Во живо од пред МВР прес конференција на министерот за внатрешни работи Оливер Спасовски во врска со случајот и убиството на младата Вања Ѓорѓевска.
Tag Archives: убиство
МОНСТРУМИ ! – Со врзани раце и нозе, во вреќа за спиење ја ставиле во гепек и ја убиле
Министерот за внатрешни работи Оливер Спасовски кажа дека ова е изолиран случај и дека нема врска со јавната безбедност генерално.
„Вакви конструкции коишто се пласирани во јавноста, дека било грабнато во парк и однесено на друго место воопшто не соодетсвуваат со вистината. Ова е изолиран случај, инцидентен случај кој што има организатори и крајна цел. Ова нема врска со јавната безбедност генерално. Ова лице, според утврдените факти е грабнато внатре во влезот на зградата, по претходно добиена информација кога излегува и дека излегува сама. Ова е сосема различно од тоа што се имплицира“, рече Спасовски.
Тој додаде дека е апсолутна лага дека заради самитот на ОБСЕ воопшто не се постапувало по барањето на девојчето или дека не објавиле јавно.
„Ниту јас како човек, ниту никој Полицијата или во Јавното Обвинителство нема да дозволи заради одржување на настан да се прекине нешто“, кажа министерот.
„Утврдено е дека двете од лицата коишто биле со возилото цитроен, по претходно добиената информација, вечерта пред извршувањето на грабнувањето, дека девојчето ќе биде само, во влезот од зградата го земаат и со врзани раце и нозе, во вреќа за спиење, го ставаат во гепек. Пред возилото цитроен, цело време се движи рено. Однесено е на локација надвор од Скопје, каде што е извршено убиството, па потоа е запалено возилото“, рече Спасовски.
Љупчо Палески-Палчо е убиецот на Вања Ѓорчевска и главен организатор на двете киднапирања
Познатиот скопјанец Љупчо Палевски е осомничен за убиствата на 14 годишната Вања Ѓорчевска од Скопје и 74 годишниот Панче Жежовски од Велес.
„Преземените мерки не доведоа до извршителите на овој грозоморен чин. Осомничени се пет лица за три е определена мерка притвор, едно е надвор од државата, а таткото на малолетничката е приведен и извршен е распит“, рече Спасовски, на прес конференцијата.
„Главен организатор и извршител кој со пиштол на 27.11.2023 некаде околу 11 часот ја усмртил малолетничката исплашен со доказите до кои може да дојде МВР, го сторил тоа кривично дело. Ќе сторам се овој монструм на кој му ја следиме трагата штом стапне на наше тло да биде изведен пред лицето на правдата“, рече Спасовски.
Палевски излегол кон Србија на 30 ноември 2023 со автомобил, во придружба на неговиот адвокат.
Панче убиен за долг од 500 ЕВРА!
Јавниот обвинител Гаврил Бубевски во текот на денешната прес-конференција изјави дека фризерот од Велес, Панче Жежовски бил убиен за долг од 500 евра. Тие 500 евра му ги должел на Љупчо Палевски Палчо.
Телото на Панче Жежовски било пронајдено во околина на Велес, а неговиот автомобил бил пронајден запален во атар на селото Бразда.
Тој тврди дека избеганиот осомничен е тој што ги „испалил куршумите“ кон Вања.
Трагедија: Вања е пронајдена почината
Во околината на Скопје е пронајдено безживотното тело на малолетната В.Ѓ., која беше пријавена за исчезната на 27.11.2023, соопшти Јавното обвинителство.
Истовремено, обвинителството соопшти дека во околината на Велес е пронајдено и телото на П.Ж.(74) од Велес, кој на 24.11.2023 беше пријавен за исчезнат. Во врска со двата случаи, велат од обвинителството, осомничени се пет лица, од кои за три се бара мерка притвор, едно е надвор од државата, а едно лице во моментов е во полициска станица.
„Од спроведените истражни дејствија утврдено е дека и двете убиства се извршени од истите лица, чиј мотив е ‘користољубие’. Исто така, од реализираните оперативни мерки е утврдено дека малолетничката В.Ѓ. е земена со возило од влезот на живеалиштето, а од обезбедените информации од распитот утврдено е дека била убиена истиот ден (27.11.2023) околу 10.00 часот“, велат од Јавното обвинителство.
