Tag Archives: оставки

Македонија

,,Следниот фудбалски натпревар министрите ќе го играат во Идризово, ако бидат послушни“

Сите пратеници од ВМРО-ДПМНЕ реагираа на блефот на министрите од ДУИ дека доколку опозицијата ги изгласа уставните измени тие се спремни да заминат во опозиција.

Пратеничката Дафина Стојановска од ВМРО-ДПМНЕ, на министрите од ДУИ им порача, наместо оставки, да си подготват одбрани.

„Доста глумење жртви, разум и европски вредности зашто вие сте сѐ, освен тоа. И, да, може и фудбал да ви дозволат да играте во затвор, се разбира – ако сте послушни“, вели таа.

Пратеничката Бети Стаменкоска-Трајкоска вели: „Министрите може и пресуди да си потпишат, нивен проблем“.

На социјалните мрежи таа пишува дека проблем на народот е нивниот криминал, нивното беззаконие, нивната алчност, нивната неписменост да прават и да потпишуваат штетни договори за Македонија.

„Овие проблеми ќе се решат, одговорност ќе има! Дополнително, како на мало дете, да повториме за власта во заминување: Пратениците на ВМРО-ДПМНЕ и коалицијата НЕМА да гласаат за уставните измени под бугарски диктат“, вели Стаменкоска-Трајкоска.

„Евтини трикови не ви проаѓаат повеќе. Оставките ќе ви ги завери македонскиот народ на следните парламентарни избори по што следниот натпревар во фудбал ќе го изиграте во ‘Идризово’“, коментира Мирче Аџиоски.

Пратеникот Миле Лефков смета дека министрите не се учесници во процесот на менување на Уставот и со оставките ја злоупотребуваат својата положба.

„Министерските места што си ги користеа за бизниси, за рекет, за провизии, за обезбедувања блиски, од денес јавно се користат и за ПОСРЕДУВАЊЕ при спроведување туѓи барања! Министрите НЕ се учесници во процесот на менување на Уставот, со ова ја злоупотребуваат својата положба и се обидуваат ПРОТИВПРАВНО да ПОСРЕДУВААТ во туѓ интерес! Кривично дело по дефиниција! Противправно посредување чл. 359 од КЗ.
(2) Тој што со искористување на својата службена или општествена положба или влијание ќе посредува да се изврши службено деіствие што не би смеело да се изврши, ќе се казни со затвор од шест месеци до пет години“, напиша тој.

Македонија

ЏАФЕРИ: Ако министрите си одат, и јас ќе ја следам нивната одлука

Претседателот на Собранието, Талат Џафери во интервју за МИА изјави дека би ја следел одлуката на министрите на Демократската унија за интеграција и би се повлекол и тој доколку ВМРО-ДПМНЕ гласа за уставни измени.

-Следствено ако сите си одат, зошто ја би инсистирал да останам – изјави Џафери.

Во однос на парламентарните избори вели дека негов личен став е дека избори треба да има во редовен термин и нема причина зошто да не биде тоа така, додека за тоа тоа дали избори за пократко време би помогнале ДУИ да успее да задржи што е можно повеќе гласови, вели дека за тоа треба пресметки да направат партиските органи.

-Јас колку што знам ДУИ се има изјаснето мандатот да оди како редовен мандат и да се вратиме во процесот и во системот на четиригодишен мандат. Но, вчерашната одлука која што е изјавена е во конктекст на она што беше резултат или изјава на лидерската средба помеѓу премиерот и претседателот на опозицијата. Предусловот на опозицијата беше – да ние би пристапиле на тоа доколку ДУИ оди во опозиција и беше кажано додека се одржуваше конференцијата дека ако е тоа предусловот за граѓаните ние треба да сме надвор од оваа Влада, за да се изгласаат уставните измени. Раководството, лидерот тоа го соопшти – изјави Џафери.

Запрашан дали тој се согласува со ваквото делување на ДУИ и дали ќе го следи на некој начин, вели дека ако е во полза на идејата би ја следел оваа одлука.

-Во принцип ако сте дел од некоја организација ако има можности ќе си го кажете мислењето и на крај ако има одлука, доколку сакате да продолжите да сте дел од организацијата ќе ја испочитувате одлуката која што е донесена во спротивно треба да решите да одите од субјектот – истакна Џафери.

Интервјуто со претседателот на Собранието Талат Џафери во целост со видео материјал ќе биде објавено утре.

