Tag Archives: мерки

Европа

Шведска ги укинува сите Ковид мерки!

Шведската Влада денеска објави дека од 1 април ќе се укине забраната за влез во државата за граѓаните на земји кои не се членки на Европска Унија. Тоа значи дека ќе се укине задолжителните вакцинален сертификат или потврда за примена вакцина против Ковид-19.

– Ја укинавме забраната за земјите-членки на ЕУ, а сега Владата одлучи да ја укине забраната за земјите надвор од европскиот блок, изјави министерот за правда Морган Јохансон.

Забраната за влез на граѓани надвор од ЕУ беше воведена во март 2020 година и постојано се продолжуваше до 31 март.

Во Шведска од 1 април Ковид-19  повеќе нема да се класифицира како закана за јавното здравје и опасност за општеството.

Европа

„Владата мора да падне“: Австрија на нозе, илјадници пpoтестиpaa пpoтив задолжителната вакцинација

Илјадници луѓе протестираа во Виена против планот на владата да воведе задолжителна вакцинација против ковид-19 следниот месец.

Владата мора да падне – скандираа на протестот кој веќе е вообичаен настан во центарот на Виена во текот на саботите, објави „Ројтерс“.

Парламентот следната недела треба да гласа за прашањето што ги подели граѓаните бидејќи расте бројот на заразени со коронавирус.

Владата воведе четврто затворање на национално ниво во ноември и најави дека вакцинацијата ќе биде задолжителна за сите Австријци. Австрија е првата земја од ЕУ што донесе ваква одлука.

Анкетата што ја спроведе магазинот „Профил“ покажа дека 51 отсто од испитаниците се против задолжителната вакцинација од февруари, од кои 34 отсто се против задолжителната вакцинација воопшто, а 17 отсто сакаат да почекаат со тоа.

Истражувањето покажа дека 45 отсто од Австријците се за задолжителна вакцинација од февруари.

Здравје

Доцна е за мерки, вирусот е во десетици илјади домови!

Зошто не се научивме на грешките и повторно се доведуваме до неповолна ситуација, прашува микробиологот Никола Пановски.

Бројката на заразени во Македонија во изминатите два дена значително скокна, а според него, сега е веќе доцна за воведување на нови рестриктивни мерки.

„Се знаеше дека ова ќе се случи. Предупредував јас и некои епидемиолози. Нова варијанта омикрон, отворени граници и масовни собирања и прослави пред и за Нова Година, се знае што ќе се случи. Треба да ги прашате тие што по катастрофата со делта варијантата, кога пуштија без тестирање лица да ја внесат делта варијантата од странство и да ја шират по свадби летоска, зошто го повторија тоа. Зошто ги повторуваат грешките упорно?“, вели Пановски за „Фокус“.

И да се донесат дополнителни рестриктивни мерки од надлежните органи, тоа ќе биде бадијала, смета нашиот соговорник.

„За конкретни мерки сега е доцна. Вирусот од надвор лесно влезе во Македонија, а сега од прославите веќе е внесен во десетици илјади домови и фирми. Сертификатите се малтретирање на луѓето, немаат никаква епидемиолошка оправданост, особоно со омикрон сојот. И вакцинираните се заразуваат и пренесуваат“, додава тој.

Извор: Фокус

Здравје

Ако на луѓето им викате да носат маска на нива и во планина ама во кафана да ја симнат, како после да не веруваат дека нè прскаат од авион?

Доктор Никола Пановски распали на панел дискусија во врска со нелогичностите на мерките за Ковид вирусот, пренесува Оф нет мк.

Поважно беше да се збогатат приватните болници, приватните лаборатории. Нечуено е две години да не потпишете договор со приватни лаборатории за ПЦР тестови. Тоа е скандал.

Многу работи има со кои ни студент не би поминал на испит со такви ставови. Не можеш да одиш со ставови дека маска требало да се носи на планина и на нива, а после во кафана да се симне. И после се чудат зошто луѓето викале дека нè прскаат. Друго објаснување нема ако ти носиш маска на нива или планина. Или она прскање улици во скафандери и слични работи.

Имавме катастрофа во Тетово која можеше да се избегне ако нè послушаа доктор Даниловски и мене во само една работа: да не  дозволуваат свадби на затворено. Ништо повеќе. Да не се додворуваат на онаа партија која видете каква катастрофа им направи на своите граѓани. 

И кога министерот даде оставка, премиерот рече не е време во пандемија да даде оставка. За после, здравството, во ек на пандемија, да го преземе партија која „а“ нема кажано за здравство. Тука заврши муабетот.

