Tag Archives: плаќање

Македонија

Ја оправи културата, па сега економијата – Министерката јавно ги искритикува Охриѓани, се наплаќало како за воена оштета

Лавина реакции предизвика говорот на министерката за култура Бисера Костадиновска Стојчевска на отворањето на 63. издание на најпрестижната културна манифестација во земјата, фестивалот „Охридско лето“. Таа во еден момент им се обрати на охридските угостители, но всушност ги искритикува за цените на услугите во најголемиот туристички центар во Македонија и единствено УНЕСКО подрачје.

Поради Охридско лето и годинава на гости ќе ни дојдат многубројни уметници од целиот свет, ги замолувам угостителите да не им наплатуваат како да треба да платат воена оштета или некои други ненамерни долгови од векови наназад, истакна министерката за култура.

Ваквата изјава предизвикја револт кај угостителите. Според нив „Охридско лето“ не е место за испраќање вакви пораки, оценувајќи го настапот на министерката за култура како политички, додавајќи дека цените на угостителските услуги во Охрид се пазарно формирани и не се разликуваат од сличните развиени дестинации во регионот.

Реагираа и од ВМРО ДПМНЕ, партија која е опозиција на централно ниво, но и локална власт во Охрид. Побараа извинување од министерката за култура за, како што велат, искажаните навреди не само кон угостителите, туку и кон охриѓани.

Како можете да ги потценувате угостителите и нивните угостителски капацитети и услуги кон туристите? Со што им помогнавте како Влада и Министерство, па сега уште и да ги навредувате за цените кои се формираат врз основа на многу фактори? Не Министерке, Ако имавте малку чест тогаш овие зборови ќе допреа до Вашата совест и никогаш немаше да ги изговорите. Како се грижите за културата кога годинава за „Охридско лето“, одобривте 2 000 000 денари помалку од минатата година за реализација на програмата? Што направивте како Министерка за култура за летната сезона да трае подолго време? До каде се археолошките ископувања на Самуиловата тврдина и активностите на локалитетот Плаошник? За кој квалитет зборувате кога културата ја сведовте на најниско можно ниво? – стои во соопштението на охридскиот комитет на ВМРО ДПМНЕ.

Македонија

Ќе го платиме долгот, ако ни ги отпишат каматите: Екипите на ЕВН не можат да влезат во Слупчане

Екипите на ЕВН сè уште не можат да влезат во селото Слупчане за да ја реконструираат дистрибутивната мрежа бидејќи жителите го блокирале влезот во селото и им се заканиле на работниците.

ЕВН информира дека било известено Министерството за внатрешни работи (МВР) за случајот, но и покрај тоа жителите на селото не попуштаат и не дозволуваат на екипите да работат на мрежата.

-Подготвени сме да го платиме долгот кон ЕВН, но не сакаме да плаќаме камата на каматата. Ветувањата кон селаните досега не беа исполнети, а тоа е уште една причина за револт, вели претседателот на месната заедница Селадин Шаини за „ТВ Њуз“.

Според пресметките на ЕВН, во ова село се краде 80 отсто од годишно потрошената електрична енергија, односно се наплаќа само 20 отсто од потрошените количини.

Македонија

Ќе може да ги плаќате сметките за струја и вода во супермаркет

Освен штедилници и банки, и продавници и супермаркети ќе можат да даваат платежни услуги според новиот Закон за платежни услуги и платни системи кој го претстави Народната банка, а граѓаните ќе можат да си ги платат сметките за струја, вода и парно додека пазаруваат и плаќаат за производите на каса.

Законот вели дека платежна институција и институција за електронски пари може да биде трговско друштво основано во Република Северна Македонија, кое добило дозвола од Народната банка за давање на овие услуги.

– Од оваа година и штедилниците ќе може да даваат платежни услуги. Но, и трговски друштва може да бидат платежни институции. На пример може да одите да пазарувате и заедно да си ги платите сметките – истакна Игор Величковски, директорот на Дирекцијата за платни системи во Народната банка на работилница за новиот закон.

