Фатмир Речица, еден од членовите на Кумановската група која го изврши масакрот во “Диво насеље” осуден на 40 години затвор, вели дека за албанскиот народ осудените се ослободители. Преку директна врска од затворот Идризово за емисијата ФРОНТАЛ на косовската телевизија Т7, Речица рече дека дискриминацијата што му се вршела на албанскиот народ е една од причините поради кои тие патувале од Косово во Македонија.
-„За Албанците ние сме ослободители и борци на нашиот народ. Со оглед на настаните во Македонија, дискриминацијата на албанскиот народ. Дојдовме со добра волја со идеалот за национално единство“, рече Речица по повод 8-годишнината од крвавите настани во “Диво насеље”, пренесува Газета Експрес.
Тој покажа и една од фотографиите на која се гледа тој заедно со некои други соборци, некои убиени, а некои во затвор.
„На таа фотографија некои се маченици, а некои се во затвори. На косовско-македонската граница. Во село на самата граница. Не беше лесно да се мине границата, но бевме екстра внимателни на целиот пат“, рече тој.
Запрашан дали имаат поддршка од Косово, Речица рече дека имаат поддршка, но дека ќе дојде време кога ќе се открие со имиња и презимиња кој ги поддржал и кој ги турнал да донесат одлука за заминување кон Куманово.
„За жал, во Косово не се зборува. Затоа што имавме поддршка од Косово. Имаме поддршка од добронамерници, не сме ги спомнале. Ќе дојде ден кога ќе ги споменеме по име и презиме, кој не поддржа и кој не турка“, рече тој.
Речица вели дека е осуден на 40 години затвор и напоменува дека си ја исполнил должноста.
Осуден сум 40 години. Ја извршив мојата должност“, изјави тој.
Апелацискиот суд – Скопје ги одби жалбите на обвинетите во предметот „Диво Насеље“ и во целост ја потврди првостепената пресуда за случајот со терористичките напади во Куманово. Основниот кривичен суд на 2 ноември 2017 година изрече седум доживотни затворски казни за обвинетите од кумановското Диво Насеље, на 13 обвинети им изрече затворска казна во траење од 40 години, шестмина се осудени на затвор од 20 години, еден обвинет доби 18 години затвор, двајца затвор од 14 години, двајца 13 години, а четворица, поради немање докази, беа ослободени од обвиненијата.
Врховниот суд подоцна не дозволи повторување на постапката за предметот, а осудените најавија дека ќе се жалат пред судот за човекови права во Стразбур.
Инаку, во затворот “Идризово”, како и во останатите затвори не се дозволени телефони, а полицијата во неколку акции таму пронаоѓаше и одземаше покрај телефони и ладно оружје и дрога.
Се поставува прашањето дали осудените за “Диво насеље” се привилегирани, па можат, веќе неколку пати по ред во живо да се вклучуваат во емисии на косовски телевизии
Најмалку шест лица се ранети во Париз откако во нив пукал човек на возраст од околу 60-на години, јавија париските медиуми. Еден од повредените е во тешка состојба.
Пукањето било во близина на курдски центар, јави БФМТВ. Напаѓачот бил приведен, засега не се познати мотивите за нападот. Полицијата ги повика жителите на тој де од Париз да избегнуваат таа област (10 арондисман) за движење.
ALERTE – Fusillade à Paris : plusieurs blessés dans le 10eme arrondissement.
Претседателот на Прогресивната демократска партија Ненад Рашиќ денеска е именуван за министер за заедници и враќање во Владата на Косово. Одлуката за именувањето ја потпиша косовскиот премиер Албин Курти.
Поранешниот претседател на Уставниот суд на Косово, Енвер Хасани изјави дека со одлуката за именување на Ненад Рашиќ на функцијата министер за заедници и враќање е прекршен Уставот на Косово.
Портпаролот на високиот претставник на Европската унија за надворешна политика, Петер Стано рече дека е од витално значење Приштина да ги почитува сите неопходни чекори при назначувањето министри кои ја претставуваат немнозинската заедница.
Претседателот на Србија Александар Вучиќ истакна дека тоа е „беден антисрпски однос“ што го покажа ЕУ и дека она што го направи „терористичкото ѓубре Албин Курти“ заслужува осуда.
Претседателот Александар Вучиќ и се обрати на јавноста по одлуката на Албин Курти противуставно и против Бриселскиот договор да го именува Ненад Рашиќ за министер за заедници и како што рече, срамните реакции на Европската унија на тој потег.
Вучиќ истакна дека изјавата на Брисел е срамна и дека тоа е најблагиот збор што може да се употреби.
