Connect with us

Балкан

(Фото) Страшна несреќа во Хрватска: Се судрија товарен и патнички воз, има починати

Published

on

Товарен и патнички воз се судриле вчера вечер во близина на местото Новска, во областа Славонија во Хрватска, јавуваат локалните медиуми.

Во несреќата, според неофицијални информации, има неколкумина загинати, како и десетина повредени луѓе. Дел од медиумите објавија дека во товарниот воз имало мигранти.

Судирот се случил меѓу Окучани и Новска, на околу 100 километри југоисточно од Загреб, околу 21 часот и 30 минути, пишува „Јутарњи лист“.

Телевизијата Нова објави, исто така од неофицијални извори, дека патничкиот воз број 2506, кој сообраќал на релација меѓу Винковци и Новска, поминал на црвено светло и со полна брзина налетал на товарниот воз, кој запрел поради дефект.

На фотографиите што ги објави Дневник, се гледа дека патничкиот воз се превртел во несреќата, а медиумот јави дека спасувачите се трудат да ги извлечат преживеаните од згмечените вагони.

На местото на несреќата има голем број полицајци, пожарникари и возила на итната помош, а таму вечерва тргнаа и премиерот и претседателот на Хрватска, Андреј Пленковиќ и Зоран Милановиќ.

Вчера вечер се огласи и државната компанија Хрватски железници, која изрази сочувство до семејствата на загинатите, соопшти дека започнала истрага, но не откри повеќе детали за несреќата.

Балкан

Масовна поддршка за Имамоглу: 15 милиони гласачи на симболични избори по неговото апсење

Published

on

Околу 15 милиони турски граѓани учествуваа на симболичните внатрешни избори организирани од опозициската Републиканска народна партија (ЦХП), изразувајќи поддршка за градоначалникот на Истанбул, Екрем Имамоглу, кој беше уапсен и префрлен во затвор.

Според градската управа на Истанбул, 13,2 милиони гласови биле дадени во знак на солидарност со Имамоглу, кој денеска требаше да биде официјално номиниран како кандидат на партијата за претседателските избори во 2028 година.

Имамоглу ја поздрави оваа поддршка од затворот во Силиври, каде што е притворен заедно со неколку соработници. „Оваа влада ќе добие незаборавна шлаканица од нацијата на следните избори“, изјави тој преку своите соработници.

Неговото апсење, кое опозицијата го смета за политички мотивирано, предизвика масовни протести низ Турција. Во девет градови беа приведени неколку стотици демонстранти, а тензиите меѓу владата и опозицијата продолжуваат да растат.

Continue Reading

Балкан

Судар на два автобуса во центарот на Осиек: 20 патници во болница

Published

on

Во сообраќајна несреќа што утрово се случи во центарот на Осиек, повредени се 20 лица, но за среќа никој не е во животна опасност.

Несреќата се случила околу 6:40 часот на крстосницата на Вуковарска улица и улицата Добриша Цесариќ, кога автобус од линијата Тенја – Чепин удрил во задниот дел на автобус што стоел на семафор.

„Во автобусот кој стоел на семафор имало 10 патници, а во автобусот што удрил имало 20 патници. Дваесет лица се пренесени во КБЦ Осиек, но сите се надвор од животна опасност“, изјави градоначалникот на Осиек, Иван Радиќ.

Возачите на двата автобуса не се повредени. Автобусот што удрил во другиот ќе биде подложен на технички преглед, иако според Радиќ, возилото веќе поминало технички во февруари.

Полицијата сè уште врши увид, а официјални информации за бројот и тежината на повредите се очекуваат во текот на денот.

Continue Reading

Балкан

Политичка криза во Бугарија: „Преродба“ бара пад на Владата!

Published

on

Бугарската партија „Преродба“ поднесе барање за гласање недоверба на владата на Росен Жељазков поради системски неуспех во надворешната политика на земјата, соопшти партијата.

Според партијата, „наместо да го брани националниот интерес, кабинетот слепо ја следи конфронтирачката линија на либералната елита во Брисел, игнорирајќи ја желбата на бугарскиот народ за мир, неутралност и дијалог“.

Под притисок на надворешни сили, Бугарија беше вовлечена во странски геополитички конфликт, без јавна согласност и без стратешка корист за земјата, смета „Преродба“. Партијата додава дека санкциите против Руската Федерација продолжуваат да нанесуваат сериозна штета на бугарската економија, а огромните буџетски средства се пренасочуваат за воена помош наместо за здравство, образование и социјална поддршка. Скандалозна пасивност уследи и по смртта на Бугаринот вработен во ОН Маринов во Појасот Газа – шокантен пример за одбивањето на владејачката партија да го заштити националното достоинство, коментира партијата.

„Преродба“ бара итна оставка на владата и враќање на надворешната политика заснована на националниот суверенитет, стремеж за просперитет на Бугарите и поддршка на секоја мировна иницијатива на меѓународен план, се наведува во соопштението.

Политичката партија додава дека од денеска текстот на гласањето ќе биде достапен во просторијата за пратеничките групи во зградата на Народното собрание за секој што сака да го поддржи со потпишување.

Continue Reading
Advertisement
Advertisement

Трендинг

Copyright © 2024 Булевар.мк