Секое трговско друштво кое ги исполнува критериумите и кое добило дозвола од НБРМ ќе може да дава платежни услуги со тоа што за разлика од банките нема да може да собира депозити, ниту да дава кредити.

За да аплицира за давање на овие услуги, трговското друштво кое сака да се регистрира за платежна институција ќе треба да има почетен капитал од 20.000 евра кој ќе достигне до 125.000 евра за одреден период, Институцијата за електронски пари треба да има почетен капитал од 60.000 евра кој потоа ќе достигне 350.000 евра.

– Трговските друштва ќе треба да имаат почетен капитал од 20.000 евра со што им се олеснува почетокот на работата. Но, понатаму ќе се докапитализираат до 125.000 евра, односно до 350.000 евра – додаде Величковски.

Со новиот закон ќе има специјализирани институции што ќе издаваат електронски пари. Тоа се пари што се ставени на картичка и не се поврзани со транскциска, односно со платежна сметка.

– Ако ја загубиме картичката, сме ги загубиле и парите. Ако загубиме банкарска картичка, може да се јавиме во банката и таа ќе ја блокира истата веднаш и нема да може да се користат средствата. Но, кога издавач на картичката е институција за електронски пари, ако ја загубиме картичката, исто е како да сме загубиме кеш – објасни Величковски.

Преку воведувањето на платежна сметка со основни функции граѓаните ќе можат да извршуваат платежни трансакции за подмирување на нивните сметки за вода, за електрична енергија, за греење и телекомуникации или трансфер на парични средства на друго лице, односно пет трансакции за вкупна месечна сума која сега изнесува 31 денар. Над таа бројка, банката или давателот на платежна услуга ќе си ја одредува цената за плаќање на налозите.

Според новата регулатива, како што објави претходно „А1он“, доколку корисниците припаѓаат на некоја од ранливите категории, граѓаните ќе можат да ја користат платежната сметка со основни функции без надоместок. Давателот на платежни услуги ќе биде должен најмалку еднаш годишно на потрошувачот да му даде извештај за сите наплатени надоместоци за услугите поврзани со платежната сметка, информации за висината на каматните стапки и применетиот девизен курс“, додадоа од Народната банка.

А1он

Македонија

Железници Транспорт доби струја, долгот ќе го платeла државата

Железници Транспорт АД Скопје напладне повторно доби струја, откако изутрината ЕВН поради долг за неплатени сметки ги исклучи од мрежата објектите на државното железничко претпријатие кај депото во скопско Лисиче и во Велес.

Информацијата дека повторно има струја ја потврдија од ЖРСМ Транспорт, од каде велат дека прекинот на напојувањето со струја не се одразил на одвивањето на железничкиот собраќај, иако постоеше  таква опасност со огле д дека струја им е потребна за пумпите за нафта.

Вицепремиерот за економски прашања Фатмир Битиќи, претходно во изјава за медиумите најави дека Железници ќе има струја и повтори дека долгот кон ЕВН за неплатените сметки на одредени државни институции ќе биде подмирен веднаш штом во Собранието ќе  помине најавената пренамената на средствата од Буџетот.

Според него,  не треба никаква друга гаранција дека тоа ќе се исполни, бидејќи веќе го најавија и премиерот Димитар Ковачевски и други членови на Владата.

– Сметам дека веќе во овој  момент во „Железници Транспорт“ има струја. Владата не е ниту договорна, ниту облигациска страна кон ЕВН и ако ЕВН не сфаќа дека Владата не е тука страна која дава гаранции, тогаш ЕВН има навистина проблем со толкување на нивното функционирање во нашата држава. Премиерот, вицепремиерот и министерот за финансии кажаа дека ќе се платат долгови кон ЕВН и тоа е сосема доволно за било кој економски оператор да сфати дека тоа е Влада и држава и оти не треба никакви други гаранции, рече вицепремиерот Битиќи во одговор на новинарско прашање зошто досега Владата не испратила гаранција до ЕВН дека ќе го подмири долгот, откако изутрина беше исклучена струјата во „Железници Транспорт“.

