Една од најконтроверзните личности во фудбалот – Златан Ибрахимовиќ ќе добие и филм режиран според автобиографијата на Швеѓанецот наречена „Јас сум Златан“.
Трејлерот за филмот кој ќе го опфати целиот живот на Ибрахимовиќ изгледа навистина моќно, а филмот за прв пат ќе биде прикажан на 17 септември во Шведска.
I AM ZLATAN. THE MOVIE pic.twitter.com/AqqhhBjSkA
— Zlatan Ibrahimović (@Ibra_official) June 28, 2021
Португалската државна секретарка за европски прашања Ана Паула Закаријаш денеска во Лисабон кажа дека „јазикот на Северна Македонија некогаш бил дел од бугарскиот јазик“, одговарајќи на новинарско прашање на Бугарското национално радио.
Португалија уште утре претседава со ЕУ, а од 1 јули претседателството го презема Словенија. Во врска со спорот меѓу Македонија и Бугарија, за Словенија Закаријаш има порака дека позицијата на Бугарија мора да се почитува и дека не треба да се внесуваат несогласувања во ЕУ.
„Ова е многу тешка дебата, особено за Бугарија, поврзана со историјата, културниот идентитет на двете земји, како и со идната соработка. Во моментов тие работат на нешто како патоказ, кој ќе им помогне да работат на тоа Бугарија да добие гаранции дека кога Северна Македонија ќе влезе во ЕУ работите ќе се одвиваат непречено. Северна Македонија помина низ тешки преговори со Грција – сетете се дека земјата си го смени името. Но, многу е тешко, бидејќи ова е поврзано и со Бугарија како култура и јазик. Очигледно е поврзано со јазикот на Северна Македонија, кој некогаш бил дел од бугарскиот јазик и културните димензии на двете земји. Во Бугарија ќе има нови избори на 11 јули и мислам дека бугарските власти ги чекаат резултатите од нив пред да одлучат како да постапат“, вели Закаријаш.
Португалското претседателство учествуваше во преговорите да се отстрани бугарското вето за почеток на пристапните преговори на ЕУ со Македонија пред состанокот на Европскиот совет на 24-25 јуни, а имаше и португалски предлог за надминување на спорот, кој за Македонија беше добар, но за Бугарија беше неприфатлив.
„Не беше моментот погоден. На Бугарија ѝ требаше повеќе време да ги реши овие прашања со Северна Македонија“, вели таа.
Времето утре ќе биде сончево и многу топло со мала до умерена локална облачност. Ќе дува слаб до умерен ветер од јужен, а во западните делови умерен до засилен ветер од западен правец.
Времето во четврток ќе биде сончево и многу топло со мала локална облачност. Ќе дува умерен, повремено засилен ветер од западен правец.
Во петок времето ќе биде сончево со умерена локална облачност. Ќе дува умерен ветер од северозападен правец. Попладне, особено во северните делови ќе има локална нестабилност со краткотраен пороен дожд и грмежи.
додека пак во сабота времето ќе биде сончево со умерена облачност и со умерен ветер од северозападен правец. Околу пладне ќе има локални врнежи од дожд.
УХМР предупредува и дека до четврток времето ќе биде сончево и многу топло со температури кои на југоистокот и вдолж Повардарието ќе бидат околу 40 степени. Согласно очекуваните вредности на температурата насекаде ќе биде активирано жолто ниво за опасност од високи температури.
Македонката Марија Груевска која беше дел од финалето на „Ѕвездите на гранд“ за време на целата сезона привлекуваше големо внимание со своите настапи, особено со своите костими во кои се појавуваше.
Како што самата вели тие креации немале да бидат осмислени доколку нејзиниот татко Дуле кој е свештеник не ги вмешал своите прсти за да биде творец на сите овие креации.
-Мило ми е што моите настапи привлекоа големо внимание, тоа ни беше целта, морам да кажам дека татко ми е творец на сите овие идеи, вели Марија.
Нејзиниот татко пак додава дека тој знаел што е најдобро за нејзината ќерка.
„Кога ја познавате својата ќерка, тогаш знаете што она има зад себе и што може да покаже. Јас знае дека Марија сака да ја покаже жената како возвишена личност и јас се потрудив да и помогнам во тоа на вистинскиот начин“, додава нејзиниот татко.
Пејачката вели дека со задоволство ги прифаќала сите негови предлози.
И можеби најлудата креација со која Марија настапи 🙂 👇
Малку недостасувало договорената средба помеѓу српскиот претседател Александар Вучиќ и опозиционерот Вук Јеремиќ да прерасне во физичка пресметка, и тоа во претседателската вила. На снимката која кружи по социјалните мрежи може да се види целата расправија помеѓу Вучиќ и Јеремиќ.
