Во денешните разорни земјотреси во Турција и Сирија загинаа најмалку 3000 луѓе.
Сеизмологот Славица Радовановиќ за српски Б92, вели дека нема директна опасност за Србија, бидејќи земјата е на „периферијата“ и е последна во низата земји кои се загрозени по денешните потреси во Турција.
Но, таа објаснува дека анадолската плоча е поврзана со нашиот регион и дека во процесот на притисок и поместување може да се очекува зголемување на сеизмолошката активност на Балканот.
Радовановиќ потсетува на случајот од 1939 година кога разорен земјотрес со јачина од 7,8 степени, со иста јачина како овој сега, ја погоди Турција и предизвика смрт на речиси 20.000 луѓе. Една година подоцна, во ноември 1940 година, разорен земјотрес со јачина од 7,7 степени според Рихтеровата скала ја погоди Романија и предизвика смрт на стотици луѓе, додека стотици згради се урнаа до темел.
Секоја активност на анадолската плоча предизвикува активност и на Балканот, но, според Славица Радовановиќ, Србија е најмалку загрозена, додека последиците од денешниот разорен земјотрес во Турција може да се очекуваат во Грција или Романија во блиска иднина.
– Дваесет и четири припадници на Армијата, меѓу кои и две лица водачи на службени кучиња со кучиња, 10.000 ќебиња и 200 санитетски носила се испраќат за помош во Турција по силниот земјотрес што вчера ја погоди земјата.Од Дирекцијата за заштита и спасување се испраќаат 40 лица – припадници на републичките сили за заштита и спасување, со комплетна специјализирана опрема и материјално – технички средства за пребарување и спасување од урнатини, шест возила за транспорт на опремата и луѓето и две противпожарни возила.Министерството за финансии е задолжено до Владата да достави одлука за одобрување средства од резервите на Буџетот на Република Северна Македонија за 2023 година, во износ од 6 милиони денари за помош на настраданите во катастрофалниот земјотрес.
Армијата на Северна Македонија подготви и веќе упатува обучен тим за пронаоѓање и спасување, составен од припадници на баталјонот за специјални сили и двајца водачи со службени кучиња обучени за трагање од командата за обука и доктрини.
– Ќе го вложат својот максимум и обученост за спасување на човечки животи под урнатините настанати од катастрофалниот земјотрес во нашиот сојузник Туркије, соопштија од АРМ.
Синоќа министерката за одбрана Славјанка Петровска објави дека Министерството за одбрана и Армијата испраќаат итна помош за справување со последиците од катастрофалниот земјотрес.
– На предлог на Министерството за одбрана, Владата на вонредната седница донесе одлука да бидат испратени тим за заштита и спасување од Армијата, кучиња трагачи и хуманитарна помош во пријателска Турција. 22 лица од Баталјонот за специјални сили, две лица водачи и кучиња обучени за трагање наскоро заминуваат во сојузничка Турција, за да помогнат да се спасат човечки животи, под урнатините настанати од катастрофалниот земјотрес, напиша Петровска на Фејсбук-профилот по вонредната владина седница.
Министерството за финансии е задолжено до Владата да достави одлука за одобрување средства од резервите на Буџетот на Република Северна Македонија за 2023 година, во износ од 6 милиони денари за помош на настраданите.
Задолженија има и до други институции меѓу кои и до Министерството за здравство, во рамките на своите надлежности, итно да подготви и до Владата да достави одлука за обезбедување помош во вид на медицински персонал, медицинска опрема и лекови.
-Сочувствуваме со нашите пријатели за ужасните последици од земјотресот и ќе преземеме сѐ што е можно во напорите за спасување животи од урнатините и поддршка на настраданото население, напиша премиерот Димитар Ковачевски на својот фејсбук-профил.
Владата вчера на вонредна седница донесе одлуката за испраќање итна помош во Турција по катастрофалниот земјотрес во којшто има голема загуба човечки животи, повредени и голема материјална штета. Според последните информации, во земјотресто животот го загубиле најмалку 4.800 лица.
