Tag Archives: Робот

Свет

Роверот Персерванс откри органски соедниненија на Марс

Роверот „Упорност“ (Perseverance), кој што беше испратен на Марс од американската вселенска агенција НАСА, пронајде остатоци од органски соединенија на „црвената планета“.

Органските молекули како оние забележани во кратерот Језеро содржат атоми на јаглерод и водород. Тоа се клучните компоненти на животот каков што го знаеме на Земјата. Но, како што се истакнува, ова не мора да значи дека некогаш постоел живот на Марс. Овие соединенија би можеле да се развијат и на небиолошки начини. Сепак, резултатите укажуваат на изненадувачки сложени органски услови за „клучните градива на животот“ во својот зародиш.

„Ова е возбудлива трага за астробиолозите, бидејќи тие (наоди) главно се сметаат за градивни елементи на животот. Важно е да се знае дека, исто така, тие можат да бидат создадени од процеси што не се поврзани со животот каков што го знаеме, така што органските молекули не се доказ за живот сами по себе, без дополнителни докази кои не можат да се објаснат со небиолошки, односно биотски процеси“, изјави еден од авторите на истражувањето, Џозеф Разел Холис од британскиот Природонаучен музеј во Лондон.

Упорност“ е првиот ровер што го истражува кратерот Језеро, а тоа почна во февруари 2021 година. Истражувачите веруваат дека некогаш во кратерот имало езеро, како и делта на реката што се влевала во него. Тоа е еден од најверојатните области во коишто може да има остатоци од знаци на живот на Марс. Следи дополнително истражување на молекулите и нивното потекло.

„Ако овие примероци се пренесат на наше копно во лабораторија, во истражувањата може да се користат поразновидни алатки, како и поголема просторна резолуција со многу поголема специфичност и чувствителност“, велат авторите на написот.

„Досега единствените карпи на Марс што можеме да ги проучуваме на Земјата беа всушност метеоритите. Пристапот до недопрените карпи на Марс, внимателно сместени, складирани и заштитени од контаминација, ќе биде од непроценливо значење за планетарнава наука“, додаде Разел Холис.

Имено, научниците велат дека ќе треба да се почека на мисијата за пренос на примероците на Земјата, наречена „Марс сампл ретурн“ (МСР), којашто би требало да биде допрва испратена оттука, и тоа најрано кон крајот на 2020-тите.

Технологија

Извонреден ЧОВЕЧКИ РОБОТ НА ТЕСЛА (ВИДЕО)

Video

Хуманоидниот робот на Тесла, дизајниран како асистент на луѓето дома или во фабриките, доби нова развојна верзија, подобрени софтверски и хардверски можности.

Хуманоидниот робот Tesla Bot, со прекар Optimus, минатата година беше претставен на јавноста како ран прототип, а оваа недела беа објавени неколку детали за понатамошниот развој и моменталната состојба на тој проект.

Како дел од годишниот состанок на инвеститори, Tesla објави видео во кое гледаме напредок во развојот на роботот, како и клучни функции на кои во моментов се работи.

За разлика од не толку импресивниот прв прототип, кој можеше само да оди, и прилично нестабилно, надградениот Tesla Bot сега може да извршува неколку едноставни задачи. На пример, тој е способен да учи едноставни движења од луѓето и потоа да ги повторува, може да ја запомни својата околина и да се прилагоди на неа, а со текот на времето треба да може да извршува сè покомплексни рачни задачи. Затоа, јасно е дека Tesla сè уште има за цел овој робот да стане „соработник“ на луѓето во фабриките или асистент дома или во разни институции, секаде каде што е потребна таква помош.

На објавеното демо видео се гледа како Tesla Bot извршува токму такви „човечки“ задачи и копира движења, а се истакнува и можноста за активно контролирање на вртежниот момент на неговите мотори, т.е. „зглобови“. Ова му овозможува на роботот подобра интеракција со околината, па – ако му се верува на видеото – може да препознае кога да користи повеќе, а кога помалку сила за да ги движи екстремитетите.

Се додека Optimus не стане асистент во нашите секојдневни домашни работи или не може да ги замени работниците во фабричките погони, веројатно ќе поминат години и години. Но, напредокот што го постигнаа сега во Tesla покажува дека тие се сериозни во намерата да го донесат својот хуманоиден робот на пазарот, а не само уште еден во серијата проекти на Маск што го привлекуваат вниманието.

Мрежите се шегуваа со Елон Маск па се споделуваат слики со женски робот и размена на бакнежи 🙂

Македонија

Македонски средношколци направија робот за 8 дена – Добија бронза на светскиот натпревар по роботика!

Gallery

Од 13 до 16 октомври во Женева се одржа шестото издание на светскиот натпревар по роботика за средношколци „FIRST Global Challenge“.

Овогодинешната тема на натпреварот беше решавање на проблемот со зголеменото ниво на јаглерод диоксид во атмосферата со помош на STEM.