– Изборот на Рашиќ, човек кој освои помалку од 1 процент, како и на Рада Трајковиќ, која беше на неговата листа, покажува дека тие сакаат прогон, протерување и исчезнување на Србите на Косово и Метохија. А сега да кажам неколку работи пред официјалното обраќање и средба со еврокомесарот (Оливер) Вархеји, ако воопшто дојде до тоа – рече Вучиќ.
Претседателот на Србија истакна дека тоа е „беден антисрпски однос“ што го покажа ЕУ и дека она што го направи „терористичкото ѓубре Албин Курти“ заслужува осуда.
-Молчев со месеци и години трпејќи глупости од сите во регионот и светот. Тоа терористичко ѓубре требаше да ја добие заслужената осуда од Европската Унија. Се разбира, не ја доби. Доби нешто што можеби никој не може да го разбере. И така постојано се однесуваат, не само што ги прекршуваа нормите на Бриселскиот договор, меѓународното јавно право и сите демократски норми – рече претседателот.
Вучиќ посочи дека е „во согласност со интересите на една европска сила“ некој да го спроведе против Србите.
– Ги избраа најлошите српски ѓубриња, од дното на кофата, Рашиќ и Рада Трајковиќ, нема полоши, кои немаат доверба од никого во Србија, но имаат доверба од Албин Курти и западните агентури. Мислат дека ќе не исплашат. Нема проблем. Можете да го уништите претседателот на Србија, да организирате протести во Србија, да ме убиете. Но, за мене Косово и Метохија се најголемото српско светилиште. За мене Србија е светост. Подобро е да ме нема, отколку да ви го предадам, а јас нема да ви го предадам. И затоа никој од Србија нема да биде во Тирана, а вие убаво дојдете, патувате со авион, зборувате глупости и лупетајте, сите вие од Европа и од Западен Балкан – рече тој.
Претседателот рече дека можат „да трескаат дека Србија е виновна“, но дека тоа не го интересира.
– Па да видиме што ќе направите и како ќе го направите. Тогаш следниот пат кога ќе и се обратите на Србија, грижете се за тоа што е усвоено во Брисел, грижете се за граѓаните на Србија, бидејќи тие не се деветта дупка во ничие свирало и нема да дозволам да ги понижувате. Србија е сама на себе. Имаме проблеми во енергетиката, за што ќе им кажам на граѓаните во сабота – рече Вучиќ, и им испрати порака на Курти и Брисел.
– А до терористичките ѓубриња: погрижете се да не повредите ниту еден Србин, заедно со овие квислинзи што ги избравте. Оти Србите ќе знаат да ви одговорат. А вие од Европа, срам да ви е, а тоа е ситница во споредба со она што сакам да ви го кажам – заклучи претседателот и најави дека во сабота ќе и се обрати на јавноста.
Курти го назначи Ненад Рашиќ за министер за заедници и враќање
Претседателот на Прогресивната демократска партија Ненад Рашиќ денеска е именуван за министер за заедници и враќање во Владата на Косово, јавува Медиа центар Чаглавица.
Одлуката за именувањето ја потпиша косовскиот премиер Албин Курти.
Местото министер за заедници и враќање е испразнето речиси еден месец, откако поранешниот министер од Српската листа, Горан Ракиќ поднесе оставка, во моментот кога политичките претставници на Србите ги напуштија косовските институции, како и Србите од северот на Косово, поради одлуката на косовската влада за регистерските таблички.
Листата на Рашиќ Граѓанска иницијатива Слобода, правда и опстанок на последните парламентарни избори, според резултатите што ги објави Централната изборна комисија, освоила 1.508 гласови или 0,173 отсто на цело Косово.
На истите избори Српска листа имаше 44.407 гласови. На листата на Рашиќ на тие избори се најде и претседателката на Европското движење на Србите од Косово и Метохија, Рада Трајковиќ.
Во 2020 година, за време на првото свикување на владата на Албин Курти, Рашиќ беше назначен за советник на премиерот во Канцеларијата за заедници. Тој поднесе оставка во април истата година, откако против него беше покренато обвинение.
Курти потоа се појави заедно со Рашиќ на прес-конференцијата.
“Секогаш го ценев и го ценам за неговата коректност и одлучност, убеден сум дека и тој придонесе за Косово и граѓаните на Србија“, изјави тогаш Курти.
Тој тогаш изјави и дека е убеден дека Рашиќ не е виновен за она за што е обвинет.