Сите осомничени се од македонска етничка припадност, велат од обвинителството, наспроти шпекулациите и дезинформациите според кои овој случај има етничка заднина.
Ова е еден од убиените Срби – Игор Миленковиќ, возач на Брза помош
Во вооружен судир со косовската полиција загинаа четири лица од српска националност, од кои еден е идентификуван како Игор Миленковиќ.
Во вооружената пресметка четворица Срби, меѓу кои и Игор Миленковиќ, беа убиени од косовската полиција во Бањска.
Игор Миленковиќ (50) работел како возач на Брза помош во Клиничко-болничкиот центар на Косовска Митровица.
Престрелката со косовската полиција се случи откако беше убиен полицаецот Африм Буњак.
Двајца од Србите биле убиени од косовската полиција со снајпер. Косовската полиција пронајде поголемо количество оружје, а за дел од групата посочи дека пребегнала во Нови Пазар.
Video: https://youtu.be/_a2wxSNcwyk
Убиство во Велешко: Со Фиат панда директно удрил во човек по расправија за водоводна цефка
Основното јавно обвинителство Велес донесе Наредба за спроведување истражна постапка против 25-годишен жител на селото Виничани за кого постои основано сомнение дека со умисла лишил од живот едно лице, со што сторил кривично дело – Убиство од член 123 став 1 од Кривичниот законик.
На 19 јули настанала вербална расправија за водоводна цевка во селото меѓу таткото на осомничениот и жртвата, по што осомничениот заминал дома, го зел автомобилот Фиат панда сопственост на неговиот татко и со многу голема брзина се упатил директно кон оштетениот, намерно удирајќи го со возилото.
При ударот, оштетениот со глава удрил во ветробранското стакло на автомобилот, излетал во воздух и се закачил на жичана ограда од двор, по што паднал на земјата, здобивајќи се со многу тешки телесни повреди од кои починал на лице место.
Надлежниот јавен обвинител до судијата на претходна постапка достави предлог за определување мерка притвор за осомниченото лице, бидејќи постојат околности кои укажуваат на опасност од бегство, можност да влијае врз сведоците на настанот, но и веројатност дека би можел да го повтори или да стори ново кривично дело.
Детали за убиството на Орхан Бајрами – Оки во Ханиоти, убиен пред очите на партнерката, убијците побегнале со автомобил
39-годишниор Орхан Бајрами – Оки кој беше убиен во раните утрински часови во елитна вила во Ханиоти, е познато име во подземјето и организираниот криминал во Македонија, дошол на Халкидики заедно со уште двајца мажи и две жени, пишуваат грчките медиуми додавајќи дека бил убиениот македонски државјанин бил сопственик на казино и имал бизнис со алкохол.
Во инцидентот е повреден еден од неговите пријатели, Сеад Слезовиќ (45), исто така бизнисмен.
Вориа пишува дека убиството се случило пред очите на двете жени во тој момент, рано утрото околу 3 часот и 30 минути во саботата почнале да викаат помош и потоа заедно со третото лице ги однеле двајцата застрелани во Здравствениот дом Касандра. Петте лица биле на возраст од 19 до 45 години, сите од Македонија.
Грчката полиција била известена со повик на 112 дека во тој момент се слушнале гласови кои повикуваат помош. Истрели не слушнале пријавителите на настанот.
Кога пристигнале првите полицајци, жртвите веќе биле пренесени во Здравствениот дом.
Возилото не поминало низ ниту една гранична станица, па се вршат опсежни претреси за негово лоцирање во Грција, велат истите грчки полициски извори, но не е исклучена можноста сторителите да побегнале надвор од границите на Грција користејќи друг начин.
Како и да е, грчката полиција смета дека конкретното возило останува во границите на земјата и по него интензивно се трага, како важен елемент во истрагата за мафијашката егзекуција.
Според последните информации, двајцата сторители откако излегле од автомобилот го прескокнале ѕидот, дошле пред големиот стаклен прозорец и од надвор пукале кон куќата.
Убиството најавено на ТикТок
Најава дека се спрема убиство на Бајрами била објавена на ТикТок минатиот петок.
