Tag Archives: вакцини

COVID 19

Прва тужба во Германија поради последици од вакцината на Фајзер против ковид

Фармацевтската компанија Бајонтек утре ќе се појави на суд во Хамбург по тужбата во која Германка бара отштета поради тешки последици од нивната вакцина против ковид-19. Ова е првата во низа можни тужби во Германија поради нуспојави од вакцината.

Жената го тужи германскиот произведувач за најмалку 150.000 евра за нанесување телесни повреди и надомест за неодредена материјална штета, се наведува во барањето за отштета кое го решава општинскиот суд во Хамбург.

Тужителката тврди дека поради вакцината имала болки во горниот дел од телото, отечени нозе и раце и нарушено спиење. Нејзиниот адвокат Тобијас Улбрих кажа дека планира да ја оспори проценката на германскиот регулатор и Европската агенција за лекови (ЕМА) дека вакцината на Бајонтек има позитивен сооднос на корист и штета.

Според германскиот закон, произведувачите на вакцини и лекови се подложни на тужби и отштетни барања ако „медицинската наука“ покаже дека нивните производи предизвикуваат несразмерна штета или ако упатствата за лекот се погрешни.

Бајонтек, кој вакцината ја разви во соработка со американски Фајзер, ја смета тужбата за неоснована. Таа вакцина, истакна компанијата, ја примиле 1,5 милијарди луѓе низ светот, вклучувајќи над 64 милиони Германци.

ЕМА тврди дека вакцината е безбедна и дека во првата година од пандемијата помогнала во светот да се спасат речиси 20 милиони животи. ЕМА, меѓутоа, признава дека по вакцинирањето постои мал ризик од развој на миокардитис и перикардитис, два вида на воспаленија на срцето и дека во голема мера ги погаѓаат младите мажи.

Агенцијата досега примила околу 1.7 милиони жалби за нуспојави кои се развиле по примањето вакцина против ковид-19. Станува збор за 0,2 случаи на 100 примени дози.

Во Европската економска зона (ЕЕА) се примени 768 милиони дози вакцини против ковид-19. Најчестите и вообичаени нуспојави се главоболка, треска, замор и болка во мускулите.

Македонија

Се укинуваат сертификатите за вакцинација во овие објекти!

Комисијата за заразни болести по одржаниот состанок одлучи да се укинат задолжителното поседување на сертификати за вакцинација, за влез во моловите. Сега, повторно ќе има нова кампања за да се поттикне вакцинацијата, но без оваа рестрикција.

„Да се препорача укинување на задолжителните сертификати за во молови, односно онаму каде не е задолжително носење на маски. Ова е олеснување на рестриктивните мерки. Ќе бидеме внимателни“, рече Александар Петличковски, претседател на Комисијата.

Портпаролот Злате Мехмедновиќ рече дека вакцинацијата е на ниско ниво.

„Со потенцирање на вакцинацијата кај ризичните групи, ќе спречиме компликаиции кај оваа група на граѓани. 260 илјади граѓани се во таа група, 130 илјади не се целосно вакцинирани, а останатите нема бустер доза. На тоа ќе се фокусираме за да го подигнеме квалитетот на имунитетот и да биде основа за понатамошно олабавување на мерките“, кажа Мехмедовиќ.

Здравје

КОМИСИЈАТА ЗА ЗАРАЗНИ БОЛЕСТИ ПРЕД НОВА ОДЛУКА – ќе се менува важноста на ковид сертификатите!

Ќе почне ли Македонија конечно да ги следи искуствата од другите земји? Сертификатот за прележаност кој само кај нас е ограничен на 45 дена, најверојатно ќе претпи измени. Ова прашање е една од точките на утрешниот состанок на Комисијата за заразни болести каде членовите ќе дискутираат за проширување на важноста на документот – колку за споредба во многу држави тој се признава од најмалку 4 месеци па до 270 дена.

-Покрај повеќето прашања на утрешниот состанок, да и тоа е една од точките на утрешниот состанок. Ќе дискутираме дали може да има измени во времетраењето на сертификатот за прележаност, изјави д-р Злате Мехмедовиќ, портпарол на КЗБ.

Освен за сертификатите, членовите на Комисијата ќе дискутираат и за големата смртност кај лица кои се целосно имунизирани. Како што веќе објави Сител, врз основа на факти кои ќе треба да ги утврди посебна работна група може да има и мерки за задолжителна имунизација кај лица со коморбидитети.

-Ќе дискутираме за методологијата за пресметувањ ена морталитетот и секако она што го има во дневните извештаи за смртноста, каква вакцина примиле починатите а аимунизирани, колку се со две дози, колку со бустер, колку време поминало од имунизацијата, вели д-р Мехмедовиќ.

На дневен ред е и актуелната епидемиолошка состојба во земјата, а на денешната координација на министерот со надлежние од ковид центрите е констатирано дека слободни места за хоспитализација има.

Здравје

ВАКЦИНИТЕ ЕДВАЈ ШТИТАТ 30 ПРОЦЕНТИ Реинфицираните со омикрон стекнуваат најсилен имунитет

Важен момент е тоа што огромен број од луѓето кои прележале корона и сега повторно се заразени, не завршуваат во болница и не го оптоваруваат здравствениот систем. Тоа е така затоа што многу посилен имунитет стекнуваат луѓето кои веќе еднаш го прележале вирусот, отколку оние кои само се вакцинирани, а никогаш не се заразиле, објаснува микробиологот д-р Никола Пановски.

Вакцините на почетокот имаа ефикасност од над 90 проценти, но со секоја појава на нова варијанта на коронавирусот, ефикасноста на вакцините опаѓа, вели микробиологот д-е Никола Пановски за Фактор.

– Се појавија сосема различно соеви на коронавирусот и токму тие се главната причина поради што поединци повторно се заразуваат иако веќе еднаш ја прележале болеста. И вакцините на почетокот имаа ефикасност од над 90 проценти, а сега, со секоја појава на нова варијанта, нивната ефикасност опаѓа. За сојот омикрон, на пример, вакцините едвај штитат 30 проценти. Сепак, важен момент е тоа што огромен број од луѓето кои прележале корона и сега повторно се заразени, не завршуваат во болница и не го оптоваруваат здравствениот систем. Тоа е така затоа што многу посилен имунитет стекнуваат луѓето кои веќе еднаш го прележале вирусот, отколку оние кои само се вакцинирани, а никогаш не се заразиле – објаснува д-р Пановски.

Тој додава дека само вакциналниот имунитет не е доволен.

– За жал, кај нас „некои глави“ тврдат дека вакциналниот имунитет е подобар, што според мене е трагикомично. Според науката, супер имунитет имаат луѓето кои прво биле заразени, а потоа се вакцинирале. На толку многу мутации, особено со омикрон, само прележаноста едноставно „не важи“, особено за луѓето кои се заразиле во 2020 година или лани пролетта. Изминат е долг период, а со текот на времето имунитетот опаѓа. Овој сој ги заразува сите, но многу е важно што оние кои претходно биле болни, а потоа и се вакцинирале, ќе поминат многу полесно – посочува д-р Пановски за Фактор.

COVID 19

Д-р Даниловски: Се заразуваат и вакцинирани зошто се вакцинираа со кинески вакцини

Епидемиологот Драган Даниловски во емисијата „Студио 10“ објасни зошто во последно време има ковид заразени лица кои се вакцинирани. Според него тоа е последица што голем број на луѓе се вакцинирани со кинески вакцини.

– Омикронот го заобиколува имутетот па и оној со вакцини. Реинфекции се случуваат затоа што имунитетот стекнат бледее со тек на време и зависи кога сте ја прележала инфекцијата. Исто е и со вакцините чија заштита е во првите 3 месеци. Единствено решение е да се прими трета доза за граѓаните кои се постари од 50 години и е подложен на акутни заболувања. Помладите од 50 години кои биле со две дози Фајзер кај нив постои можност да се заштитени од зараза со омикрон. Вакцинацијата со кинеските вакцини е последица за зголем број на заразувања кај вакцинираните -изјави професорот Даниловски

COVID 19

„Најверојатно ќе треба и четврта доза од вакцината против Ковид-19“

До март се очекува да биде готова вакцината која ќе штити од новиот сој омикрон.

Директорот на фармацевтската компанија Pfizer, Алберт Бурла, истакна дека вакцинирањето со четвртата доза од вакцината против коронавирус може да се случи многу порано од очекуваното.

Тој во изјава за CNBC рече дека прелиминарните податоци од истражувањето покажуваат дека вакцината на Pfizer/BioNTech не обезбедува заштита од сојот омикрон.

Бурла го изјави ова откако Pfizer рече дека три дози од вакцината го зголемуваат имунитетот против новиот сој. Од Pfizer известуваат дека ќе направат вакцина која ќе биде ефикасна против сојот омикрон до март следната година.

-Ќе направиме истражување за тоа каков имунитет се добива со вакцинација со три дози и колку долго трае. Мислам дека ќе биде потребна вакцинација и со четврта доза. Меѓутоа, треба да почекаме малку. Можеби ќе треба да реагираме брзо, рече директорот на компанијата Pfizer.

Европа

ЕУ нajaвува задолжитeлна вakцинација во цела Европска Унија

Европската Унија мора да размисли за воведување на задолжително вакцинирање против ковид-19 како одговор на ширењето на новиот сој омикрон, изјави претседателката на Европската комисија, Урсула фон дер Лајен. Ова следува откако Грција најави дека од 16 јануари, со 100 евра месечно ќе ги казнува лицата над 60 години кои одбиваат да се вакцинираат.

„Поради ширењето на вирусот и слабата вакцинација во некои делови од ЕУ, задолжителното вакцинирање мора да се има предвид. Имаме вакцини, вакцини кои спасуваат животи, но тие не се користат адекватно секаде. Тоа си доаѓа со енормна цена по здравствените системи“, кажа Фон дер Лајен.

Според последните бројки, 77% од возрасното население во ЕУ е вакцинирано, односно 66% од целата популација.