Оваа година Македонија по втор пат патуваше за FIRST и имаше можност да учествува во натпреварот и постигна многу добар резултат, си доаѓаат дома со бронза добиена во финалните игри со алијансите.

Робот кој се прави со месеци, овие деца го направија за 8 дена.

Тимот на Република Македонија го сочинуваат 5 средношколци (Виктор Ванчов, Јаков Спировски, Горијан Стаматовски, Горазд Петковски и Горјан Анѓушев) предводени од два ментори (Алма Кецап – официјален претставник на FIRST во Македонија и Ален Куљеван – технички ментор).

Да се биде трето место од 180 држави во светот е голем успех за државата, и поттик за идните млади генерации за интерес околу роботиката и STEM едукацијата.

Македонија

Во Македонија пристигна првиот робот за молзење на крави

Модерната технологија ја почнува својата експанзија во македонското млекопроизводство. „Бимилк“ и УСАИД со заеднички проект за модернизација на малите и средни фарми.

Во Македонија пристигна најавениот робот за молзење и е доставен кај корисникот, фармата „Пивко“, долгогодишен кооперант на Битолска млекара. Оваа инвестиција претставува заеднички проект на „Бимилк“ и УСАИД чија цел е модернизација и унапредување на малите и средните фарми во Македонија. Употребата на овој современ метод за измолзување крави значително ќе ја зголеми продуктивноста и ќе придонесе за унапредување на процесот на млекопроизводството.

Зголемувањето на примарното млекопроизводството и на продуктивноста на кравите е решението за одржливоста на млечната индустрија и за зголемување на домашното производство. Тоа е клучот за намалување на трговскиот дефицит во млечната индустрија каде уште од пред десетина години вредноста на увозот повеќе од двојно ја надминува вредноста на извозот.

„Зголемувањето на примарното млекопроизводство ни е приоритет број еден како компанија најголем преработувач и откупувач на млеко и тоа го правиме во интерес на граѓаните и да даде вредност на подолг период. Само на овој начин, со модернизација и употреба на современи средства, ние како компанија можеме да помогнеме и да влијаеме врз зголемувањето на млекопроизводството и за гарантирање одржливост на целата индустрија, којашто се базира токму врз фармерите млекопроизводители. Ова е една од системските промени што можат да го спречат натамошниот пад на суровинската база. Затоа што ако се фармерите млекопроизводители силни, опстанат и се спроведе развојната база, има добра иднина и за сите нас. Нити има млечна индустрија без партнери, ниту фармерите можат да опстојат ако нема силна млечна индустрија којашто ќе продава не само во земјата туку и во странство. Затоа кооперантите се нашите најважни партнери и на секој можен начин работиме за подобрување на нивната состојба“, истакна Ѓорѓи Петрушев, генерален директор на Млекара АД Битола.

Фармата „Пивко“ е во водечките 10 фарми според производство на млеко, а една од најдобрите според инфраструктурата и организираноста и прва каде ќе се користи овој робот. Моделот Fullwood M2erlin од Milkomax Solutions laitières е често применет и веќе докажан дека преку автоматизираните процеси придонесува за зголемување на продуктивноста на кравите и добивање поквалитетно млеко.

„Со голема нетрпеливост го очекувавме роботот за измолзување затоа што знаеме дека тука е нашата иднина. Години наназад се соочуваме со недостаток на работна рака што многу влијаеше на нашата продуктивност, а самите како фарма не можеме да инвестираме во ваква модерна опрема. Како долгогодишен кооперант на Битолска млекара редовно добиваме помош во опрема главно за подобрување на продуктивноста и квалитетот на млекото, но обезбедувањето на овој робот за измолзување е голем и вистинскиот чекор кон развојот на нашата фарма“, истакна сопственикот на фармата „Пивко“, Стево Пивковски.

Битолска млекара е долгогодишен партнер на фармерите млекопроизводители. Оваа соработка е од самиот почеток на постоењето на компанијата – компанијата добива квалитетна суровина, а фармерите континуиран и постојан развој. Со инвестициите само во последните пет години вредни повеќе од 226 милиони денари е дадена поддршка преку опрема, поволни заеми како и сточна храна за фармерите. Вложено е во трактори, миксери за храна, шталска опрема, млечен систем, плугови, комбајн, сеалки за жито и друга опрема, којашто директно е наменета за зголемување на количините и квалитетот на суровото млеко, чија цена денес е зголемена за околу 65 отсто во однос на просечната цена во 2017-та година.

Освен материјалната помош, „Бимилк“ одржува и редовна комуникација со фармерите, организира обуки, едукација и консултации со цел подигнување на стандардите на работа, квалитетот на млекото и продуктивноста.

Роботот за измолзување е обезбеден во партнерство со Проектот на УСАИД за развој на деловниот екосистем, со кој Битолската млекара неколку години по ред, преку билатерални меморандуми за соработка, дава поддршка за семејни фарми со развоен потенцијал.