„Верувам во невиноста на Ненад Рашиќ. Станува збор за старите процеси на власта во Косово. А станува збор за обвиненија кога не се обвинети лидери, туку луѓе кои се таму во третиот и четвртиот круг и секогаш се избегнува суштината на проблемот, господинот Рашиќ денеска ми поднесе оставка, со жалење ја прифатив неговата оставка“, изјави тогаш Курти.
Во меѓувреме, Рашиќ изјави дека му е жал што тоа се случило и се изјасни за невин.
Во обвинението покренато против Рашиќ и другите се обвинети за злоупотреба на положбата во врска со четири хидроцентрали за време на приватизацијата на дистрибуцијата на КЕК.
Основниот суд во Приштина пред неколку дена одлучи да ги ослободи четворицата поранешни владини министри, Мимоза Кусари-Љиља, Ненад Рашиќ, Бесим Беќај, Дардан Гаши, како и Фљанза Хоџа и Арбен Џука.
Хасани за именувањето на Рашиќ: Нарушен е Уставот на Косово
Поранешниот претседател на Уставниот суд на Косово, Енвер Хасани изјави дека со одлуката за именување на Ненад Рашиќ на функцијата министер за заедници и враќање е прекршен Уставот на Косово.
Хасани за Косово онлајн изјави дека со оваа постапка е прекршен членот 96 точка 5 од Уставот на Косово, кој е експлицитен и вели дека секое повторно именување на нов министер од заедница која не е мнозинство во Косово бара консултација со политичките сили кои ги претставуваат таа малцинска заедница.
„Се уште се работи за човек кој воопшто не е пратеник во косовскиот парламент, Уставот јасно кажува дека, кога се работи за министер кој не е пратеник, мнозинството пратеници на таа малцинска заедница т.е. 50 отсто плус 1 мора да го кажат своето мислење за ова прашање“, рече Хасани.
Хасани е сигурен дека Уставниот суд ќе ја укине одлуката за именување на Ненад Рашиќ за министер за заедници и враќање.
“Не сакам да верувам дека Уставниот суд ќе поддржи таква одлука“, заклучи Хасани.
Бараљиу за именувањето на Рашиќ за министер: Уставниот суд ќе го има последниот збор
Професорот по уставно право Мазлум Бараљиу, во врска со назначувањето на Ненад Рашиќ за министер за заедници и враќање, рече дека косовскиот премиер Аљбин Курти има право да назначи поединец кој не е дел од косовскиот парламент доколку нема коалиција со малцинските партии.
Бараљиу за Косово онлајн изјави дека Српска листа секако има право на жалба и дека Владата на Косово и премиерот прво треба внимателно да ја анализираат таа одлука.
„Во Уставот постои основа за таква одлука, бидејќи во него стои дека, доколку нема коалиција со малцинските партии, тогаш дури и од општеството, на министерската позиција може да се постави секој човек кој се смета за угледен и авторитетен. Српска листа реши да се откаже од своето право. Правото не е обврска,туку опција. Ако еднаш се пропушти тогаш може да се избере друга опција според принципите на толкување на законот бидејќи се работи за истото претставување од истата заедница“, смета Бараљиу.
Тој додава дека Српската листа никогаш не требало да се откаже од своите права како малцинска партија.
„Српската листа требаше порано да се сети дека треба да го искористи своето право. Но, таа не беше во коалиција со владата на Курти, дури и министерот Ракиќ постојано зборуваше јасно и гласно против косовската влада и нејзините постапки. Тие доброволно се откажаа од уживањето на неговите права. ” додаде тој.
Според него, последниот збор ќе го има Уставниот суд, кој, како што наведе, не е константен и постои во своите одлуки.
Стано: Белград и Приштина итно работат на враќање на Србите во институциите
Портпаролот на високиот претставник на Европската унија за надворешна политика, Петер Стано, денеска ги повика Белград и Приштина да работат во согласност со обврзувачките договори за дијалог, како и на итно враќање на косовските Срби во сите приштински институции, јавува РТС.
Како одговор на назначувањето на Ненад Рашиќ за министер за заедници и враќање за Танјуг, Стано рече дека е од витално значење Приштина да ги почитува сите неопходни чекори при назначувањето министри кои ја претставуваат немнозинската заедница.
„Од витално значење е сите министерски назначувања да бидат во согласност со Уставот на Косово и во овој конкретен случај го повикуваме Косово да се погрижи да се следат сите неопходни процедурални чекори при назначувањето министри кои ја претставуваат немнозинската заедница“, изјави Стано за Танјуг.
Во име на Европската унија, Стано ги повика двете страни да работат во согласност со обврзувачките договори за дијалог.