ЕВН има даде рок до 15 овој месец на повеќе институции да го платат долгот за потрошена електрична енергија, меѓу кои се и Клиничкиот центар и „ЖРСМ Транспорт“ и други.

Свет

(Видео) Платете ни или да си одиме дома: Руси се бунат за мобилизацијата

Video

Група регрути на руската војска, кои неодамна биле мобилизирани, јавно негодуваа и ги повикаа властите да им платат на оние кои се мобилизирани, како што им било ветено, наводно се гледа на снимка која беше објавена од независниот портал Sota Vision.

На снимката, за која се вели дека доаѓа од регионот Омск на југозападот од земјата, се гледаат десетици униформирани регрути, од кои еден ги соопштува барањата – да ги добијат парите и бенефициите кои им биле ветени од властите, а во спротивно да бидат пуштени дома за да си ги прехранат семејствата.

„Имаме прашање. Прво: Ќе има ли плати за оние што се мобилизирани? Зборувам за материјална помош што им е потребна на нашите семејства, тие мора да јадат. Нас можат да нѐ испратат одовде и не знаеме што ќе се случи со нас. Тоа е нашето прво прашање, бидејќи знаеме дека во други региони ги плаќаат мобилизирани и сѐ е стабилно. Се разбира, се надеваме на најдоброто и подготвени сме да одиме. Тука сме, поддржувајте нѐ нас и нашите семејства“, вели мобилизираниот Русин.

Македонија

Бислимоски ви порача: Не се грижете за струја плаќате само тоа што сте го потрошиле

Потрошувачите треба да знаат дека плаќаат само за она што го потрошиле. Регулаторната комисија за енергетика не ги признава кражбите на електрична енергија во крајната цена што ја одредува и тие се на товар директно на Електродистрибуција ДООЕЛ Скопје. Доколку некој потрошувач има добиено сметка која има отстапување од реалната состојба, може самостојно да го отчита броилото и да ја пријави состојбата, по што ЕВН ХОМЕ е должен веднаш да издаде нова корегирана сметка со реална состојба.

Ова го истакна претседателот на РКЕ Марко Бислимоски кој заедно со заменик-претседателот Енвер Елмази и комесарите одржа состанок со претседателка на Организација на потрошувачите на Македонија (ОПМ) Мирјана Лончар Велкова.

На состанокот, како што соопшти РКЕ, се отвори и прашањето во врска со висината на т.н мрежарина која во одредени сметки е поголема во однос на енергијата. Претседателот Бислимоски посочи дека потрошувачите на електрична енергија во земјава отсекогаш плаќале за користење на електропреносниот и електродистрибутивниот систем.

-До 30 јуни 2022 година, трошокот за користење на електропреносниот и електродистрибутивниот систем беше вклучен во цената на електрична енергија. Имајќи го ова предвид, како и обврските од законодавството на Европската унија за поголема транспарентност на цените РКЕ, на 27 јуни 2022 година донесе Тарифен систем за продажба на електрична енергија со што се направи поделба на вкупниот надоместок за испорачана електрична енергија на: надомест за електрична енергија, пренос и дистрибуција. Оваа поделба на вкупниот надомест ЕВН ХОМЕ го пресликува во фактурата за испорачана електрична енергија за секој потрошувач, со цел секој да има увид кој износ го плаќа и за што го плаќа, истакна Бислимоски.

Од ОПМ посочија повеќе случаи кои стигнале до нив во врска со сметките за електрична енергија каде што износот за надоместокот за дистрибуција на електрична енергија е поголем од надоместокот за потрошена електрична енергија. Претседателот Бислимоски објасни дека тоа е така зашто одредени домаќинства кои внимаваат на потрошувачката и ја имаат насочено во ниска, евтина тарифа, трошат електрична енергија која е далеку пониска и изнесува 10 евра за мегават час, додека трошоците за мрежарина се исти и во висока и ниска тарифа.