На почетокот од видеото Јеремиќ му вели на Вучиќ дека е крадец, предавник и кукавица, а потоа го повикува на физичка пресметка.
Јеремиќ: Излези. Дали сакаш да излеземе заедно?
Вучиќ: Ајде да излеземе! Ајде!
Вучиќ: Сакаш тука напред да излеземе?
Јеремиќ: Ти си претседател! Ајде! Дали сакаш да излезам?
Вучиќ: Каде сакате! Каде сакате!
Во тој момент обезбедувањето го предупредува Вучиќ дека не е паметно да излегуваат надвор затоа што сè се емитува во живо. Во исто време Јеремиќ дофрлува „Ајде, Ајде“…
ОВЕН
Сте вложиле многу енергија и сакате да видите дали ќе ви се исплатат сите напори кои сте ги пружиле за да ја поттикнете својата работа. Случајно ви се појавува личност која ќе покаже дека има чувства кон вас. Нервна напнатост.
БИК
Потрудете се да покажете поголема иницијатива околу барањето на работа ако сакате ново работно место. Ви се допаѓа личност кој на живее на исто место како и вие. Ќе имате шанса за почеток на врска на далечина. Внимавајте на тахикардија.
БЛИЗНАЦИ
Можно е да нема да бидете сосема задоволни од околностите во следниот период. Со саканата личност уживате и не размислувате многу за иднината. Не сте подготвени да правите планови. Избегнувајте стрес.
РАК
Можно е стабилноста да ви е загрозена на некој начин и дека на ова поле ќе имате мали проблеми. Имате впечаток дека ситуацијата на полето љубов ви е лоша, но не знаете како да го подобрите односот со партнерот. Главоболка.
ЛАВ
Можно е да имате проблеми кои не сте ги очекувале на полето работа и ќе бидете незадоволни. Можно е некоја личност од минатото се обидува да ви се врати иако вие не сакате помирување. Проблеми со кичмата.
ДЕВИЦА
Можно е да не ви биде лесно на ова поле за да дојдете до стабилност. Како судбината да е против вас. На прв поглед имате силен „магнет“ кон личноста која ви се допаѓа и подготвени сте за првиот чекор. Немате проблеми со здравјето.
ВАГА
Можно е да ви се одложуваат некои планови за работата. Судбината денеска не е на ваша страна. Саканата личност ги покажува своите искрени чувства кон вас и вие конечно уживате во нејзиното внимание. Внимавајте на варењето.
ШКОРПИЈА
Потпишување кое може да биде важно ви доаѓа. Поволен ден за решавање на договори, документации. Партнерот е себичен и тврдоглав, но наоѓате компромис поради љубовта која ја имате. Проблеми со акните.
СТРЕЛЕЦ
Одлучни сте и не сакате да се откажете додека на ова поле не ги остварите своите цели. Очекувајте поволен период. Чувствувате големо заладување помеѓу вас и партнерот и не сте задоволни. Посетете лекар.
ЈАРЕЦ
Може да очекувате дека ќе расчистите некои несогласувања кое сте ги имале на полето работа. Пред вас е поволен ден на ова поле. Подгответе се да и пријдете на личноста која ви се допаѓа. Внимавајте на срцето.
ВОДОЛИЈА
Работната ситуација е нешто кое би сакале да го промените во следниот период. Не сте задоволни. Време е да се посветите на своите љубовни желби. Внимавајте што јадете.
РИБИ
Ќе покажете дека сте подготвени на работното поле да ги остварите своите цели и амбиции. Саканата личност сака да ви покаже колку и значи вашиот однос да напредува. Проблеми со синуси.
Три комерцијални простории, шест автомобили и телефонска говорница паднале по експлозијата по која избил пожар во гаражите под железничката станица. Екипи на лондонската Брза помош на лице место му укажале помош на еден повреден во пожарот, но, засега нема други извештаи за повредени лица.
Според информациите од лондонската противпожарна бригада, засега се уште не е позната причината за избивањето на пожарот, а од полицијата исклучија поврзаност на експлозијата со тероризам.
На социјалните мрежи брзо се проширија снимки од местото на инцидентот, на кои се гледа облак од чад што се крева кон небото и луѓе кои бегаат во засолниште по избивањето на огнената кугла, објави „Индипендент“.