Македонија

30 контролори на летање со условени ОТКАЗИ по СКАНДАЛОТ за поништување на огласот зашто немало „деца на ДУИ“

Денес речиси 30 контролори се заканиле дека ќе заминат од работа бидејќи директорот на МНАВ не сакал да потпише најдобрите осуммина кандидати за идни контролори да го почнат школувањето во Данска, пренесува Канал 5.

Медиумите веќе објавија дека тројцата членови на управниот одбор на МНАВ и директори во агенцијата: Фахрудин Хамиди, Миѓан Селмани и Влатко Крстевски, сакаат да го поништат огласот за контролори на летање кои го направиле експерти од Данска, земја каде што ќе треба и да се обочуваат идните македонски контролори на летење.

Имено да потсетиме дека пред два дена изби скандалот со поништување на огласот кој одекна во јавноста:

Ќе се ПОНИШТУВА огласот за КОНТРОЛОРИ НА ЛЕТАЊЕ: Албанците што положиле НЕ БИЛЕ ОД ДУИ, поминале „други деца“!!!
Македонија

Директорката на Детска клиника, Софијанова и директорот на онкологија, Васев поднесоа ОСТАВКИ

Директорката на Детската клиника, Аспазија Софијанова поднела оставка.

Како што информираше Министерството за здравство, оставката доаѓа по барање на министерот, откако ТВ Клан и новинарот Фуркан Салиу открија скандал дека земала до 5000 евра месечни примања, ако се соберат платата и дежурствата.

Поскандалозно било тоа што и биле пишувани дежурства, а таа била надвор од државата.


Оставка поднесе и директорот на Универзитетска клиника за радиотерапија и онкологија Никола Васев каде исто така биле откриени нерегуларности.


Согласно законските процедури, по назначување нови директори на овие клиники од страна на Министерот, јавноста навремено ќе биде информирана, велат од МЗ.

Скопје

Уште тројца директори и дадоа оставки на Арсовска

Неотповиклива оставка поднесе в.д. директорот на ЈП Улици и Патишта, Борис Настов. Како причина за неговата оставка ја наведува неадекватната комуникација со градоначалничката Арсовска.

– Најнапред сакам да се заблагодарам за довербата и поддршката што ми беше дадена за да раководам со ЈП Улици и патишта.

Пред 9 месеци, кога станав в.д. Директор на ЈП Улици и патишта, затекнав претпријатие во многу лоша состојба, како финансиски, така и во однос на реализацијата на проектите. Во изминатиот период работев напорно заедно со моите соработници, наспроти сите предизвици и проблеми, за да се подобри работењето на претпријатието, а во функција на исполнување на очекувањата на граѓаните. Мојата мотивација во работата беше реализација на проектите кои им ги ветивме на граѓаните на Град Скопје.

Иако преку спроведните проекти и воспоставените добри практики во работењето на претпријатието многу работи се подобрија, реализацијата на проектите не се одвиваше според моите и очекувањата на граѓаните.

Затоа, ве известувам дека давам неотповиклива оставка на местото в.д. директор на ЈП Улици и патишта. Оваа моја одлука ја донесов како резултат на неадекватната комуникација со Градоначалничката на Градот Скопје, како основач на Претпријатието, како и немањето на разбирање при реализаиција на клучните проекти од интерес на Градот, а за кои јавното претпријатие имаше можност и потенцијал. Неможноста и покрај сите мои искрени намери и напори да воспоставиме меѓусебно разбирање, соработка и почитување како неопходни фактори за успешна имплеметација на зацртаните проекти и активности на претпријатието, придонесоа кон донесување на оваа моја одлука.

Искрено им се заблагодарувам на сите вработени и соработници во претпријатието кои работеа деноноќно на сите проекти и покрај отежнатите услови на функционирање, секогаш исполнувајќи ги задачите на највисоко професионално ниво. – пишува Настов.

Задоволен од тоа што го постигнавме со сопствени сили и ресурсите кои ги имавме на располагање, вели директорот на ЈСП Турс.

За период од 6 месеци, успеавме неколкукратно да ги зголемиме приходите во делот на превоз и туризам, како и да обезбедиме линеарно зголемување на платите за сите вработени. 

Но тоа не е доволно кога ЈСП Турс ја нема поддршката од Градот и нормалната комуникација со градоначалничката Данела Арсовска и со Генералниот директор Александар Стојковски. Морам да кажам дека разочарувачки е тоа што визијата која не обединуваше, проектите во кои веруваме и за која се обврзувавме пред скопјани не се исполнува и нема согласност од градот кој се повеќе е заглавен во кавги и пресметки и лични интереси затоа си давам оставка од директор на ЈСП Турс, од каде си заминувам со крената глава, задоволен од резултатите и со принципите во кои продолжувам да верувам. – пишува директорот на ЈСП Турс, Филип Василевски.

Директорот на ЈП Лајка Воислав Димитровска кој исто си даде оставка, вели дека годинава има останати обезбедени средства од Град Скопје само 1 900 000 денари која е доволно да се исплатат само плата и комунални трошоци на претпријатието за само 1 месец, без финансии за храна лекови и потрошен материјал.

Во изминатиот период ЈП Лајка поради тоа што нема финансиски средства за основно функционирање, правеше акции за донации со цел да не се прекине воспоставеното темпо на работа за реализација на програмата и спроведување на хуман третман кај животните. Изминатиот месец ЈП Лајка функционира главно од донации.

Во ваква тешка финансиска состојба без реална поддршка од страна на Град Скопје, како ВД директор на ЈП Лајка заедно со тимот од ЈП Лајка и со несебична поддршка од страна на здруженијата и активистите успеавме да го зголемиме капацитетот на третирани кучиња со хуман третман за околу 40%, вдомувањата на кучиња се зголеми за 300%, според податок од МВР на ниво на Град Скопје има намалување на инциденти предизвикани од куче за 20%. Подобрувањето на функционирањето на претпријатието се гледа и во бројот на вдомени кучиња во месец август 2022 година кој изнесува 40 вдомени кучиња во споредба со месец август 2021 година од 0 вдомени кучиња.

Во изминатиот период активно работевме за зголемување на јавната свест за благосостојба кај животните и одговорно сопствеништво, реализиравме над 20 кампањи на оваа тема. Подготвена е програма за едукација на младата популација на овие теми, и во фаза е броење на кучиња во рамки на Градот Скопје со цел да се има правилен пристап при подготовка на програмата и акцискиот план за 2023 година. Сето ова без одвоен денар од буџетот на ЈП Лајка или Град Скопје.

Се надевам дека следниот директор на ЈП Лајка ќе ја ужива довербата на здруженијата на граѓани и активностите, ветеринарната фела и граѓаните како што ја уживав јас, но и од страна на Град Скопје за да се одржи и зголеми темпото на работење. Се надевам дека следниот директор ќе ја подобри работата на претпријатието и нема да го користи јавното претпријатие за сопствени цели, што било слушај во минатото.

Македонија

Министерот за земјоделие ХОЏА и двајца заменици министри поднесоа ОСТАВКИ: Власта е важна, но не по секоја цена

Министерот за земјоделство, од редовите на БЕСА, Аријанит Хоџа, објави дека се повлекува од функцијата. На прес конференцијата што се одржа пред Владата Хоџа кажа дека оставката е поради нарушување на демократските вредности во државата, додавајќи дека од функција се повлекуваат и двајцата заменици министри.

„Kако што ветив минатата недела дека поради нарушување на демократијата на локалните избори од страна на дел од оваа влада, на чело со вицепремиерот од ДУИ, кадешто беше повредено правото на демократијата, со манипулативни методи и за жал, тоа продолжи и во текот на вчерашниот ден, кој беше најсрамниот ден за демократијата на нашата држава“, рече Хоџа.

„Ако во 2016 беше соборен режим, по пет години гледаме дека тие го надградиле режимот. Во Беса работиме на приницип на гордост и достоинство, власта е важна но не по секоја цена, ќе продолжиме со локалната власт во Тетово и Желино“, додаде тој.

Аријанит Хоџа од БЕСА денеска изјави дека покрај неговата оставка од функцијата министер за Земјоделство, оставки поднеле и двајцата заменици министри од редовите на Движењето БЕСА, поточно заменик министерот за Култура Седат Сулејмани и заменик министерот за Образование и Наука Арафат Шабани.

Македонија

Дефибрилатор бил причина за ПОЖАРОТ во Тетовската модуларна болница, Заев не ги прифати оставките !

Скопје, 5 октомври 2021 (МИА) – Премиерот Зоран Заев не ги прифати понудените оставки од морални причини на министерот за здравство Венко Филипче и неговиот заменик Илир Хасани, во врска со пожарот што избувна на 8 септември годинава во Модуларната болница во Тетово, во кој животот го загубија 14 лица.

– Нема причини да се лоцира политичка или менаџерска одговорност кај министерот Венко Филипче и заменик министерот Илир Хасани, кои од морални прични поднесоа оставки. За евентуалните грешки причинети од човечки фактор ќе се произнесат надлежните органи, изјави денеска премиерот Заев, додавајќи оти им ја дава довербата да продолжат да го водат здравствениот систем.