-ОПМ укажува дека граѓаните реагираат на фактурите за електрична енергија поради двојна пресметка на деновите опфатени во две последователни фактури каде во наредната се јавуваат повторно истите денови за кои претходно е фактурирано. Иако ЕВН објаснува дека граѓаните треба да го гледаат пресметковниот период на втората страна од фактурата (во делот на детални информации), од ОПМ напоменуваат дека пресметковниот период треба да е идентичен односно да не се доведуваат во заблуда со различно претставени пресметковни периоди во една фактура и се надеваат дека ЕВН ова ќе го исправи, информира РКЕ.

Македонија

ЕВН по два пати наплаќа за струја потрошена во исти денови!

Скопјaнец се пожали дека струјата потрошена во шест дена од месецот, од 16 до 21 јули, два пати е наплатена. Еднаш во сметката за периодот од 23 јуни до 21 јули, а вториот пат во сметката за периодот од 16 јули до 22 август.

Како што може да се забележи од побјавената сметка, деновите од 16 до 21 јули се јавуваат во двете сметки, па едни исти потрошени киловати му се наплатени два пати.

Ова тој го оквалификувал со еден збор – КРАЖБА.

Македонија

Дураку за струјата: Апсурдно е во Арачиново да се плаќа кога граѓаните сме сиромашни!

Арачиновецот Шефик Дураку според неговата логика и од свој агол се труди да ја објасни ситуацијата во Арачиново кое должи 6 милиони евра на ЕВН за неплатени сметки за струја.

Апоред Дурау, граѓаните кои се сиромашни, меѓу нив и жителите на Арачиново не треба плаќаат за струја која ја произведува државата преку ЕСМ, а ја дистрибуира преку МЕПСО.

Во продолжение го објавуваме целиот текст од логиката на Дураку да не се плаќа струјата:

Да се обидеме преку логика да го оспориме апсурдот!

Еве го: ЕЛЕМ е производител на струја, тоа е државна компанија која се финансира од државниот буџет со наши пари.

Со наши пари ја произведуваме струјата, со свои пари ја дистрибуираме (примарната мрежа (висок напон) и секундарната (среден напон) и потоа готовата струја по ниска цена ја продаваме на ЕВН, странска компанија која потоа ни ја продава по багателна цена…

Малку да поедноставиме: со свои пари произведуваме струја, со свои пари ја дистрибуираме и на крај се враќаме и купуваме од странска компанија.. ова е апсурдот со кој здравиот разум ја изгуби битката овде.

Еве еден многу поедноставен пример за да се разбере уште подобро…

Јас сум селанец и ти давам пример: Посадив пченично поле – земјата е моја, семето е мое, сам ја обработувам, сам ја наводнувам, сите трошоци ги плаќам од џеб и кога е жетвата, ја продавам на воденицата кај цена од 10 денари за кг… а потоа одам и купувам брашно на пазар по цена од 30 денари за кг.

Со парите што ја продадов пченицата ги платив трошоците за производство и излегов со нула (премногу труд) и потоа брашното го купив за 30 денари.. што значи дека би сакал воопшто да не засадувам пченица за да имам, отидов и купив брашно директно во мелница, никогаш порано не сум пробал..

Што сакам да кажам со ова?

Зошто да даваме пари за производство на струја кога ја купуваме истата од ЕВН?

Зошто да даваме пари од буџетот на ЕЛЕМ и МЕПСО кога државата може со тие пари да субвенционира сметки за струја за семејства без месечни примања.

П.С. Јас сум лаик на теренот, можеби грешам… само кажувам, вели Дураку, кој бил активист на ДУИ и Алијанса за Албанците, а сега не бил политички активен.

