Tag Archives: Органи

Македонија

КРАЛОТ Е ГОЛ!

Истражните органи продолжуваат да молчат пред силните сомнежи за можна злоупотреба на милиони евра од членовите на семејствата на функционерите на ДУИ, вклучително и членовите на семејството на Али Ахмети, се вели во реакција на Алтернатива.

„Бараме правосудните органи да ги истражат сите индиции и да го докажат потеклото на имотот на оваа династија, создадено на грбот на проблемите на Албанците. Се чини дека ДУИ била добро обучена за време на режимот на Груевски. Тогаш беа Груевски и фамилијата, сега се Ахмети и фамилијата, Груби и фамилијата, Мерко и фамилијата… Како ДУИ да беше огранок на Коза Ностра, а не политичка партија. Стана јасно каков беше гласот на раководството на ДУИ за ветинг. Ова беше политичката измама на векот. За да се сокрие богатењето на семејствата на ДУИ, мораше да се истражи имотот на сите други, освен нивниот“, се наведува во реакцијата.

Овие индиции за корупција, додава Алтернатива, спротивно на вредностите на ЕУ и НАТО, се најсилната потврда дека предлог-уставниот амандман на партијата ја удира во срце политичката корупција на високо ниво. Од партијата велат дека кога ќе се овозможи кривичните дела вршени од избраните и именуваните лица никогаш да не застарат, тогаш ќе бидеме сигурни дека нема спас дури и за оние кои можат привремено да влијаат врз одлуките на истражните органи.

„Едно е сигурно: „Кралот е гол“, додека Албанците веќе гласно зборуваат за ова“, велат од Алтернатива.

Македонија

Веапоска се вознемири во судница, дoктор Асани изјави дека апсолутно не се чувствува виновен за нејзините извадени органи

Денеска во Основниот суд во Струга, се појавија тројцата обвинети доктори Мухамед Асани, неговиот син Блертон Асани и уште една лекарка гинеколог од болницата, на рочиште поврзано со случајот Јалдз Веапоска, на која при царски рез отстранети и беа матката бубрегот и јајникот. И д-р Мухамед Асани и синот Блертон Асани досега не се појавуваа на рочишта, па затоа тие се одложуваа. Во судницата поранешниот директор на струшката болница кој ја породи Веапоска изјави дека апсолутно не е виновен, а дека не се чувствуваат виновни посочија и другите двајца лекари.

Потоа сведочеше Веапоска, која видно се вознемири поради соочувањето со обвинетите и поради присетувањето на деновите во болница за кои зборуваше во судница.

-Кога кажав дека органите ми се извадени ми се слоши, не можев да зборувам, не бев добра. Судијата даде пет минути пауза. Ја објаснив целата ситуација, од почетокот до крајот односно додека се разбудив на КАРИЛ. Дека бременоста ми ја водеше д-р Мухамед Асани во неговата куќа во Струга, породувањето го закажа дента кога беше дежурен во струшката болница, објаснив за периодот после операцијата па се додека паднав во кома. Кажав дека цело време имав болки и ме третираа само со инјекции против болка и не направија никаков друг преглед. Нивните адвокати ме прашаа дали сум потпишала согласност пред операцијата, ама јас кажав дека потпишав согласност не да ми извадат матка, бубрег и јајник, туку согласност за царскиот рез, изјави Веапоска за „Слободен печат“.

Веапоска пријавила и оштетно побарување, а сумата ќе биде позната после вештачењето. Следното рочиште е закажано за 10 март во 10 часот во истиот суд.

Јавното обвинителство Струга уште лани во мај поднесе обвинителен предлог против екс директорот на струшката болница и гинеколог д-р Мухамед Асани, син му Блертон Асани и уште една лекарка гинеколог од истата болница, затоа што родилката од Дебар Јалдз Веапоска при породувањето ја оставиле без матка, бубрег и јајник.

