Актерот Драган Спасов Дац е на одмор на хрватскиот остров Корчула, каде што ја запеа „Елено ќерко, Елено“ и стана хит на социјалните мрежи.
Дац привлече големо внимание со своите гласовни способности, па голем број туристи се собраа за да го снимаат македонскиот актер.
Популарниот актер покажа дека знае да пее и на хрватски, а видеото се најде на страната на фејсбук на „Дац и Александар“.
На првиот ден од годинава во Сплит стапи на сила новата одлука за комунален ред со која се пропишани поголеми казни за прекршителите, па може да се очекува летово да нема туристи во костими за капење на улиците, бидејќи ако бидат фатени според правилникот за комунален ред ќе бидат казнети со 150 евра.
Покрај одење по улица во костими за капење, глоба од 150 евра е пропишана и за оние кои пијат алкохол на јавни места, а казната за шетање куче без поводник согласно одлуката за условите и начинот на чување домашни миленици изнесува 66,36 евра за физичко лице.
Од август 2020 година, градот Дубровник има слична одлука за комуналниот ред, а минатата година првите разголени туристи платија казни од 130 евра на комуналните редари.
Сплитчани и нивните гости по улиците ќе ги надгледуваат 21 комунален редари, а уште 12 ќе чекаат во зградата на градската управа. Новата сплитска одлука за комунален ред е донесена на последната седница на Градскиот совет во 2022 година, а стапи на сила од новата година.
Меѓу важните измени за туристите е забраната за поставување електроакустични уреди на терасите на угостителските објекти во зоната А, што значи дека на тие места не може да се користат звучници и засилувачи на звукот. Како што е наведено во одлуката, дозволено е изведување музика во живо без електроакустични уреди.
Секој што нема да го почитува ова правило ќе биде казнет со 1.320 евра, одговорното лице со 300 евра, а физичкото лице со 260. Максималната казна за физичките лица е 150 евра, а за најтешките прекршоци се пропишани глоби од 300 евра.
Чадорите за сонце и тенди во беж боја и без реклами
Прецизирана е и опремата што може да се постави на терасите на угостителските објекти, така што повеќе нема да има лулашки, каучи и столчиња кои не се во согласност со урбаната опрема, а тендите и чадорите мора да бидат со неутрална беж боја и без реклами. .
Новина е што оние кои нудат брза храна не можат да имаат маси и столови на јавна површина, а во центарот на градот е забрането да се нудат разни услуги за туристите, како што беше случај во претходните сезони, кога рестораните нудеа менија.
СТАТУС на денот !
На денешен ден 41-ва во Прилеп и Куманово пукнале првите шампањска за пречек на туристите.
Автобус на српски туристички авто превозник утрово бил каменуван сред Скопје, дознава „Блиц“. Како што им раскажал менаџерот на компанијата, во автобусот се превезувале руски граѓани кои правеле тура во земјите од регионот – Србија, Црна Гора, Албанија и Македонија. По пристигнувањето во Скопје, автобусот бил паркиран во центарот на градот, а туристите и возачот отишле да преспијат. Инцидентот се случил утрово во 7 часот, ги вознемирил туристите и го загрозил продолжувањето на патувањето, додал тој.
Засега непознати сторители го оштетиле возилото и со цигли ги искршиле стаклата. Потоа провалиле во автобусот и ги украле личните работи на патниците и возачите кои биле оставени во возилото.
Веднаш по пријавата, полицијата и екипа за форензика излегоа на терен и спроведоа истрага.
Оградата од ковано железо што ја красеше вилата „Билјана“ му е вратена на српското Собрание. Станува збор за зачуван фрагмент од оградата што се наоѓал пред парламентот во Белград, во периодот од 1936 до 1956 година, по што бил демонтиран и пренесен во Охрид.
Сите српски туристи во Охрид ова лето ќе бидат ослободени од плаќање паркинг, а ваква одлука ќе биде донесена на следната седница на совет, најави вчера од Белград градоначалникот на Охрид Константин Георгиески.