„Ги повикуваме двете страни итно да работат на враќање на косовските Срби во сите косовски институции, во согласност со обврзувачките договори за дијалог, а сите заинтересирани страни да се воздржат од каква било акција што би довело до зголемување на тензиите во и онака кревката безбедносна состојба“, нагласи тој.
Рашиќ: Именувањето е законско
Новиот министер во скосовската влада за заедници Ненад Рашиќ, за Нова С изјави дека неговото именување е легално, бидејќи тие се дел од косовскиот парламент. Тој наведува дека би требало согласност од Српската листа од 6 од 9 преставници во Парламентот, ако се во Парламентот, но тие веќе не се во Парламентот и затоа не е потребна нивна согласност.
-Во изминатите 10 години цело време не тераат на интеграција, а сега одеднаш се бара дезинтеграција Тоа не е патот по кој ќе се решаваат прашањата на заедниците во Косово, посочи Рашиќ.
Рада Трајковиќ: “Почеток да се охрабрат луѓето да ја сменат власта во Белград“
Рада Трајковиќ, советник на новоименуваниот косовски министер за заедници и враќање, Ненад Рашиќ, изјави за KoSSev дека политиката на Вучиќ, како и на Милан Радоичиќ, нема да има влијание врз неа и работата на Рашиќ и дека еден од нејзините приоритети ќе биде „рушење на монополот на Српската листа со ментално промовирање на Србите“.
Во изјава за KoSSev по нејзиното назначување, Трајковиќ, кога станува збор за нејзините идни активности во советувањето на новиот министер, вели дека нејзините интереси се насочени на три области: еднаква поддршка и внимание на Србите кои живеат јужно и северно од Ибар, како и како оние кои се протерани, а сакаат да се вратат, потоа транспарентност во дијалогот, а трет приоритет е „рушење на монополот на Српската листа над националната промоција на Србите“.
Зборувајќи конкретно за работата на поранешниот министер, т.е. за претходникот на Рашиќ, Трајковиќ вели дека, што се однесува до неа лично, работата на Горан Ракиќ била „дело на Милан Радоичиќ“.
„Радоичиќ повеќе нема да има никакво влијание врз она што се прави. Тоа е најважно, да ги исклучиме криминогените елементи од нашата работа“, оцени Трајковиќ.
Трајковиќ истовремено наведува дека отсега нема да има влијание на политиката на српскиот претседател.
„Сепак, преку господинот Рашиќ и какви и да се моите механизми на влијание врз него, политиката на Вучиќ нема да има никакво влијание врз нас. Дел од влијанието му беше одземено, тоа е голема работа за мене“, тврди Трајковиќ.
Таа, исто така, ја гледа оваа ситуација како почеток или обид да се „охрабрат луѓето да ја сменат власта во Белград“ во остатокот од Србија.
Истовремено, таа го толкува како порака до опозицијата во Белград дека меѓународната заедница „нема да помогне да се смени Вучиќ со истите политики на Вучиќ или со луѓето и опозицијата кои му се блиски“.
“Очекувам поддршка од дел од опозицијата и секако зајакнување на опозицијата во Белград“, изјави Трајковиќ, но уште еднаш подвлече дека понекогаш „имаме чувство дека Вучиќ е во широка коалиција со дел од опозицијата“.
„На пленарната седница на Собранието на Косово вчера беше расправано повторно околу прашањето некои од членовите на ‘Кумановската група’ да се вратат во Косово и таму да ги доиздржат своите затворски казни.“ – објавија весникот „Лајм“ и други медиуми на албански јазик.
Инаку, „случајот со групата од Куманово“ е судирот на 9 и 10 мај 2015 година во кумановското „Диво насеље“ меѓу специјалната единица „Тигар“ на македонската полиција и упаднатите припадници на вооружената група од Косово, кога загинаа осум полициски специјалци, а ранети беа 37. Беа убиени и 14 припадници на косовската група. Во судскиот процес 33 лица беа осудени за тероризам и терористичка организација: на казна доживотен затвор се осудени осуммина обвинети, а 13 обвинети добија казна од 40 години затвор. На казна затвор од 20 години се осудени петмина, на 18 години еден обвинет, а по двајца добија казна затвор од 14, 13 и 12 години. Уште поранешниот косовски премиер Рамуш Харадинај во август 2018 година имаше побарано овие затвореници за тероризам да бидат екстрадирани во Косово и остатокот од казната да го одлежат во косовските затвори.