Според ОЈО, првообвинетиот како лекар специјалист гинеколог акушер, второобвинетиот како специјализант по гинекологија и акушерство и третообвинетата како гинеколог акушер вработени во струшката болница, при укажување на лекарска помош примениле очигледно неподобно средство и начин на лекување врз пациентката со што предизвикале влошување на нејзината здравствена состојба.

Веапоска била примена во болницата на 27 август 2020 година за да се породи во 40 недела од бременоста. Ја примил д-р Мухамед Асани, кој ја водел како пациент во текот на целата бременост и донел одлука породувањето да биде извршено со царски рез. При операцијата му асистирал и синот, но при изведувањето на царскиот рез тие ја оштетиле левата бубрежна артерија, напиша обвинителството во јавното соопштение.

Како резултат на ова оштетување дошло до влошување на здравствената состојба на пациентката, која била нестабилна, но и покрај тоа обвинетите не презеле никакви мерки за утврдување на причините за влошување на нејзината состојба. Со терапијата која и ја дале дополнително ја влошиле состојбата на пациентката и задоцниле со реакцијата, поради што кај неа настанала огромна загуба на крв и западнала во состојба на шок.

Во такви услови, првообвинетиот со асистенција на третообвинетата се решиле да извршат нов оперативен зафат за да го спречат крварењето, да и ја отстранат матката и левиот јајник иако на овие органи немало никакви промени или повреди. Откако и по затворањето на пациентката крварењето не престанало, тие се решиле за уште еден оперативен зафат при што хирурзите откриле дека крварењето доаѓа од оштетувањето на бубрежната артерија предизвикано при царскиот рез. Заради неможноста да се реконструира бубрежната артерија, таа морала да се подврзе и да се отстрани левиот бубрег со цел да се спаси животот на оштетената.

Кога тоа било направено и крварењето било запрено, пациентката била препратена на лекување на Државната клиника „Мајка Тереза“ во Скопје.

Македонија

Битолчанката која го загуби домот од извршители почина, ги донирала и своите органи

Пред неколку дена во Битола починала Тулај Нурединова Мустафа, жената која за долг од 300 илјади денари го загубила домот кој и бил одземен од извршители.

Веста за смртта на битолчанката која не можеше да се избори со системот во кој извршителите се посилни од уставното право за социјална еднаквост ја објави борецот за социјални права Ана Глигорова.

Таа открива дека жртвата на извршителите и покрај тешката ситуација решила по смртта да ги донира своите органи.

,,Tulaj Nuredinova Mustafa прекрасната граѓанка од Битола, на која за долг од 5000 евра и беше земена куќата денеска не напушти прерано, замина во вечноста.

Ми зборуваше дека извршителот дури и алиштата и ги земал, не спиеше со години со голем терет во душата. Пријавуваше кај Народниот Правобранител, во ОЈО, беше константно присутна на сите наши протести, беше и на разговор во министерството со надлежните. Бараше правда, беше борец, невидено храбра, стана бездомник, но остана со достоинството како сјајна ѕвезда. Светол да ти е патот Тулај.

Ние ќе продолжиме да се бориме без здив, за правда. Најважно од се, Тулај е донор на своите органи, после физичката смрт, ја покажува својата чиста душа која е вечна”, пишува Глигорова.

Здравје, Приказни

Точно една година трае хоророт со ИЗВАДЕНИ ЗДРАВИ ОРГАНИ низ кој поминува родилката Веаповска!

Веаповска се породи на 31 август лани, а кога состојбата и станала критична била пренесена на скопски КАРИЛ. Таму и кажале дека и недостигаат 2 органи.

Ова е извештајот од патологија до кој дошла родилката од Дебар, Јилдз Веапоска чии органи ги извади директорот на болницата во Струга при нејзиниот пораѓај. Тврди дека без да ја праша неа или нејзиниот сопруг, докторот Мухамед Асани ги испратил бубрегот и матката на анализа на патологија. Од она што може да се види наодот е 4 дена после операцијата, а Веапсока се сомнева дури и дали се нејзините органи. Од друга страна вели дека се работи за здрави бубрег и матка.

