Tag Archives: партија

Македонија

„Кога се срамат да кажат Македонија или дека Илинденско е македонско востание, коњаници не им поминуваат“

Народот и сега како и целиот овој период е сплотен цврсто и бара силно национално единство зад националните и државните интереси. Власта е таа која што го игнорира својот народ, го понижува и се обидува да го раздели. Насилните обиди на власта да направи уставни измени удираат во ѕид. ВМРО-ДПМНЕ нема да дозволи уставни измени под бугарски диктат кои немаат врска со Копенхашките критериуми и се газење на достоинството на својот народ, велат од ВМРО-ДПМНЕ.

Тие додаваат дека  Македонија бара фер шанса како и сите останати земји кои пристапувале кон ЕУ, а не преговори обременети со историски наративи и притисоци.

– Македонија бара институционални европски гаранции дека европскиот пат ќе биде предвидлив, а не подвижна цел која постојано ќе ни бега заради апсурдни ретроградни барања на Бугарија. Оваа власт за жал ниту кога преговараше, ниту кога прифаќаше не изгради национален и државен консензус. Сега сака тоа да го наметне како свршен чин кој Македонија треба да го прифати без поговорно потенцираат тие.

Од партијата потенцираат дека оваа власт пропушти толку многу подадени раце од ВМРО-ДПМНЕ.

– Пропушти толку шанси да избори подобри позиции за Македонија. Сега преостанува само што побрзо да го стават ова прашање на пленарна седница и да се соочат со реалноста дека немаат ниту мнозинство. После тоа следен логичен чекор ќе бидат избори. ПР финти од типот на коњици не им поминуваат. Кога се срамат името Македонија да го споменат или пак да кажат дека Илинден е македонско востание, уште три коњици да организираат нема да им поминат. Прочитани се, а наскоро и ќе бидат казнети, стои во соопштението.

Македонија

Тројца пратеници на ДУИ од утре одат во опозиција, Меџити формира нова партија

Владејачкото мнозинство на Ковачевски и Ахмети губи тројца пратеници и од 64-ца народни избраници ќе се сведе на минимални 61.
Поранешниот потпретседател на ДУИ и актуелен пратеник Изет Меџити, за Сител потврдува дека до собранискиот спикер Џафери заедно со пратениците: Реџепи и Коџаџику, ќе испрати писмо со кое ќе го извести дека повеќе не се дел од пратеничката група на Интегративците и дека тие тројца ќе дејствуваат опозициски.

Меџити од денеска попладне од скопски Чаир почнува и состаноци со своите приврзаници од т.е. огнена група за формирање на нова политичка партија – движење, кое како што вели треба да ја обедини албанската опозиција.

Сепак, Меџити не успеа во своите редови да ги придобие и останатите челници од огнената група со која веќе половина година бара реформи во ДУИ – градоначалникот на Сарај Блерим Беџети, како и поранешните функционери на ДУИ – Невзат Бејта и Муса Џафери. Тие како што вели Меџити се решиле да делуваат фракционерски во партијата на Ахмети и да се обидат одвнатре да ги поправат работите во ДУИ. За него, таков простор во ДУИ повеќе нема.

И покрај тоа што повеќе нема да е дел од власта, не се исклучува групата на Меџити во Собранието да ги поддржи најавените владини уставни измени, во знак на поддршка на европската интеграција и добар имиџ кај меѓуанродните претставници.

Владата на Ковачевски се соочи со криза во мнозинството пред Нова година, кога го изгуби Павле Трајанов, но најави и влез на Алијанса во Влада, што пак, беше причина од власта да отспаи Алтернатива на Гаши. По влезот на Таравари, мнозинствотот се стабилизира на 64 пратеника.

Македонија

Демократска партија на Турците: Со промена на пол кај нотар, ќе може да склучуваат хомосексуални бракови

Како Демократска Партија на Турците на Македонија (ТДП), уште еднаш чувствуваме потреба да ја информираме јавноста околу предлог измената на законот за матична евиденција која е во собраниска процедура. Законот за измени и дополнување на законот за матична евиденција, кој две години по ред беше на дневен ред во собранието и беше симнат од дневен ред по интервенцијата на нашиот Претседател и Пратеник Др. Бејџан Илјас, дефинитивно е неприфатлив предлог за нашата партија и за нашите членови, велат преку соопштение од паеријата.Добивај вести на вибер

Со промената на законот се дава право на граѓаните да го сменат својот пол само со изјава заверена на нотар, што во иднина ќе им овозможи и со промена на полот во личната карта да склучуваат и хомосексуални бракови.

Поради овие причини јасно и недвосмислено им пренесуваме на тие кои го предлагаат овој предлог на закон и на оние кои ги поддржуваат овој и слични законски измени, дека како ТДП и како Турци кои живеат во нашата земја, категорично ќе се спротивставиме кон истите.

Ние сме длабоко убедени дека манипулацијата со биолошкиот пол, кој е создаден природно, со цел да се поддржи традиционалната семејна структура на нашето општество, е многу опасен предизвик за нашите идни генерации.

Како граѓани Турци на Република Северна Македонија, со голема почит ја информираме јавноста и објавуваме дека секогаш ќе стоиме против вакви и слични иницијативи кои се во спротивност со нашата традиционална семејна структура и нашите духовни вредности, пишува во соопштението од Демократската партија на Турците.

