на Левица и пратеник во македонското собрание од оваа партија, професорот по римско право Димитар Апасиев, излезе со став дека смената на директорот Јовев има и етничка позадина.
„Ај да бидеме реални. Доктор Јовев е разрешен и затоа што е Македонец. Да беше по Рамковен, никој немаше да го пипа“, рече Апасиев во објава на Facebook.
За денеска е најавено обраќање на министерот Меџити на кое ќе ги објасни причините за разрешувањето на д-р Јовев.
Битолчанецот Димитар Илиевски – Мурато е првиот Македонец кој го освои највисокиот врв на светот Монт Еверест на 10 мај 1989 година. И, за жал, остана на вечна стража на покривот од светот.
Мурато е роден на 29 септември 1953 година во Битола, а животниот поход го заврши на денешен ден во Непал. Тој е еден од најголемите алпинисти во историјата на македонскиот алпинизам и страствен љубител на планините и природата. Во неговата алпинистичка кариера има освоено многу планински врвови. На Пелистер, каде што многу често се искачувал, во негова чест е подигнато спомен-обележје, а постхумно е одликуван со Медал за заслуги за Македонија.
На 10 мај пред три децении Диме, како член на македонската алпинистичка хималајска експедиција Еверест ’89, го поставува знамето на светскиот покрив. Искачувањето е направено од непалската страна. Патот кон врвот се протега низ ледоломот Кумбу, потоа долината на тишината, падината под врвот Лоце и јужното седло, а вдолж него се поставуваат четири висински логори.
Низ снегот одел и пред шерпасите
Заедно со Диме Мурато на врвот во истиот ден се искачија и словенечкиот алпинист Виктор Грошељ, хрватскиот алпинист Стипе Божиќ и шерпасите Сонам и Аџива. Во четвртиот висински логор се наоѓал македонскиот алпинист Борче Јовчевски кој имал задача да биде логистичка поткрепа за јуришната екипа. Искачувањето до врвот траело околу 15 часа во услови на длабок снег. На врвот Диме и Стипе се задржале околу еден час. На симнување од врвот Диме останал најверојатно на височина од 8.200 метри.
Причината за неговата смрт не е разјаснета до денес бидејќи за целото време на искачувањето и симнувањето бил во одлична кондиција, често пати правејќи патека во снегот и пред шерпасите.
Се претпоставува дека застанувајќи за кратко на висина од 8.200 метри за да го почека Стипе, кој бил зад него и имал проблеми со светилката, Диме заспал.
Долго време Диме бил единствениот Македонец кој се искачил на врв повисок од 8.000 метри. Есента 2005 година во организација на комитетот на експедицијата и Македонската алпинистичка асоцијација, под базниот камп на Еверест е изграден споменик во чест на Димитар Илиевски.
Покрај освојувањето на Монт Еверест во 1989 година, Диме има освоено голем број врвови во Македонија, на Балканот, на Алпите… Во 1986 година во состав на Македонската алпинистичка хималајска експедиција на Манаслу стигна до 7.500 метри каде што остана неколку дена во очекување добро време за јуриш кон врвот.
Обид за симнување на телото на алипинистот
Покрај големиот број тешки алпинистички искачувања на Алпите, тој е автор е на голем број првенствени насоки на Матка, Солунска Глава, Демир Капија, карпите околу Прилеп, на Пелистер, на Проклетие, на Вихрен и уште многу други планински масиви во Македонија.
Во 1998 година се организираше алпинистичка експедиција во организација на Македонската алпинистичка асоцијација и Македонскиот олимписки комитет со цел да се симне телото на Диме од Монт Еверест и, според непалските закони, телото со свечена церемонија да биде запалено под базниот логор, а урната со пепелта да се донесе во Македонија.
Македонската експедиција требаше да делува како составен дел од Интернационалната експедиција за чистење на Монт Еверест која имаше за цел чистење на планината и симнување на телата на загинатите алпинисти.
Но, експедицијата не се реализира заради административни пречки со непалската влада пред самиот нејзин почеток. Сепак, идејата за симнување на телото на Диме не е напуштена, бидејќи се смета дека е позната точната локација на неговото тело.
Димитар Илиевски е еден од најголемите алпинисти во историјата на македонскиот алпинизам. Посмртно е добитник на наградата Медал за заслуги за Македонија. Покрај спомен-обележјата на Копанки и Антена на Пелистер, во 2005 година, под базниот камп на Еверест, е изграден споменик во чест на Димитар Илиевски.
Врвен триумф и најдлабока трагедија
Врвен триумф и најдлабока трагедија, напиша за него Горазд Росоклија, еден од учесниците на Македонската хималајска експедиција Монт Еверест 89.
– Македонската хималајска експедиција „Мт. Еверест 1989“ го освои врвот (8.848 метри) на 10 мај 1989 година во 18 часот, кога Димитар Илиевски-Мурато го постави македонското знаме на Сагармата (непалски- Чело на небото) или Чомолунгма (тибетански- Божица мајка на земјата) и никогаш не се врати за да остане на врвот на својот триумф, напиша Росоклија.
