Вчерашното невреме, покрај другите дрвја по градот, скрши и една од трите врби кои беа поставени во реката Вардар за време на проектот Скопје 2014.
„Вера“ и „Љубов“ се добри, настрада само „Надеж“. Проектот за нивно поставување чинеше над 250 илјади евра.
Скулптурата „Три врби во реката Вардар“ од авторката Искра Димитрова беше поставена во 2012 година.
Силно невреме пропратено со пороен дожд, град и грмежи попладнето го зафати Врање и јужна Србија.
На социјалните мрежи се појавија видеа на кои се гледа дека многу улици се непроодни поради големата количина на дожд која падна за кратко време.
Многу граѓани не можеа да излезат од куќите и од влезовите, а автомобилите им беа до тркала во вода.
Големо невреме попладнево го зафати главниот град на Македонија. Невремето е проследено со силен ветер, дожд, како и наместа со град.
На скопското подрачје можат да се забележат и паднати дрва.
Силно невреме го зафати Чаир, голем дел од улиците се под вода. Според информациите од терен дел од нив се затворени и недостапни за сообраќај.
Слична е состојбата и во останати делови од Скопје, Илинденска е под вода, а сообраќајот се одвива отежнато.
Засега не се пренесени информации за штети, но очекуваме повеќе информации од надлежните институции во следните часови.
Извор: dailyzonews
Околу пладне во Тетово триесетина минути имаше силно невреме со интензивен дожд и град. Досега нема пријавено за поголеми проблеми, а граѓаните преку социјалните мрежи споделија искуства со поплавени улици поради водата која се собира на коловозната лента и не може бргу да навлезе во атмосферската канализација.
Во селото Фалише имаше и поголема покривка од град.
Инаку во петокот кризниот штаб на Општина Тетово токму за денес најави дека ќе се врши чистење и дезинфекција на улиците по поплавите што се случија на 29 мај.
-Над 130 пријавени случаи на штети направени и од пожарот и од поплавите од кои 97 се поплавени куќи и подруми, а другите се оштетени јавна инфраструктура, институции и земјоделски парцели. Бидејќи немаме одговор дали ќе има владина комисија за штети, немаме таква информација, не чекаме од Владата и од понеделник ќе излезат на терен општинска комисија и ќе имаме информации колку се штетите, изјави во петокот Биљал Касами, градоначалник на Тетово.
Во саботата на 28 мај патот од Шипковица до Бродец беше најмногу погоден од наноси со земја.
Повеќе улици во Тетово се под вода.
Големо невреме со силен пороен дожд и град зафати повеќе делови од земјава.. најголем проблем има во тетово и околината..
Во градот се целосно поплавени повеќе улици и подруми од куќи.
На неколкумина жители на Тетово им беа поплaвени и возилата оставени на улиците, како кај касарната, подвозникот за фалише и на други места..
Во моментов непрооден е излезот од градот, затоа што е поплавен и подвозникот што води надвор од Тетово.
Најмалку четири лица загинаа, а девет се повредени во силното невреме што денеска го зафати Истанбул и некои други градови во Турција.
Невремето предизвика хаос во најголемиот турски град со 15 милиони жители, пренесе АП.
Една жена загина во истанбулската населба Есенјурт, каде силните налети на ветерот ги однеле ќерамидите од покривите, кои паднале врз неа и нејзиното дете. Таа починала, а детето е повредено.
Ветерот урна дрвја, саат-кула и преврте најмалку три камиони во градот, јави локалната телевизија НТВ.
Дејли Сабах објави дека градежен работник починал кога врз него паднал ѕид, срушен од налетот на ветерот во провинцијата Зонгулдак.
Босфорот беше затворен за пловен сообраќај, а фериботите беа откажани.
Најмалку шест авиони на „Туркиш ерлајнс“ се пренасочени кон Анкара и Измир, наместо да слетаат во Истанбул, изјави портпаролот на авиокомпанијата.
Откажани се и фериботите меѓу крајбрежните одморалишта Бодрум и Датча.
Времето во земјава ќе биде сончево и топло со мала до умерена облачност. Попладне и кон крајот на денот ќе има развој на нестабилна облачност со пороен дожд, грмежи и засилен ветер. Локално процесите ќе бидат поинтензивни во форма на невреме со пообилен пороен дожд, електрични празнења, силен ветер (на места над 90км/ч.) и услови за појава на град.
Минималната температура ќе биде во интервал од 14 до 21, а максималната од 30 до 37 степени. УВ индексот ќе изнесува 8.
Во Скопје претпладне сончево со умерена облачност, попладне ќе биде нестабилно со пороен дожд и грмежи. Во делови од котлината ќе има услови за краткотрајно невреме со пообилен пороен дожд, засилен ветер и услови за појава на град. Минималната температура ќе биде 20, а максималната ќе достигне до 34 степени.
Во наредните денови, под влијание на влажна и нестабилна воздушна маса до вторник ќе се задржи променливо облачно, наместа со пороен дожд и грмежи. Локално процесите ќе бидат во форма на невреме со пообилен пороен дожд, електрични празнења, засилен ветер и услови за појава на град. Температурата ќе биде во постепено опаѓање.
Во делови во Европа невремето направи вистински штети по животот и имотот на луѓето.
Новинарка од Северна Каролина доживеа вистински шок за време на известувањето во живо, кога мостот на кој таа стоела одеднаш се преполовил.
Амбер Робертс застанала на мостот со снимателот кон крајот на минатата година и известувала за поплавите што се случиле по силното тропско невреме Ета.
Во еден момент, можете да видите како мостот се преполовува, луѓе бегаат во спротивна насока, и може да се чуе ненадеен крик на новинар.
– Ова е неверојатно застрашувачко – извика новинарката додека дел од мостот се рушел.
Во тој момент, тимот се повлекол, а новинарката рече дека пред неколку секунди стоеле на истото место каде што мостот бил преполовен.
По само неколку минути, улиците се преполнија со вода , а силниот дожд предизвика поплавување во пониските делови од градот.
Краток пороен дожд беше доволен да го поплави реконструираниот дел од булеварот “Гоце Делчев” во центарот на Прилеп, проект кој чинеше близу 1 милион евра.
Сеуште не е познато дали невремето предизвикало штета и на земјоделските култури во околните места.
Летото започна денес На северната хемисфера на Земјата летото започна денеска, односно утрово во 5 часот и 32 минути, а во исто време започна и зимата на јужната хемисфера.
На денот на почетокот на летото ноќта е најкратка, а денот е најдолг и ќе трае 16 часа и 28 минути.
Летото на северната хемисфера започнува во моментот кога насоката на северниот дел на Земјината оска е најблиску до Сонцето, а на тој ден висината на Сонцето на пладне е најголема во текот на годината.
УХМР најавува дека околу пладне и попладне ќе има локална појава на нестабилност проследена со невреме, интензивен пороен дожд, силни електрични празнења, силен ветер и изолирана појава на град.
– Во случај на појава на електрични празнења се препорачува поголема внимателност, да не се престојува на отворен простор и под осамени дрвја, потсетува УХМР.
Од утре и во следните денови под влијание на топла воздушна маса од југ, времето ќе биде многу топло со натпросечни температури за овој период од годината. Утре насекаде ќе бидат над 30, а во следните денови во повеќе места над 35 степени. Најтопло се очекува да биде во четврток и петок кога температурата на места ќе го надмине и 40-тиот степен.