Во врска со расправата околу затворениците за „Диво насеље“ информативниот портал „ин7“ објави: „Хисен Бериша, пратеникот на Демократската партија на Косово, врз основа на чие парламентарно прашање и беше покрената оваа дебата во Парламентот, побара од премиерот Курти да каже што сториле косовските институции, за да осудениците не се сметаат како терористи.“
Информативната агенција ИНА пишува: „Во врска со затворениците за Куманово косовскиот премиер Албин Курти рече дека предметот против нив е во Врховниот суд на Македонија и оти се уште нема никакво барање за префрлање на ниту едно лице за издржување на казната во Косово. ‘Постапката за префрлање започнува со барање на лицето, кое ја издржува казната. Засега официјално немаме ништо такво. На средбите што ги имавме го покренавме ова прашање, за да се расправа за него.’ – кажа Курти во Собранието на Косово.“
„Лајм“ дополнува: „По оваа парламентарна дебата во косовскиот парламент реагираше ‘Кумановската група’ преку Ислам Ќерими, брат на еден од осудениците. Тој го пренесе реагирањето на групата осуденици: ‘Одлуката на Врховниот суд се очекува во наредните недели. Бараме случајот да се врати на повторно разгледување во првостепениот суд и да се отстранат квалификациите ‘тероризам’ и ‘терористичка група’, бидејќи се тие неосновани и се неаргументирани! Во врска со барањата / изјавите на многу пратеници / политичари, или други лица, дека припадниците на „Кумановската група’ треба да бидат вратени во Косово и таму да ја издржуваат затворската казна, изјавуваме дека тоа не сме го побарале никогаш и оти ниту планираме да бараме такво нешто! Ќе бараме правда пред највисоките меѓународни инстанци се додека не се исцрпат сите правни средства.“
Косовскиот весник „Бота сот“ објави нови детали во врска со вчерашното апсење на петте лица осомничени за терористички напади во Косово.
Бота сот“ пишува: „Специјалното обвинителство на Косово соопшти дека при апсењето била пронајдени експлозивни материјали, огнено оружје, еден дрон, како и антитенковско оружје. Медиумите дознаваат дека меѓу уапсените бил и Ардијан Гјурај од градот Пеќ.
Гјурај и е познат на правдата во Косово. Тој беше уапсен на 12 декември 2015 година во Газиантеп, во Турција и бил обвинет за кривични дела, кои го поврзуваат со тероризам. Гјурај беше прогласен како виновен на 12 февруари 2018 година, каде што и беше осуден на затворска казна од една година и пет месеци. Во пресудата му било засметано и времето поминато во притвор од 5 септември 2016 година. Но, Апелацискиот суд го ослободил Ардијан Гјурај од обвинението за кривични дело, кое го поврзувало со тероризам. Потоа Ардијан Гјурај го сменил презимето во Ќеркинај.“
„Според обвинителниот акт, Ардијан Гјурај во годините 2014 – 2015, живеејќи во Германија, бил поддржувач на идеологијата на терористичко – екстремистичката организација ‘Исламска држава’. Неговиот татко Кујтим Ќеркини го пријавил во полиција Ардијан, а германската полиција го депортирала во Косово на 18 април 2018 година. Но, сепак, според обвинителниот акт, во декември 2015 година Ардијан Гјурај отпатувал кон Турција со групата на организацијата ‘Лиза – Р’. Во Турција тој бил разделен од групата и потоа го имал продолжено патувањето кон Сирија, каде што и се придружил на групата на Косовци – припадници на Исламската држава.“
„Во обвинителниот акт се наведува дека Ардијан Гјурај бил упасен од турските власти на 25 февруари 2016 година откако ја минал илегално границата Сирија – Турција, влегувајќи на територијата на турската држава. Обвинителниот акт објаснува дека на турските власти кои го упасиле Гјурај, тој им бил пријавен како државјанин на Русија со име и презиме Ашаб Арсаев, а на 5 септември бил депортиран во Косово.“
Инаку, „Бота сот“ претходно во текот на вчерашниот ден попладнето имаше објавено: „Пет лица се уапсени под сомневање дека подготвувале терористички напади во Косово. Информативниот портал ‘Kallxo’ од Косово дознава дека станува збор за група исламски радикални милитанти, кои планирале да вршат терористички акти во Косово. Извори на медиумите велат дека петте членови на групата се Албанци и оти двајца од нив биле и порано апсени како дел на исламски радикални групи. Се уште не е јасно дали групата била дел, или дали имала врски со Исламската држава, или со други терористички организации.
