Репрезентацијата на Македонија до 15 години забележа нов пораз со 3:0 од соодветната селекција на Хрватска во рамките на втората контролна средба одиграна помеѓу овие две селекции на тренинг центарот „Петар Милошевски”.

Македонија преку Емини во 14. минута прва се закани поголот на Хрватска. Во 27. минута, противникот поведе со 1:0, афтогол постигна Аксентиев.Емини во 42. минута ја имаше најдобрата можност, за Македонија, но неговиот удар заврши покрај голот.

Во продолжението, избраниците на селекторот Илами Исејни преку Стојанов и Селими се заканија по голот на Хрватска, но голманот на гостите и во двете ситуации одлично интервенираше. Драго Шкерго во 69. минута го зголеми водството на Хрватска. Три минути подоцна Иван Чалета ги постави конечните 3:0.

Македонија: Михајло Павлов, Матеја Масев, Лука Спироски, Павел Стојанов, Илија Аксентиев, Виган Таири, Огнен Сивевски, Адриан Велески, Александар Полимац, Медин Емини, Аммар Зенделовски;

Селектор: Илами Исејни

Фудбалската Федерација на Македонија на својот официјален профил на социјалната мрежа фејсбук објави видео од активностите за средување на теренот и трибините.

“Секое столче, секој агол Националната арена во полн сјај! ФФМ ги светна столчињата, ги исчисти трибините, го средува теренот…промените се случуваат!”, стоеше во објавата на Фудбалската Федерација на Македонија.

Погледнете го видеото во продолжение:

Фудбалскиот клуб Тиквеш во следните седмици треба да ја финализира новата сопственичка структура. Општина Кавадарци како сопственик на клубот ќе биде помогната од неименуван германски инвеститор кој до крајот на март ќе исплати еден милион евра.

Ова го потврди градоначалникот на градот Митко Јанчев на последната седница на советот.

„Ќе разговараме на вонредна седница за германски инвеститор да пушти еден милион евра во ГФК Тиквеш на крајот на март. Со тие средства треба да се покрие работата во оваа и наредната сезона. На тој начин ние како град ќе добиеме помош, а ќе останеме и со 50% акционери. Притоа ќе имаме контрола во клубот. Дај Боже да се случи тоа и во ракомет и кошарка, да дојдат инвеститори и да помогнат“, изјави градоначалникот Јанчев.

Првиот човек на градот најави финансиска стабилизација за Тиквеш. Тимот кој минатото лето играше и европски фудбал по освојувањето на Купот на Македонија се бори за опстанок.

Во моментов Тиквеш има 18 бода и се наоѓа на десеттата позиција, Брера е деветта со три повеќе, а Воска и Беса кои се под кавадарчани се на ист број бодови.

Гол.мк