Не лекарската комора, туку Министерството за здравство објави дека  немало пропуст во работењето на директорот Асани. Пациентката била соодветно примена, а лекарската екипа навремено регирала кога се појавиле првите знаци на влошување. Комората не го даваше извештајот, но преку соопштение се правда за сопствената одлука. Велат комората е составена од стручни лекари кои не биле ни вештаци, ни истражители.

КОМИСИЈАТА ЈА КОНСТАТИРА МОМЕНТАЛНАТА СОСТОЈБА ВРЗ ОСНОВА НА ДОСТАПНАТА МЕДИЦИНСКА ДОКУМЕНТАЦИЈА. КОМИСИЈАТА НЕМА НАДЛЕЖНОСТ ДА ВРШИ ВЕШТАЧЕЊЕ И РЕКОНСТРУКЦИЈА НА НАСТАНОТ, ТОА Е ВО НАДЛЕЖНОСТ НА ДРУГИ ИНСТИТУЦИИ. ТАА, ПРИ СТРУЧНИОТ НАДЗОР УТВРДУВА ДАЛИ СЕ ИСПОЧИТУВАНИ ПРАВИЛАТА ШТО ПРЕТСТАВУВААТ МЕДИЦИНСКИ СТАНДАРД ШТО МОРА ДА  ГИ СЛЕДИ СЕКОЈ ЛЕКАР ЗА ВРЕМЕ НА ИНТЕРВЕНЦИЈАТА И КАКО Е РЕАГИРАНО ВО КОНКРЕТЕН СЛУЧАЈ, ПРИ ТОА ЗЕМАЈЌИ ПРЕДВИД ДЕКА СЕКОЈ ПАЦИЕНТ ИМА СВОЈА СПЕЦИФИКА.

Во домот на струшкиот гинеколог и директор на болницата Мухамед Асани, Државниот санитарен и здраствен инспекторат во февруари откри нелегална гинеколошка ординација, за што е поднесена и пријава во струшкото обвинителство. За министерот за спречување корупција е доволно што обвинителството отворило случај, побара да не го обвинуваме директорот пред време, ама не кажа зошто Владата не го разреши.

Претседателката на антикорупциска комисија беше контра неговиот став, па истакна дека во најмала рака треба да е разрешен.

Пред шест месеци министерот Филипче на барање на Хелсиншкиот комитет за човекови права и на семејството, реши да формира нова комисија која ќе треба да го разгледа случајот на Јалдз Веапоска, а во неа ќе се директорите на Клиниките за урологија, гинекологија, Карил и Директорката на државниот здравствен и санитарен инспекторат.

Не го прифаќам извештајот на Лекарската комора и правдата ќе ја барам до крајот на животот, изјави Јилдиз Веапоска од Дебар, откако Лекарската комора по стручниот надзор во Струшката болница, констатирала дека нема лекарски пропусти и грешки во третманот на пациентката.  На Веапсокса по породувањето и беа остранети бубрег, матка и јајник. Сега вели дека очекувала ваков извештај, се сомнева во неговата објективност и бараше јавно да се соопштат имињата на лекарите од Комората  кои на 9 февруари го извршиле увидот.

На 17-ти март Филипче и Владата конечно го разрешија доктор Асани по скандалот со нелегалната ординација и случајот со Веапоска сеуште не доби некаква крајна завршница.

Инфо +, Хуманост

Успешно извршена уште една трансплантација на срце 💕

„Рано утрово срцето на 44 годишната пациентка чие семејство несебично ги донираше органите, почна повторно да чука. Следните денови се критични да се надеваме дека телото ќе го прифати новиот орган“, објави утрово на социјалните мрежи министерот за здравство Венко Филипче.

Се работи за пациент кој неколку години боледува од тешка кардиоваскуларна болест и со трансплантацијата добива шанса за нов живот.
„Во изминативе 24 часа околу 100 тина лекари, медицински сестри и болничари работеа заедно како тим и покажаа како беспрекорно функционира здравственитот ситем. Повеќе детали за трансплантацијата во текот на денот“.