Или ако јас на 18 ноември излегувам и им викам дека во ноември 72.000 луѓе примиле сумамед и дека е препишан на 40.000 осигуреници а тој месец има само 15.000 болни, и дека тоа трае цела година и прави огромна финансиска штета и дека се препишуваат дози кои се забранети – пазете, забранети! – и дека наши доктори тоа го препишуваат, им давам податоци за тоа од Фондот за здравствено осигурување.

На таков скандал, партијата реагира со некое партиско директорче од Фондот кој истражува кој ги дал податоците, како на татко му да се податоците.

Ним им е битно некој да не им го расипе имиџот за надвор. И кога мене ме сметаат за нивен непријател; ти им работиш без пари, им помагаш на граѓаните, даваш совети (иста е ситуацијата и со Даниловски)….

Тие чекаат на мои неполни 67 години да кажам како што ТИЕ мислат. Да си ја заборавам струката и да поплукам по неа.

Тоа не може. Не можам јас да кажам луѓе да се вакцинираат после 45 дена (од прележување – н.з.), за такво нешто студент паѓа на испит.

Антиваксери на Балканот имало отсекогаш, а сега преку социјални мрежи се засили тоа движење. Како на ова одговара светот, а особено ние? Наместо да се одговори со факти, искрено , транспарентно, секојдневно (да се види една реклама за вакцинација наместо оние реклами за простата кои ги одат десет пати на ден), од надлежните постои молк и целосно игнорирање на состојбата.

Се оди со излитен став „само вакцината е спас.“ И целосно го игнорираат природно стекнатиот имунитет. Тоа е нечуено, во историјата на медицината.

И сега имаме, на една страна антиваксери, а од друга страна вакцинални фанатици меѓу кои е и Комитетот за имунизација кој вика дека „ние силно веруваме дека вакциналниот имунитет е супериорен во однос на природниот“, притоа не ги интересираат ни бројки ни наука а нив ги слушаше досегашниот министер и досегашниот премиер.

И меѓу едните, антиваксерите, и другите, вакциналните фанатици, имаме исплашени и збунети граѓани.

Кога немаше вакцини, па кога дојдоа, кога викавме дека тоа е спас а не ги силувавме луѓето, тие масовно одеа да се вакцинираат во Србија. Кога почна силувањето на луѓето, без факти, одејќи дури и кон децата од две или пет години, имаме контраефект.

Луѓето гледаат и ги одмеруваат работите. Јас не можам да разберам дека месец и пол не можат да дознаат дали омикрон е поопасен или не е. Колку време треба за тоа, на илјадници пациенти? Еден умрел во Велика Британија на три ипол илјади луѓе, во Израел еден на 450. Што треба да се случи за да ни кажат дали е поопасен или не е?

Меѓутоа, знаат дека побрзо се шири и знаат дека трета доза е одлична за луѓето. Нејасно од каде дознаа дека третата доза е одлична, кога за тоа треба повеќе време отколку да се дознае колку варијантата е опасна. Човек од СЗО кажа и дека луѓето во Јужна Африка не може да ги споредуваме со други бидејќи таму имало многу голем природно стекнат имунитет (??) Замислете ја сега вие таа реченица. А народот гледа. Ама затоа во земји кои имаат 90% вакцинација, ова ќе било многу опасно….

Затоа, заклучок, вакцинирајте се! Е ај сега разберете го вие тоа? Кај што има само 20 посто вакцинирани минале лесно, кајшто има 90% е опасно и викаат вакцинирајте се со трета доза.

Европа

Масовни протести против мерките во Виена, ги гаѓале новинарите со мраз (ВИДЕО)

Околу 44.000 луѓе излегоа на протест против потврдите и мерките за Ковид во главниот град на Австрија.

Не поминало долго пред првиот инцидент. Само неколку минути откако започнала поворката, на чело на колоната избија десничарски екстремисти и насилни демонстранти, јавуваат австриските медиуми.

Околу три часот полицијата пријавила напад врз луѓе и новинари.

Нападнат новинар, фрлаа снежни топки и парчиња мраз кон него“, објави виенската полиција на Твитер, додавајќи дека напаѓачот е фатен.

Се повеќе полицајци го следат протестниот марш во Виена.

Јавниот превоз дополнително се следи откако неколку жители на Виена пријавиле дека демонстранти без маски ги малтретирале во јавниот превоз.Еден демонстрант ги нарекол полицајците нацисти.

