Македонија

100 ГОДИНИ од раѓањето на Блаже Конески (Аудио)

Во рамките на одбележувањето на 2021 – Година во чест на Блаже Конески по повод 100-годишнината од раѓањето, во свечената сала на Македонската академија на науките и уметностите во понеделник со почеток во 11:00 часот ќе се одржи Свечен собир во чест на Блаже Конески.

Свечениот собир е составен од два дела, а во првиот дел ќе се обратат: д-р Стево Пендаровски, претседател на РС Македонија; акад. Љупчо Коцарев, претседател на МАНУ; проф. д-р Никола Јанкуловски, ректор на УКИМ; акад. Катица Ќулавкова, секретар на ОЛЛН – МАНУ и раководител на проектот „Критичко издание на целокупните дела на Блаже Конески.“ Со омаж за Конески ќе се претстават акад. Зузана Тополињска и акад. Влада Урошевиќ.

Свечен собир на МАНУ по повод 100-годишнината од раѓањето на Блаже Конески

Во вториот дел на Свечениот собир ќе биде претставено уметничкото и научното дело на Блаже Конески во контекст на критичкото издание на неговите целокупни дела на МАНУ. Се работи за 12 тома со целокупните дела на Блаже Конески, а соодветните томови ќе ги претстават професорите: Венко Андоновски, Наташа Аврамовска, Иван Џепароски, Анастасија Ѓурчинова, Красимира Илиевска, Марјан Марковиќ, Веселинка Лаброска, Људмил Спасов, Лилјана Макаријоска и Станислава-Сташа Тофоска.

На Свечениот собир ќе биде промовирана и веб-страницата со дигиталните изданија на објавените томови од „Критичкото издание на целокупните дела на Блаже Конески“ којашто ја подготви Истражувачкиот центар за ареална лингвистика при МАНУ.

Пристапот до страницата е преку следниов линк: http://koneski.manu.edu.mk/

Матица во годината на својот јубилеј (30 години од своето постоење), на 18 декември (сабота) точно напладне, во 12 часот посакува да се случи средба на која место со чаша вино, ќе се наздрави со книга и на тој начин ќе се направи еден вид омаж за големиот татко на македонската научно-критичка мисла, но и за „патријархот на македонското писмо“ како што го нарекува познатиот грчки поет Костас Валетас во книгата „Светската критика за делото на Конески“.

Преку заедничкото претставување на нејзините книги од самиот Конески и на книгите поттикнати од творештвото на Конески, Матица посакува, како што пишува и Мојсова-Чепишевска во својата книга „Конески како тестамент“ да го растајни всушност завештанието на човекот, филолог, професор и поет, кој преку своето дело го запозна светот не само со македонскиот јазик, туку и со македонското богато фолклорно, културно и книжевно-историско наследство. Претставувајќи го, од една страна како врвен лингвист со енциклопедиско знаење, а од друга страна како продолжувач на вековната Кирило-Методиевска и Климентова традиција, овие книги се за сите оние читатели со префинет вкус, зашто го исчитуваат завештанието на Конески, не само како поттик што ја прави уште подостоинствена нашата национална егзистенција, туку и како трајна инспирација за идните поколенија книжевници и лингвисти.

„Матица македонска“ ја чествува стогодишнината на Конески со пет книги посветени на неговото дело

В очи на точно 100-те години од раѓањето на Блаже Конески, издавачката куќа „Матица македонска“ организира заедничко чествување и наздравување со книги од Конески и најнови изданија посветени на Конески и инспирирани од Конески, и тоа:
„РАЗГОВОРИ СО КОНЕСКИ“ од Цане Андреевски
„СВЕТСКАТА КРИТИКА ЗА ДЕЛОТО НА КОНЕСКИ“,
приредена од Раде Силјан и Паскал Гилевски
„ВРЕМЕТО НА КОНЕСКИ“ од Димитар Пандев
„КОНЕСКИ КАКО ТЕСТАМЕНТ“ од Весна Мојсова-Чепишевска
„ЕПОХАТА КОНЕСКИ“ од Георги Старделов

Up Next

Радев со УЛТИМАТУМ од Брисел: Бугарите мора да влезат во македонскиот УСТАВ

Don't Miss

Видео од несреќата во Батинци – Никој не смее да вози вака!