Инфо +

Бугарија вмешана во меѓународен ckaндал co трговија со opгани: Сиpoмашни „внуци“ „донирале“ органи за богати роднини

Министерството за здравство на Бугарија во четвртокот откри дека под поранешната влада на Бојко Борисов државната болница извршила трансплантација на органи на сиромашни донатори за богати „роднини“ кои биле оперирани под лажен идентитет, за што министерството има оправдани причини да верува дека не се работи за роднини, како што налага законот. Висок владин функционер, наводно, на овој начин се нашол на врвот на листата за чекање и добил трансплантација на црн дроб, пренесува Еуроактив.

Во последните две години, во државната болница се извршени 14 трансплантации на бубрези од живи донатори и во документите се вели дека сите донатори на бубрези се сиромашни „внуци“ од Украина и Молдавија, а примателите се богати „стриковци“ од земји како Израел, Јапонија, Оман, рече министерот за здравство Стојчо Кацаров.

Утврдено е дека многу од овие богати „стриковци“ кои ги примиле бубрезите користеле лажен идентитет.

Иако веќе долго време постојат сомневања во врска со трансплантациите во земјата, ова е првпат ваквите практики да бидат потврдени од владата. Министерството за здравство стравува дека овие откритија ќе предизвикаат силна реакција од меѓународната заедница.

Инфо +, Хуманост

Мајка на 10-месечно бебе е жената-донор која спаси три човечки животи

Министерот за здравство Венко Филипче преку социјалните мрежи информираше дека остварил средба со семејството на починатата жена чии срце и бубрези беа донирани.

„Утрово се сретнав со семејството на 40-годишната Јасмина, жената донор на срце и бубрези, која спаси три човечки животи. Немам зборови со кои може да ја опишам големината и човечноста на семејството Василковски кои во саботата во моменти на најголема болка, одлучи да ги донира нејзините органи. Јасмина беше мајка на 10-месечно бебе, посветена сопруга, добра сестра и снаа. Василковски се скромни луѓе, нивниот хуман и несебичен гест, никогаш нема да го заборавиме, остануваме поддршка и секогаш сме овде кога ќе треба да им се помогне“, напиша на социјалните мрежи министерот.

Здравје, Инфо +

Успешна трета трансплантација на срце во Македонија❤️ 40 годишна скопјанка е третиот донор на срце

-Утрово во 6:33 часот започна процесот за третата трансплантација на срце во историјата на нашата земја. На двајца пациенти ќе им се трансплантираат бубрези. Доцна синоќа заедно со моите колеги Националната координаторка за трансплантација доц. д-р Маја Мојсова Мијовска тимот кардиохирурзи проф. д-р Сашко Јовев, академик Жан Митрев, д-р Марјан Шокаровски, д-р Васил Папестиев, д-р Тања Анѓушева ги направивме подготовките за трансплантација на срце и бубрези од мртов донор чие семејство даде согласност да се донираат органите на пациентот. На тимовите лекари кои ќе ги вршат трансплантациите им посакувам многу успех. Да им држиме среќа, напиша Филипче во својот статус на Фејсбук.

По околу пет часа, успешно е завршена третата срцева трансплантација во Македонија. Срцето на 40 годишната почината жена донор сега чука во градите на 32 годишна жена.

-Кога е човечки живот во прашање не е важно дали е ден или ноќ, викенд или работен ден. Согласно претходно извршените подготовки, рано утрово околу 6:30 часот тимот кардиохирурзи го почна оперативниот зафат со цел трансплантација на срце од починат донор. Во просториите на државната кардиохирургија Академик д-р Жан Митрев заедно со д-р Никола Христов и проф. д-р Сашко Јовев од државната кардиохирургија придружени од анестезиолозите, како и тим на перфузонисти, инструментари, медицински сестри ја изведоа оваа операција која траеше околу 5 часа со што и официјално успешно беше извршена третата трансплантација направена во нашата земја. Станува збор за 40 годишна жена чие семејство даде согласност, нејзиното срце да продолжи да чука во градите на 32 годишна жена, објавија на Фејсбук од Жан Митрев.

