Tag Archives: скопје

Забава, Скопје

ВРАЌАЊЕ НА УРБАНАТА ЛЕГЕНДА – Се враќа ЧИЧКО СТОИЛКО со автентичниот скопски сендвич

Gallery

Новите сопственици најавуваат враќање на легндарниот скопски сендвич, но на нова локација во Скопје.

Како што пишува Репортер, според највата на новите сопственици, легендарната сендвичарница „Чичко Стоилко“ се враќа во главниот град на Македонија, на нова локација, но со стариот автентичен вкус.

Чичко Стоилко е најстариот или еден од најстарите фаст-фуд ресторан на Балканот, создаден во 1975 година, кој повеќе децении беше белег на Скопје, како фаст-фуд во трафика и збирно место на младите на познатото зборно место кај чичко Стоилко или подоцна и кај Ванила пред скопскиот Градски трговски центар.

Тоа место е поврзано освен со вкусот на сендвичите и со вкусот на првите љубови на многу сега средовечни скопјани и скопјанки. Во минатиот век, кај Чичко Стоилко беше зборно место за младите и алтернатива за пропаднатото старо корзо во градот.

Македонија

БРАВО ! Надгробната плоча на македонскиот револуционер Тодор Паница донесена во Скопје

Gallery

Една обична викенд прошетка на виенските гробишта за двајца скопјани, историски ентузијасти се претвора во изненадувачко историско откритие.

Петар Кајевски и Дарко Стојанов со малку напор и многу среќа помеѓу 300.000 гробови сосема случајно наидуваат на спомен-плочата на македонскиот револуционер Тодор Паница. Плочата била во лоша состојба и пред отстранување, па тука започнала мисијата да се реставрира што побрзо и да се добијат потребните дозволи за да се пренесе. По 40 години плочата доби нов дом.

„Некако случајно ја пропуштивме Паница иако и двајцата имаме зборувано експлицитно да го побараме гробот на Тодор Паница и од негде се појави, од 300.000 гробови наидовме во вистинска секција. Луѓе на виенските гробишта се чудеа како до сега не била фрлена плочата. Тоа се спаси летото и пред околу месец дена се решив дека правото место за плочата е во Музејот на Македонија. Се поврзавме веднаш, ентузијастички, беше недела се договоривме веднаш, се поврзавме со Марија Милчин која ја знам лично од Виена и испадна дека е конзерватор на камен, во рок од една недела веќе плочата беше кај мене дома со потребните дозволи за да се извади од гробиштата, вели Петар Кајевски.

Текстот на плочата е всушност изгравиран на парче од друг поголем надгробен мермер и тежи околу 8 килограми. Прописите сега налагаат да се изработи копија од истата за гробното место во Виена.ⓘ

„Кога ја гледаме историјата кои улогите на сите луѓе, кој е Паница, кои се неговите противници, сите се тоа приказни на кои има 101 перспектива и погледи, не еден. Тоа што би сакал да го подвлечам, во контекст на она што е вистинско време, е да поттикнам и други луѓе кои се во можност да најдат работи, кои имаат свои приватни колекции, да се потрудат некои од тие работи да ги донесат во институции и, како и да е, да бидат систематски зачувани во Македонија.“ , вели Петар Кајевски.

Тодор Паница бил учесник во македонското револуционерно движење, членувал во Македонската револуционерна организација, бил приврзаник на Серската група и е еден од основачите на ВМРО Обединета. Бил застрелан во виенскиот Бургтеатар од Менча Карничева, сопруга на Ванчо Михајлов, по негова нарачка.

Македонија

Повеќе од два шлепера донации собрани на пунктот на плоштад – Набрзо ќе се испратат за Турција

Вечерва или најдоцна утре треба да тргне првиот дел од хуманитарната помош за Турција што граѓаните и фирмите ја донирале пунктот, кој група волонтери го поставија на плоштадот Македонија. Досега се собрани повеќе од два шлепери донации. Мнозинството од волонтерите, кои ја организираа помошта, се млади луѓе од Турција кои студираат во земјава, а дел од нив ги изгубиле своите семејства или немаат никаква вест за нив по катастрофалниот земјотрес.

Ова го правиме сосема доброволно, целата собрана помош ќе се испрати во Турција со помош на невладините организации коишто се поврзани со институциите и другите организации од Турција. Во моментов, наполнивме два шлепера, денеска ќе стигнат донациите и од Охрид и од другите градови и во текот на денот се очекува да се соберат уште толку донации. Очекуваме вечерва или најдоцна до утре да тргне првиот дел на помош, вели во изјава за МИА, Биљал Џандемир, еден од волонтерите.