Поточно, објавена е фотографија со 39-годишникот на која пишува „наскоро доаѓа“, додека луѓето од десно и лево имаат црвен х. Вчера од истиот профил е објавена истата фотографија на која на 39-годишникот му е додаден црвен х, пишува Вориа.
Од начинот на кое е извршено убиството, грчките власти од почетокот претпоставувале дека се работи за договорена егзекуција.
Во овој контекст, тие ја поврзуваат мафијашката егзекуција на 39-годишниот Орхан Бајрами со уште едно убиство пред околу три месеци во Скопје, во „Шиша бар“.
-Неговиот близок пријател, кој наводно припаѓал на лидерската група на групата на Оки, тогаш бил егзекутиран во кафуле со речиси 40 куршуми. Во истиот контекст се испитува дали убиството е поврзано и со уште еден убиствен напад што се случи минатиот месец во Приштина на Косово при што жртвата е уште едно лице близок до 39-годишникот, објави Вориа.
Станува збор за убиството на Бљерим Даци од Чаир кој бил изрешетан со калашников, а безживотното тело е пронајдено во автомобил со македонски регистерски таблици, додека на километар подолу е косовската полиција пронајде запален автомобил со германски регистерски таблици.
Даци бил осомничен за убиството во скопскиот „Шиша бар“ што се случи на 6 март годинава кога со 40 куршуми од калашников се убиени Јетон Кривањева-Жила и Есен Исеинов-Љаци, главните водачи на криминалната група „Дуќанџик“
Од друга страна, косовските медиуми пишуваа дека Даци бил припадник на криминалната група „Барон“ и како и припадник на Исламистичката држава војувал во Авганистан.
Порталот повикувајќи се на информации од Македонија пишува дека со месеци во Скопје се води војна меѓу криминалните групи на подземјето, при што групата на Оки, Дуѓанџик е цел на ривалска мафијашка група.
Всушност, како што тврдат, 39-годишниот се криел во Грција знаејќи дека тој е следната цел, но требало да се вратат во Македонија во следните 24 часа.
НОВА ТРАГЕДИЈА во Србија:Момче со пушка го убило помалиот брат во Младеновац
Во селото Меѓулужје кај Младеновац, 14-годишен малолетник го убил својот 12-годишен брат, јавија српските медиуми.
Постариот брат го убил помалиот со пушка во дворот од куќата, а не се знае од каде им е оружјето.
Роднина на семејството наведува дека додека била со децата во дворот, момчето претрчало низ нејзиниот двор и викало: „Го убив брат ми“.
„Се слушна дека нешто пукнало, но не обрнавме внимание. Дури кога се појави и рече дека го убил, разбрав што се случило. Слушнав дека се степале за базенот, но не знам што се случило“, изјави таа за „Нова. рс“.
Истрагата е во тек, по што ќе бидат познати деталите за овој настан.
Ова е местото каде што 72 годишник го уби 34 годишниот сосед па се самоуби (ВИДЕО)
Вчера веста за убиство и самоубиство ја потресе демиркаписката и Тиквешката јавност.
72 годишниот демиркапиец и претходно го пријавувал младиот сосед (34) за тропање од горе, денеска двајцата се пронајдени со прострелни рани, информираа од МВР во врска со убиството и самоубиството во Демир Капија.
– Последното пријавување е на 19 јануари годинава. Повозрасниот го пријавил помладиот, со поплака за тропање. Нарушени меѓусоседски односи, без некои инциденти, без контакти. Помладиот бил повикан и бил предупреден, како што е ред, кога има поплака. Соседи, смирете се, во таа смисла. Бил извршен разговор со него. Тепачки никогаш немале, појаснија од МВР.
Претходно, МВР излезе со информација, дека демиркапијците со прострелни рани се на возраст од 72 и 34 години.
– Денеска во 06.50 часот во Полициската канцеларија Демир Капија било пријавено дека во нивните домови со прострелни рани биле пронајдени Б.М.(34) и М.К.(72), двајцата од Демир Капија. Смрт кај двајцата констатирал лекар од Итна медицинска помош, а во координација со јавен обвинител на местото се врши увид, соопштија од МВР.
Видео: