На 31.12.2024 во 15.30 часот во Полициската станица Гостивар било пријавено дека на ул.„ЈНА“ во Гостивар патничко возило „бмв“ со гостиварски регистарски ознаки, управувано од Б.С.(18) од с.Ломница, гостиварско, удрило во паркирано патничко возило „рено“ со гостиварски регистарски ознаки, кое било паркирано од Д.Ш.(39) од Гостивар и во пешак М.А.(65) од Гостивар, информира МВР.

Во несреќата со тешки телесни повреди се здобил пешакот, а со телесни повреди се здобиле возачот Б.С. и сопатничката Д.Ј.(26) од Гостивар, констатирани во Општата болница Гостивар.

Извршен бил увид од увидна екипа од ОВР Гостивар.

Првото новородено бебе во Тетово годинава е машко. Родено е 35 минути по полноќ со царски рез во тетовската Болница.

Како што беше информирано, тешко е 2.850 грама и долго 50 сантиметри. Тоа е второ дете на родителите Улфет и Бесар Ислами од Мала Речица.

Според стручниот тим предводен од докторите Нагип Руфати и Љуљета Муљаку и педијатарот доктор Антигона Треневскa, бебето е во добра здравствена состојба.

Неколку лица го загубија животот попладнево во Цетиње, откако по физичка пресметка во кафеана, осомничениот А. Мартиновиќ употребил огнено оружје и пукал во присутните, потврдуваат неофицијални извори за „Вијести“.

Според информациите, полицијата интензивно трага по осомничениот, а сите расположливи единици се на терен. Инцидентот се случил во угостителски објект во населбата Бајице.

Полициската управа апелира до граѓаните да останат смирени и во своите домови додека трае акцијата за приведување на сторителот.

„Ситуацијата не е поврзана со организирани криминални групи, туку е инцидент од ситуациски карактер“, стои во соопштението на полицијата.