Во текот на денешниот ден се очекуваат уште две бурежни транспланатации.

Донорот е жена од Скопје на возраст од 40 години. Таа добила спонтано крварење во мозокот и случајот бил иноперабилен.

Хуманост

Семејствата на Верица и Иле стапија во контакт: Изгубив сестра, но добив брат!

Семејството на 20-годишната Верица Белчовска од Берово, чие срце сега чука во градите на младиот Иле Стрезовски од Брвеница, и семејството на Иле, стапиле во контакт. Цветко, таткото на Иле за ,,Фокус” вели дека телефонски разговарал со Мартин, братот на Верче, и целата фамилија не може да се совземе од емоциите. Болка, неизвесност, страв, благодарност, се соочувале со помешани чувства, но како што вели, над се преовладувала огромната благодарност кон хуманата фамилија Белчовски, чиј гест му дал нова шанса на Иле, но и на многу други луѓе.

-Се слушнавме со братот на Верче телефонски. Изгубив сестра, но добив брат, ми рече. Со таа реченица е кажано се, нашата благодарност не може да се опише со зборови, сите ние се уште сме како во сон, полека започнуваме да сфаќаме што навистина се случи.

Двете сестри на Иле заедно со зетот вчера заминаа во Русиново, да присуствуваат на погребот на Верче. Тоа е најмалку што можеме да направиме, да ја покажеме нашата почит кон девојката чиј живот трагично заврши, но и кон нејзиното семејство кое ја покажа целата своја големина со хуманиот гест. Вечно сме им благодарни, да се стабилизира состојбата на Иле, да помине сето ова, секако дека планираме во иднина и лично сите да се запознаеме, да се видиме со луѓето чија добрина ја трогна целата земја – раскажува таткото.

Целосната вест може да ја погледнете на „ФОКУС“

Инфо +, Хуманост

Русиново се прости од младата девојка чии органи беа донирани, а почина од несовесен возач

Жителите на беровското село Русиново вчера ѝ оддадоа почит на младата девојка Верица Белчовска која животот го загуби во сообраќајна несреќа, а признание примаше за огромната хуманост нејзиното семејство зошто се одлучи да ги дарува нејзините витални органи да им помогната во животот на три лица.

Нејзиното срце чука во телото на момче од Брвеница, а бубрезите ќе им помогнат на две лица кои долго време беа на дијализа. Жителите на Русиново се едногласни дека хуманоста на сиромашното и чесно семејство е покажана на дело, иако донациите нема да им ја надоместат загубата.

Блаже Сапунџиев (28 г.) од Кавадарци го доби едниот бубрег од Верица. Другиот бубрег на Белчовска беше трансплантиран кај 40-годишен пациент, и кај двајцата пациенти состојбата е стабилна.

Мајката на Блаже, Форка вели дека се сочувствуваат со семејството на младата девојка и изрази благодарност за хуманиот гест да ги подарат органите кои некому живот значат.

-До деветгодишна возраст, пет години беше на дијализа. По деветтата година, јас му дадов еден мој бубрег. Мојот бубрег траеше 18 години и после тоа откажа. Повторно беше една ипол година на дијализа.

Трансплантацијата помина успешно. Добар е. Не не пуштија да го видиме, но не инсистиравме, важно е да е се во ред со него, докторите најдобро знаат како треба, изјави мајката на Блаже.

Судбината сакала на ваков начин да ги поврзе нашите две семејства. Засекогаш ќе бидеме благодарни за овој хуман гест, а Верче ќе продолжи на некој начин да живее преку нашиот Блаже и преку другите на кои им се донираат нејзините органи, изјави мајката на Блаже Сапунџиев.

Д-р Маја Мојсовска е со надеж дека гласно ќе одекне во јавноста органодарувањето. Последните години ги посветила на тоа отворено да се разговара на темата, да се крене свеста за можноста за дарување органи при мозочна смрт и начинот нечиј живот да продолжи во друг живот.