„Екрем Лутфиу, портпаролот на Специјалното обвинителство на Република Косово изјави: „Специјалното обвинителство на Косово соопштува дека по неколкумесечна истрага и по спроведувањето на тајните мерки на истрага и следење, со наредба на ова обвинителство е развиена операција од страна на косовската полиција, односно од Управата против тероризам, која резултираше со апсењето на петте лица. Специјалното обвинителство известува дека при апсењето се пронајдени експлозивни материи, огнено оружје, дрон, како и антитенковско оружје. Постои основано сомневање дека уапсените лица сториле кривично дело ‘подготвување на терористички дела или дела против уставниот поредок и безбедноста на Република Косово. Ова обвинителство во рамки на законскиот рок ќе поднесе барање за определување притвор за петте уапсени лица“. – објави „Бота сот“
Доцна синоќа, Владата на Република Македонија, успешно го заврши процесот на репатријација на државјани на Република Македонија од Сирија и Ирак за 4 мажи – странски терористички борци, 5 жени и 14 деца.
Процесот е спроведен согласно обврските на Република Македонија кои произлегуваат од меѓународното право, меѓународното право за човекови права, меѓународното хуманитарно право, стандардите и резолуциите на Советот за безбедност при Обединетите нации, информираа владините служби.
„Против четворицата странски терористички борци, по претходно обезбедени докази од страна на Министерството за внатрешни работи – Бирото за јавна безбедност, и во координација со Агенцијата за национална безбедност, поднесени се соодветни кривични пријави во согласност со националното законодавство. Поради нивна недостапност на органите на прогонот, за истите имаше распишано меѓународни потерници, а во нивно отсуство, определена е мерка притвор, со решение на надлежен суд“, стои во владиното соопштение.
Надлежните соопштија дека репатрираните жени и деца ќе подлежат на четиринаесет дневен здравствен карантин на доброволна основа и неопходни лекарски прегледи, согласно Законот за заштита на населението од заразни болести, со цел заштита на јавното здравје.
Во наредниот период, надлежните служби ќе работат на обезбедување докази за можно учество во инкриминирани дејствија, за секој случај поединечно. Со исклучување на можноста за нивна вклученост во дејствија кои подлежат на казнено – правна одговорност, почитувајќи го во целост начелото на доброволност, ќе отпочне процесот на нивно рехабилитирање, ресоцијализирање и реинтегрирање во заедницата, односно во општеството.
Сите мерки и активности кои се преземаат од страна на институциите се базираат на обврските од Националниот план и процедурите за реинтеграција, ресоцијализација и рехабилитација на повратници од странски војски и членови на нивните семејства, усвоени од страна на Владата на Република Македонија, а за чија координација и имплементација е надлежна Канцеларијата на Националниот координатор за спречување на насилен екстремизам и борба против тероризам.
Република Македонија, како членка на НАТО и Глобалната коалиција за борба против ИСИС, во соработка со нашиот стратешки партнер САД, останува посветена во примената на највисоките стандарди во борбата против насилниот екстремизам и тероризмот, со цел осигурување на безбедност, сигурност, стабилност и просперитет на највисоко ниво за граѓаните на нашата земја и пошироко во регионот, велат од владата.
По спроведена сеопфатна истражна постапка, надлежен јавен обвинител од Основното јавно обвинителство за гонење на организиран криминал и корупција, денес до Основниот кривичен суд – Скопје достави Обвинителен акт против петмина жители на Куманово и тројца скопјани. Според дејствијата опишани во Обвинителниот акт, Б.Г.(28), Р.А.(31), С.И(31), А.С.(21) и Ј.К.(25) сториле кривично дело – Терористичка организација од член 394-а ст.2 во врска со ст.1 од Кривичниот законик, обвинетиот Б.Ф. (33) сторил едно кривично дело – Терористичка организација од член 394-а ст.2 во врска со ст.1 и едно кривично дело – Служба во непријателска војска од член 322 став 1 од Кривичниот законик, Д.А. (21) е обвинет дека сторил кривично дело – Неовластено изработување, држење, посредување и тргување со оружје или распрскувачки материи по член 396 ст.1 од Кривичен законик и обвинетиот И.М.(23) сторил кривично дело – Неовластено изработување, држење, посредување и тргување со оружје или распрскувачки материи по член 396 ст.2 во врска со ст.1 од Кривичниот законик.