Девет пожарникари со две возила од Територијалната противпожарна единица-Тетово ќе заминат во Турција за да помагаат во справувањето со последиците од земјотресот во југоисточниот дел од земјата. Тие имаат опрема за пребарување и спасување на луѓе под урнатини.
-Во знак на солидарност и поддршка, група од девет лиценцирани лица за елементарни непогоди од Територијалната противпожарна единица Тетово, со противпожарна и опрема за пребарување и спасување заминаа за југоисточниот дел на Турција за да му помогнат на турскиот народ. Тетово ја споделува и сочувствува со големата болка на турскиот народ и оваа огромна трагедија што ја зафати Турција, порача градоначалникот на Тетово, Биљал Касами.
Според командантот на единицата Авни Амети пожарникарите се обучени за ваква намена за пребарување и извлекување на луѓе во случај на земјотрес.
Бројот на загинати од серијата земјотреси во Турција и Сирија продолжува да расте. Досега, околу 20 часот по средноевропско време, потврдено е дека загинале 2.724 лица. Бројот на повредени се искачи на 13.580. Од нив, најмалку 11.119 се повредени во Турција, а 2.461 во Сирија.
Бројот на загинати во Турција е 1.651. Во Сирија тој број моментално е 1.073 лица. Од нив, 593 лица во Сирија се загинати во областите контролирани од власта на Асадт. Во областа контролирана од паравоената опозиција во Сирија, бројот на загинати се искачил на 480.
Регионот на северозападна Сирија погоден од смртоносниот земјотрес има 4,1 милиони луѓе кои се потпираат на хуманитарна помош, според Канцеларијата на ОН за координација на хуманитарни прашања (OCHA).
Повеќето се жени и деца, а покрај уништувањето предизвикано од земјотресот, сириските бегалци се борат со тековната епидемија на колера во услови на сурова зима со обилни дождови и снег во текот на викендот, според OCHA.
Се очекува бројот на загинати и ранети да продолжи да расте, бидејќи без прекин се работи на урнатините и барање преживеани лица под нив.
Според изјави на сведоците на патот во разурнатата зона има сообраќајки, луѓето бегаат кон Истанбул. Земјотресите во Турција предизвикаа невидена катастрофа, оштетени се околу 2.800 згради, меѓу кои и многу вековни историската знаменитости а псоледна спомната е Јени џамија.
„Рано наутро тргнав од Истанбул за Адана, на пат од илјада километри, сега имам уште околу 200 километри пред мене. Има сообраќајни незгоди на патот, искршени автомобили чекаат помош. Има и Црвен крст со волонтери на патот, многу амбулантни возила, времето е многу лошо, врне снег во моментов“ вели телевизиски репотер од Турција.
Некои патишта се затворени. Беа урнати многубројни историски знаменитости. Тешко е оштетена Јени џамијата во градот Малатија. Оштетени се и многу други џамии, вкупно 2.800 згради според она што досега го објавуваат медиумите.
“Слушам вести на радио. Десетина градови беа тешко оштетени, сега немаат струја, вода и интернет. Многу луѓе од тие градови бегаат во Истанбул. Тие ги бараат своите семејства. Тие се обидуваат да стапат во контакт со оние кои живеат во помалку оштетените области и привремено се преселуваат таму“.
Најголем удар имаше во Караман Меркез, сериозни штети претрпе населението во радиус од 200 километри од градот Адана.
Што светеше на небото пред земјотресот?
Во исто време кога јужниот дел на Турција го потресе силен земјотрес од дури 7,8 степени според Рихтеровата скала, на небото беа забележани молњи и експлозии на силна светлина. На снимките се снимени и некои блесоци кои сега се шират на социјалните мрежи.
Феноменот на молња за време на земјотрес се нарекува „земјотресни светла“ (EQL). Геофизичарите не се сосема сигурни зошто тоа се случува. Некои веруваат дека громот се јавува кога во близина има голема грешка, додека други велат дека се работи за електричен лак предизвикан од тресење на далноводи.