„Тоа значи дека една третина од популацијата во ЕУ не е вакцинирана. Тоа се околу 150 милиони луѓе, што е многу. Знам дека не можат сите да се вакцинираат, но големо мнозинство би можело. Мислам дека е разбирливо и соодветно да почнеме дискусија за задолжително вакцинирање“, рече Фон дер Лајен.

Австрија веќе потврди дека ќе почне да го спроведува од 1 февруари, а и идниот германски канцелар Олаф Шолц го поддржува задолжителното вакцинирање.

Македонија

Огромен ризик за нов силен ковид бран – вработените во јавниот сектор мора да се вакцинираат за да одат на работа

Мерките на Комисијата за заразни болести ќе ги предложиме до Владата. Сега ќе видиме што е тоа на што ќе ни укажат синдикатите, изјави вечерва министерот за здравство Венко Филипче пред почетокот на состанокот со претставници на Сојузот на синдикатите на Македонија и на Самостојниот синдикат за здравство, фармација и социјална заштита.

Согласно мерките, сите вработени во јавниот сектор, локалната самоуправа, сите институции за одење на работно место треба да прикажат потврда за најмалку една примена вакцина или да имаат ПЦР негативен тест кој ќе важи најмалку 72 часа, а ќе биде направен на сопствен трошок, тие кои го прележале вирусот ќе треба да приложат потврда за прележан Ковид-19, не постар од 45 дена, а доколку не можат да примат вакцина, ќе треба да имаат потврда од лекар специјалист. Покрај тоа, се предлага вакцинацијата да биде задолжителна за сите здравствени работници

– Искрено верувам дека претставниците на синдикатите ќе сфатат колку е битно оваа мерка да се усвои посебно после денешните резултати од секвенционирањето на вирусот. Четириесет и осум пациенти се испитаа од дијагностицираните во изминатите две три недели и кај ниту еден не е дијагностициран делта плус сојот на вирусот, кој прави голем број случаи и хоспитализации во сите околни земји. Што значи дека не може да го запреме тој сој на вирусот за влезе во земјата. Соочени сме со огромен ризик во периодот што следи да имаме нов силен бран и тоа сериозно да ги загрози капацитетите во нашите болници, рече Филипче.

Македонија

Во Битола вечерва протест против задолжителната вакцинација

За вечерва е најавен протестен марш во Битола, што треба да почне од 18 часот од плоштадот „Магнолија“.

Доста беше одржување некаков си „мир“ со духот на млакоста, доста беше рамнодушност која му е во целосен прилог на тие кои сакаат да ги остварат своите задни планови и цели во кој народот се сомнева и има право да ја знае вистината.

Доста е од забрани и поделби, услови и претење со цел наметнување на прислна вакцинација. Протестот нема ниту политички, ниту национален, ниту религиозен каратнер и е со цел да се почитува сопствениот избор – се наведува во објавата Фејсбук со која се најавува протестот.

Во август беа одржани неколку протести во Битола, а на еден од нив се вареше и пиеше кафе на плоштадот, во знак на протест поради тогаш донесените ограничувања за влез во угостителските објекти.

Европа

ПАРИЧНА НАГРАДА за СИТЕ вакцинирани граѓани со ДВЕ ДОЗИ

Претседателот Володимир Зеленски најави дека на секој Украинец што ќе прими две дози од вакцината против Ковид-19 ќе му биде исплатена парична награда за да ги поттикне сонародниците, главно сомничави за вакцината, да се вакцинираат.

„Секој што ќе прими две дози ќе добие 1.000 гривни“ или околу 35 евра, што не е занемарлива сума во таа земја, меѓу најсиромашните во Европа, рече Зеленски во видео пораката додека помалку од една третина од населението е вакцинирано.

Вакцинираните ќе можат таа сума да ја потрошат за изнајмување сала за рекреација, посета на кино, театар или музеј или за билет за воз и авион во земјава, додаде тој.

„Тоа е поддршка за индустриите кои најмногу настрадаа поради затворањето“, рече Зеленски. Државата ќе одвои 200 милиони евра во наредните месеци за програмата, која започнува на 19 декември, додаде тој.

Со 442 смртни случаи од коронавирус во последните 24 часа, поранешната советска република со слаб јавно здравствен систем вчера била втора во светот по смртни случаи на ден, по Русија (1211).

Оваа земја со околу 40 милиони жители со недели се бори со најлошиот бран на коронавирус во кој преовладува делта верзијата и недовербата на јавноста кон вакцинацијата.

Вакцинацијата била забрзана во октомври под притисок на властите да воведат ограничувања за невакцинираните, како што е обврската да се покаже здравствена карта за пристап до некои јавни места. Но, до денес, само 28 отсто од Украинците примиле две дози од вакцината против Ковид-19, соопштило Министерството за здравство.

„Врвот на бранот помина“, рече Зеленски, наведувајќи го минатонеделниот пад на бројот на нови инфекции за 6 отсто и хоспитализираните за 13 отсто во споредба со претходните седум дена. Украина, која има население од скоро 45 милиони, пријавила 3,2 милиони инфекции и повеќе од 77.000 смртни случаи.

Извор: Канал 5 ТВ