Македонија

УХМР најавува снег – еве кога започнуваат врнежите!

Според најновите информации од УХМР, денеска во Македонија ќе преовладува сончево време со слаба до умерена облачност, а во одделни котлини ќе се појави магла. Ќе дува слаб северозападен ветер, а дневните температури ќе се движат од 6 до 15 степени Целзиусови.

Во Скопје се очекува променливо облачно и мирно време, со магла во одредени делови од денот. Температурата ќе достигне околу 6 степени, а ветерот ќе биде слаб, околу 1 метар во секунда.

Стабилното и тивко време ќе продолжи до вторник, при што маглата ќе се задржува во котлините, проследена со зголемена облачност.

Од вторник навечер се очекува промена на временските услови, со повремени локални врнежи од дожд, а на повисоките и планинските предели врнежите ќе бидат од снег.

Македонија

Д-р Чибишев со апел до родителите: Надворешни активности се опасни за децата при висок степен на загадување

Доктор Андон Чибишев преку социјалните мрежи предупреди на сериозните ризици за здравјето на децата во услови на екстремно загаден воздух. Тој истакна дека денеска, предпладне, додека поминувал покрај улицата „Илинденска“ кај бензинската пумпа на „Макпетрол“, забележал група деца на возраст од околу 7 до 10 години како трчаат и тренираат на фудбалско игралиште.

„Физичкиот напор го зголемува интензитетот на дишењето, што значи и поголемо внесување на штетни и отровни гасови од амбиенталниот воздух. Не можам да разберам зошто на ваков ден, кога загадувањето е екстремно, децата би се изложувале на таков ризик“, изјави д-р Чибишев.

Тој апелираше до организаторите на активности и тренинзи да покажат одговорност и да ги одложат настаните со цел да се заштити здравјето на најмладите.

Апелот доаѓа во момент кога Скопје повторно се соочува со високо ниво на аерозагадување, а здравствените работници постојано предупредуваат на зголемени ризици, особено кај децата, хронично болните и постарите лица.

Македонија

Конгрес на ДУИ: Ахмети со нови барања

Лидерот на ДУИ, Али Ахмети, на Петтиот конгрес на партијата денеска изнесе сет клучни политички барања што, според него, треба да ја гарантираат стабилноста и функционалноста на државата. Во фокусот се избор на Влада со двојно мнозинство, уставни измени поврзани со одлучувањето во Уставниот суд и целосен ветинг на сите јавни функционери во последните три децении, под меѓународен надзор.

Промовирајќи го новиот „Национален договор за напредок“, Ахмети побара воведување на т.н. „извршен Бадентер“, според кој секој иден владин состав ќе мора да ја добие довербата не само од мнозинството пратеници во Собранието, туку и од мнозинството пратеници кои ги претставуваат немнозинските заедници.

Тој истакна дека унитарната држава може да биде стабилна само доколку се темели на доверба и лојалност меѓу сите заедници, нагласувајќи дека двојното мнозинство е механизам што обезбедува инклузивност и политичка рамнотежа.

Во делот на судството, Ахмети предложи законите донесени со Бадентеров принцип во Собранието да не можат да бидат поништени од Уставниот суд без истото двојно мнозинство меѓу уставните судии. Според него, потребни се уставно-правни измени со кои одлуките што ги засегаат правата на немнозинските заедници ќе се носат само со заемна согласност.

Покрај уставните промени, лидерот на ДУИ инсистираше и на темелно „прочистување“ на политичката сцена. Тој побара целосен ветинг за сите носители на јавни функции во изминатите 34 години, вклучувајќи проверка на потеклото на имотот и процесите на приватизација, со јасен меѓународен надзор.