Во периодот од 2019 и 2020 година, на територијата на нашата земја, обвинетите Б.Ф., Б.Г., Р.А., С.И., А.С. и Ј.К., станале припадници на злосторничка организација – терористичка организација „ќелија“со основи на идеолошка матрица на познатата терористичка организација ИСИС, создадена во почетокот на 2019 година од страна на претходно обвинетиот Б.А. Прифаќајќи го криминалниот план на злосторничката организација – терористичка група „ќелија“ секој од нејзините членови имал конкретни задачи, па така обвинетите Б.Ф. и Б.Г. добивале конкретни задачи од обвинетиот Б.А., при што му обезбедувале логистичка поддршка и имале задача, заедно со уште тројца претходно обвинети, да обезбедат патничко моторно возило со кое ќе го пренесуваат и објекти во кои ќе го држат оружјето, муницијата и воената опрема, да изработуваат импровизирани експлозивни направи, собирале информации за движење и вршеле опсервирање на објекти и локации. Обвинетите Р.А., С.И. и А.С., како припадници на групата учествувале и во активности на собирање и обезбедување на информации од значење за целите на терористичката група и вршеле опсервирање на објекти и локации. Обвинетиот Ј.К. пак, вршел собирање, едитирање и титлување на преводи, од арапски на албански јазик, на видеа од боиштата во Сирија и Ирак и од извршените терористички напади во Франција и Шпанија, како и снимки во кои се прикажува начинот на изработка на експлозивни направи, на извршување напад врз лица, на безбедно користење на интернет апликации за комуникација и снимки со декапитација на жртвите на ИСИС/Исламска држава, со што овозможил пристап на поголем број на луѓе до ваквите радикални содржини.
Врз основа на доказите прибавени во истрагата, обвинителството дојде до сознанија дека обвинетиот Б.Ф., како граѓанин на Република Македонија, во периодот од 4.05.2014 година до 2.06.2014 година, за време на вооружен судир активно учествувал во активностите во непријателската вооружена формација терористичка организација Исламска држава – ИСИС, каде во евиденциите на ИСИС е заведен како борец.
Воедно, во спроведената истражна постапка обвинителството утврди дека во текот на 2020 година во Куманово, обвинетиот Д.А. неовластено држел огнено оружје – пиштол марка „Застава“ со калибар 7.62 мм, што неовластено го продал на претходно обвинетиот В.А., а во истиот период во с.Табановце, Кумановско, обвинетиот И.М. неовластено држел огнено оружје – автоматска пушка со калибар 7.62 мм, автоматски пиштол „Шкорпион“ со калибар 7.65 мм, кое оружје им е забрането на граѓаните и огнено оружје – марка „Застава“ со калибар 7.62.
Со опишаните дејствија обвинетите ги сториле кривичните дела што им се ставаат на товар. Имајќи ги предвид мотивот за сторувањето на делата, односно создавање чувство на несигурност и страв кај граѓаните, како и тоа дека се уште постојат околностите врз основа на кои била определена и продолжувана мерката притвор, а особено фактот дека постои опасност обвинетите доколку останат да се бранат од слобода да ги повторат кривичните дела што им се ставаат на товар, со Обвинителниот акт, предметниот обвинител до Основниот кривичен суд – Скопје достави и Посебен предлог. Во предлогот заради обезбедување на присуство на обвинетите и непречено водење на кривичната постапка, се предлага на судот мерката притвор спрема шестмина обвинети да биде продолжена, додека за двајца обвинети е предложено мерката притвор да биде заменета за поблага мерка – куќен притвор.
Следната недела, ако пратениците кажат „да“, Србија ќе добие Закон за формирање национална терористичка база, кој, според проценките, би можел да содржи околу 6.000 имиња на оние кои биле обучени за ваков вид криминална активност во последните 20 години!
На седницата на Републичкиот парламент, на 9 јуни, ќе биде презентиран Предлог-законот за национална база на податоци за спречување и борба против тероризам, чие изготвување трае веќе три години, а предлагач е Министерството за правда.
Законот предвидува посебна платформа во која МВР, МНР, БИА, ВБА и Глас на Америка, МО, управата за спречување перење пари, републичкото ЈО и обвинителството за организиран криминал ќе внесат податоци од нивните постојни записи кои ќе се вкрстат. Не само оние осудени за тероризам, туку и сите оние за кои има оперативни податоци дека се поврзани со терористички организации и активности. Затоа, тоа ќе биде база на податоци за специфични лица и организации, кои се наоѓаат на домашната и меѓународната листа на терористи, терористички организации или терористички финансиери, вклучувајќи ги списоците на ООН и другите меѓународни организации во кои членува Србија.
БИА ќе има улога на корисник и администратор, ќе има и хардвер и софтвер. Во исто време ќе го контролира пристапот до класифицирани информации со спроведување на мерките за безбедност на информациите. Индивидуалните услуги, односно врските и терминалите, ќе бидат достапни на другите корисници, кои имаат обврска да ги внесат и ажурираат постојните информации што е можно поскоро.