Здравје

Пановски: Рестриктивни мерки МОРА ДА ИМА, без разлика на ОМИКРОН варијантата

Епидемиолошката состојба со ковид-19 во Северна Македонија е стабилна, засега нема да се воведуваат нови мерки и рестрикции, а внимателно ќе се следи состојбата со ширењето на новиот сој омикрон, најавија здравствените власти. Дали може да се биде спокоен?

„Без разлика на новиот сој омикрон, рестриктивни мерки треба да има“, вели микробиологот д-р Никола Пановски за Дојче веле.

„Омикрон ќе дојде, ама му треба време. За него ќе треба да се обрне внимание пред Нова Година. Но, да не чекаме да се повтори ситуацијата како со делта сојот. Тогаш сметаа дека нема потреба од контрола на границите за граѓани кои доаѓаат од земји со висока трансмисија на делта сојот, а кога воведоа мерки – се однесуваа за излегување од земјава“, потсетува д-р Пановски.

Според него, најдобро е во овој период училиштата да преминат на онлајн настава, или барем на комбиниран модел „пола–пола“.

„Исто така, по 22 или 23 часот не треба да има собирања надвор, а бројката на присутни во угостителски објекти да се редуцира на 30 отсто“, смета д-р Пановски.

Здравје

Д-р Даниловски апелира Македонија да го следи примерот на Израел и да ги затвори границите

И Македонија треба да преземе нови мерки поради новиот сој на коронавирусот, да ја ограничи работата на клубовите и кафеаните и да ги затвори границите на неколку недели за да се забави инвазијата на новата варијанта, вели епидемиологот Драган Даниловски во изјава за Канал 5.

Даниловски вели дека нема да можеме да го спречиме омикрон да влезе во Македонија, бидејќи премногу брзо се шири, но со мерките би добиле на време за да дознаеме повеќе за него.

Сега веќе повторно доаѓа предвид повторно строго да се инсистира на маски и на растојание во затворен простор… кафеаните и клубовите, ако се влоши епидемиолошката ситуација, доаѓа предвид и да се затворат, но мислам дека засега е доволно да се направат ограничувања на бројот на гостите, вели епидемиологот, според кого Македонија треба да го следи примерот на Израел.

Оваа земја ги запре воздушните линии и наложи карантин за своите државјани кои ќе влезат во Израел, а во следните две недели нема воопшто да пушта странци во земјата.

Здравје

Мерките на Филипче се промашени и нелогични бидејќи ги делат граѓаните

Овие мерки на Владата претставени од министерот за здравство не личат на мерки за спречување на нов бран на корона, бидејќи оние кои ќе се вакцинарираат ќе имаат дури во февруари имунитет. Јас би донел поинакви мерки или би направил мерки веднаш и сега. Ова сега е еден вид кампања за поттикнување која требаше да ја има одамна, а сега личи на кампања за присилна вакцинација, рече доктор Никола Пановски, на гостувањето во емисијата Само вистина што се емитува на телевизија Канал 5.

Пановски посочи дека мерки за стекнување на имунитет не може да бодат такви со што ќе се делат граѓаните.

-Зошто само за вработени во јавни установи, не може да се прават разлики за ова, рече Пановски.

Дека се нелогични Пановски објасни и со примери.

-Има човек кој пет пати дарувал крвна плазма има неколку илјади антитела и нема право на сертификат, кажа Пановски.

Според него вакцинацијата во Македонија генерално трае многу кратко.

-Но, ова што го прави Македонија го нема никаде, не може да се ограничуваат луѓе кои вистиснки прележале, имаат антитела, рече Пановски.

Тој посочи и пример.

-Има осум починати прележани од февруари 2020 година, споредено со 400 или 350 починати комплетно вакцинирани, не знам за што треба понатаму да дискутираме, рече Пановски.

Европа

ЕРУПТИРАШЕ Брисел: Жестоки судири на пpoтecтитe пpoтив kopoна мерките (Видео)

Полицијата употреби водени топови и солзавец, а демонстрантите фрлаа камења и димни бомби за време на синоќешните протести против анти-ковид мерките во Брисел.

Според првичните проценки, на протестите учествувале околу 35 000 лица.

Судирите се случија на главната крстосница, пред седиштето на Европската комисија, кога демонстранти облечени во црни качулки почнале да фрлаат со камења кон полицајците кои возвратиле со водени топови.