Погледнете го видеото од молњата што се појави во исто време со земјотресот во Турција:
Битола испрати тимови од спасувачи за помош на настраданите во земјотресот во Турција.
Општината Битола соопшти дека тимот за брз одговор за спасување од планина и високи објекти од Дирекцијата за заштита и спасување, подрачна единица Битола, со 5 членови ќе биде дел од УСР единицата и веќе заминуваат во подрачјето погодено од земјотресот, а доколку се појави потреба, во целосна подготвеност за интервенција се и високопрофесионалните екипи на ТППЕ Битола кои се обучени за спасување од урнатини и земјотреси.
„Хуманоста, солидарноста и одговорноста во ваквите мигови е неопходна. Подготвени сме да бидеме поддршка на луѓето кои во моментот се соочуваат со големи човечки и материјални загуби“, стои во соопштението од општина Битола.
40 спасувачи испраќа Дирекцијата за заштита и спасување, обучени за барање под урнатини. Според информациите од директорот Беким Максути тие најдоцна до утре ќе заминат во Турција.
И осум пожарникари од Општина Струмица, припадници на тимот за пребарување и спасување од урнатини (USAR тим), ќе заминат во спасувачка мисија во Турција, со надеж и уверување дека ќе им помогнат на настраданите во земјотресот.
„Нашите пожарникари се специјално обучени за вакви непогоди и имаат искуство од земјотресот во Албанија“, велат од Општина Струмица.
Веднаш се отворија телефони за донација, а се објавија сметките на Црвениот крст. Еве како може да донирате.
На телефонските броеви 143 400 на Македонски Телеком и А1 – Донација од 100 денари со повик.
Сметката на Фондот на солидарноста на Црвениот крст на РСМ: 300000001327966, даночен број: 4030984271620 АД Комерцијална банка со назнака: помош за населението во Турција и Сирија.
За донации на средства во странска валута:
Name of the organization: Red cross of the Republic of North Macedonian
Bank name: Komercijalna banka AD Skopje
Bank address: ul. Orce Nikolov no.3, 1000 Skopje, Macedonia
Bank account: 300000000000133 25730522-11
Swift code: kobsmk2x
Iban code: mk07300701000001228
Никој не остана рамнодушен на страшните слики од погодените градови. Граѓаните повикуваат на солидарност и хуманост. Македонија од секогаш знаела да подаде рака и помогне.
„Да покажеме дека сме благодарни што светот нам ни излезе во пресрет при катастрофалниот земјотрес во Скопје, да се обидеме колку можеме да им помогнеме на луѓето во Турција и Сирија“, се вели во објавите на социјалните мрежи.
Дел од граѓаните и со свои иницијативи за донации.
На фејсбук групата стари скопјани е објавена иницијатива за крводарителска акција
„ Стари скопјани дали може да се отвори пункт за крводарителсво да даруваме крв за Турција“
На фејс профилот пак на Село Прдејци веќе е организирана акција за собирање на ќебиња, храна и останати потребни работи за погодените градови во Турција и Сирија
Од друга страна Советот на Град Скопје информира дека е закажана итна вонредна седница на Совет на Град Скопје за 8 февруари 2023 година (среда) со почеток во 13:00 за носење одлука за помош на настраданите во катастрофалниот земјотрес што зафати делови од Туркије и Сирија.
Два часа по вториот земјотрес со јачина од 7,5 степени според Рихтеровата скала, хрватскиот медиум јутарњи.хр комуницирал со неколку жители на турските градови кои беа погодени од него. Нивното сведоштво ви го пренесуваме во целост:
„Во Газиантеп, кој е епицентарот на хоророт, сите се очајни, а ситуацијата во градот е страшна. „Вториот земјотрес целосно ги исплаши сите и уште повеќе не‘ преплаши“, раскажува Бахри Шимшек.
„Како да дојде крајот на светот. Сè се уриваше, зградите паѓаа како кули од карти, луѓето врескаа на сите страни. Сега се чини дека црешата паѓа. Вакво нешто никогаш не сме доживеале“, вели тој. И додава дека во неговата населба се урнала зграда од 14 ката и дека неколку деца се водат за исчезнати. А домот за стари лица бил целосно уништен.