Видео статус на денот, дури пет гајби пиво за Господин човек кој ги крена одеднаш 🙂
Видео:
Чешка сè уште се опоравува од катастрофалното торнадо што го сруши половина село Хрушки, во регионот Бжецлав, во четвртокот вечерта, а големи штети беа направени во Ходонин, Лузатија, Микулчице и Моравска Нова Вес. Повеќе од 200 лица беа повредени, а чешките портали јавуваат дека најмалку три лица го изгубиле животот. Пожарникарите и Брзата помош се уште ја пребаруваат целата област во потрага по повредени заглавени под урнатините.
Жител на Ходонин изјави дека торнадото се појавило одеднаш.
‼️Jihem Moravy se podle meteorologů s největší pravděpodobností prohnalo tornádo. Lidé ho zachytili na fotografiích. Poslední bylo v ČR v roce 2018. Hasiči vyhlásili třetí stupeň poplachu. Hlášeny jsou obrovské škody. Takto po bouři vypadá Lužice na Hodonínsku⤵️ pic.twitter.com/dA0GwSBjt6
— CT24zive (@CT24zive) June 24, 2021
– Никогаш во животот не сум бил толку исплашен. Изгледаше како да гледам торнада во Америка, куќи без покрив, откорнати дрвја … Сè се случи неочекувано. Удри гром и само одеднаш се формираше торнадо пред нашата куќа. Буквално одеше кон нас. Успеавме да се скриеме под масата и по 15 минути можевме само да видиме како останаа урнатини – изјави жителот на Мартин Кужаба за Блеск.
Прогласен беше трет степен на опасност во областа погодена од торнадото. Во Ходонин, торнадото го однесе покривот на спортска сала и го оштети атлетскиот стадион. Досега најголема штета претрпе селото Хрушки. Торнадото помина среде село и буквално срамни со земја сѐ што му се најде на патот. Црквите се уништени, превртени автомобили има насекаде, како и стотици дрвја кои се срушени или искоренети од силниот ветер, а според чешката телевизија, седум градови претрпеле значителна штета проценета на стотици милиони евра.
Утрото потоа, жителите сѐ уште беа во шок, известува Блеск, шетајќи низ урнатините од своите домови обидувајќи се да спасат некои остатоци. Најмалку 120.000 луѓе сѐ уште се без струја.
– Барем не умрев. Да бев на горниот кат, немаше да преживеам. Треба само да останам смирен и да спасам што можам – рече еден жител, чија куќа беше сериозно оштетена.
Ветриштата што дуваа достигнаа брзина од 267 до 322 км на час, што е најсилниот ветер регистриран во Чешка во модерната историја и првото торнадо од 2018 година.
Дали Македонците во Тетово не можат да ги добијат потребните документи на македонски јазик?
Според документите објавени од порталот мкд.мк, Македонка од Тетово обидувајќи се да извади уверение, добила одговор дека согласно протоколот граѓаните не можат да добијат документ само на македонски јазик бидејќи македонската заедница во Општината била под 20%, односно истиот мора да биде двојазичен,по што истата била приморана да патува до Скопје каде го подигнала документот на македонски јазик.
Случајот стигнал и до Управата за водење матични книги од каде велат дека станува збор за недоразбирање помеѓу странката и вработените во Општината и остро ги демантираат објавите дека не се издаваат документи на македонски јазик.
-Двојазични образци во Тетово или било кое друго место се даваат само на лица кои имаат потреба од таков образец, затоа што самиот систем каде поднесуваат странките барања е направен за кога ќе внесат електронско барање тие самите одбираат каков тип на образец сакаат. Доколку странката се обрати во својот образец и побара да добие основен тип на образец односно македонски, системот не може да направи да и се издаде двојазичен образец,вели Јасна Пецевска од Управата за водење на матични книги.
Согласно Законската легислатива матичните книги се водат на македонски јазик и кирилско писмо, а во подрачјата каде 20% од граѓаните говорат на службен јазик различен од македонскиот истите се печатат на македонски јазик и на службениот јазик што го употребува граѓанинот.
-Во Тетово бидејќи влегува во Град кој има над, се смета за место каде што живеат малцинствата кои се над 20% за разлика од останатите, постојат двојазични книги на родени, венчани и умрени. Документот како документ за слободна брачна состојба се издава само на македонски јазик… тој било каде во Македонија без разлика на Законот за употреба на јазиците тој се издава само на македонски јазик.вели УВМК Јасна Пецевска.
Според последниот попис спроведен во 2002 Општина Тетово брои 86.580 жители. Од нив 18,555 се изјасниле како Македонци односно 35.07% од вкупниот број жители.
Прилог на канал 5 телевизија:
