Uncategorized

Бог е поголем од твоите проблеми

Престани да се грижиш. Животот ти зададе удар, а ти седиш и се грижиш. Дали заборави дека Јас сум тука за да го носам цел терет за тебе? Или уживаш во мрчењето кон секоја ситница која ќе ти дојде во животот?

2. Направи список. Нешто треба да се направи или да се погрижиш за нешто. Стави го тоа на списокот. Не, не на твојот список. Стави го тоа на Мојата листа. Дозволи ми Јас да се погрижам за проблемот. Не можам да ти помогнам, се додека тоа не ми го предадеш Мене. Иако Мојата листа е долга, Јас сум на крај на краиштата Бог..

Можам да се погрижам ако било што ставиш во Мои раце. Всушност, за волја на вистината, јас се грижам за многу работи за кои ти воопшто не размислуваш.

3. Верувај ми. Кога еднаш Мене ќе ми го предадеш теретот, престани да се обидуваш повторно да го земаш назад. Верувај ми. Имај верба дека ќе се грижам за сите твои потреби, проблеми и искушенија. Проблем со децата? Стави ги на мојот список. Финансиски проблеми? Емоционален проблем? За Мене, стави ги на Мојата листа…

4. Остави настрана. Немој да се разбудиш едно утро и да кажеш: ‘ Ха, сега се чувствувам посилно, мислам дека можам да излезам на крај со тоа’..Зошто мислиш дека се чувствуваш појак? Едноставно. Ми го предаде својот терет и сега Јас се грижам за тоа. Јас исто така, ја обновувам твојата сила и ти давам мир.

Но, знаеш ли, ако ти ги вратам проблемите назад, ти повторно ќе бидеш на почеток? Остави ги своите проблеми со Мене и заборави на нив. Пушти ме мене да ја работам својата работа.

5. Разговарај со мене. Сакам да заборавиш на многу работи. Заборави она што те излудуваше. Заборави на грижи и искушенија бидејќи знаеш дека јас имам се’ под контрола.

Но, една работа те молам никогаш не заборавај- да разговараш со Мене- Често! Те сакам! Сакам да го слушнам твојот глас. Сакам да бидам вклучен во се’ што се случува во твојот живот. Сакам да слушам за твоите пријатели и семејство. Молитва е едноставен разговор со мене…

6. Имај верба. Од горе, гледам многу работи кои ти не можеш да ги видиш. Имај верба во Мене дека знам што работам. Ќе продолжам да се грижам за тебе, да внимавам на тебе и да ги задоволам твоите потреби. Само треба да Ми веруваш. Иако имам поголема задача од тебе, се чини дека имаш многу проблеми во извршувањето, само на својот едноставен дел. Колку тешко може да биде да Ми веруваш?

7. Дели. Кога имаше 2 год, научи да делиш. Како тоа го заборави? Тоа правило и сега вреди. Дели со оние кои се помалку среќни од тебе. Дели радост со оние, на кои им треба охрабрување. Дели смеа со оние, кои долго не се насмеале. Дели ги своите солзи со оние кои заборавиле како да плачат. Дели верба со оние кои ја немаат.

8. Биди трпелив. Во само еден живот, создадов можност да искусиш различни искуства. Растеш од дете до возрасен човек, имаш деца, многу пати ги менуваш работите, учиш многу работи, патуваш на многу места, сретнуваш многу луѓе и толку многу ќе искусиш. Како тогаш можеш да бидеш толку нетрпелив кога Мене, ако ми е потребно малку повеќе време од она што ти го очекуваш, да го решам твојот ‘проблем’?

Верувај во мојата точност, бидејќи Моето темпирање е совршено. Само затоа што Свемирот го создадов за 6 дена, сите мислат дека Јас секогаш брзам, брзам, брзам….

9. Биди добар. Биди добар кон другите, бидејќи и нив ги сакам подеднакво како што те сакам тебе. Можеби не се како тебе и не го живеат животот на твој начин, но сепак јас сите ве сакам. Те молам, обидете се да се сложувате поради Мене. Секој од вас го создадов различен во нешто. Би било досадно ако сите сте идентични. Те молам, знај дека ја сакам секоја твоја разлика.

10. Сакај се себеси. Така многу те сакам тебе; како можеш тогаш да не се сакаш себе? Те создадов само од една причина – за да бидеш сакан и да знаеш да сакаш. Јас сум Бог на Љубов. Сакај ме. Сакај го ближниот и сакај се себеси. Се растажувам кога ќе те видам тебе како се лутиш на себе, кога работите не одат како што ти очекуваше. Многу си ми драгоцен.. И никогаш тоа немој да го заборавиш..