Граѓаните донираат ќебиња, пелени, јакни, чизми и у други потребни работи за луѓето погодени од земјотресот, додека донации во пари не се примаат. За вакви донации, граѓаните се упатуваат тоа да го сторат преку официјалните институции.

Од тие што работат како волонтери, 95 проценти се студенти од Турција кои студираат тука, но има волонтери Македонци, Албанци, Босанци. Голем број од студентите што ни помагаат изгубиле семејства, роднини во земјотресот или не можат да добијат никаква вест околу нив. Тие се обидуваат со сите нивни можности да помогнат – истакна Џандемир.

Покрај овој пункт, низ Скопје се отворени и неколку други на повече локации како што се Старата чаршија, Гази Баба, Рамстор и на други места.

Македонија

Дрска изјава од бугарското МНР: Властите во Скопје ги понижија бугарските граѓани

„Со длабоко жалење забележуваме дека 4 февруари 2023 година ќе влезе во историјата како датум кога властите во с. Македонија, од крајно неубедливи причини и кршејќи ги претходно дадените гаранции, не им дозволија на бугарските граѓани да му оддадат почит на делото и животот на Делчев“, реагира бугарсакото МНР.

Односот на властодршците во С. Македонија, како што стои во соопштението, Министерството го дефинира како понижувачки и неприфатлив кон бугарскиот народ и кон Бугарија.

Во периодот по 1991 година, Република Бугарија постојано демонстрираше искрена желба за развивање добрососедски односи со Република с. Македонија. По потпишувањето на Договорот за пријателство, добрососедство и соработка во 2017 година, се воспостави практика за заедничко славење на историските личности од нашата заедничка историја, како што нбесомнено е Георги (Гоце) Николов Делчев“ ставот на Министерството за надворешни работи (МНР) во врска со тензијата на границата при обид на бугарски граѓани да влезат во Македонија за прославата на роденденот на Гоце Делчев.

Потсетуваме, вчера падна системот за гранична контрола на граничните премини меѓу кои и на Деве Баир, каде поголем број бугарски граѓани не можеа, или се откажаа од патот кон Скопје.

„Дејствата на властите во Северна Македонија нанесоа сериозна штета на процесот на враќање на довербата, и покрај напорите на премиерот Галаб Донев, кој во сложена ситуација иницира процес на деескалација и вицепремиерот за јавен ред и безбедност и министер за внатрешни работи Иван Демерџиев, кој го посети Скопје токму за таа цел на 30 јануари оваа година, како и неговата посета денес“, додаваат во соопштението.

Истражување

Мапирани 100 ЈАВНИ ОБЈЕКТИ во Скопје кои горат МАЗУТ и НАФТА

-За што се зборува воопшто кога јавни институции го загадуваат воздухот во Скопје со греење на мазут или нафта за домаќинствата, велат од „Шанса за Центар“, од каде нагласуваат дека изброиле 100 институции кои го загадуваат воздухот, но дека сигурно ги има уште. „Празните муабети, што ги расфрлаат големите партии нема да го решат проблемот со загадувањето на воздухот од кој секоја година прерано губиме луѓе“, велат од организацијата и нагласуваат дека само за една сезона станува збор за количина на изгорена нафта колку што има вода во олимписки базен !

Ние сме уверени дека нема магично, ниту брзо решение на проблемо со загадениот воздух кој го дишеме. Загадувањето доаѓа од многу страни и потребни се многу пристапи. Затоа, се насочивме да дополниме уште еден дел во мозаикот. За да им помогнеме на институциите да ги согледаат сите страни на проблемот изработивме мапа која го покажува уделот на јавните институции во редот на загадувачите.

Ги мапиравме јавните објекти и установи кои се греат на мазут и екстра лесно масло за домаќинство. Мазутот е исклучително ‘валкан’ енергенс, но не е за потценување ниту екстра лесното гориво кое содржи многу повеќе сулфур отколку на пример највалканото автомобилско гориво – дизелот!

Количината на мазут и нафта за домаќинство која тие ја согоруваат е голема.

На пример, ЈСП во своите автобази, Железници транспорт и Клиниката за физикална медицина и рехабилитација ќе согорат стотици илјади килограми мазут сезонава.

Со нафтата за домаќинство пак која се гори во една сезона може да се наполни повеќе од олимписки базен. А тоа потоа го дишеме. Според договорите за јавни набавки за една сезона во скопската котлина може да се изгорат над 2,7 милиони литри нафта за домаќинство!

На нафта за домаќинство се огромен број на училишта, градинки и болници во целиот град. Дури и Институтот за белодробни заболувања кај децата во Козле користи нафта за домаќинство.

Во скопската котлина една јавна установа – затворот Идризово, ќе изгори и 550 тони јаглен за загревање. Сето тоа заедно исто така придонесува за загадувањето на воздухот!