Името и презимето на осомничениот, обвинетиот или осуденото лице ќе бидат внесени, како по раѓањето, но и новото име ако ги сменил личните податоци, тогаш прекар и лажно име или псевдоним, имиња на родители, датум и место на раѓање, матичен број, пол, државјанство, последен и претходен престој, поврзаност со видови на терористички организации или активности или на кој било друг начин го поддржува тероризмот, информации за организацијата …
Доколку тоа го бараат посебни причини за заштита на податоците или лицата, внесените информации се чуваат на таков начин што корисниците на Националната база на податоци не можат да идентификуваат за кого станува збор. Тие можат да испратат барање до органот што ги внел шифрираните податоци, што, пак, може да одговори или не. Тој исто така може да одговори негативно ако бараните податоци се однесуваат на тековната работа или се должи на заштитата на изворите, објави Новости.
БИА е должна да воспостави соодветна евиденција за времето и предметот на пристап, како и за овластеното лице во телото што пристапило до базата на податоци. Министерството за правда врши надзор над спроведувањето на законот, а комесарот за заштита на личните податоци ја надгледува обработката на информациите. Националната база ќе се формира во рок од една година од стапувањето во сила на законот.
– Со воспоставувањето на Националната база на податоци за спречување и борба против тероризмот, Србија е рангирана меѓу безбедносните ретки и сериозни земји во борбата против оваа чума – вели проф. Д-р Мирослав Бјеговиќ, специјалист по тероризам и организиран криминал.
– Државните тела чиј опис на работното место вклучува превенција, заштита, откривање и елиминирање на терористички закани, кривично гонење и одговор на нашиот систем за национална безбедност на можен терористички напад, ќе бидат вмрежени и ќе внесуваат информации за поединци, терористички групи и организации. Во оваа фаза, покрај кривично гонетите лица, ќе бидат внесени и имињата на оние кои имале контакт со терористички ќелии, потенцијални помагачи или сторители, рче тој.
Според него проф. Бјеговиќ, ова не ја нарушува презумпцијата на невиност, туку само води евиденција. Тој додава дека државните органи ќе бидат одговорни за кредибилитетот и исправноста на внесување тајни податоци, т.е. поединци кои ги внесуваат врз основа на сертификати издадени од Канцеларијата на Советот за национална безбедност на РС.
– Безбедносниот предизвик во Србија денес е областа Санџак и Косово и Метохија, каде од 1998 година се регистрирани повеќе од 6.000 кои поминале воено-терористичка обука во 12 логори, од кои најпознати се во околината на Скендерај и Качаник – вели проф. Бјеговиќ.
– Многумина поминаа низ бојните полиња на Сирија и Ирак, како продолжена рака на терористичката Ал Каеда, и се вратија на Косово и Метохија, додека некои останаа во областа на јужната провинција. Ова може да биде безбедносна закана не само за Србија, туку и за земјите од ЕУ, бидејќи припадниците на овие терористички ќелии учествуваа во акции низ цела Европа. Мислам дека на европските земји им е јасно од каде доаѓа нивната непосредна опасност и дека треба да го решат ова зло со здружување на силите со Србија.
Само од селото Качаник се регистрирани над 300 можни терористи. Во соседна БиХ има голем број џихадисти, кои доаѓаат од сириските и од другите боишта.
Според последните достапни податоци на Републичкото биро за статистика од 2019 година, таа година осум обвинети се осудени за тероризам или терористичко здружување: половина од нив биле затворени од 5 до 10 години, а другата половина на 10 до 15.
Терористичко загрозување на уставниот поредок и безбедноста Член 313 КЗ на РСМ Тој што со намера да го загрози уставниот поредок (ЧИТАЈ: мирна транзиција на власт) или безбедноста на Република Северна Македонија (ЧИТАЈ: упад во законодавниот дом) ќе предизвика или сериозно ќе се закани со предизвикување експлозија (ЧИТАЈ: пронајдени импровизирани експлозивни направи во Собрание на РСМ по 27. април), пожар, поплава или друго општоопасно дејствие или акт на насилство (ЧИТАЈ: обид за егзекуција, тепање и држење заложници на народни избраници), создавајќи чувство на несигурност или страв кај граѓаните (ЧИТАЈ: со намера или закана да предизвика граѓанска војна), ќе се казни со затвор најмалку десет години (ЧИТАЈ: НАЈМАЛКУ). Ма, какви уставобранители. Терористи и ништо помалку од тоа.