Тој го запиша и списокот на членови на експедицијата: Димитар Илиевски-Мурато, Владимир Бошковски, Страшо Лозаноски, Јован Попоски – водач, Горазд Росоклија-заменик водач, Ѓорѓи Костовски, Борче Јовчевски, Серафим Серафимовски, Стипе Божиќ, Сашо Андонов, Димитар Тодоровски, Виктор Грошељ, Румен Ќамилов и Слободан Ѓорѓевиќ.
,,Стремете се високо, нема задоволство во малите победи“ Едмунд Хилари-посветено на Македонската хималајска експедиција Мт. Еверест 89, во Намче Базар, Непал, мај 1989-та.
Министерството за надворешни работи се огласи откако во јавноста беше објавено дека македонски државјанин е избоден со колец до смрт во Бугарија.
Од МНР велат дека според првичните информации кои Амбасадата на Македонија во Бугарија ги добила од надлежните институции во текот на вчерашниот ден е пронајдено безживотно тело на И.Н. (49 години), државјанин на Република Македонија.
-Амбасадата на Македонија во Софија продолжува да биде во редовна комуникација со надлежните органи во Бугарија, од кои се очекуваат повеќе информации во врска со случајот и за текот на постапката за целосно расчистување на случајот, за што МНР дополнително ќе ја информира јавноста. Воедно Амбасадата останува на располагање на семејството на починатиот граѓанин за евентуални потреби, информира МНР.
Koга човек нешто ќе каже може и да се заборави, но кога ќе напише на социјалните мрежи тоа останува забележано. Коментарот можеби и ќе го избрише но постои опцијата „скриншот“ .
Тоа му се случи и на Христијан Пендиков, секретарот на бугарскиот клуб „Цар Борис Трети“ во Охрид. Тој пред неколку дена беше претепан па експресно однесен во Софија иако против него се води постапка и тоа кривична.
Но, Христијан иако е сега голем Бугарин, не било отсекогаш така. Во една преписка на Фејсбук тој се кара со соговорниците дека Никола Карев е голем Македонец а не Бугарин.
Пендиков и се колнел дека има само македонски пасош а недај боже бугарски.
„Секој треба да се бори за Македонија затоа што друга татковина немаме“.
Но, по шест години Христијан пее друга песна, очигледно не македонска.
„Мајко Богородице, дај ми здравје“ – биле првите зборови на 18 годишно немо момче од Струмица пред иконата на Богородица во еден од манастирите на Света гора. Според порталот Вима ортодоксијас, кој се повикува на сведоштво на монахот кој бил присутен во манастирот, младиот Македонец пред 10ина дена заедно со своето семејство заминал за Света гора, да се поклони пред иконата на Богородица која кусо подоцна направила чудо. 18 годишното момче, проговорило за прв пат во животот.
„Откако детето стигна во манастирот и се најде пред иконата на Богородица, без никогаш во живото да има прозборено, освен само неартикулирани крици, извика на неговиот јазик: „Мајко Богородице, дај ми здравје.“ – пишува порталот специјализиран за црковни вести, за чудото, кое како што коментира новинарот, ги потресе двете соседни земји.
Огромно било изненадување за присутните кои го знаеле проблемот на момчето, кое по завршувањето на молитвата, им се заблагодарил на сите велејќи дека веќе се чувствува многу добро.
Дека навистина станува збор за вистинска случка и вистинско чудо,потврдуваат за Канал 5, свештените лица од еден од струмичките црквни храмови.
Во Грција постои верување дека иконата на Богородица Горгоепикос или во превод Богородица која брзо ги слуша молитвите на верниците, а која што се наоѓа во манастирот Дохиариу на Света Гора, прави чуда и ги решава проблемите на верниците кои ќе и се помолат. Додека пак случката со 18 годишниот Струмичанец е едно од многуте чуда во овој манастир.
Славата и парите не биле доволни за да го задржат во светот. Георгиос Теохарис од Лерин, по потекло Македонец, се искачил на највисоките скалила во шампионатот за бopeње, освоил 11 медали, но, кариерата, семејството, пријателите и домот, ги ocтавил зад себе и пред околу две децении пoбeгнaл на Света Гора, во Катунакија, каменлива област на југот од Атонскиот полуостров.
Таму Героргиос, го добил монашкото име отец Василиј и го започнал acкетскиот живот. Македонците од Егејска Македонија тврдат дека тој е единствениот монах Македонец, кој молитвите ги кажува на македонски јазик.
– Тој е од Лерин. Пред многу години замина на Света Гора и во пештерата чита молитви на македонски јазик. Тој е единствениот од цела Цариградска патријаршија, значи од Ерусалим па наваму, кој се моли на нашиот јазик, вели Василис Каритидис од Леринско на Фејсбук.
-Тој монах е пресвет човек, живее само на леб и печурки, прави супа или некоја чорбичка. Еден леб јаде 38 дена, тој е на строг пост и молитва. Има 75 години а од него зрачи светлина и милост. Тој не е во заедништво со ниту една патријаршија, затоа што се моли и изговара молитви на македонски јазик. Не разговара со луѓе и не прима посети. Јас сум доктop и одам насекаде низ Света Гора. Работам, помагам, давам лекови и неколку пати и на братот во Христа монахот Христодомис, со световно име Георгиос од Лерин сум се видел, раскажува Василис.
И покрај тоа што Василис напиша дека монахот се вика Христодомис, грчките медиуми пишуваат дека неговото монашко име е отец Василиј.