Дачиќ напомена дека со овој гест ќе посветат внимание на оваа зграда и ќе одбележат 85 години од почетокот со работа и одржување на првата седница на српското Собрание.
– Јас им се заблагодарувам на министерот Бујар Османи, на градоначалникот на Охрид Константин Георгиески и на Амбасадата, што така бргу реагираа. Во последно време имавме низа чекори кои севкупно сочинуваат една коцка во мозаикот кои ја покажуваат вистинската слика како нашите односи треба да бидат братски и пријателски и би сакал така да останат и понатаму, изјави Дачиќ.
Градоначалникот Георгиевски, изјави дека примопредавањето на дел од оградата е знак на пријателство меѓу двата народа и ги покани граѓаните на Србија да го посетат Охрид.
извор: ОхридПрес
Дека Охрид е Европски бисер нема сомнеж, но дали со проценетата просечна вредност на еден одмор од десет дена на 1,500 евра ќе ги задржат македонските туристи, прашуваат во прилог од ТВ21.
„Минатата година 70% од капациетите на охридско -струшкиот регион беа исполнети со домашни туристи. Тоа беше почеток за кој треба да размислуваме за поголема концентрација на туристите од нашиот регион да се задржат во Охрид или во Струга, бидејќи има неколку фактори домашните туристи да останат во нашата држава“, истакна Љупчо Цветановски.
Еве, што велат цените кои се одлучувачки при избор на дестинација за летен одмор. Во Охрид хотелско сместување во хотел со 3 или 4 ѕвезди со појадок и вечера би ве чинело од 25 до 30 евра од ден. Во јули и август цената во хотел со 4 ѕвезди за еднокреветна соба би ве чинела 51 евро од ден, двокреветна 74 евра и трокреветна од 99 евра до 150 евра од ден или 10 ноќевања со појадок, без лежалка за 1 000 евра до 1 500 евра.
Овие цени се повисоки и од оние хотелски сместувања покрај море во Турција, Албанија, Египет каде што ова лето може да се летува со хотелско сместување ол инклузив за 300, 400 и 500 евра, каде за деца до 15 години е бесплатно.
Се чини дека сепак, на Охриѓани предизвик им се странските туристи. Балканот и Македонија се атрактивни за гостите од Америка, азиските гости, европските велат.
„Првата група која ни доаѓа е на 20 јуни што ме радува многу. Тоа е еден факт дека светот се отвора Америка ја победува короната и Американците можат слободно да патуваат во светот“, посочи Филип Стефановски.
Со 15.000 денари и годинава ќе се субвенционираат работниците со ниски приходи чии месечни примања во семејството не го надминуваат нето износот од 30.000 денари за да одат на одмор. Претходната година 12.000 денари беа определени за оваа програма.
Со цел да ја оживее својата туристичка индустрија, Малта планира да им понуди на странските посетители до 200 евра доколку летово останат најмалку три дена на медитеранскиот остров, изјави министерот за туризам Клејтон Бартоло.
Бартоло рече дека кога повеќето антипандемиски мерки ќе бидат укинати до 1 јуни, на туристите кои ќе резервираат летни одмори директно преку локалните хотели, ќе им бидат дадени пари.
Бартоло рече дека туристите кои ќе резервираат сместување во хотел со пет sвезди во текот на летото, ќе добијат 100 евра од туристичката администрација на Малта, а хотелот ќе додаде уште 100.
Во сличен аранжман, оние што ќе се определат за хотел со четири ѕвезди, ќе добијат вкупно 150 евра, а оние кои ќе резервираат хотел со три sвезди, 100 евра.
Податоците на Светскиот совет за патувања и туризам покажуваат дека туристичката индустрија директно и индиректно сочинува повеќе од 27 проценти од економијата на Малта, но тој сектор бил загрозен од пандемијата COVID-19.
Земјата привлече повеќе од 2,7 милиони странски посетители во 2019 година, но бројките се намалија за повеќе од 80 проценти од почетокот на пандемијата на вирусот корона во март 2020 година.