Uncategorized

Чарлс откри каква е улогата на Британија ако Русија ја нападне Европа

Британскиот крал Чарлс истакна дека Велика Британија и Германија се подготвени да ја поддржат Европа во услови на закана од понатамошна руска агресија. Тој го пофали заедничкиот одбранбен договор со Германија, нарекувајќи го „уникатно партнерство во срцето на НАТО“, јави Скај њуз.

Германскиот претседател Франк-Валтер Штајнмаер, кој е во тридневна државна посета на Обединетото Кралство, изјави дека двете земји работат рамо до рамо за да ја промовираат безбедноста и стабилноста на Европа, со посебна поддршка за Украина. Ова е прва официјална посета на германски лидер на Велика Британија по 27 години.

За време на престојот, Штајнмаер се сретна со британскиот премиер Кир Стармер на тркалезна маса со бизнис лидери, како дел од проект за електрични возила вреден 20 милиони евра, кој ќе отвори 150 работни места во Нортхемптоншир и Оксфордшир. Во јули, двете земји го потпишаа Договорот од Кенсингтон, со кој се зацврстува соработката во прашања како Украина, миграција, економски раст и трговија.

Посетата вклучи церемонијален воен пречек, возење со кралска кочија и положување цвеќе на гробот на кралицата Елизабета Втора во капелата „Свети Ѓорѓи“, а на банкетот во Виндзор кралот Чарлс се пошегува за нивната заедничка љубов кон фудбалот, додавајќи дека „на крајот, Германците победуваат“.

Uncategorized

Сите камери за брзина веќе се мапирани од оваа апликација

Додека проектот „Безбеден град“ е во тест-фаза, возачите ширум земјата веќе ја користат апликацијата Waze за да се прилагодат на новите правила и масовното мерење на брзината. Корисниците го прават ова преку дигитално мапирање на речиси сите камери што мерат брзина.

„Waze“ е навигациска апликација која во реално време прикажува сите релевантни информации за патот. Од вчера, речиси целосната мрежа на камери на „Безбеден град“ е веќе внесена од страна на самите корисници.

Апликацијата нуди:

Прецизна мапа на камери за брзина – фиксни, мобилни и новопоставени. Гласовно предупредување при приближување кон камера. Информации за полиција, радари, работи на пат и метеж, внесени од самите возачи. Автоматско пресметување на најбезбедна рута со прикажување на сите критични точки. Можност за пријавување на нови камери од страна на корисниците, со што мрежата постојано се ажурира.

Возачите ја користат апликацијата за да го следат ограничувањето на брзината, да избегнат ненамерни прекршоци и да добијат предупредување неколку стотини метри пред камера. За многумина, Waze стана единствена гаранција дека нема да бидат „изненадени“ од камерите на „Безбеден град“.

Во првите 48 часа од стартот на тест-фазата, бројот на извештаи за камери на Waze драстично порасна, што покажува дека апликацијата е ефикасно решение за безбедно возење.

Објави: Скопје1.мк

Uncategorized

ВЛЕН: Анкетната комисија мора да ја открие вистината за сите трагични случаи

Коалицијата ВЛЕН целосно го поддржува формирањето на анкетната комисија, нагласувајќи дека со години граѓаните останале без одговори и често биле манипулирани. Според коалицијата, време е оваа пракса конечно да заврши.

Од ВЛЕН посочуваат дека нивниот став отсекогаш бил јасен – потребна е сеопфатна комисија, без селективен пристап и без политички мотиви. Ваква инклузивна комисија, велат од коалицијата, конечно се формира.

Новоформираната комисија ќе ги разгледа сите тешки и чувствителни случаи што со години ја потресуваа државата: трагедиите со „Дурмо Турс“ и „Беса Транс“, пожарот во модуларната болница во Тетово, како и несреќата во Кочани. Само целосен пристап, оценуваат од ВЛЕН, може да ги открие институционалните пропусти што чинеле човечки животи.

Коалицијата очекува комисијата да укаже не само на индивидуалните грешки, туку и на длабоко вкоренетите модели на лошо управување кои овозможиле низа трагедии низ годините. Според ВЛЕН, откривањето на вистината е првиот чекор кон справување со системските слабости и враќање на довербата на граѓаните.