Uncategorized

Кај нас помали тенџериња – А во Чешка владата ќе им ги плаќа сметките на граѓаните ако надминат 30 отсто од приходите

Поради поскапените енергенси, чешкиот премиер Петр Фијала вети компензација за граѓаните преку станбен додаток, за сите оние чии сметки надминуваат 30 отсто од нивните приходи, а во Прага штом се над 35 проценти од приходите.

– Владата нема да дозволи кој било да пропадне. За домување граѓаните ќе плаќаат максимално 30 отсто од своите приходи, во Прага 35 проценти и тоа вклучувајќи ги сите плаќања за енергија. За сите трошоци над 30 отсто од приходите, државата е подготвена да плати, истакна Фијала, јави телевизијата ЧТ.

Станбениот додаток во Чешка не е новост. Досега беше вид социјална помош за најсиромашните семејства. Фијала сега апелираше граѓаните да не се срамат да го бараат и оние кои до зголемените трошоци за енергија годинава, немале право на додатокот, пренесе Бета.

Во првата половина од годинава, државата преку станбен додаток исплати околу 208 милиони евра. Кон крајот на август ќе бидат познати и деталите за посебна поевтина тарифа за струја и гас за домаќинства, во чии рамки државата со 2,5 милијарди евра ќе ги субвенционира трошоците за идната грејна сезона на граѓаните за скапата енергија.

Министерството за индустрија и трговија почнува со проверка на авансните плаќања што енергетските компании им ги испраќаат на потрошувачите, затоа што се множат информациите за злоупотреба на поскапувањето, потрошувачи плаќаат аванси повисоки од крајните трошоци.

Забава

Купување Албанки повеќе не е во мода, на сцена стапуваат Русинките – Цените ќе ве изненадат

Како што е познато во изминатиот период како во Србија, така и во Македонија е доста актуелно купувањето невести од соседна Албанија. Но, модата полека се менува и на сцената стапуваат Русинките.

Сопствениците на агенција за посредување ги открија картите и разговараа за новиот тренд на склопување бракови.

Во продолжение откриваат колку чинат овие услуги, какви се искуствата на мажите со Русинки, зошто ги сакаа за сопруги и што велат жените од Русија за бракот со мажи од балканските простори.

Стотици  жени од Русија изјавиле дека би сакале Србин за сопруг, откриваат од агенцијата.

Меѓу Русинките кои бараат брак во Србија, повеќето се на возраст од 29 до 35 години. Најчесто бараат маж кој е финансиски стабилен, не повеќе од 50 години и висок.

Тие немаат проблем да се откажат од работата и кариерата, и да се вселат и да живеат во Србија. Тие сакаат да се посветат на своите семејства, а тоа е она што Србите најмногу го ценат “, изјави сопственикот на агенцијата.

Постојат неколку можни понуди и клиентите треба да изберат што најмногу им одговара. Целиот износ на цената се плаќа по бракот, но секако дека нема гаранција.

За сопруга која е на иста возраст со мажот се потпишува договор, се плаќа годишна членарина од 700 евра и по бракот, се плаќаат уште 300 евра.

Доколку клиентот сака невестата да биде помлада шест или повеќе години треба да ја плати ВИП услугата која чини вкупно 1.500 евра.

,,Една од причините за барање сопруг во Србија е тоа што во Русија има многу повеќе жени отколку мажи и „конкуренцијата е огромна“. Друга причина е што скоро сите наши мажи се високи, впечатливи црни, „вистински мажи“, велат Русите.

Друга причина која ја наведуваат жените од Русија е дека тие повеќе се сложуваат со Србин отколку со Холанѓанец или Германец.

Иако ретко се случува, сепак има и голем број од оние кои имале лошо искуство со балканскиот народ.

Бев во брак со Србин седум години. Можам да кажам дека Србите се генерално многу темпераментни, премногу емотивни, разгалени и љубоморни.

Повеќе Скопје 24 мк