Тој се обидува да им помогне на дваесетина мали деца со мајки кои моментално немаат ниту храна ниту вода. Исклучително е тешко за болните и децата. Температурата во градот моментално се движи околу 3 Целзиусови степени и врне снег. Поголемиот дел од луѓето истрчаа од своите домови без ништо, така што многумина буквално смрзнуваат на патот, а сè уште нема доволно шатори или импровизирани сместувања. Никој не се осмелува да влезе ниту во зградите кои останале недопрени. Сите што можат им помагаат на спасувачките служби, а низ цела Турција луѓето организираат помош. Во делови од земјата кои не беа погодени од земјотресот, многумина ги отвораат своите домови за луѓето кои останаа без нив.about:blank
„Никој од мажите не избега, сите тие помагаат и одат да им помогнат на оние што повеќе страдаа“,вели Чумали Учак од Мерсин, град во југоисточна Турција. Тој додава дека во неговиот град загинале само неколку луѓе и дека две згради се урнале. Сепак, она што го преживеал го опишува како пекол и признава дека сите се целосно без памет“.
По многубројните ужасни сцени од Турција и Сирија, каде два силни земјотреса однесоа најмалку 1.900 животи, се појави фотографија која ја враќа вербата во животот.
Вирална стана фотографија од спасено бебе од урнатините на зграда во градот Малатија, Турција.
На фотографијата се гледа како маж држи бебе и го носи на безбедно, додека урнатините се насекаде околу нив.
Бебето било спасено за време на операцијата за пребарување и спасување по разорниот земјотрес, јавуваат турските медиуми.
Во исто време, продолжува потрагата по преживеани во урнатините откако два силни земјотреса со јачина од 7,7 и 7,8 степени ја погодија Турција и доведоа до голем број жртви во оваа земја и во Сирија.
Вториот земјотрес ја погоди областа Кахранманмараш, додека потреси беа почувствувани во многу градови.
Иако според сите досегашни истражувања не може да се предвидат земјотреси, научник од Холандија на 3 февруари го најави она што точно се случи во Турција во понеделникот.
Холандски истражувач од институтот SSGEOS пред три дена најави можност за силен земјотрес токму во областа каде што се случи во понеделник наутро.
Иако е невозможно да се предвидат земјотреси, за жал, застрашувачките претпоставки на Френк Хугербитс беа речиси целосно точни.
Хугербитс на својот Твитер на 3 февруари напиша дека „порано или подоцна ќе има земјотрес со јачина од 7,5 степени во регионот на јужна и централна Турција, Јордан, Сирија и Либан“, што се случи во понеделник наутро.
Иако многу веројатно се работи за чиста случајност и шпекулации, значајно е што предвидувањата на Хугербитс, за жал, се остварија речиси целосно, откако катастрофалниот земјотрес со јачина од 7,8 степени според Рихтеровата скала го погоди југот на Турција во понеделникот во 04:17 часот.
Хугербитс утринава на Твитер напиша дека сочувствува со сите погодени и додаде дека овие земјотреси се слични на оние што се случиле во 115 и 526 година, кога им претходела „критична планетарна геометрија“.
My heart goes out to everyone affected by the major earthquake in Central Turkey.
As I stated earlier, sooner or later this would happen in this region, similar to the years 115 and 526. These earthquakes are always preceded by critical planetary geometry, as we had on 4-5 Feb.
Силен земјотрес со јачина од 7,8 степени според Рихтеровата скала ја погоди централна Турција и северозападна Сирија рано утринава, при што загинаа повеќе од 500 луѓе, а стотици се повредени при уривање на згради низ регионот, што предизвика потрага по преживеани во урнатините.
Седумгодишното дете, кое беше повредено во земјотресот, беше спасено од урната зграда во турскиот град Дијарбекир, откако седум часа беше под урнатините, а снимката носи солзи во очите.
Rescue teams pulling children from the under the rubble of #collapsed buildings in northwestern #Syria