Македонија

„Моето семејство нема вечно да биде жртва на партиски удари и притисоци! Дур сум жива нема да ја наведнам главата!“

По бурата критики и реакции се огласи и сестрата на Стефан, Марија Лазарова, која прв пат се огласува јавно на темата, но растури:

Prv pat se oglasuvam javno na ovaa tema, do sega bev fer i zboruvav samo kaj sto treba – na sostanoci. Sdsm, vie ste partija koja pokaza samo kukavicluk, borba protiv individualci koi samo rabotat vo nivnata drzava so resursi sto SAMI si gi obezbeduvaat.Loading…

A vaseto delo: Predavstvo, elitizam, nepotizam, nesposobnost, licemerie, i klecenje pozadi zadnik na organizacii koi ne zastapuvaat NISTO od toa zad koe se povikuvaat. Lazarov nema da padne, moeto semejstvo – individualci koi mnogu cesno i makotrpno si go zarabotuvaat lebot, nema vecno da bide zrtva na partiski udari i pritisoci, dur sum ziva nema da ja navednam glavata. Sramete se, izgubivte mnogu, zal mi e sto ja posramotivte edinstvenata partija sto trebase da zastapuva PROGRESIVNOST.

A vie, FORUM NA ZENI, zanimavajte se so nepravdi kako slucajot na Jildiz Veaposka, a ne da se kriete kako picki pozadi vladina partija, ,,navredeni” od necie smeenje na sopstvenata platforma, koe ne steti apsolutno nikomu.

(фејсбук статус на Марија Лазарова)

Неодамнешното гостување на новинарот Драган Павловиќ – Латас во поткастот на јутјуберот Стефан Лазаров. можете да го погледате на линкот што е прикачен.

Македонија

Шекеринска избрана за потпретседател на Партијата на европски социјалисти (ПЕС)

Радмила Шекеринска, поранешен министер за одбрана и потпретседател на СДСМ, во Берлин е избрана за потпретседател на Партијата на европски социјалисти (ПЕС).

-Ми претставува огромна чест да ве информирам дека на Когресот во Берлин ме избраа за потпретседател на Партијата на европски социјалисти (ПЕС). Честа е дотолку поголема што ова е прв пат ПЕС да избере на таа позиција личност која доаѓа од земја која не е членка на Европската унија, пишува Шекеринска на својот фејсбук-профил.

Таа изразува благодарност до новиот претседател на партијата Стефан Лвен, кој го дал предлогот и до сите нејзините колеги кои го поддржале.

Македонија

СКАНДАЛ: Кандидатите кои аплицирале за работа во АРМ да се јават кај претседателот на огранокот на партијата!

Владејачката партија продолжуваат да ја тресат скандали. Имено, на официјалната фејсбук-страница на СДСМ Арачиново, кандидатите коишто аплицирале за работа во АРМ се повикуваат да се појават кај претседателот на огранокот на истата партија или кај раководството на истата.

-Почитувани сонародници, ве повикуваме сите кои што аплициравте на огласот на Министерството за одбрана за прием на војници во Армијата на Република Северна Македонија, кандидатите да се појават кај претседателот на огранокот во Арачиново или кај членовите на раководството на огранокот СДСМ-Арачиново, се вели во повикот на партијата објавен на Фејсбук.

Во меѓувреме, скандалозната информација беше отстранета од социјалната мрежа на Фејсбук.

Инфо +

Kapaкачанoвци се шегуваат со нас: Лaжни poдови, лaжно минато, лaжни нации, да живее Скопје пpajд

Лажни родови, лажно минато, лажни нации! Да живее Скопје прајд!

Ова на личниот ФБ профил го напиша носителот на листата на „Бугарски патриоти-ВМРО, Волја и НФСБ“ за градот Русе, Искрен Веселинов, по информацијата дека претседателот и премиерот на РС Македонија, Пендаровски и Заев, учествувале на геј парадата во Скопје, пишуваат софиски Гласове.бг.

Потсетуваме дека ние, бугарските патриоти, јавно го стигматизиравме спроведувањето на тој перверзен марш на „различностите“ во Софија и во други градови во државата и остануваме единствена политичка сила, која отворено опстојува на христијанските вредности, моралот и смислата на семејството.

Имено, не случајно семејните политики и анти-родовата пропаганда се наши основни приоритети. А, промената и замената на историјата, особено во однос на заедничката со РСМ и нејзиното членство во ЕУ-за нас тоа не подлежи а коментар, додека не запре лицемерието на политичарите од другата страна на границата, пишува порталот.

Uncategorized

Најава за нова партија, основање „Република Илирида“ и федерализација на Македонија

Треба да се промени позицијата и статусот на Албанците во Македонија, бидејќи сме население со компактно распространување и голем демографски број. Меѓународните норми, Повелбата на Обединетите Нации и документите на Хелсинки ни даваат право да имаме автономно владеење и да ја имаме Република Илирида, која е израз на волјата на граѓаните – Албанци. Ова во саботата дебата во Тетово на тема „Република Илирида-фундаментално решение за функционирање на рамноправноста во Македонија“ го изјави Неџат Беџети, претставен како претседател на Движењето Илирида.

Оваа дебата всушност беше најава за формирање на нова политичка партија која планира да учествува на изборите, а „по победата да формираат парламентот на Илирида“, извести од настанот ТВ Клан.

На дебатата во Тетово главниот мотив беше да се реафирмира желбата на Албанците изразена на референдумот во 1992 година за политичко-територијална автономија на Албанците.

„Триесет години сме сведоци на жртвувањата за да владееме заедно со другите народи во Македонија, но ова заедничко владеење не ги даде саканите резултати. Крајно време е за промени. За да постигнеме регистрација како политичка партија и да учествуваме во изборите и изборната кампања, ќе го поднесеме барањето за федерализација на државата и ако ги освоиме гласовите на граѓаните, по автоматизам ќе го формираме парламентот на Илирида, која ќе функционира како втора Ррепублика во рамки на Македонија”, рече Беџети.

Меѓу учесниците на дебатата беа и Невзат Халили и Милаим Фејзиу, иницијатори на референдумот од 1992 година.