За да се промени начинот на греење кај домаќинствата е потребно повеќе време, напор, работа со граѓаните и пред сѐ прифатливи алтернативи за нив. Но за да се промени начинот на греење кај институциите е полесно. Потребна е главно политичка волја и одлучност да се пристапи кон решавање на проблемот и таму да се насочат сериозни пари од буџетот.

Ова е причина повеќе, покрај другите мерки, и да се продолжи со проширувањето на мрежата за парно греење на која треба да се приклучат сите јавни институции кои имаат пристап до неа. Општините пак да работат на забрзана замена на начинот на греење на оние јавни објекти кои се во нивна надлежности, а на кои градското парно им е недостапно“, соопштија од „Шанса за Центар“.

Македонија

(ФОТО) Со БАРИКАДИ И ТРАКТОРИ – Граѓаните се организираа, на 4-ти февруари ќе се блокира патот до Скопје

Gallery

Бугарски граѓани на 4 февруари организирано ќе дојдат во Скопје за да се поклонат пред гробот на Гоце Делчев.

На социјалните мрежи објавен е повик граѓаните на 4 февруари да ја блокираат патарината Куманово – Скопје со цел нивно спречување.

„Повик до сите родољуби! Дојдете со камиони, трактори, автомобили и друга машинерија и поддржете го протестот. Кумановчани – ве повикуваме во 9 часот да ја блокирате патарината кон Скопје. Да не дозволуваме бугарските нео-нацисти да плукаат по споменот на великанот Гоце Делчев“, стои во објавата.

Вчера бугарска фондација на социјалните мрежи објави насоки за Бугарите кои на 4 февруари планираат да дојдат во Скопје.

Од друга страна пак – Нема да дозволиме бугарските фашисти со Џамбаски да пријдат до црквата Свети Спас – велат од здружението Македонци во Србија.

Од Партијата на Македонците во Србија (Странка Македонаца Србије) му порачуваат на бугарскиот европратеник Ангел Џамбаски дека на 4. февруари ќе дојдат во Македонија да положат цвеќе на гробот на Гоце Делчев, но нема да му дозволат тој да пријде до црквата Свети Спас во Скопје.

Македонија

Хорор во Велес – Својата 25 годишна девојка ЈА ПРЕТЕПАЛ и ПУКАЛ ВО НЕЈЗЕ

25-годишна велешанка со прострелна рана во стомакот рано изутрина е однесена во велешката болница, јавуваат локалните медиуми. Инцидентот го потврдија и од СВР Велес од каде велат дека во неа пукал нејзиниот невенчан сопруг.

-Денеска во 07:47 часот во СВР Велес, од Итна медицинска помош Велес било пријавено дека кај нив била донесена 25-годишна жена со повреди на телото нанесени од нејзиниот невенчан сопруг. Се преземаат мерки за расчистување на случајот, велат од СВР Велес.

Освен прострелна рана, девојката имала и видливи повреди на лицето кои личеле на повреди од тепање, пишува „Батали.нет“. Порталот пишува дека девојката била донесена во свесна состојба но одбивала да одговара на прашњата на докторите.

Девојката сега е пренесена на лекување во Скопје.

-Во 8:30 часот е примена 25-годишна девојка со прострелна рана во долниот дел на стомакот, по што е препратена во Ургентниот центар на хурушките клиники во Скопје, рече д-р Елена Ќулумова, портпарол на велешката болница.

Македонија

Нова провокација: Стојанов објави фотографија со бугарско знаме од гробот на Делчев – „Никој не може да не запре!“

Gallery

Нова провокација пристигнува денеска од Виктор Стојанов кој на Фејсбук објави фотографија од бугарско знаме на гробот на Гоце Делчев и порача дека никој немало да ги запре.

Бугарите,
Дојдете да го почестите бугарскиот херој Гоце Делчев во Скопје! На 4 февруари – сабота (151 година од неговото раѓање) на неговиот гроб во црквата Св. Збогум, во Скопје! Никој не може да ви забрани да положите цвеќе на гробот на нашиот апостол на слободата во Македонија!


Ви благодариме на оние од вас кои веќе ја контактираа Фондацијата Македонија и рекоа дека ќе дојдете. Министерството за внатрешни работи на Северна Македонија ќе биде мобилизирано со полн капацитет (според нивниот министер Спасовски) за одржување на редот и безбедноста.
Обезбедивме бесплатен превоз со автомобил! Поаѓање во 7:30 од Софија – од различни точки на градот, враќање – истиот ден!
Дојдете да го почестиме Гоце во Скопје да создадеме нова традиција – да го прославиме споменот на нашиот Гоце во Скопје!