Заев нагласи дека останува на ставот оти нема да дозволи политизирање на трагедијата во тетовската болница. – Ние политичарите и извршната власт, генерално не смееме и нема да го толкуваме извештајот на вештите лица кои постпауваа по наредба на Јавното обвинителствот на Република Северна Македонија, истакна Заев.

– Откриена е причината за пожарот и таа е јасно и јавно објавена. Ја примив оваа информација и постапувам и веднаш дадов насоки до Минизтерството за здравтсво во најкус можен рок да се  извршат темелни теренски контроли во сите модуларни болници. Сега е најважно да се засилат контролите и проверките за да се намали ризикот од вакви несреќи предизвикани од страни предмети во иднина, поради што за жал изгубивме 14 животи, рече Заев.

Тој наведе дека ни се случи страшна трагедија, но не сме единствена земја во светот во која се случуваат вакви трагедиии и при тоа повторно изрази сучувство до семејствата на загинатите.

Претходно денеска, Јавното обвинителство на Република Северна Македонија, информираше дека во Основното јавно обвинителство – Тетово е доставен Извештајот од извршено вештачење на траги од пожарот во Модуларната ковид болница во Тетово, изработен од Одделот за криминалистичко-технички испитувања и вештачења при Министерството за внатрешни работи.

– Со вештачењето се утврдува дека пожарот настанал како последица од електрична куса врска преку висок преоден отпор во приклучниот кабел на дефибрилатор со кој се вршела реанимација на пациент во една од болничките соби. Прегревањето на кабелот предизвикало палење во приклучната кутија од продолжителниот кабел на кој бил приклучен дефибрилаторот, полнач за мобилен телефон и уште еден апарат, се вели во соопштението.

Македонија

,,По пожарот во Констанца после НЕКОЛКУ ЧАСА оставки, кај нас и по 24 ДЕНА од тетовската трагедија сеуште бараме ОДГОВОРНОСТ”

Статус на денот 👇

Во Романија, во Костанца, пред неколку часа избувна пожар во болница. Има и загинати.

Веднаш по стабилизирањето на пожарот, паднаа и првите оставки.

Кај нас поминаа 24 дена, откако изгоре модуларната болница во Тетово и загинаа 14 пациенти. Ние сеуште бараме моларна одговорност – пишува медицински работник на Фејсбук.

Линк од објавата:

https://www.facebook.com/1259845921/posts/10227538703754103/

Uncategorized

За Заев банално е да се разговара за оставки за 14 -те живи изгорени во Тетово (ВИДЕО)

Десет дена откако се случи хоророт во здравствен објект премиерот Заев изјави дека веќе е банално е да се разговара за одговорност за смртта на 14 живи изгорени во трагедијата во тетовскиот ковид центар.

Одговарајќи на прашања на новинарите на настан во асоцијацијата на здруженија на пензионери Заев рече дека во СДСМ можел да го замени било кој но дека моралната одговорност за трагедијата била поднесена од Филипче и другите инволвирани кога тие дале оставки.

Заев инсистира дека за оставките ќе реши кога ќе заврши истрагата иако таа ќе даде одговор за кривичната а не за моралната одговорност.

https://m.facebook.com/story.php?story_fbid=148178194176049&id=359477174168894

Македонија

Жecтоко во Собрание: Џафери нeмa добиено никаква ocтавка

Седницата на Собранието денеска почна „жестоко“ со препукувања на опозицијата и власта.

Џафери кажа дека нема добиено никаква оставка од Владата, и затоа нема за што да се расправа.

„Претседателот на Владата може да предложи разрешување на член на Владата. За предлог за разрешување одлучува Собранието на првата наредна седница. Доколку претседателот разреши 1/3 од членовите на Владата од првобитниот состав, тогаш Собранието одлучува како за нова влада. Уставот пишува за изричита надлежност на премиерот, а не на пратеници.

Координаторот на пратеничката група на ВМРО-ДПМНЕ Никола Мицевски во овој момент во собранието побара едночасовна пауза со барање премиерот Зоран Заев и владата да ја достават оставката на министерот за здравство Венко Филипче.

Тие имено треба да ја достават оставката до собранието со цел да биде усвоена во парламентарниот дом и да биде разрешен од функцијата Филипче кој си поднесе оставка.

Од пратеничката група велат дека еден час е сосема доволно за да биде доставено ова барање, а потоа да започне и усвојувањето на истото.

Инаку министерот Венко Филипче во петокот си даде оставка, а претходно оставки си поднесоа и заменик министерот Илир Хасани, како и директорот на тетовската болница и економскиот директор на истата болница.