Со цел да се спречи четвртиот бран на пандемијата на корона вирусот, белгиските власти во четвртокот донесоа одлука да работат од дома четири дена во неделата. Во Белгија досега беше на сила само препораката за работа од дома за да се намали преносот на вирусот меѓу вработените.

Покрај задолжителните Ковид пропусници, кои се неопходни за влез во белгиските барови, ресторани и настани со повеќе од 50 лица во затворени простории, односно 100 лица на отворено, сега ќе биде задолжително и носење заштитни маски.

Во последната недела, Белгија бележи просечно над 10.000 нови инфекции на дневна основа, што е за речиси 30 проценти повеќе отколку на почетокот на ноември. Над 230 луѓе дневно се примени во болниците, а во просек 26 луѓе умираат секој ден како последица на инфекција со корона вирусот.

Здравје

Со новите мерки граѓаните попрво ЌЕ УМРАТ ОД ГЛАД отколку од КОРОНА

Новите мерки што ги предложи Комисијата за заразни болести се очекува утре да бидат разгледани на Главниот координативен штаб, по што за нив ќе треба да расправа и Владата.

Комисијата бара вработените на работното место да приложат сертификат за вакцинација или негативен ПЦР тест кој ќе важи најмалку 72 часа и ќе биде на трошокот на работникот, а оние кои го прележале вирусот, ќе може да приложат сертификат за прележан Ковид, но не постар од 45 дена.

Доколку работникот има ретки имунолошки болести, тогаш ќе треба да приложи потврда од лекар специјалист дека не може да прими вакцина. Дел од мерките е и задолжителната вакцинација за сите здравствени работници.

Дали ќе бидат усвоени онака како што предлага Комисијата или ќе има измени, ќе се знае во текот на неделата.

Синдикатите бараат ПЦР тестирањето да не падне на товар на работниците бидејќи нивните пресметки покажуваат дека се потребни минимум 20.000 денари месечно за 10 ПЦР тестирања.

– Ако државата нема обезбедено финансиски средства во Буџетот за 2022 година за бесплатни ПЦР тестови за сите работници, а работодавачите укажуваат дека товарот треба да падне на работниците за тестирањето за да можат да им дојдат на работа и да им работат за минимална плата од 15.200 денари и да им ствараат милиони во добивка, работниците побргу ќе умрат од глад отколку од корона, велат од Сојузот на синдикати на Македонија во изјава за МИА.

Велат не се против вакцинација, но сметаат дека таа треба да биде личен избор.

– Укажувавме дека пристапот за поттикнување и стимулирање треба да биде на начин на кој за имунизацијата, работниците ќе добијат повеќе информации, но и одредени бенифиции кои ќе беа дополнителен мотив, но за жал, Комисијата на барањата на работниците како на пример најмалку денот кога се вакцинираат да биде препорачано да биде платен неработен ден (поради зачестените пријави дека газдите ги тераат по вакцинацијата да се вратат веднаш на работа, а не ги ни ослободуваа доколку имаа реакција по примањето на вакцината во наредните денови) тие се огласија за ненадлежни, а од друга страна денеска сме сведоци како истата Комисија предлага и ги изложува работниците на сопствен трошок да прават ПЦР тестови доколку одлучат да не се вакцинираат, наведува ССМ во одговорот.

Од друга страна, Стопанската комора на Македонија бара задолжителната вакцинација да се воведе и во приватниот сектор сметајќи дека на тој начин ќе се постигне колективен имунитет и ќе се овозможи континуитет на работниот процес. Предлагаат за вработените кои не се вакцинирани или го немаат прележано вирусот, да се воведе задолжително тестирање најмалку еднаш неделно со брзи антигенски тестови со самотестирање или во државни и приватни дијагностички центри, а трошокот за тестирањето со брзите антигенски тестови да биде на товар на работникот.

-Доколку работодавачот се одлучи за правење антигентски тест во дијагностичките центри, работникот треба да приложи резултат издаден од лабораторијата каде е направен. Трошокот за тестирање со брзи антигенски тестови да биде на товар на работникот. За да нема дилеми во примената, се предлага Одлуката да се дополни и со тоа дека непочитувањето на пропишаната мерка за задолжително тестирање во случај кога вработеното лице не е вакцинирано или нема прележан КОВИД во последните шест месеци, претставува повреда на прописите за безбедност и заштита при работа, за што работодавачот применува мерки во согласност со прописите што ги регулираат работните односи (Законот за работните односи и колективните договори), по примерот на Словенија, изјави во средата потпретседателката на Комората, Анета Трајковска.