Скопје

Се излеа Вардар кај Зелениково

Центарот за управување со кризи побара намалување на истекот на Козјак и Матка по добиените известувања преку бројот за итни повици 112 во регионалниот ЦУК Скопје дека се има излеано во реонот на Зелениково и има зафатено 15 до 20 метри од нивите, а доколку се зголеми водостојот на водата постои опасност од поголемо излевање и можност од поплавување на куќите.

– Вечерва, Центарот за управување со кризи за да се заштити населението покрај Вардар во Зелениково и Велешко од поплава побара да се пристапи кон намалување на истекот на вода од хидроакумулациите Козјак и Матка, за време на поплавниот речен бран на Вардар во Општина Зелениково – наплив во дел на реката Вардар, по пријавите од излевање на реката во нивите и опасност од поплавување на куќите во Зелениково, известија вчера од ЦУК.

Хидроелектраната „Св. Петка“ е исклучена, а во ХЕЦ Козјак е оставен да работи само еден агрегат со цел да се намали нивото на реката Вардар, соопшти вечерва АД ЕСМ.

– По информацијата за покаченото ниво на реката Вардар, во координација со ЦУК, од страна на АД ЕСМ е пристапено кон промена на режимот на работа на хидроелектраните во склоп на хидросистемот Треска. Намалено е производството на електрична енергија од хидроелектраната Козјак, каде е оставен во функција само еден агрегат, додека хидроелектраната Св. Петка е надвор од употреба. Не работи и хидроелектраната Матка која е во сопственост на ЕВН, информираа вчеравечер од АД ЕСМ.

Македонија

Кој ќе го НЕГИРА И НАВРЕДИ МАКЕДОНСКИОТ НАРОД СРЕДЕ СКОПЈЕ, тоа ќе му биде ПОСЛЕДНО ДОАЃАЊЕ – рече Османи во Софија

Провокација од политичари кои доаѓаат во Македонија и сред Скопје го негираат македонскиот народ, или го навредуваат македонскиот народ, тоа мора да го прекинеме, кажа министерот за надворешни работи Бујар Османи по посетата во софиската болница денеска на повредениот Х.П., кому во четвртокот му беше скршена вилицата во тепачка, во Охрид.

„Такво едно доаѓање на лица што го навредуваат и негираат македонскиот народ или припадниците на друга заедница, ќе биде негово последно доаѓање. Како што, и ние нема да дозволиме никој да ја вреѓа бугарската заедница и најмалку пак да покаже насилство. Овие провокации мора да прекинат – денеска!“, кажа Османи, кој беше заедно со колегата Николај Милков.

Османи уште еднаш силно го осуди нападот, како што рече, на нашиот сограѓанин, на нашиот сограѓанин. Според Османи, таквиот чин на насилство не ги одразува вредностите на граѓаните Македонија, на нашето мултиетничко општество. Пред бројните бугарски новинари неколку пати кажа дека нашата држава ќе се погрижи да има нулта толеранција за насилство за кој било проблем, а особено за меѓуетничкиот соживот кој е нешто свето, што го градиме, рече, 30 години.

„Мора ние да го прекинеме овој циклус на провокации и насилство од двете страни и да ја наметнеме нашата агенда која еве двете влади се обидуваме макотрпно да ја изградиме. Значи бугарската заедница е, и ќе биде почитувана заедница во Македонија, ќе ги имаат сите права и привилегии како и секој друг граѓанин од заедниците и секој Македонец, Бугарин, Албанец, Србин…ќе живеат слободно“, кажа Османи.

„Но исто така, сакам да упатам и порака дека провокациите кон другите заедници (прво ние нема да дозволиме негирање на  бугарската заедница во Македонија, како што нема да дозволиме негирање и на македонскиот народ.  Затоа сакам да упатам порака дека и тие провокации треба да престанат и да укажам дека секое доаѓање во Република Северна Македонија со цел навреди кон македонскиот народ, негирање на македонскиот народ, ќе мораме сериозно да го адресираме и тоа да биде последно доаѓање во Македонија. Значи двете прашања подеднакво мора да ги третираме“, беше дециден Османи.

Минатата недела, на 14 јануари, бугарскиот европратеник Ангел Џамбаски на одбележување на 95 години од смртта на Мара Бунева на Кеј во Скопје, ја нарече актуелната власт србоманска.

„Тука сме собрани да им кажеме јасно на владејачките србомански политичари дека нема да ги оставиме да ја продолжуваат политиката на геноцид кон Бугарите наложена од Коминтерната и спроведена од Македонија од 7 јануари 1945 година“, кажа Џамбаски од бугарската партија ВМРО-БНД на мегафон, пред стотина Бугари.

Додаде дека нема да дозволи „продолжување денационализација на Бугарите во Македонија“.